Şöbə haqqında ümumi məlumatt
Elmi-tədqiqat və metodik təminat şöbəsi 2019-cu ildə
Kitabxanaların metodik təminatı şöbəsi ilə Kitabxanaşünaslıq
elmi-tədqiqat şöbəsinin bazası əsasında yaradılmışdır.
Strukturu
Elmi-tədqiqat bölməsi
Kitabxanaların fəaliyyətinin metodik təminatı bölməsi
Vəzifələri
Elmi-tədqiqat bölməsi:
Kitabxana istifadəçilərinin informasiya tələbatçıları kimi
öyrənilməsi, istifadəçilərə kitabxana xidmətinin təşkili və
həyata keçirilməsi, kitab fondunun tərkibi, onun istifadəsi və
oxucu tələbatına uyğunluğunun öyrənilməsi,
informasiya-biblioqrafik resursların inkişafı, onların
istifadəsinin effektiv öyrənilməsi, kitabxananın kadr
resurslarının araşdırılması, respublikanın digər
kitabxanalarının qarşılıqlı əlaqə məsələlərinin öyrənilməsi,
bütövlükdə, həm kitabxananın, həm də ayrı-ayrı struktur
yarımbölmələrində işin keyfiyyətini müəyyənləşdirmək məqsədilə
elmi tədqiqatların aparılması;
Müxtəlif istiqamətlərdə mövcud problemləri müəyyən etmək, təhlil
etmək və bununla bağlı aparılmış tədqiqatların nəticələrini elmi
məqalə və məruzə şəklində həm yerli, həm xarici dövri elmi
nəşrlərdə və konfrans materiallarında dərc etmək.
Kitabxanaların fəaliyyətinin metodik təminatı bölməsi:
Kitabxana-informasiya sahəsində yeni texnologiyaların tətbiqi və
istifadəsi nəticəsində müasir- infrastrukturun yaradılması,
kitabxana fondlarının zənginləşdirilməsi, onların mühafizəsi və
təhlükəsizliyinin təmin edilməsi, əhalinin intellektual
potensialının və bilik səviyyəsinin inkişafı üçün şəraitin
yaradılmasını təmin etmək məqsədilə respublikada idarə
tabeçiliyindən və növündən asılı olmayaraq bütün kitabxanalara
metodik mərkəz kimi tövsiyələr vermək;
Rayon və şəhər kitabxanalarının fəaliyyətinin
yaxşılaşdırılmasına, kitabxana proseslərinin
avtomatlaşdırılmasına, elektron kitabxanaların və elektron
kataloqun yaradılmasına və onlardan istifadənin təşkilinə,
xidmət prosesində internetin axtarış sistemlərindən istifadəyə
dair metodik köməklik göstərmək, qabaqcıl təcrübənin region
kitabxanaları arasında yayılmasını təmin etmək;
Respublikanın və xarici ölkələrin qabaqcıl kitabxanalarının iş
təcrübəsini öyrənib yerlərdə və Bakı şəhərində yerləşən
kitabxanalarda təbliğ etmək;
Yeni texniki vasitələrin kitabxana işinə tətbiqi ilə əlaqədar
kitabxana işinin aktual problemlərinə, bu və ya digər
məsələlərinə dair metodik vəsaitləri, tövsiyələri hazırlayıb
nəşr etmək;
İl ərzində respublikanın şəhər və rayon kitabxanalarının
fəaliyyətini yaxşılaşdırmaq məqsədilə ezamiyyələr təşkil etmək.
Fəaliyyət istiqamətləri
Elmi-tədqiqat bölməsi:
Kitabxana-informasiya sahəsini araşdırmaq məqsədi ilə sosioloji
sorğular təşkil və tətbiq edir.
Kitabxanaşünaslıq, biblioqrafiyaşünaslıq və kitabşünaslıq
məsələlərinə dair materiallar məcmuəsi - “Azərbaycan Milli
Kitabxanasının Elmi Əsərləri”ni hazırlayır və nəşr edir.
Tədqiqat işi və iş planı Elmi Şurada müzakirə edilərək, Şuranın
təsdiqindən sonra tədqiqat işi təcrübədə tətbiqə keçirilir.
Aparılan tədqiqatların nəticələri çap edilir.
Kitabxanaların fəaliyyətinin metodik təminatı bölməsi:
Aktual mövzularda, əlamətdar və tarixi günlər, görkəmli
şəxslərin yubileylərilə bağlı metodik vəsaitlər və daycestlər
hazırlayaraq ölkə kitabxanalarına təqdim edir;
Regionlarda fəaliyyət göstərən kitabxana əməkdaşlarına müasir
kitabxana işinin təşkili istiqamətində metodik köməklik göstərir;
Milli Kitabxananın elektron saytında aktiv olan “Onlayn Metodiki
Xidmət” vasitəsilə də kitabxana işi ilə bağlı sorğular ətrafında
metodik köməklik edilir;
Regionlarda fəaliyyət göstərən kitabxana əməkdaşlarına ALİSA
proqramında sərbəst işləyə bilmələri üçün onlayn treninqlər
keçirilir.
