Teymur Elçin


1924	Teymur Süleyman oğlu Əliyev mart ayının 28-də Şuşa şəhərində anadan olmuşdur.
1931	Ailəliklə Bakıya köçmüş, burada 132 saylı orta məktəbdə orta təhsil almağa başlamışdır.
1938	“İspaniya qəhrəmanlarına” adlı ilk şeiri Bakı Mərkəzi Pionerlər Evinin Azərbaycanda Aprel revolyusiyasının 18-ci illiyinə və 1 May bayramına həsr olunmuş “Şeirlər məcmuəsi”ndə dərc edilmişdir;
1938	Orta məktəbin 8-ci sinfində oxuyarkən “Azərbaycan” şeirini qələmə almışdır.
1939	“Azərbaycan” şeiri Bakı Mərkəzi Pionerlər Evinin nəşr etdiyi “Şeirlər məcmuəsi”ndə dərc olunmuşdur.
1941	Azərbaycan Dövlət Universitetinin filologiya fakültəsinə daxil olmuşdur;
1941	“Gənc işçi” qəzeti redaksiyasında ədəbi işçi işləmişdir.
1941-1942	Azərbaycan Radio Komitəsində ictimai-siyasi verilişlər baş redaksiyasında ştatdankənar müxbir kimi çalışmışdır.
1942-1943	Azərbaycan Radio Komitəsində ictimai -siyasi verilişlər baş redaksiyasında diktor, redaktor, məsul redaktor vəzifələrində işləmişdir. Radionun “Uşaq və gənclər” radio verilişləri şöbəsinin müdiri olmuşdur.
1943-1945	Böyük Vətən müharibəsində Zaqafqaziya cəbhəsində kursant, kiçik komandir, alay komsomol təşkilatçısı, Zaqafqaziya cəbhə siyasi heyətinin hazırlıq və yenidən hazırlıq kurslarının müdavimi olmuşdur.
1945	“Almaniya üzərində qələbəyə görə” ordeni ilə təltif edilmişdir.
1945-1946	Ordu sıralarından tərxis ediləndən sonra APİ-nin komsomol komitəsinin katibi işləmişdir.
1946-1948	Azərbaycan LKGİ Bakı şəhər komitəsinin birinci katibi olmuşdur.
1948	Azərbaycan Dövlət Universitetinin filologiya fakültəsini bitirmişdir.
1948-1949	Azərbaycan LKGİ MK Təbliğat və təşviqat şöbəsi müdirinin müavini olmuşdur.
1949-1950	Azərbaycan LKGİ Bakı komitəsinin katibi olmuşdur.
1950-1952	Azərnəşrin siyasi-ictimai ədəbiyyat şöbəsinin müdiri işləmişdir.
1952-1953	Azərbaycan Nazirlər Soveti yanında Radio Məlumat Komitəsi sədrinin müavini işləmişdir.
1953-1955	Azərbaycan Nazirlər Soveti nəşriyyat qrupunun rəisi, katibliyin müdiri olmuşdur.
1955-1957	Azərbaycan KP MK-nın Elm və mədəniyyət şöbəsinin təbliğat və təşviqat bölməsinin müdir müavini işləmişdir.
1956	Azərbaycan KP XXI qurultayında Azərbaycan KP Təftiş Komissiyasının üzvü olmuşdur.
1957	Sovet İttifaqı rəsmi nümayəndə heyətinin tərkibində Albaniyada olmuşdur;
1957	Moskva şəhərində gənclərin və tələbələrin Ümumittifaq və VI Ümumdünya festivallarında Azərbaycan SSR nümayəndələrinin müvəffəqiyyətli iştirakı ilə əlaqədar olaraq Azərbaycan SSR Ali Soveti Rəyasət Heyətinin Fəхri Fərmanı ilə təltif edilmişdir.
1957-1964	Azərbaycan Televiziya və Radio Verilişləri Komitəsinin sədri olmuşdur.
1958	Azərbaycan Yazıçılar Birliyinin üzvü seçilmişdir;
	Azərbaycan Jurnalistlər Birliyinin üzvü seçilmişdir;
	Azərbaycan KP XXII qurultayında Azərbaycan KP Təftiş Komissiyasının üzvü olmuşdur. Azərbaycan KP MK üzvlüyünə namizəd seçilmişdir.
1959	Xidmətlərinə görə “Şərəf nişanı” ordeni ilə təltif olunmuşdur;
1959	Sovet Sülhü Müdafiə Komitəsinin Fəxri Fərmanı ilə təltif edilmişdir.
1959-1962	V çağırış Azərbaycan Ali Sovetinin deputatı seçilmişdir.
1960	Azərbaycan KP MK-nın XXIV Qurultayında Azərbaycan KP MK üzvü seçilmişdir.
1961	Azərbaycan KP MK-nın XXV Qurultayında Azərbaycan KP MK üzvü seçilmişdir.
1962	Sovet İttifaqı rəsmi nümayəndə heyətinin tərkibində Bolqarıstanda olmuşdur.
1963-1966	VI çağırış Azərbaycan Ali Sovetinin deputatı seçilmişdir.
1964	Azərbaycan KP MK-nın XXVI Qurultayında Azərbaycan KP MK üzvü seçilmişdir;
1964	Sovet Sülhü Müdafiə Komitəsinin Fəxri Fərmanı ilə təltif edilmişdir.
1964-1975	Azərbaycan KP MK Təbliğat və təşviqat şöbəsinin müdiri olmuşdur.
1965	“1941-1945-ci illərdə Böyük Vətən müharibəsində qələbənin 20 illiyi” medalı ilə təltif edilmişdir.
1966	“Əmək rəşadətinə görə” medalı ilə təltif edilmişdir;
	Sovet İttifaqı rəsmi nümayəndə heyətinin tərkibində Macarıstanda olmuşdur;
	Azərbaycan KP MK-nın XXVII Qurultayında Azərbaycan KP MK üzvü seçilmişdir.
1967-1972	VII çağırış Azərbaycan Ali Sovetinin deputatı seçilmişdir.
1968	“Əməkdə fərqlənməyə görə” medalı ilə təltif edilmişdir;
1968	“Göyərçin” jurnalının 10 illiyi ilə əlaqədar gənclərin kommunist tərbiyəsi işində fəal iştirakına görə Fəxri Fərmanla təltif edilmişdir.
1968-1969	ÜİLKGİ MK-nın Fəxri fərmanları ilə təltif edilmişdir.
1969	Sovet Sülhü Müdafiə Komitəsinin Fəxri Fərmanı ilə təltif edilmişdir.
1970	V.İ.Leninin anadan olmasının 100 illiyi münasibətilə “Əməkdə fərqlənməyə görə” medalı ilə təltif edilmişdir.
1971	Xidmətlərinə görə “Qırmızı Əmək Bayrağı Ordeni” ilə təltif olunmuşdur;
1971	Azərbaycan KP MK-nın XXVIII Qurultayında Azərbaycan KP MK üzvü seçilmişdir.
1972-1975	VIII çağırış Azərbaycan Ali Sovetinin deputatı seçilmişdir.
1973	Sovet İttifaqı rəsmi nümayəndə heyətinin tərkibində Polşada olmuşdur.
1974	Anadan olmasının 50 illiyi və respublikanın sovet və partiya orqanlarında səmərəli fəaliyyətinə görə Azərbaycan SSR Ali Soveti Rəyasət Heyətinin Fəхri Fərmanı ilə təltif edilmişdir;
1974	Sovet Sülhü Müdafiə Komitəsinin Fəxri Fərmanı ilə təltif edilmişdir.
1975	“1941-1945-ci illər Böyük Vətən müharibəsində qələbənin 30 illiyi” medalı ilə təltif olunmuşdur.
1975-1988	Azərbaycan Mədəniyyət nazirinin müavini vəzifəsində çalışmışdır.
1978	Azərbaycan SSR-də tarixi abidələrə respublika baxışında fəal iştirak etdiyinə görə Azərbaycan Tarix və Mədəniyyət Abidələrini Könüllü Mühafizə Cəmiyyətinin Rəyasət Heyətinin Fəxri Fərmanı ilə təltif edilmişdir.
1981	“Qar qız” mənzum pyesi M.Qorki adına Gənc Tamaşaçılar Teatrında tamaşaya qoyulmuşdur.
1983	“Qar qız” mənzum pyesi M.Qorki adına Gənc Tamaşaçılar Teatrında tamaşaya qoyulmuşdur.
1984	Anadan olmasının 60 illiyi münasibətilə Azərbaycan SSR Ali Soveti Rəyasət Heyətinin Fəхri Fərmanı ilə təltif edilmişdir.
1988-1990	Azərbaycan KP MK Ümumi şöbəsinin müdiri olmuşdur.
1989	Vasif Adıgözəlovla “Qarabağ şikəstəsi” oratoriyasını yazmışdır.
1991	Vasif Adıgözəlovla birgə “Qarabağ şikəstəsi” oratoriyasının musiqisi və sözlərinə görə ədəbiyyat, incəsənət və arxitektura sahəsində 1990-cı il Azərbaycan Respublikasının Dövlət mükafatı laureatı adına layiq görülmüşdür;
1991	Azərbaycan Yazıçılar Birliyinin İdarə Heyətinə üzv seçilmişdir.
1992	Mart ayının 14-də Bakı şəhərində vəfat etmiş, Fəxri Xiyabanda dəfn olunmuşdur.
1994	Azərbaycan Respublikası Nazirlər Kabineti anadan olmasının 70 illik yubileyinin keçirilməsi və xatirəsinin əbədiləşdirilməsi haqqında qərar vermişdir.
<< Geri