ӘLFİTNӘTÜ NAİMÜN
LӘNӘLLAHU EYQӘZÜHA....
Fitnә yatıbdır, allah lәnәt
elәsin onu oyadana! Nә gözәl söz, nә
gözәl qarğış!
Bu gün aramızda fitnәyә provakasiya
vә fitnәçiyә dә provakator deyilir.
Çox heyiflәr olsun ki, bizim içimiz
belә fitnәçi vә provakatorlardan tәmiz deyildir!
Vә biz indiyә qәdәr ara qarışdıran
vә bu kәlәklә bulanlıq suda balıq tutmaq
istәyәn adamlara səbr edirik vә hәtta o
cürә fitnәçilәrin sözlәrinә
inanıb, onlara tövlanırıq vә
әllәrindә oyun-oyuncaq oluruq.
Hәr bir fitnәçinin әlindә bir alәt olur.
Rus fitnәçilәri yәhudilәri qırdırıb,
mal vә dövlәtlәrini qarәt etmәk üçün
padşahın adını
alәti-fitnә qayırıb, "ay yәhudilәr padşahı
istәmirlәr"--deyib safdәrun rusları iğva
edirdilәr vә yazıq yәhudilәrin üstünә qısqırdırdılar.
Aya bizim fitnәçi vә
provakatorların alәti-fitnәsi
nәdir?
Bizim fitnәçilәrin dә alәti fitnәsi-dindir!
Fitnәçilәrin hayasızlıqlarına
bax ki, rifah vә
sәadәt sәlamәti-insaniyyәt olan dini-Mәhәmmәdi alәti-fitnә vә fәsad qayırıb, әfradi-millәt arasına nifaq vә şәqq salırlar. Vә biz dә bu cürә hәyasızlığa sәbr vә
tәhәmmül edirik. Әcaba bu fitnәçilәrin mәqsәdi nәdir?
Bu fitnәçilәrin mәqsәdi iki şeydir: ya qәrәzi-şәxsi vә ya inki "ay camaat, mәn dә varam!"
Yәni nәdәn isә xoşuna gәlmәyәn bir adamı xalq nәzәrindәn salmaq vә ya inki özünü meydana atıb
yalançı pәhlivanlıq etmәk mәqsәdi-xәbisanәsi ilә bu müfәttin vә provakatorların meydana atılıb,
sadәlövh vә safdәrun müsәlmanları toplayırlar vә iş-güclәrindәn qoyurlar.
Bu adamlığa layiq olmayan fitnәçilәrә deyirlәr ki, "biz dini-islamı
qoruyuruq".
Bәdbәxtlәr, dәxi bundan bixәbәrdirlәr ki, haman fitnә vә fasadın özü dini-islama
müğayirdir.
Bu cürә alçaqlara deyilmәlidir ki, әvvәlәn, dini-islamı әlә salmayın, o din siz kimi mәnbәi-fәsarlara möhtac ola
bilmәz vә saniyәn, qoysanızmı ki, bu
yazıq camaat öz iş-gücünә, öz kәsbi-karına mәşğul olsun?! Nә üçün bu yazıq
millәt bir qәdәm qabağa qoyanda, iki qәdәm geri çәkilsin?....
Amma
camaatımız içindә dә o qәdәr safdәrun vә sadәlövhlәr var ki, işi tәhqiq etmәmiş hәr bir fitnә vә fәsada sözlәrә inanırlar vә özlәrini dә provakatorların әlindә oyun-oyuncaq qayırırlar....
Çox tәәssüflәr olsun!... Xalq nә hayda, biz nә hayda!... Tfu!...