DOST MӘKTUBU
İrandan baş götürüb Rusiyaya
qaçmış vә Rusiyadan baş götürüb
Osmanlıya qaçmış vә Osmanlıdan da baş
götürüb uzaq vә lap azad bir
mәmlәkәtә qaçmış yoldaşımdan
dünәn bir mәktub aldım.
Rәfiqim mәni üç şeydәn
xәbәrdar edir vә deyir ki, camaatın
bәdbәxtliyi bu üç şeydәndir. Bunlar budur:
pulpәrәstlik, şan qazanmaq vә bir dә
riyakarlıq.
Dostum yazır ki, әslinә baxsan,
pulpәrәstlik elә bir alçaq
sifәtlәrdәn deyil, çünki, mәlumdur ki, bu
dünyada pul diriliyimizin ümdә vasitәsidir. Mәsәlәn,
bu gün mәnim cibimdә pul olmasa, ac qalmaq, lüt
gәzmәk o yanda dursun, әn yavuq rәfiqlәrim
belә mәnim üzümә baxmaq da
istәmәzlәr vә nәyә baxsınlar?
Vәqta ki, mәnim qarnım ac vә әynim
yalavacdır, o binәvalar mәndәn nә feyz apara
bilәrlәr?!.. Qәrәz, onu deyirәm ki,
pulpәrәstlik pis şey deyil, amma bu şәrtlә
ki, hәddindәn çıxmayasan.
Mәnә deyirlәr ki, necә yәni
hәddindәn çıxmayasan. Yәni milyoner olmayasan?! Onda deyirәm ki, xeyir,
mәn onu
demirәm.
Mәnim dediyim budur
ki, pul qazanmaqda
sairlәrinin mәnafeyinә әl uzatmayasan, mәsәlәn, tutalım
ki, sәnin әlindә
bir qәdәr maya
vardır ki, sәn onunla
özünü dolandıra
bilәrsәn,
amma sairinә bәdbәxtlik üz verib
pulsuz qalıbdır.
Birdәn
görürsәn ki, sәnin dә vә onun da pul qazanmaq
üçün әlinizә bir fürsәt
düşür. Sәn haman saat cəy edirsәn ki, fürsәtdәn istifadә edib, o pulu öz әlinә salasan; dәxi bunu fikir etmirsәn ki, axı sәnin heç olmazsa, bir qәdәr pulun vardır, amma bu kişi acından
ölür, qoysana ki, o pulu qazanmaq
fürsәti bunun әlinә düşsün!