Nəsir müəllimin o illərdə qələmə aldığı  məsələlər bu gün də aktualdır.  Onun fəaliyyəti jurnalistika fakultəsində geniş tədris olunmalıdır.

                                                 ƏBÜLFƏS  QARAYEV,

Azərbaycan Respublikasının

Mədəniyyət və Turizm naziri

Nəşr olunduğu lk gündən elm, sənət adamlarını, cavan istedadları başına toplayan “Bakı” qəzeti xoş məramlı, ideyası çevik, operativ, peşəkar yazıları, məlumatları ilə Nəsir müəllimim mənəi aləminə ayna olmuşdu.

BƏKİR NƏBİYEV,

 Akademik

Nəsir müəllimin vətənpərvər olmasının kökü onun qanında idi.

BUDAQ BUQAQOV,

 Akademik

Nəsir müəllim gözəl bir ata, qayğıkeş valideyn və ailə başçısı idi.

FUAD QASIMZADƏ,

 Akademik

Sözün əsl mənasında yetim-yesir atası Nəsir müəllim işdə çox tələbkar, həyatda öz işçilərinin qayğısına qalan, onların çətinliklərini həll edən, ehtiyaclarını təmin edən bir insan idi.

VASİM MƏMMƏDƏLİYEV,

AMEA-nın müxbir üzvü,

Əməkdar elm xadimi

Bəli, Nəsir müəllim jurnalistikada yeni bir məktəb – “Nəsir İmanquliyev məktəbi” yaratmışdı.

AKİF  ƏLİZADƏ,

 Akademik

“Bakı” qəzeti nəinki Azərbaycan mətbuatında, bütövlükdə götürdükdə mədəniyyət  tariximizdə böyük hadisə idi, bu nəşr sadəcə bir qəzet deyil, əksinə, ölkəmizdə ilk şəhər qəzeti olaraq böyük şəhər mədəniyyətimizin təcəssümü, əksi idi.

AKİF  HACIYEV,

 Akademik

Nəsir İmanquliyev peşəkar jurnalist olmaqla yanaşı, həm də böyük alim, gözəl tərcüməçi idi.

ARİF  MEHDİYEV,

 Akademik

İllərin arxasında qalaraq xatirəyə çevrilən o günlərə qayıdıb Nəsir müəllimim həmişə parlaq, xoş və gülümsər çöhrəsini, yaddaşımıza əbədi həkk olan nəsihətlərini xatırlayanda bu gözəl insanın cismani yoxluğuna təəssüflənir, onu minnətdarlıqla xatırlayaraq deyirəm ki, Nəsir müəllim bizə sadə, mənalı, gözəl yazmağı öyrətmişdi.

AZAD NƏBİYEV,

Azərbaycan Milli Elmlər

Akademiyasınıln

müxbir üzvü

Mən cəsarətlə deyə bilərəm ki, professor Nəsir İmanquliyev böyük jurnalistlər ordusunun müəllimi idi və onun yaratdığı, bizə irs olaraq qoyub getdiyi ədəbi-publisist  məktəb yaşayır,  Nəsir müəllim jurnalistikasının gözəl ənənələri müstəqillik əldə etmiş suveren Azərbaycanımızın mədəni quruculuq işlərində yenə də yaxından iştirak edir.

İZZƏT RÜSTƏMOV,

 Fəlsəfə elmləri doktoru,

professor

Nəsir müəllim adının mənası ilə (”Nəsir” ərəbcədən tərcümədə “kömək edən” deməkdir) əməlləri arasında qəribə bir uyğunluq vardı.

NƏSİR ƏHMƏDLİ,

Bakı Dövlət Universitetinin beynəlxalq

 jurnalistika kafedrasının dosenti

Olduqca  təvazökar, sadə, səmimi, insanlara qayğı və məhəbbətlə yanaşan, böyüklə böyük, kiçiklə  kiçik olmağı bacaran, insanlar arasında fərq qoymayan, tələbələrin belə, istək və arzularını canla-başla həyata keçirən, cavanların qeydinə qalan bir şəxsiyyət, sözün əsl mənasında böyük insan idi.

ABUZƏR XƏLƏFOV,

 Əməkdar elm xadimi

Bu adam o zamanlar çoxunda olmayan cəsarətin simvolu idi.

BƏXTİYAR VAHABZADƏ,

 Xalq şairi

Biz – o dövrün “Bakı”lıları sonralar müstəqil vəzifələrdə çalışanda, hər yerdə qürürla “Nəsir müəllimin yetirmələriyik” demişik.

CABİR NOVRUZ,

 Xalq şairi

O, mənim könül dostum, arxa-dayağım, yer üzündə  təmənnasızlıq,  xeyirxahlıq nümunəsi kimi tanıdığım, kübarlığı, müdrikliyi ilə öyündüyüm ən yaxın adamım idi.

NƏBİ XƏZRİ,

 Xalq şairi

Nəsir İmanquliyev öz fədakarlığına, əməksevərliyinə, təşəbbüskarlığına və təəssübkeşliyinə görə Mətbuat Abidəsidir.

NƏRİMAN HƏSƏNZADƏ,

Xalq şairi

Tədbirli,  hər işin yerini bilən, sözünü vaxtında deyən, hər sahədə, hər işdə mövqe nümayiş etdirməyi bacaran bütöv şəxsiyət Nəsir İmanquliyev qılınc kimi kəsərli sözü sevirdi.

SABİR RÜSTƏMXANLI,

 Xalq şairi

50-ci illərdən sonrakı quruculuq tarixini, intibah mərhələsini  məhz iki dildə şəhər sakinlərinin görüşünə gələn “Bakı” qəzeti və onun memarı, peşəkar jurnalist, ictimai xadim, pedaqoq, kübarlıq, zadəganlıq nümünəsi olan Nısir İmanquliyev yazdı.

OQTAY MİRQASIMOV,

 Xalq artisti

Nəsir müəllim bütün insani keyfiyyətləri, güclü xarakteri, zəngin mənəvi aləmi ilə böyük istəyə layiq ziyalı, əsl vətəndaş idi.

ZEYNƏB XANLAROVA,

 Xalq artisti