Şöbə haqqında ümumi məlumatt

1923-cü ildən Komplektləşdirmə şöbəsinin nəzdində bölmə kimi fəaliyət göstərmiş Xarici ədəbiyyat və beynəlxalq kitab mübadiləsi şöbəsi 1965-ci ildən müstəqil şöbə kimi fəaliyyət göstərir. Kompleks xarakterli şöbədir.

1965-ci ilə qədər şöbənin fondunda 130 012 nüsxə ədəbiyyat olmuşdur. Hazırda şöbənin ingilis, alman, fransız, şərq və başqa dillər fondunda 301141-dən artıq ədəbiyyat var. Burada 40-a yaxın dildə kitab, jurnal toplanmışdır.

Şöbəyə ədəbiyyat müxtəlif mənbələr vasitəsilə: BMT, BKM, UNESKO, müxtəlif nəşriyyatlar, səfirliklər, sərgilər, hədiyyələr və respublika kitab mağazalarından alınan kitablar və b. mənbələrdən daxil olur. Xarici ədəbiyyat və beynəlxalq kitab mübadiləsi şöbəsi 1994-cü ildən BMT-nin və ATƏT-in ehtiyat kitabxanası sayılır. Bu təşkilatlardan alınan qiymətli nəşrlər kitabxana qaydası ilə işlənir və çoxsaylı oxucuların istifadəsinə təqdim olunur .

Şöbənin 20 nəfərlik oxu zalında müxtəlif dillər üzrə 3000 nüsxə ədəbiyyat toplanmışdır. Kataloqlar xarici ədəbiyyat şöbəsinin oxu zalında yerləşir.
Strukturu

Beynəlxalq kitab mübadiləsi bölməsi

Oxu zalı bölməsi

Vəzifələri

Azərbaycan müəlliflərinin xarici ölkələrdə çap olunan əsərlərini və Azərbaycanla əlaqədar olaraq nəşr olunmuş ədəbiyyatı toplamaq.

Fəaliyyət istiqamətləri

1965-ci ildən Beynəlxalq kitab mübadiləsi (BKM) ilə məşğul olur.

BKM-si aparmaq üçün ölkədaxili kitab mübadiləsi şöbəsinin nəzdində respublikada çap olunan ədəbiyyatın ehtiyat mübadilə fondunu yaradır;

Şöbəyə daxil olan ədəbiyyat kitabxana qaydası ilə işlənir, “Azərbaycan xarici mətbuatda” kartotekasında əks olunur. Şöbə kitabxanada xarici dil öyrənənlərə lazımi köməklik göstərir.

Şöbə ABŞ Konqres kitabxanası, Türkiyə Milli, Rusiya Dövlət kitabxanası ilə biblioqrafik yazı mübadiləsi aparır..