Nizami Parkı düz şəhərin mərkəzində- Nizami adına Ədəbiyyat Muzeyinin qarşısında yerləşir. Nizaminin heykəli burada 1949-cu ildə ucaldılıb. Heykəltaraş- F.Əbdürrəhmanov, memar- S.Dadaşov, M.Hüseynov. Şairin tuncdan hazırlanan altı metrlik heykəli 9 metr hündürlüklü cilalanmış labradordan hazırlanmış səkkizüzlü pyedestalın üzərindədir. Postamentin səthini rəssam Q.Xalıkovun eskizləri əsasında heykəltaraş A.Xryunov işləyib. Səth şairin əsərlərinə həsr edilib. Nizaminin heykəlinin açılışı və ətrafındakı bağın abadlaşdırılması şairin 800 illiyinə həsr edilmişdi.