İRAN RUSİYANI YAMSILAYIR
Doğrudan da, İran Rusiyanı
yamsılayır. İran camaatı baxıb gördü ki, rus
camaatı öz dövlәtindәn azadlıq
tәlәb edir, ona görә o da öz dövlәtindәn
azadlıq tәlәb etdi. İran dövlәti baxıb
gördü ki, rus dövlәti camaatı dolamaq
üçün dedi: dinmәyin, sizә bir otaq
verәcәyәm, adı Qosudarstvennaya duma, o da öz
camaatını tovlayıb dedi ki, sakit olun, sizin
üçün bir ev tikәcәyәm, adı olsun Әdalәtxana.
Rusiya camaatı tovlanmağını duyub,
dövlәtә, bәrk acığı tutdu vә
ayağını yerә döyüb dedi: özün bil, ya
vәdinә vәfa elә, ya ki.... İran camaatı da
rus camaatına baxıb dövlәtinә dedi: bax,
özün bil, ya Әdalәtxananı bu saat qur, ya da ki ...
әyan vә әşrәfdәn dәstbәrdar ol!
İran dövlәti bilmәdi ki, nә
qayırsın, çünki bu cürә tәklifi
gözlәmirdi. Yenә baxdı ki, görsün qonşusu
Rusiya dövlәti nә cür tәdbirlәr
görmәkdәdir. Rus dövlәti isә
camaatın üstünә
hirslәnib qulaqburması
vermәyә mәşğul oldu. İran
dövlәti dә qonşusunun bu tәdbirindәn
xoşu gәlib, indi bu saat öz camatına qulaqburması
vermәkdәdir. Lakin rus camaatının qulağı
buruldusa da, burnu әzildisә dә, yenә bununla
belә, Dövlәt dumasını alıb, bir az
dincәldi. İndi körәk İran camaatı da bu
ittifaqda rus camaatını yamsılayacaq, yoxsa, birinci
qulaqburmasından sonra Әdalәtxananı-filanı
yadından çıxardacaqdır....
* *
* * *
İran camaatı bu sözün
üstündә bizdәn incimәsin, nә deyim,
bәlkә qulaqburmasına-filana baxmayacaqdır, amma nә
olsun, Osmanlı camaatı qulaqburmasından qorxub, Mәclisi-mәbusanı
yadından çıxartdı ki!... Doğrudur, Mәclisi
mәbusanın dadı damaqlarından getmәdiyinә
görә, istәdilәr yenә görsünlәr ki,
bir tövr ilә mәclisi geri ala bilәrlәrmi?! Amma
baxıb gördülәr ki, xeyr mәclisi sultan
hәzrәtlәri elә yerdә gizlәmәyibdir
ki, bir dә üzünü görmәk ola! Ona
görә çox bikef oldular vә axırda baş
götürüb mәclisi-mәbusanı olan
yerlәrә qaçdılar.... İndi onlar orada oturub,
vәtәnin keçmiş gününü yada
salırlar. Hәrdәn bir bu şikәstәni oxuyurlar:
Keçәn günә gün çatmaz,
Calasan günü günә!
* *
* * *
"Keçәn günә gün çatmaz, calasan günü günә!" Bu da bizim müsәlmanların dar gündә vird-zәban edilәn tәsәllilәrindәn biridir. Ha!...