Şöbə haqqında ümumi məlumatt

M. F. Axundov adına Azərbaycan Milli Kitabxanasının nəzdində 2005-ci ildən başlayaraq layihə çərçivəsində milli ədəbiyyatın elektron kataloqunun yaradılması işinə başlanılmışdır. 2006-cı ilin fevral ayından isə Elektron axtarış sistemlərinin inkişafı şöbəsi müstəqil struktur kimi fəaliyyət göstərir. Şöbə kitabxanaya daxil olan Azərbaycan və xarici dillərdə olan cari ədəbiyyatın, Elektron kitabxananın inkişafi şöbəsinin hazırladığı tam mətnli sənədlərin və elektron daşıyıcıların, Not nəşrləri və səsyazmaları şöbəsindən alınan əlyazma notların, Azərbaycan ədəbiyyatının arxivi şöbəsində olan ədəbiyyatın və kitabxananın fondunda olan ədəbiyyatın elektron kataloqunun yaradılması işini həyata keçirir.

Vəzifələri:
• Ədəbiyyatın biblioqrafik yazılarının tərtib edilməsi;
• Ədəbiyyata KBT cədvəlləri üzrə indeks və Azərbaycan Milli Kitabxanasının (AMK) predmet rubrikalarının verilməsiı;
• Biblioqrafik yazılarının redaktəsi;
• Tərtib olunmuş biblioqrafik yazıların məlumat bazasına daxil edilməsi;
• LDMS proqramı vasitəsilə ənənəvi kartoçkaların printerdən çıxardılıb redaktə edilməsi;
• Fərdi müəllif adlarının Nüfuzlu / normativ fayllarınnın yaradılması və redaktə edilməsi;
• Biblioqrafik yazılarda predmet rubrikalarının redaktəsi;
• Məlumat bazasında avtoreferat və dissertasiyaların biblioqrafik yazılarının redaktəsi.

Şöbə məlumat bazasına ədəbiyyatın aşağıdakı növlərini daxil edir:
• Monoqrafiyaları;
• Monoqrafik seriyaları;
• Dissertasiyaları;
• Dissertasiyaların avtoreferatlarını;
• Kartoqrafiya materiallarını;
• Not-musiqi nəşrlərini;
• Elektron resursları.

Fəaliyyətinin əsas istiqamətləri:
Şöbə elektron kataloqda biblioqrafik yazıları VTLS sistemində VİRTUA proqram təminatında, MARC21 formatında təqdim edir. Məlumat bazası yaradıldıqda ən yeni biblioqrafik nəşrlərdən istifadə olunur ki, bu da təsvirin tam dolğun şəkildə aparılmasına imkan verir. Biblioqrafik yazılar AACR2-yə uyğun 2013-cü ildə təsdiq olunmuş Milli Standart olan vahid biblioqrafik təsvir qaydası əsasında tərtib olunur. Biblioqrafik yazılar əsas biblioqrafik məlumatları: adlar başlığını, təşkilatların adlarını və unifikasiya sərlövhələrini, nəşr haqqında məlumatları, buraxılış məlumatlarını, fiziki xüsusiyyətləri, həmçinin elmi kitabxanalar üçün KBT cədvəllərinin tam nəşrinin təsnifat indekslərini və Azərbaycan Milli Kitabxanasının (AMK) predmet rubrikalarını, İSBN-i, qiymətini, tirajını və bundan əlavə nüsxələrin sayı və həmin nüsxələrin yerləşdiyi yer haqqında kodlaşdırılmış məlumatları, tam mətnli sənədlər haqqında məlumatı və ünvanı da biblioqrafik təsvirə ehtiva edərək, elektron kataloq vasitəsilə oxucu sorğusuna tam və dolğun şəkildə cavab verir.