Mən TÜRKSOY Təşkilatının yeni toplantısının iştirakçılarını
salamlayıram və burada – Azərbaycanda hamınıza uğurlu fəaliyyət
arzulayıram. Türkdilli dövlətlər birliyi əmələ gələndən sonra
bizim təşkilatlar içərisində ən irəli getmiş qurumlardan biri
TÜRKSOY-dur. TÜRKSOY hamını birləşdirir. Ona görə biz sizin
təşkilata çox diqqət yetirir, əhəmiyyət veririk. Biz dövlət
başçıları olaraq, türkdilli dövlət başçılarının toplantılarında
birinci növbədə mədəni əlaqələri inkişaf etdirmək məsələsini
qoyuruq. Təbiidir, iqtisadi əməkdaşlığın, insani əlaqələrin
inkişaf etdirilməsi məsələləri də vardır. Bunların hamısı
vardır. Ancaq bunların hamısının kökündə mədəniyyət, dil, bizim
adət-ənənələrimiz durur. Bizi bir-birimizə bağlayan nədir?
Dilimizin kökü. Milləti yaşatmaq üçün dilimizi qorumalıyıq. Biz
dilimizə görə eyni kökdən gəlmiş xalqlarıq. İkincisi, bizim
müştərək mədəniyyətimiz, ənənələrimiz, müştərək mənəvi
dəyərlərimizdir. Bunlar əsrlər boyu türkdilli xalqları bir-biri
ilə bağlayıb, birləşdirib, yaxınlaşdırıbdır. Mədəniyyət
sahəsində TÜRKSOY sayəsində sizin işləriniz bizimkindən də yaxşı
gedir. Ona görə də mən sizi təbrik edirəm.
HEYDƏR ƏLİYEV
Ümummilli Lider
Bizim humanitar sahə ilə bağlı çox böyük planlarımız var. Humanitar sahə əslində bizi birləşdirən əsas sahədir. Bu baxımdan mən xüsusilə TÜRKSOY-un fəaliyyətini yüksək qiymətləndirmək istəyirəm. TÜRKSOY nəinki bizim dövlətlərimizi, bütün türk xalqlarını birləşdirir. Əminəm ki, biz gələcəkdə təşkilatın fəaliyyətinə öz dəstəyimizi verəcəyik.
İLHAM ƏLİYEV
Azərbaycan Respublikasının Prezidenti
Türk dövlətləri birliyinin möhkəmləndirilməsində mədəniyyətin
başlıca rolu var. Bu faktı nəzərə alan Ümummilli lider Heydər
Əliyevin TÜRKSOY-un yaradılmasında əvəzsiz xidmətləri olub. Türk
dünyası birliyinin təmin olunması, mədəni əlaqələrin
genişləndirilməsi, türk dövlətlərinin inteqrasiyası, ortaq milli
dəyərlər ətrafında birləşdirilməsi Heydər Əliyevin ən ümdə
məqsədlərindən biri idi. Artıq 30 ildir fəaliyyət göstərən
TÜRKSOY bu gün beynəlxalq aləmdə nüfuzlu təşkilata çevrilib.
Qurum səmərəli fəaliyyəti ilə xalqlarımızın tarixi-mədəni
köklərinə bağlı qalmasına və qarşılıqlı inteqrasiya proseslərinə
davamlı töhfələr verməkdədir.
ADİL KƏRİMLİ
Azərbaycan Respublikasının
Mədəniyyət naziri
TÜRKSOY hazırda türk dünyasının tarixdə ilk dəfə
yaşadığı mədəni diplomatiyanın böyük bəhrəsini dadmaqdadır.
müasir dövrdə bütün dünyanın - xalq və ölkələrin, hətta bütün
icmaların mədəni diplomatiyaya ehtiyacı vardır. bu
diplomatiyanın özəlliyi onun heç bir tərəfə zərər vurmaması,
insanlara, xalqlara, ölkələrə və dövlətlərə yalnız və yalnız
fayda gətirməsidir. Əminliklə deyə bilərik ki, TÜRKSOY-un tarixə
gətirdiyi bu strategiya əsrlərlə yaşayacaq, daha böyük faydalar
verəcək, araşdırılacaq, tətbiq ediləcək və bu təcrübədən
bəhrələr əldə olunacaqdır.
NİZAMİ CƏFƏROV
Akademik
Əsası 1993-cü ilin yazında İstanbul şəhərində
türkdilli dövlətlərin Mədəniyyət nazirlərinin birinci görüşü
zamanı qoyulan TÜRKSOY təşkilatının əsas məqsədi türdilli xalq
və ölkələr arasında dost münasibətlərin və qarşılıqlı anlaşmanın
qurulması, türkdilli xalqların ədəbiyyat, mədəniyyət və
incəsənətinin öyrənilməsi sahəsində elmi araşdırmaların
intensivləşdirilməsi, öz xalqlarının milli tarixinin, doğma
dilinin, ədəbiyyatının mədəniyyətinin yeni nəsil tərəfindən
öyrənilməsinə dəstək olmasıdır.
KƏRİM TAHİROV
Azərbaycan Milli Kitabxanasının
direktoru, professor
TÜRKSOY-un əsas hədəfləri sırasında türk dilində
danışan xalqlar, ölkələr və etnik qruplar arasında mədəni
əlaqələrin inkişafı, türk mədəniyyəti nümunələrinin
araşdırılması, öyrənilməsi, qorunması və dünyaya çatdırılması,
türk mədəniyyətinin müştərək olduğunun sübuta yetirilməsi, terk
dövlətləri və toplumları arasında əlifba və dilin saxlanılmasın
dayanır.
MAİS ƏMRAHOV
Tarix üzrə elmlər doktoru, professor
TÜRKSOY tərəfindən üzv ölkələrimiz arasında
mədəni əlaqələrin qurulması və genişləndirilməsi istiqamətində
mütəmadi işlər görülür. Türk dünyasını təmsil edən mədəniyyət və
incəsənət xadimlərimiz arasında TÜRKSOY-un tədbirləri sayəsində
əlaqələr qurulur və bu əlaqələr dalğa şəklində genişlənir.
ELÇİN QAFARLI
TÜRKSOY-un Azərbaycan üzrə nümayəndəsi
TÜRKSOY-un varlığı, onun beynəlxalq nüfuzunun
belə sürətlə artması təsdiq edir ki, dünyada mədəniyyətin və
sənətin aça bilmədiyi qapı, toxunmadığı ürək yoxdur. Və mən
inanıram ki, birgə olduğumuz müddətdə biz daima daha güclü
olacayıq. Bakı görüşü isə ölkələrimizin və xalqlarımızın daha da
birləşməsinəxidmət edəcəkdir.
TÜRKSOY özünün modeli, uluslararası statusu, sadə
və açıq strukturu, demokratik idarəetmə sistemi ilə heç bir
təşkilata bənzəməyən, analoqu olmayan bir qurumdur.
POLAD BÜLBÜLOĞLU
Xalq artisti
Ümumiyyətlə, XXI əsr türk xalqlarının tarixində
həm qarşıya qoyulan hədəflərə çatmaq, həm görüləcək işlər, həm
də türk xalqları arasında əməkdaşlıq baxımından yeni bir əsrdir.
Çünki müstəqil türk cumhuriyyətləri yaranıb və bu bağımsız
dövlətlər bir-birilə əlaqələri genişləndirirlər. Bu məsələdə isə
beynəlxalq təşkilatlar xüsusi rol oynayırlar. Xüsusilə də
türkdilli xalqlara aid təşkilatların bu sahədə fəaliyyəti
danılmazdır. O qurumlardan biri də TÜRKSOY-dur.
BULUDXAN XƏLİLOV
Professor
TÜRKSOY türk xalqları arasında milli birliyin
qurulmasında önəmli rol oynayır. TÜRKSOY-un Azərbaycan
mədəniyyətinin, ədəbiyyatının, tarixi şəxsiyyətlərinin digər
türkdilli xalqlar arasında təbliğində çox önəmli rol oynayıb. Bu
qurumun məqsədi türkdilli xalqlar arasında mədəni əlaqəni,
birliyi daha yüksək səviyyədə qurmağa nail olmaq olub və buna
nail olub da.
NƏZAKƏT MƏMMƏDOVA
Respublika “Xatirə Kitabı” redaksiyasının
baş redaktoru
TÜRKSOY türk xalqlarının mədəni birliyini müdafiə
edən və onun inkişafını təmin edən təşkilatdır.
SABİR RÜSTƏMXANLI
Xalq şairi
.
