ӘMİR CӘNG DİLӘNİR
"İran xәzinәsindә pul
yoxdur" (qәzetlәrdәn)
Әmir Bahadır Cәng qapıları
bir-birinә vurub çıxdı vә başladı
söylәndi ki:
-- Bәli, gedәk pul dilәnәk!...
Qәribә işdir bu, vallah, İranın rәiyyәti
dә dilәnsin, vәziri dә!... Amma zәrәr yoxdur, mәnә dә
Süpәhsalari-külli-qoşuni-İran vәziri-hәrb
Әmir Bahadır Cәng deyәrlәr ki, bu saat mәnim
adım dünyanın hәr yerindә söylәnir!
Özünә bu cürә tәsәlli
verib, Әmir Bahadır bir qapını döydü, sәs
gәldi: Kimsәn? Cavab verdi ki,
"Süpәhsalari-külli-qoşuni-İran
vәziri-hәrb Әmir. Bahadır Cәngәm!"
Qapı açılıb daxil oldu.
......................................................
-- Barı heç olmasa, yarımca milyon
versәniz, bizim işimizi düzәldәrsiniz. Haman pul
ilә biz İranı sakit edәrik vә siz dә
gәlib әvvәlki kimi İranda alış-veriş
edib, on qat mәnfәәt qazanarsınız!
-- Bәs girov nә qoymaq istәyirsiniz?
-- Girov.... Nә girov?...
-- Haman o girov ki, şah rus bankına qoyub bir az
pul götürdü.
-- Çox gözәl!... Papağımı girov qoyaram!
-- Xan, sizin papağınızın
qiymәti, ha özünü
öldürә, on beş
manatdan yuxarı olmaz, halbuki yarım milyon pul istәyirsiniz!
--
Xeyr!... Siz mәni başa düşmәdiniz. Papaqdan mәqsud mәnim bu başımdakı
papaq deyil, bәlkә mәn Süpәhsalari külli-qoşuni-İran vәziri-hәrb Әmir
Bahadır Cәngin namusudur. Yәni әgәr sizin pulunuz geri verilmәsә,
onda mәn gәrәk binamus olam vә bu papaq ki, bu saat
başımdadır, çıxardam vә başıaçıq gәzәm. Hәrçәnd sizdә başıaçıq gәzmәk ayıb deyil, amma bizdә böyük
binamusluqdur.
-- Yox xan,
biz o sevdaya girişә bilmәrik!
--
Yaxşı,
süpәhsalari-külli
qoşuni-İran vәziri hәrb Әmir Bahadır Cәng sizdәn pul istәyir, siz dә vermirsiniz?
-- Yox, verә bilmәrik!
--
Yaxşı, İran padşahı ki, ona Zilüllah vә şahәnşahi-mәmaliki-mәhrüseyi-İran deyirlәr, o, süpәhsalari-külli-qoşuni-İran
vәziri hәrb Әmir Bahadır Cәngini göndәrib, sizdәn yarımca milyon pul istәyir, vermirsiniz?!
-- Yox
vermirik!
-- Di onda
-- Olmaz,
xan!
-- İki
yüz min!
-- Olmaz!
-- Yüz
min!
-- Olmaz!
-- Әşi, zarafat elәmә!
-- Yox,
bizarafat, olmaz!
-- Di әlini cibinә sal, gör nәyin var?
-- Cibim
yanımda deyil....
--
!!?....................
-- Verdilәrmi?
-- Bәli verdilәr.... Bir qәpik dә vermәdilәr.
-- Bәs, nә tövr olsun?
-- Nә tövr olacaq? Sәn dә, mәn dә yığaq görәk qızıldan-mızıldan nәyimiz var, aparaq tökәk bu kafirlәrin qabağına, soxsunlar gözlәrinә, pul versinlәr! Ayrı әlac yoxdur.