OLARMI, OLMAZMI?
Osmanlı qanuni-әsasisinə inanmaq
olarmı, olmazmı?
Hәmin bu mәsәlə çox
adamın fikrinә gәlir vә çox adamın bir
çoxu deyir ki, olmaz vә bir qәdәri dә
"olmaz" demәk xoşuna gәlmәdiyinә
görә deyir: "Olar!" İndi baxaq görәk
olarmı, olmazmı?
İngilis Osmanlıya dedi ki, Makedoniyada islahat
lazımdır!
Rusiya da Osmanlıya dedi ki, Makedoniyada
islahat lazımdır!
Bu cürә sözlәr Osmanlıya giran gәldi. Bir az fikir elәdi vә soruşdu: "Makedoniya kimin
yeridir?"
Dedilәr:
-- Xristianların!
Bu cavab
Osmanlını bir-iki dәfә
öskürmәyә mәcbur etdi. Baxdı gördü ki,
bunların "islahat" sözü özgә bir mәnaya işarәdir.
Doğrudan
da, çox vaxt, belә olur ki, lap açıq vә aydın bir sözün başqa bir
mәnası olur.
Mәsәlәn, görürsәn Kәrbәlayı Cәnnәt axşam evindә oturub, arvad-uşağı
ilә bozbaş
yeyir, bir dә
eşidirlәr
ki, darvazadan bir sәs gәlir:
"Kәrbәlayı Cәnnәt. Kәrbәlayi Cәnnәt, bir qapıya dur, sәni görmәk istәyirlәr".
Kәrbәlayı Cәnnәt bu sözlәrin әsl mәnasına müvafiq qapıya durur ki,
onu görsünlәr.... Burada Kәrbәlayı
Cәnnәti vurub öldürürlәr. Onda Kәrbәlayı Cәnnәt başa düşür ki,
"qapıya dur, sәni görsünlәr"--yәni
gәl sәni öldürәk mәnasına imiş.
Osmanlı
Kәrbәlayı Cәnnәt kimi elәmәdi. Yәni bәri başdan anladı ki,
"Makedoniyada islahat lazımdır" yәni Makedoniyanı qolardıb
Osmanlıdan ayırmaq lazımdır.
Osmanlı
düşündü: Serbiya qopdu, Bolqariya qopdu, Qaradağ
qopdu, Qafqazın günbatan tәrәfi qopdu, Bessarabiya qopdu, Krit qopdu, Misir
qopmaqdadır. Әrәbistan qopar-qopmazdır.
İndi dә
Makedoniya qopsun! Bәs nә
qalsın?
Doğrudan,
bәs nә qalsın?
İngilis
yenә
yoldaşı ilә gәldi,
dedi ki, Makedoniyada islahat lazımdır! Lәnәt şeytana!... Deyәrsәn "baba lazım deyil, yer mәnim, mәn mәnim, sizә nә? Onda da ortaya "müdaxilә" mәsәlәsini qoyarlar.
Bәs nә olsun?
Osmanlı
bu fikirdә idi
ki, birdәn Gәnc türklәr "bizә qanuni-әsasi"--deyib
çığırmağa başladılar.
Osmanlı
bu "qanuni-әsası"ki
eşidәn kimi
dedi: "Aha, tapdım! Makedoniyada islahat lazım deyil!--deyib
qanuni-әsasi
verdi.
İngilis
yenә
yoldaşı ilә gәldi ki,
Makedoniyada islahat lazımdır!
O s m a n l
ı d e d i: "Onu mәn bilmәrәm"
S o r u
ş d ul a r: "Bәs, kim bidir?"
D e d i:
--
Osmanlının mәclisi-millisi!
-- Necә?
Osmanlıda mәclisi-milli?! Yoxsa Gәnc türklәrdәn qorxdun? İstәyirsәn qoy biz gәlәk onları dağıdaq!
O s m a n l
ı d e d i: "Yox zәhmәt
çәkmәyin".
D e d i l ә r:
-- Ey bivәfa! İstibdada vәfa etmәdin!...
D e d i:
--
Canım, sözün doğrusu, baxıb görürәm ki, mәsәlәn, budur
sizin qanuni-әsasiniz vә mәclisi-milliniz var, ona görә dә heç kәs sizә demir ki, mәsәlәn, Hindistanda islahat lazımdır, ya
Qafqazda islahat gәrәkdir!... Bu sәfәr
mәni bağışlayın.
İndi görәk Osmanlıda qanuni-әsasi olarmı, olmazmı? Mәn deyirәm olar.