Qobustanda çox nadir tarixi və memarlıq abidələrinə rast gəlmək mümkündür. Diri Baba türbəsi, Şərar nekropolu, Qədirtəpə kurqanı, Cavanşir qalası, Pir Xanəgahı, mağaralar, məscidlər, qədim yaşayış yerləri, köhnə qəbirstanlıqlar və başqaları bunlara misal ola bilər.

Diri Baba türbəsiDiri Baba türbəsi - Qobustan şəhərinin şərqində, Bakı-Şamaxı ticarət yolunun üzərində, Ceyrankeçməz çayının mənbəyi və Ala daş dağının ətəyində yerləşir Diri Baba türbəsi. Türbə ikimərtəbəlidir. Ağ əhəng daşından tikilmişdir. Yerdən təxminən 10-12 metr hündürlükdədir. 1402-ci ildə inşa olunmuşdur.

XVI-XVII əsrdən günümüzə kimi bir çox səyyah, şərqşünas, alim və ziyalılar – A.Oleari, B. Dorin, İ.Bartolemey, Pazuxin qardaşları, O.Deminski, E.Çələbi, V.Sisoyev, Y. Poxomov, S.Aşurbəyli, Q.Hüseynzadə, H.Ciddi, S.Kərimzadə, Ə.Salamzadə, Z. Bünyadov və başqaları bu möhtəşəm, indinin özündə də sal daş qayaya söykənib əzəmətli duruşu ilə insanları heyrətləndirən, tarixlər şahidi türbə haqqında tədqiqatlar aparmış və ya müxtəlif fikir mülahizələr söyləmişlər.

Diri Baba Türbəsi bu gün də öz möhtəşəmliyi, əzəməti ilə yerli və xarici turistlərin marağına səbəb olur.

Başıbağlı qalasıBaşıbağlı qalası – Bu abidə Dağ Kolanı kəndi ərazisində, keçmiş ticarət yolunun yaxınlığında hündür bir təpədə yerləşir. Həmin təpə qala divarları ilə əhatə olunmuşdur. Qalanın qalıqları indi də mövcuddur. Arxeoloqlar vaxtı ilə bu ərazidə tədqiqatlar aparmış, müxtəlif əşya – maddi mədəniyyət nümunələri əldə etmişlər. Həmin nümunələr əsasında belə qərara gəlmişlər ki, gözətçi məntəqəsi olmuş bu istehkam, təxminən III-VII əsrlərdə mövcud olmuşdur.

Gavur qalası – Cəyirli kəndinin cənubunda, Bakı-Şamaxı şosse yolundan 500-600 metr şimalda, kiçik dağın yamacında yerləşir. Qalanın dairəvi şəkildə olan özülü bilinir, aydın olur ki, qala vaxtilə yerli, yonulmamış iri qaya daşlardan inşa edilmişdir. Abidə bir növ gözətçi məntəqəsini xatırladır.

Şəhidlər günbəziŞəhidlər günbəzi – Nabur kəndi ərazisində olan abidələlərdən biridir. Abidə kəndin şimal tərəfdən girəcəyində yerləşir. Abidə VII əsrə aid edilir.

Qobustan mağaraları – Qobustan şəhərinin cənubunda, sal qayada üç mağara vardır. Mağaralara qayanın təxminən, adam boyundan xeyli hündür olan “qapılarından” girmək mümkündür.

Qoşa mağara: - Qayanın şərqində yerləşir. Iki böyük zaldan ibarətdir.

Qaranlıq mağara: - İki böyük “zal”, “eyvan”, “pəncərə”dən ibarətdir. Otaqlarda şam və ya digər məişət əşyaları qoyulan yerlər aydın görünür.

Peyğəmbər mağarası: - Ortada böyk zal, sol tərəfdə kiçik otaq, çay tərəfdə görünən “pəncərə”dən ibarətdir.