MÜӘLLİMLӘRİMİZİN
KEÇMİŞ GÜNLӘRİNDӘN
Heç
xәbәrin oldumu ki, Mirzәqulu ilә nә
sluçitsa oldu?
-- Yox, a çto?
-- Pah! Bir görәydin ki, direktor ona nә yaman vıqovor elәdi.
-- Mәn ölüm?!
-- Yey
boqu, sәn ölәsәn!
-- Yәni bizim Mirzәquluya ha?!
-- Bizim
Mirzәquluya!
-- Direktor
vıqovor elәdi?
-- Direktor
stroqi vıqovor elәdi!
--
Yaxşı, nә
üçün, poçemu?
-- Potomu
çto, dünәn Mirzәqulu
gedib direktorun yanına Levitskinin yazdığı uçebniki
aparıbdır ki, vaşe provosxoditlstvo, yaxşı olardı
ki, bu kitabı kәnara qoyub, öz sinәmizdәn dәrs verәydik. Direktor soruşub ki,
"Poçemu?". Bu da cavab veribdir ki, "Potomu çto bu
yazılan şeylәr ilә
uşaqları interesovat elәmәk olmur...." "Elә bunu deyәn kimi direktor dik ayaq üstә qalxıb bir
çığır-bağır elәyib ki, Mirzәqulu deyir, "Az qaldı qulaqlarım
batsın". Başlayıb ki, "Da kak vı smeyete! Sәnin nә cürәtin var ki, ustanovlenii proqramda olan
kitabı tullayasan?! Kim sәni poneçitel tikibdir.... Ya vam takoy musulmanski dux zadam,
çto i duxa vaşeqo tut ne budet!! Qәrәz, bir çox ağır sözlәr deyib, sonra da pribavit elәyibdir ki, "ya o vaşey
derzosti donoşu qospodinu popeçitelyu".
--
Çox da yaxşı olubdur, belә çox gözәl olubdur. Hәlә bu, Mirzәquludan ötrü azdır.
--
Neyçün, balam?
-- Әşi, sәn bilmirsәn ki, Mirzәqulunun bәzi vәdә başına necә qlupi vıdumkalar gәlir. Görürsәn, birdәn dәrsin arasında başlayır
uşaqlara nağıl deyir vә ya baxırsan ki, müsәlman havaları oxudur.... Min dәfә demişәm ki, әdә, belә elәmә, direktor bilәr, sәnә vıqovor elәr, xalq arasında bәdnam olarsan. Deyir, "Әşi, direktor nә bilir...."
Bir dәfә gedib görürәm ki, kәndin adamlarını
başına yığıb rus zakonlarından nağıl
edir. Deyirәm:
evin yıxılsın, sәni bura dәrs
demәyә göndәriblәr, yoxsa deyiblәr ki,
get, camaata yuristlik elә?! Mәn sәnә deyim: bir az keçmәz, görәrsәn ki, Mirzәqulunu qovdular, vallah.
-- Elәdir, hә! Direktor onu yaman nenavidit elәyir.
-- Bilirsәn nә var? Sözün doğrusu, onun
qovulmağı yaxşıdır. Çünki, canım, o
bizi dә
naçalstva qabağında rüsvay elәyir....
-- Bәs, elә isә, yaxşısı budur ki, Mirzәquludan gen gәzib direktora da bildirәk ki, bizim onunla heç bir әlaqәmiz yoxdur. Yaxşı deyilmi!
--
Koneçno! Koneçno! Әlbәttә, yoxsa ki, qurunun oduna nә üçün yaş da
yansın.... Mәn
bunu çoxdan demişәm vә gәrәk elә elәyәk. Paka! Nu, xudahafiz!
-- Hәlә ki, dosvidaniya.