HARA QAÇACAQLAR?
Ravi belә rәvayәt elәyir ki,
Eynüddövlә, Şüca Nizam Rәhim xan, Mir
Haşım, Mirzә Hәsәn, Mirzә Kәrim
vә qeyrilәri -- bunlar hamısı Tәbrizdәn
çıxıb qaçarkәn şaha belә bir
mәktub yazıblar:
"Salam-duadan sonra yazıb mәlum edirik ki,
"ma sәd nәfәr budim tәnha, onha, yek
nәfәr budәnd cәm", ona binaәn
Tәbrizdәn qaçdıq, vәssalam."
İndi mәn
öz-özümә fikir edirәm: yaxşı, bunlar hara
qaçacaqdırlar?
Tehrana?
Xeyr! İndi bu saat Mәhәmmәdәli
şahın onlara elә acığı tutub ki, hәrgah o,
"sәd nәfәr tәnhadan birini görsә,
elә vurar ki, başı süpәhsalar mәscidi kimi
darmadağın olar.
Bәs hara? İranın sair
şәhәrlәrinә?
Xeyr! Hәrçәnd İranın sair
şәhәrlәri Tәbriz әhlini aldatdılar
vә yalandan dedilәr ki, ay budur kömәyә
gәlirik, ay on min adam göndәrdik, ay bu gün
çatar, ay sabah ça-çatar, ha budur gәldilәr,
ha atlıların başı çıxdı, qәrәz
çox sәs-küy elәdilәr, amma axırından
bir şey çıxmadı. Atların nә başı
göründü, nә quyruğu, yazıq
tәbrizlilәr gözlәdilәr,
gözlәdilәr, axırda qәti-ümid olub, dedilәr:
özünә bağla ümidini, özgәyә
bağlama.
Amma yenә dә....
Heç ağlım kәsmir ki, bu
şәhәrin adamları Tәbrizdәn qaçan
"qәhrәmanlara" ağuşlarını
açıb üzlәrindәn öpsünlәr vә
desinlәr: "Uxay, nә yaxşı ki,
sağ-sәlamәt gәlib çıxdınız".
Çünki әgәr bu şәhәrlәrin
birindә namus olmasa, barı insaf olar. O birindә insaf da olmasa,
Amma qorxaqlıq olar, çünki qorxaqlıq oldu ki, Tәbrizә kömәyә getmәdilәr vә indi qorxaqlıq olar ki, Tәbrizә kömәk edәrlәr, çünki daha Sәttarxanın gücü mәlum oldu. Kişi padşahla
padşahlıq etdi. Halbuki bütün İran vә bizim Bakıda bütün
Quba meydanının adamları deyirdilәr ki, padcahnan padcahlıq elәmәk olmaz. Amma görünür ki, olar vә necә ki, oldu! Hә, bәs indi bu adamlar hara qaçacaqdırlar?
Rusiyaya?...
Xeyr, Rusiyada mәşrutә
var. Mәşrutәli yer onları qәbul etmәz.
Bәs hara?
Elә mәn bu fikirdә idim ki, gördüm idarәmizin qabağında iki nәfәr adam
acıqlı danışır. Biri deyir:
-- Adә, boynu sınmış Sәfәr necә oldu?
O biri
deyir:
-- Getdi.
-- Hara?
-- Әşi, cәhәnnәmә, gora! Mәn nә bilim!
İndi ağlım kәsir ki, mәnim sualıma da bu cürә cavab vermәkdәn başqa bir çarә yoxdur.