MÜŞTӘRİ
Deyirlәr ki, Әrdәbil bir
şәhәrdir, hәr kәs dә öz vәkili.
Mәn Әrdәbildә olmamışam
vә bunun da nә dәrәcәdә doğru
olub-olmadığını bilmirәm. Ancaq iqrar edirәm
ki, bu söz doğru isә, Әrdәbil bәxtiyar
şәhәrlәrin biridir. Doğrudan da, elә olsun
gәrәk. Bu gün sәnin kefin çay içmәk
vә qәlyan çәkmәk istәyir, heç
kәsin buna sözü olmaz. Bu gün sәn
gәzmәyә çıxmısan, heç kәs
demәz ki, nә gәzmәk zamanıdır, Bu gün
sәn günortadan sonra yatmaq istәyirsәn, heç
kәs sәnә bir söz demәz (İranda bundan
artıq bir hәrәkәt yoxdur zәnn edirәm). Amma
bizim Bakıda belә deyil: Hәp bir işindә, hәr
bir hәrәkәtindә, hәr bir durub-oturuşunda,
hәr bir addımında ehtiyatlı olmalısan vә illa,
çüzi bir oyan-buyan oldumu, görürsәn ki,
qiyamәt qopdu. Nә üçun ayağuvu geri qoydun,
nә üçün bu sözü dedin, nә
üçün filan elәdin vә s.
Çox adam deyir ki, bu bir yaxşı
sifәtdir, çünki insanı ehtiyatla dolanmağa vadar
edir. Mәnim zәnnimcә, bu bir xәyali-xamdır. Qoy
hәr kәs sәrbәst dolansın, sәrbәst
dolanan adamın fikir vә xәyalı da sәrbәst
vә azad olar.
* *
* * *
Qәzetlәrimiz şikayәt edirlәr
ki, qәzet oxucularımız azdır. Mәn bu
şikayәti haqlı hesab edә bilmirәm.
Çünki hәr kәsi görürәm, qәzetdәn
bәhs edir. Hәr kәslә mübahisә edirәm,
qәzetlәrdәn mәnә dәlil vә
sübutlar gәtirir. Bәs, qәzet oxumayan adamın
qәzetdәn xәbәrdarlığı olarmı?
Bәlkә qәzetçilәrimiz
"qәzet müştәrisi azdır" demәk
istәyirlәr? Hә!... Buna mәnim bir sözüm
yoxdur. Bu, ola bilәr. Nәinki ola bilәr,
hәqiqәtdә dә belәdir. Görünür ki,
qәzet müştәrisi azdır. Amma qәzet oxuyan
әhli-savad yoxdur. Bu nә tәhәr olan işdir?
Nә tәhәr olacaq?
Fәrz edәlim ki, Abbasqulu bir qәzetin
müştәrisidir. O surәtdә Abbasqulu sakin olan
mәhәllәdә heç bir kәsin qəzet
almağa ehtiyacı yoxdur. Çünki Abbasqulunun iltifatı
sayәsindә aldığı qәzet bir
mәhәllәnin adamlarının hamısına
kifayәt edir.
* *
* * *
Qәzetlәrimizin müştәrilәri
azdırsa da, özlәri getdikcә çoxalmaqdadırlar.
Әlhal, tәk bir Bakı şәhәri 3 qәzet
vermәkdәdir. Kazan isә 5 qәzet intişarına
müvәffәq olubdur. Sair şәhәrlәr
dә Bakı ilә Kazandan geri durmaq istәmirlәr.
Qәzetlәrimiz cürbәcürdür.
Kişilәrimizә mәxsus, arvadlarımıza
mәnsub, uşaqlarımıza mütәәlliq
qәzetlәrimiz vardır. Lakin ... "çoxluq"
sözünә dair türkün bir senzorsuz mәsәli
vardır ("senzorsuz" sözünü mәn
"әz bәrayi-xali nәbudәni-mәrasilә"
dedim. Özüm yaxşı bilirәm ki,
hökumәtә müxalif sözlәrdәn savayı
ağıza gәlәn (hәr) sözü senzor buraxar vә
buraxır da).
Görünür ki, bәzi qәzetlәrimiz, bu zәrb mәsәli isbat etmәk istәyirlәr. Belә ki, o qәzetlәrdәn yavaş-yavaş "xuliqanlıq" iyi gәlmәkdәdir.... "Nur" ilә "Bәyanül hәqq"in acığı tutmasın.