Yüksək fitri istedad tək-tək şəxsiyyətlərə qismət olur. Söhbət şöhrətli alim, böyük ictimai xadim, dəyərli insan, akademik Ramiz Mehdiyevdən gedir. Mən Ramiz Ənvər oğlu Mehdiyevi 60-cı illərdən, hələ sovet dövründə respublika komsomolunda onunla birgə çalışdığımız vaxtdan tanıyıram. Mübaliğəsiz deyə bilərəm ki, Ramiz Mehdiyev olduqca çətin, mürəkkəb və keşməkeşli həyat yolu keçmişdir. Fəlsəfə elminə hədsiz həvəs göstərən Ramiz Ənvər oğlu həyatı boyu elmi axtarışlarda olmuş və yeni-yeni nailiyyətləri ilə həmişə elmi ictimaiyyətimizi sevindirmişdir. Fərəhli haldır ki, bu gün Ramiz Mehdiyev ölkəmizdə fəlsəfə elminin canlı klassiklərindən biridir. O, bu elmin aparıcı siması olub akademiklik zirvəsinə ucalmışdır. Onun fəlsəfə sahəsindəki çox qiymətli və dəyərli kitabları filosof-alimlərin hədsiz marağına səbəb olmuşdur. Ramiz Mehdiyevin əsərlərində bugünkü demokratik cəmiyyətdən, bu cəmiyyətdə gedən ictimai proseslərin mahiyyətindən, ulu öndər Heydər Əliyevin zəngin irsinin araşdırılmasından və Azərbaycanda dövlət quruculuğunun mühüm məsələlərindən bəhs edilir. Onun elmi yaradıcılığında ölkəmizin demokratiya yolunda əldə etdiyi nailiyyətlər, iqtisadiyyatmızın bugünkü yüksək inkişaf səviyyəsi, islahatlann həyata keçirilməsi məsələləri mühüm yer tutur. Bugünkü təhsilimizin inkişaf yolları, savadlı gənc nəslin yetişdirilməsi, yüksək səviyyəli kadrların hazırlanması məsələləri də alimin diqqətindən kənarda qalmır. Sevindirici haldır ki, dünyanın bir çox görkəmli mütəxəssisləri akademik Ramiz Mehdiyevin əsərlərində qaldırılan problemlərə öz münasibətlərini bildirmiş və onları yüksək qiymətləndirmişlər.

Akademik Ramiz Mehdiyev uzun illərdir Azərbaycan Respublikası Prezidenti Administrasiyasının rəhbəri kimi çox məsul vəzifədə çalışır. Onun bilavasitə rəhbərliyi ilə respublikamızdaHeydər Əliyev məktəbinin ən sadiq tanınmış nümayəndələrindən biri olan Ramiz Mehdiyev müstəqillik illərində dövlətçiliyin qurulması və inkişafında böyük xidmətləri vardır.

Akademik Ramiz Mehdiyev olduqca işgüzar, zəhmətsevər, yorulmaq bilməyən bir insandır. Onun fikri daim elmi axtarışlarda, qəlbi isə Vətənimizin tərəqqisi, yüksəlişi və azadlığı arzusu ilə döyünməkdədir. Görkəmli fılosof-alim, dövlət xadimi, yüksək fitri istedad sahibi akademik Ramiz Mehdiyev həm də olduqca sadə təbiətli, səmimi, yüksək insani keyfiyyətlərə malik, mübariz bir şəxsiyyətdir.

“Əvət! Ancaq mübarizə mənlik verir hər millətə,

Nəşə sərpən yalnız odur hər şəxsə, hər cəmiyyətə

Hər yurdu çatdıran odur özlədiyi səadətə,

Odur ancaq qovuşduran insanları məhəbbətə!”

 “Qərbə səyahət” (Hüseyn Cavid)

Akademik Ramiz Mehdiyevə dövlətimizin, elmimizin şərəfli yollarında və tutduğu məsul vəzifədə yeni-yeni uğurlar arzulayıram..

Akif ƏLİZADƏ,

akademik

Yüksək zəka sahibi, təcrübəli siyasət adamı, dövlət xadimi, ən başlıcası isə, dövlətin siyasi gələcəyini çox aydın şəkildə təsəvvür və təhlil edən strateq kimi akademik Ramiz Mehdiyev öz elmi fəaliyyəti ilə ölkədə ümumi prioritetlər sisteminin formalaşmasına əsaslı təsir göstərir.

Əsərlərində respublikamızda demokratik proseslərin sürətləndirilməsini şərtləndirən sosial-siyasi və iqtisadi amilləri diqqətə çəkən, vətəndaş cəmiyyətinin formalaşdırılması məqsədinə hesablanmış islahatlardan söhbət açan, uzunmüddətli dövlət idarəçiliyində topladığı zəngin təcrübə və peşəkarlığa əsaslanaraq, dövlətçiliyin inkişafı ilə bağlı taleyüklü fikirlər söyləyən akademik şərəfli bir missiyanın daşıyıcısı olduğunu bir daha sübut etmiş olur. Görkəmli filosof-alim Ramiz Mehdiyev Azərbaycanda dövlət quruculuğu işlərinin nəzəri əsaslarının formalaşdırılması, qazanılan təcrübənin elmi nəzəriyyəyə transformasiya edilməsi istiqamətində ciddi işlər görərək, cəmiyyətin müsbət ruhda köklənməsinə və milli ideallar uğrunda səfərbər olunmasına nail olur, milli təəssübkeşliyini təcəssüm etdirir.

Mahmud KƏRİMOV,

akademik

Ümummilli lider Heydər Əliyev tərəfindən ölkəmizin inkişafı naminə müəyyənləşdirilən uzaqhədəfli, düşünülmüş siyasətin Prezident cənab İlham Əliyevin səyləri nəticəsində uğurla həyata keçirildiyi bir vaxtda nəzəri cəhətdən əsaslandırılmış fundamental strategiyaya ehtiyac daha da artır. Bu sahədə ən önəmli, konkret iş görən, Azərbaycanın gələcək tərəqqisinə hesablanmış tədqiqatlar aparan fəlsəfə elmləri doktoru, akademik Ramiz Mehdiyevdir. О, uzun illərdən bəri rəhbər vəzifələrdə çalışmaqla dövlət idarəçiliyi sahəsində çox böyük təcrübə toplamışdır. Bu təcrübə uzaqgörən bir dövlət xadimi, bir alim kimi ona ölkəmizin gələcək inkişaf strategiyası haqqında çox dəqiq fikirlər irəli sürməyə imkan verir. Akademik ölkəmizin perspektivini modernləşmədə, qabaqcıl dünyəvi dəyərləri mənimsəməkdə, bununla yanaşı, milli irsi qorumaqda və yaşatmaqda görür. Alimin Azərbaycanın gələcəyi ilə bağlı apardığı fəlsəfi və iqtisadi təhlilləri, novator düşüncələri, əsaslı proqnozları, konseptual qiymətləndirmələri dərin elmi əsaslandırmaya söykənir. O, hərtərəfli elmi axtarışlar aparmaq, dünya təcrübəsini öyrənmək, yer üzündə baş verən qlobal prosesləri izləməklə özünün həm nəzəri, həm də əməli müddəalarını müəyyən etmişdir. Onun çıxardığı nəzəri nəticələr milli zəminə əsaslanır, Azərbaycanda fəlsəfi fikrin inkişafına xidmət edir.

Prezident Administrasiyasının rəhbəri Ramiz Mehdiyev həm də yüksək intellektli, zəngin erudisiyalı alim, filosofdur. Onun Azərbaycan dövlətinin və cəmiyyətinin inkişafına aid elmi monoqrafiyaları və əsərləri həm də dövlətimizin başçısı cənab İlham Əliyevin siyasətinin həyata keçirilməsinə xidmət edir.

Arif MEHDİYEV,

akademik

Akademik Ramiz Mehdiyevi mən hələ keçən əsrin 70-ci illərindən, onu Azərbaycan Dövlət Universitetinin (indiki BDU) sayılıb-seçilən gənc alimlərindən və ali məktəbin nüfuzlu müəllimlərindən biri kimi tanımışam. Sonralar o, filosof alim və bacarıqlı təşkilatçı kimi dövlət idarələrində işləməyə cəlb edildi. Lakin cənab Mehdiyev əmək fəaliyyətinin mühüm tərəflərindən birini təşkil edən elmə olan böyük həvəsindən heç zaman uzaqlaşmamışdır. Hətta xalqımızın dövlət müstəqilliyini bərpa etdiyi ilk illərdə elm aləminə göstərilən biganəlik və soyuq münasibət şəraitində belə o, sevdiyi peşəsinə sadiq qalaraq, Azərbaycan Elmlər Akademiyasında tədqiqatlarını səylə davam etdirmişdir.

 Görkəmli alim akademik R.Mehdiyevin elmi maraqları xeyli geniş olmaqla, həm də dərin düşündürücüdür. Fəlsəfə elminin mühüm, ümumbəşəri problemləri ilə bərabər, onun tədqiqatlarında müstəqil Azərbaycan həyatının bütün sahələrində həlledici əhəmiyyət daşıyan məsələlər, xüsusən ölkəmizin hərtərəfli inkişafında qazanılan misli görünməmiş nailiyyətlərin əldə edilməsində dövlət siyasətinin aparılmasında elmi yanaşmanın daxili məzmunu, beynəlxalq aləmdə yaranan hər cür şəraitə uyğun Azərbaycanın milli maraqlara cavab verən tarazlaşdırılmış mövqeyinin, Qarabağ münaqişəsinin meydana gəlməsinin əsl mahiyyətinin düzgün şərh edilməsi mühüm yer tutur. Müstəqil Azərbaycanın həyatı üçün vacib olan problemlərin ətraflı tədqiqi, о cümlədən hüquqi, demokratik dövlət quruculuğu məsələləri, millətlərarası münasibətlər və onların səmərəli inkişaf yollarının müəyyən edilməsi, ölkəmizdə sabit və ardıcıl quruculuq mühitinin qorunması və möhkəmləndirilməsi və sair akademik R.Mehdiyevin tədqiqatlarının diqqət mərkəzindədir.

Akademik R.Mehdiyevin elmi yaradıcılığından danışarkən, ilk növbədə, onun tədqiqat metodlarına xas olan bir cəhət diqqəti daha çox cəlb edir. Bəzi tədqiqatçılardan fərqli olaraq, Ramiz müəllim müstəqil Azərbaycanın ictimai-siyasi və sosial-iqtisadi həyatında baş verən dəyişikliklərin təkcə nəticələrini araşdırmaqla məhdudlaşmır, eyni zamanda, onların köklü səbəblərinin dərin elmi təhlilini verərək, əsl mahiyyətini üzə çıxarır. Bununla daakademik özünün tədqiqatlarında ulu öndər Heydər Əliyevin millətin taleyi üçün həyati əhəmiyyət daşıyan, müdrik və uzaqgörən siyasətinin əsaslarını açıb göstərir. Ölkənin bu günü və gələcəyinə hesablanan bu xətti layiqincə və yaradıcı şəkildə həyata keçirən Prezident İlham Əliyevin daxili və xarici siyasətinin mahiyyətini, əsas istiqamətlərini dərinliyi ilə qiymətləndirir. Çox əlamətdardır ki, akademik R.Mehdiyevin monoqrafiyaları və kitabları ilə yanaşı, kütləvi mətbuat səhifələrində dərc etdirdiyi irihəcmli məqalələri istər olkə daxilində, istərsə də dünyada geniş marağa səbəb olur. Təsadüfi deyil ki, onun yeni cəmiyyət quruculuğu sahəsində apardığı tədqiqatlardan irəli gələn nəzəri fıkirləri və mülahizələri ölkə ictimaiyyəti tərəfindən layiqincə qiymətləndirilir və geniş müzakirə mövzusuna çevrilir. Alimin cəmiyyətimizdə kamil və vətənpərvər insanların təşəkkülünə verdiyi töhfələr əvəzsiz və tədqirəlayiqdir.

Asəf NADİROV,

akademik

AMEA-nın həqiqi üzvü Ramiz Ənvər oğlu Mehdiyev son on ildə nəşr etdirdiyi fundamental tədqiqatları ilə ölkəmizdə fəlsəfi və ictimai-siyasi fikir tarixinin yeni inkişaf mərhələsinin əsasını qoymuşdur. Onun “Azərbaycanın inkişaf dialektikası” monoqrafiyasından başlamış “Demokratiya yolunda:irs haqqında düşünərkən” kitabına qədər bir sıra sanballı əsərləri, son vaxtlarda dövri mətbuatda nəşr edilmiş və elmi problemlərə yeni yanaşma keyfiyyətləri ilə seçilən qiymətli məqalələri ölkəmizdə təkcə fəlsəfənin yox, bütünlükdə humanitar elmlərin inkişafında çox əhəmiyyətli hadisədir.

Milli tariximizin ən əlamətdar mərhələsi olan müstəqil Azərbaycan dövlətinin əsası ümummilli liderimiz Heydər Əliyev tərəfindən qoyulmuş yeni azərbaycançılıq və dövlətçilik məfkurəsinin elmi-fəlsəfi, ictimai-siyasi mahiyyətinin açılıb ümumiləşdirilməsində akademik Ramiz Ənvər oğlu Mehdiyevin böyük xidmətləri vardır. Bu gün alim möhtərəm Prezidentimiz cənab İlham Əliyevin çox böyük müvəffəqiyyətlə həyata keçirdiyi vüsətlisosial-iqtisadi islahatların, Azərbaycanın yaşadığımız mürəkkəb zamanın tələbləri əsasında tərəqqisinin nəzəri-fəlsəfi məqamlarının işlənib hazırlanmasına rəhbərlik edir. Mən həm bu sahədə, həm də yeni fundamental elmi araşdırmalar sahəsində Ramiz müəllimin bundan sonra da səmərəli çalışacağına ürəkdən inanır və ona yeni yaradıcılıq uğurları arzulayıram.

Akademik Ramiz Mehdiyevin əsərləri həm də qaldırılan problemlərin çoxşaxəliliyi və müzakirəyə çıxarılan ideyaların zənginliyi baxımından tədqiqatçılar üçün yeni tezislər müəyyənləşdirir və maraqlı araşdırmalara yol açır. Akademik Ramiz Mehdiyevin milli ruh və qlobal düşüncəyə xas olan yaradıcılığını, mübaliğəsiz olaraq, müasir azərbaycanşünaslığın ünvanı kimi səciyyələndirmək olar.

Əli HƏSƏNOV,

tarix elmləri doktoru, professor

Elmi ictimaiyyətimizdə dərin nəzəri biliyə, zəngin təcrübəyə, analitik təfəkkürə malik alim və kamil şəxsiyyət kimi tanınan Ramiz Ənvər oğlu Mehdiyev “Azərbaycanın inkişaf dialektikası”, “Vətəndaş cəmiyyətinə yol açan ideyalar”, “Milli məfkurə, dövlətçilik, müstəqillik yolu ilə”, “2005-ci il parlament seçkiləri: ilkin təhlil (mülahizələr, nəticələr və proqnozlar)”, “Azərbaycan: qloballaşma dövrünün tələbləri (keçmişin dərsləri, bu günün reallıqları və gələcəyin perspektivləri)” və “XXI əsrdə milli dövlətçilik” adlı fundamental monoqrafiyalarında respublikanın keçdiyi inkişaf yolu dərin fəlsəfi təfəkkür süzgəcindən keçirilərək geniş təhlil edilir, ictimai-siyasi həyatımızın vacib məsələləri ətraflı şərh olunur. Əsərlərdə söylənilən fikirlər, verilən şərhlər Azərbaycanın XX əsrdə və xüsusilə də son 30 ildəki inkişafının müxtəlif sahələrini əhatə edir. Bu fikirlər Azərbaycanın indiki inkişaf mərhələsi üçün də çox qiymətli və əhəmiyyətlidir.

Ramiz Mehdiyevin “Elimizin və dövlətimizin xilaskarı”, “Ümummilli lider, tarixin sınağı və həqiqət anı”, “Heydər Əliyev və müstəqil Azərbaycan dövlətinin qurulması prosesi”, “Müstəqil Azərbaycan dövlətinin memarı”, “Tariximizin Heydər Əliyev dövrü”, “Azərbaycan tərəqqi və azadlıq yolunda (1969-1999)”, “Dövlət idarəçiliyi nəzəriyyəsi və praktikasına Heydər Əliyevin töhfəsi” kimi məqalə, çıxış və məruzələrində Heydər Əliyevin böyük şəxsiyyəti, liderlik, rəhbərlik məharətinin müxtəlif aspektləri mahir filosof-politoloq qələmi ilə bütün incəlikləri ilə təhlil edilir, bu böyük və nadir şəxsiyyətin xalqımız, dövlətçiliyimiz qarşısında göstərdiyi misilsiz xidmətlər yüksək elmi-nəzəri səviyyədə əsaslandırılır.

Bu barədə digər müəlliflər tərəfindən xeyli maraqlı, qiymətli yazılar olsa da, bu iş hələlik Ramiz Mehdiyevin tədqiqatlarındakı qədər dərin elmi-nəzəri əsasda təhlil və şərh edilməmişdir. Bu, bir tərəfdən, müəllifin yüksək nəzəri elmi səviyyəsi ilə əlaqədardırsa, digər tərəfdən, onun böyük şəxsiyyətlə uzun illərdən bəri yanaşı, bilavasitə rəhbərliyi altında işləməsi ilə bağlıdır.

Seyfəddin QƏNDİLOV,

tarix elmləri doktoru, professor,

 Əməkdar elm xadimi

Görkəmli dövlət xadimi, tanınmış alim və ictimai-siyasi xadim, həqiqi dövlət müşaviri, akademik Ramiz Mehdiyev ölkəmizdə Azərbaycan xalqının ümummilli lideri Heydər Əliyev siyasətinə dərindən bağlı olan, bu siyasətin ardıcıl həyata keçirilməsi istiqamətində səmərəli fəaliyyət göstərən nadir dövlət adamlarındandır. Hələ gənc yaşlarından komsomol və partiya orqanlarında işləyən və özünü təsdiq edən Ramiz Mehdiyev, sonralar mərkəzi partiya orqanlarında ən məsul vəzifələr tutmuş və həmin vəzifələrin öhdəsindən şərəflə gəlmişdir. Əmək fəaliyyətinə maşinist kimi başlayan Ramiz Mehdiyev həyatda özünü aspirant, elmi işçi, müəllim, komsomol, partiya işçisi, görkəmli və nüfuzlu ictimaisiyasi xadim kimi təsdiq etmişdir. Çox gənc yaşlarından əmək fəaliyyətinə başlayan Ramiz Mehdiyev harada, hansı sahələrdə çalışmasından asılı olmayaraq, öz ağlı, zəkası, qabiliyyəti ilə seçilmiş və bu səbəblərdən də irəli çəkilmişdir.

Ramiz Mehdiyev siyasi fəaliyyətə keçən əsrin 70-ci illərində ulu öndərimiz Heydər Əliyevin rəhbərliyi altında başlamışdır. Həmin dövrdən iti zəkasını, tükənməz enerjisini, yüksək iş qabiliyyətini və erudisiyasını Azərbaycan dövlətçiliyinin möhkəmlənməsinə, Heydər Əliyev ideyalarının reallaşmasına sərf etmişdir. Heydər Əliyevin rəhbərliyi altında işləmək onun üçün həyat məktəbi və qürur mənbəyi idi. O, bu dahi şəxsiyyətin iş üslubundan, ictimai-siyasi fəaliyyətindən faydalanmışdır. Ramiz Mehdiyev həm 1970-1982, həm də 1994-2003-cü illərdə Ulu Öndərin rəhbərliyi altında işləmiş, bu siyasətin həyata keçirilməsində öz bilik və bacarığını sərf etmişdir. Heydər Əliyevlə birgə işləmiş ən çox stajlı dövlət xadimlərindən biridir, belə demək mümkünsə, o, həyatının üçdə birini ümummilli liderimizin rəhbərliyi altında keçirmişdir. Heydər Əliyevi yaxından tanıyan, onun iş üslubuna, idarəetmə məharətinə, xarizmatik lider keyfiyyətlərinə bələd olan Ramiz Mehdiyev gələcək tədqiqatlarında ulu öndərimizə əsərlər həsr etmiş və onu “XX əsrdə Azərbaycan dövlətçiliyinin xilaskarı, dünya siyasətinə təsir göstərən qüdrətli şəxsiyyət, bütün həyatını xalqına və doğma vətəninə xidmətə həsr edən “Böyük Azərbaycanlı” kimi xarakterizə etmişdir.

Ulu Öndərimiz ikinci dəfə siyasi hakimiyyətə gəldikdən sonra onun irəli çəkdiyi, vəzifə verdiyi, əvvəlki illərdən fəaliyyətindən və sədaqətindən, dövlətə və xalqa bağlılığından razı qaldığı dövlət adamlarından biri, bəlkə də birincisi Ramiz Mehdiyev idi. Əvvəlcə Prezident Administrasiyasında şöbə müdiri, sonra isə Azərbaycan Respublikası Prezidenti Administrasiyasının rəhbəri təyin edilmişdir. О vaxtdan keçən 15 ilə yaxın dövr ərzində Ramiz Mehdiyev Azərbaycanın dövlət quruculuğunda fəal iştirak etmiş, müstəqilliyimizin qorunması, ölkəmizin inkişafı və qüdrətlənməsi işinə öz dəyərli töhfələrini vermişdir. Təsadüfi deyil ki, R.Mehdiyevin dövlət quruculuğu sahəsindəki xidmətləri həm Ulu Öndərimiz, həm də Prezidentimiz cənab İlham Əliyev tərəfindən yüksək qiymətləndirilmişdir. O, 1994-cü ildə həqiqi dövlət müşa-viri adına, anadan olmasının 70 illiyində isə “İstiqlal” ordeninə layiq görülmüşdür. “Azərbaycan Respublikasında dövlət qulluğunda səmərəli fəaliyyətinə və dövlət quruculuğu işlərində xüsusi xidmətlərinə görə” ölkəmizin ən ali mükafatına layiq görülən Ramiz Mehdiyev bu mükafatı alan ilk dövlət xadimidir.

Akademik Ramiz Mehdiyev bu gün də nüfuzlu dövlət xadimi kimi geniş, səmərəli və məqsədyönlü fəaliyyət göstərir. Onun dövlət qulluğu sahəsindəki zəngin təcrübəsi və dövlət quruculuğu işlərinə verdiyi töhfə hər bir dövlət qulluqçusu üçün örnəkdir, təcrübədir, öyrənilməyə layiqdir. Təsadüfi deyil ki, Ramiz Mehdiyevin fəaliyyətinin ikinci istiqaməti əldə etdiyi təcrübənin, qazandığı biliklərin gənc nəslə çatdırılmasıdır. O, hələ keçən əsrin 70-ci illərindən başlayaraq pedaqoji fəaliyyətlə də məşğul olmuş, Azərbaycan Dövlət Universitetinin baş müəllimi, Azərbaycan KP MK-nın mühazirəçisi, Dövlət İdarəçilik Akademiyasının professoru və Dövlət qulluğunun təşkilati əsasları kafedrasının müdiri kimi çalışmışdır və indi də bu istiqamətdə fəaliyyətini uğurla davam etdirir.

Akademik Ramiz Mehdiyevin fəaliyyətinin üçüncü istiqaməti onun ciddi elmi tədqiqat işləri ilə məşğul olması, hələ gənc yaşlarından elmə böyük maraq göstərməsidir. О, cəmiyyətşünas alim, görkəmli filosof, çox sanballı kitab və monoqrafiyaların müəllifi, nəzəriyyə və təcrübəni bir-biri ilə əlaqələndirən, nəzəri təcrübəni əməli fəaliyyətində tətbiq edən tək-tək dövlət xadimlərindən biridir. Onun dövlət qulluğunda əldə etdiyi nüfuza elmi fəaliyyətdə qazandığı nüfuz da əlavə olunmuşdur. Təsadüfi deyil ki, bütün bunlar Azərbaycan ictimaiyyətində, keçmiş SSRİ məkanında Ramiz Mehdiyev haqqında təcrübəli dövlət xadimi, görkəmli alim və nüfuzlu ictimai-siyasi xadim kimi müsbət rəy formalaşdırmışdır. Akademik Ramiz Mehdiyevin kitab və monoqrafiyaları, elmi məqalələri, çıxışları, müsahibələri bir daha bunu deməyə əsas verir ki, o, heç vaxt elmi fəaliyyətdən kənarda qalmamış, bu sahədə də öz sanballı sözünü demişdir. Onun son illərdəki əsərləri ‒ “Demokratiya yolunda: irs haqqında düşünərkən”, “Gələcəyin strategiyasını müəyyənləşdirərkən: modernləşmə xətti”, “Yeni siyasət: inkişafa doğru” (iki cilddə), “Vətəndaş cəmiyyətinə yol açan ideyalar”, digər kitab və monoqrafiyaları cəmiyyətşünas alimin elmi erudisiyasını, elmi-nəzəri təfəkkürünü bir daha ortaya qoyur.

Ümumiyyətlə, Azərbaycan ictimaiyyəti, elmi mühiti akademik Ramiz Mehdiyevi həm də respublikamızın ictimai-siyasi həyatında fəal iştirak edən, kəsərli və nüfuzlu sözünü deməyi bacaran, gör-kəmli ictimai-siyasi xadim kimi təqdir edir. O, 1980- 1990-cı illərdə Azərbaycan Respublikası Ali Sovetinin, 1995- 2000-ci illərdə isə Azərbaycan Milli Məclisinin deputatı olmuş, qanun yaradıcılığı prosesinə də öz layiqli töhfəsini vermiş, respublikamızın ən çətin dövründə ictimai-siyasi hadisələrdə fəal iştirak etmiş və özünü bu sahədə də təsdiq etmişdir.

Həqiqi dövlət müşaviri, akademik Ramiz Mehdi-yevin adı ölkəmizdə qətiyyətli, prinsipial, ədalətli,çevik, erudisialı dövbt xadimi imicini formalaşdır-mışdır. Respublika ictimaiyyəti onu belə tanıyır və sevir.

İsmayıl HACIYEV,,

akademik

Akademik Ramiz Ənvər oğlu Mehdiyev özünün mühüm elmi-nəzəri və metodoloji xarakter daşıyan fundamental araşdırmaları ilə ictimai və humanitar elmlərin inkişafına güclü təkan verən, onu düzgün istiqamətə yönəldən görkəmli Azərbaycan alimidir.

Hərtərəfli biliyə və geniş dünyagörüşünə malik olan, Şərq və Qərb fəlsəfəsinin tarixinə, inkişaf xüsusiyyətləri və qanunauyğunluqlarına dərindən bələd olan Ramiz Mehdiyev görkəmli elm xadimi, aparıcı Azərbaycan filosofudur.

Ramiz Mehdiyevin Azərbaycanın dövlətçilik tarixinə, müstəqillik dövründə yeni həyat quruculuğuna həsr olunmuş əsərləri nəzəri ümumiləşdirmələrin tarixi ənənələr və müasir praktika ilə vəhdətdə araşdırılması, eyni zamanda, gələcək üçün istiqamətverici proqnozların müəyyən edilməsi baxımından çox böyük elmi dəyərə malikdir.

Ümumbəşəri mənəvi sərvətlər xəzinəsinə qiymətli əsərlər bəxş etmiş vətəndaş alimin elmi yaradıcılığında Vətən tarixi problemləri və xalqımıza qarşı soyqırımı gerçəklikləri, milli dövlətçilik məsələləri və onun həlli yolları, qloballaşma və milli məfkurə, demokratik inkişaf və vətəndaş cəmiyyəti, modernləşmə və müasir dövrdə Azərbaycanın xarici siyasəti məsələləri bütöv bir sistem halında araşdırılır və konseptual xarakter daşıyır.

Ramiz Ənvər oğlu Mehdiyev bütün ömrü boyu Azərbaycanın ictimai-siyasi həyatında fəal iştirak etmiş görkəmli dövlət xadimidir. Öz ömür yoluna adi zəhmətkeş həyatı ilə başlamış Ramiz Ənvər oğlu istedadı, çalışqanlığı və halal əməyi ilə pillə-pillə ucalmış, dahi Heydər Əliyevin ən yaxın silahdaşlarından biri zirvəsinə yüksəlmişdir. O, Yeni Azərbaycan dövlətinin qurulmasında həm səmərəli praktik fəaliyyəti ilə, həm də bir nəzəriyyəçi alim kimi həmişə yaxından iştirak etmişdir və indi də bu yoldadır.

Ramiz Mehdiyev olduqca dəyərli elmi-nəzəri əsərləri, praktik dövlət quruculuğu fəaliyyəti ilə xalqına və vətəninə, Heydər Əliyevin azərbaycançılıq ideyalarına sədaqətlə xidmət edən vətəndaş alim və görkəmli dövlət xadimidir.

Azərbaycan Dövlət Universitetinin tarix fakültəsində tələbəlik illərindən tanıdığım Ramiz Ənvər oğlu Mehdiyev ömrünün bütün çağlarında, tariximizin bütün mərhələlərində hər zaman haqqın və ədalətin keşiyində durmuş, doğma xalqımızın və Vətənimizin mənafeyini dönmədən müdafiə etmiş, həmişə mübarizənin ön cəbhəsində olmuşdur.

Dahi Heydər Əliyevin ən yaxın silahdaşlarından biri və azərbaycançılıq məfkurəsinin mübariz alim-əsgəri olan Ramiz Ənvər oğlu Mehdiyev, həmişə olduğu kimi, bu gün də ön cəbhədədir.

Yaqub MAHMUDOV,

akademik

Demokratiya haqqında fundamental söz о zaman deyilir və mükəmməl əsər о zaman yazılır ki, о mühitdə, о ölkədə demokratiya olsun. Akademik Ramiz Mehdiyevin “Demokratiya yolunda: irs haqqında düşünərkən” kitabının ən mühüm məziyyəti məhz demokratik bir düşüncənin məhsulu olmasıdır, burada demokratik bir dövlətçilik düşüncəsinin iştirak etməsidir. Bu kitab həm də onu göstərir ki, belə bir əsəri yarada bilən xalq, millət, dövlətçilik şüuru heç zaman hansısa “rəngli inqilablar”ın təsiri altına düşə bilməz. Yəni bu, sadəcə, bir müəllifin, tədqiqatçının əsəri deyil, eyni zamanda, bizim ümumi ictimai fikrimizin bir əsəri kimi də əhəmiyyətlidir.

“Demokratiya yolunda: irs haqqında düşünərkən” kitabı hər şeydən əvvəl, çox böyük bir analitikin, çox böyük bir akademik düşüncə sahibinin əsəridir. Bu kitab bir siyasət generalının təcrübəli siyasətçinin əsəridir. Əsərin üstünlüyü bir də ondadır ki, burada böyük bir təcrübə ümumiləşdirilmişdir

Nizami CƏFƏROV,

akademik