28 illik işğal zamanı erməni vandalizminə məruz qalmış abidələrdən biri də "Xan qızı" bulağıdır. 1871-ci ildə əhalini içməli su ilə təmin etmək üçün Xan qızı Natəvan Sarıbaba dağından Şuşaya su kəməri çəkdirərək, evinin qarşısında bulaq tikdirmişdi.
1992-ci il mayın 8-də Şuşa işğal olunduqdan sonra, erməni qəsbkarları bulağın suyunu qurtmuşdular. Müzəffər Azərbaycan Ordusunun şanlı Zəfərindən sonra 2021-ci il yanvarın 14-də Şuşa şəhərinə səfəri zamanı Azərbaycan Prezidenti İlham Əliyevin tapşırığına əsasən, burada aparılan bərpa və quruculuq prosesi Şuşanın orijinal memarlıq üslubuna uyğun olaraq gerçəkləşdirilməyə başlanmışdır.
Həyata keçirilən işlər çərçivəsində “Xan qızı” bulağı bərpa edildi. 2021-ci il mayın 12-də Prezident İlham Əliyev ailəsi ilə birlikdə Şuşada “Xan qızı” bulağının açılışını etdi.