Ünvan:
AZ1143, Azərbaycan Respublikası, Bakı ş., H.Cavid pr., 31

Təşkilatın əsas fəaliyyət istiqamətləri:

• Azərbaycan ədəbiyyatının qaynaqları, təşəkkülü, tarixi və inkişaf qanunauyğunluqları

• Dünya ədəbiyyatının inkişaf qanunauyğunluqları.

Son beş ildə təşkilatın əldə etdiyi əsas elmi nəticələr:

Azərbaycan ədəbiyyatının qaynaqları, tarixi mərhələ təsnifi və inikişaf qanunauyğunluqları silsiləsindən, habelə milli ədəbi abidələrin elmi ictimaiyyətə çatdırılması istiqamətində son beş ildə 70 (onlardan 6-sı xaricdə) kitab çap olunmuşdur. Beynəlxalq ədəbi əlaqələrin tarixi təcrübəsinə və çağdaş vəziyyətinə, folklor irsimizə, klassiklərin yubileyinə həsr olunmuş 30-dan artıq beynəlxalq, regional və respublika müşavirələri keçirilmişdir

Təşkilatın tarixi haqqında qısa məlumat:

İnstitut 1932-ci ildə yaranmışdır. 30-cu illərdə o, SSRİ EA-nın Azərbaycan filialına daxil idi. 1945-ci ildə Azərbaycan SSR EA yaradıldıqdan sonra Ədəbiyyat İnstitutu onun tərkibinə daxil oldu. 40-cı illərin sonunda o, Dilçilik İnstitutu ilə birləşdirilmişdir. 1969-cu ildən İnstitut Azərbaycan EA Nizami adına Ədəbiyyat İnstitutu adı altında fəaliyyət göstərir.

Təşkilatın struktur bölmələri:

• Azərbaycan şifahi xalq ədəbiyyatı və ədəbi abidələr şöbəsi

• Qədim dövr Azərbaycan ədəbiyyatı şöbəsi

• Orta əsrlər Azərbaycan ədəbiyyatı şöbəsi

• Yeni dövr (XIX əsr- XX əsrin əvvəlləri)Azərbaycan ədəbiyyatı şöbəsi

• XX əsr (sovet dövrü) Azərbaycan ədəbiyyatı şöbəsi

• Müasir Azərbaycan ədəbiyyatı şöbəsi

• Cənubi Azərbaycan ədəbiyyatı şöbəsi

• Türk xalqları ədəbiyyatı şöbəsi

• Xarici ölkələr ədəbiyyatı və ədəbi əlaqələr şöbəsi

• Ədəbiyyat nəzəriyyəsi şöbəsi

• İnformasiya və biblioqrafiya şöbəsi

• Elmi irsin toplanılması və sistemləşdirilməsi şöbəsi