QANLILIQ
Danabaş kәndi. Teleqraf agentasına buradan
çәkilәn teleqrafa görә, Kәrbәlayi
Hümmәtәli ilә qonşusu Qoçbalakişi
arasında soyuqlut vaqe olubdur. Qoçbalanın arvadı
Mәşәdi Gülsüm xalanın
sözlәrinә görә, bu soyuqluğun ümdә
sәbәbi çil toyuqdur.
Danabaş kәndi. Kәrbәlayi
Hümәtәli ilә Qoçbalakişinin arasında
vaqe olan soyuqluğun sәbәbi bütün
tәfsilatı ilә mәlum olubdur. Әcnәbi
qәzetlәrin yazdığına görә,
Qoçbalakişinin günaşırı yumurtlayan çil
toyuğu dünәn
gündüz saat üçdә
çәpәrdәn aşıb, Kәrbәlayı Hümmәtәligilin
hәyәtinә giribdir. Kәrbәlayı
Hümmәtәlinin balaca oğlu Hәsәnin
keçәn il Daşdibi kәndindәn çolpa
halında gәtirmiş olduğu qızıl xoruz
çәpәrdәn aşan çil toyuğu
görüb, üstünә hücum etdikdә, mәzkur
toyuq geri qaçmağa yol tapmayıb, özünü
Kәrbәlayı Hümmәtәligilin otağına
tәpibdir. Kәrbәlayi Hümmәtәlinin
cәhrә әyirmәyә mәşğul olan
arvadı kiş-kiş elәyib ayağa durduqda, binәva
toyuq çığıra-çığıra qapıdan
çölә yüyurür. Tәrq kimi
Kәrbәlayı Hümmәtәlinin özü bu halda
qapıdan içәri daxil olur.
Özünü itirmiş toyuq, tәkrar, içәri tәpilib
taxçaya minir vә orada olan
çini boşqabı salıb sındırır. Şayiәlәrә
görә, Kәrbәlayı Hümmәtәli bu
boşqabı öz әli ilә şәhәrdәn
25 qәpik pula alıbmış.
Danabaş kәndi. Kәrbәlayı
Hümmәtәlinin oğlu Hәsәn sınmış
boşqabın әvәzini çıxmaq üçün
Qoçbalakişigilin Alabaş adlı itini vurub
qıçını sındırıbdır. Nağıl
edirlәr ki, Qoçbalakişi bu iti bir oğluna
dәyişmәz imiş.
Danabaş kәndi. Qәzetlәrin son
nüsxәlәrinә görә, Kәrbәlayı
Hümmәtәligil ilә Qoçbalakişigilin
arasında münasibәti-hәmsayәgi qәt olunubdur.
Ona binaәn danışırlar ki, müharibә
naçardır. Hәr iki tәrәf
hazırlaşmaqdadır.
Bu gün yetişәn agenta teleqrafına
görә Qoçbalakişi Kәrbәlayı
Hümmәtәlinin oğlu Hәsәni
axtarırmış ki, o da vurub onun qıçını
sındırsın.
Әcnәbi qәzetlәri yazırlar ki,
bu iki qonşu arasında naçar olan müharibәni
dәf edib, araya sülh salmaq üçün Haçı
Әmirqulu tәrәfindәn sәrf olunan cəj vә
himmәtdәn heç bir nәticә hasil olmadı.
Bu gün-sabah müharibә
başlanacaqdır. Dünәn boşqabların
sınıqlarını evdәn bayıra süpürәn
әsnada Kәrbәlayı Hümmәtәlinin
arvadı yanıqlı bir nitq söylәyib; toyuq
yiyәsinin atasına söymüşdür.
Qoçbalakişinin balaca qızı bu nitqi eşidib, haman
dәm anasına vә anası da axşam atasına
xәbәr veribdir.
Danabaş kәndi. Müharibә
başlandı. Әn әvvәl Kәrbәlayı
Hümmәtәlinin arvadı ilә Qoçbala kişinin
arvadı arasında müsadimә vaqe olub, hәr iki
tәrәf bir-birinә qarşı şiddәtli bir
söyüş atәşi açdılar.
Bu atәş iki saat davam edib, bәd
Qoçbalakişinin arvadı başıaçıq
olduğuna görә, artıq davam edә bilmәyib,
evә tәrәf geri çәkilmәyә
mәcbur oldu.
Danabaş. Bu gün sübh tezdәn yenә
iki arvad arasında müsadimә vaqe oldu.
Axşamçağı qәti müharibә
gözlәnilir.
Danabaş. Qoçbalakişi özü
müharibәdә iştirak edib, tәcavüzә
başladı. Balaca Hәsәnlә anası bunun
hücumuna davam edә bilmәyib, sürәtlә geri
çәkildilәr. Qoçbalakişi hücuma davam
edirdi. Onun fikri düşmәni qәti
müharibәyә mәcbur etmәkdir.
Danabaş. Bu gün sәhәr vaxtı
Kәrbәlayı Hümmәtәlinin böyük
oğlu Muxtar Kalafa kәndindәn gәlib, haman dәm
müharibәyә girişdi. Son dәrәcә
şiddәtli bir müharibә oldu. Hәr iki
tәrәf bütün qüvvәtini meydana
çәkmişdi. Tamam üç saat davam edәn
ağac davasından sonra hәr iki tәrәf xәncәrә
әl uzatdılar vә Muxtar yaralandı. Lakin
müharibә davam edirdi.
Danabaş. Saat üç tamamda
Qoçbalakişi әlindә xәncәr Muxtarın
üstünә sürәtli bir hücum qurduğu
әsnada Muxtar güllә ilә vurub Qoçbalakişini
öldürdü. Ona görә o tәrәf
basıldı. Şayiәlәrә görә polis
müdaxilәsi gözlәnir.
Danabaş. Muxtar qaçıbdır,
gözlәndiyi üzrә polis müdaxilә edib,
Kәrbәlayı Hümmәtәli tutuldu.
Qoçbalakişinin qanını almaq vәzifәsi qardaşı
Hәsәnqulunun boynuna düşür.
Danabaş. Bu gün alınan teleqraf
xәbәr verir ki, dünәn kecә saat 9-da Muxtar
çәpәrlәrin dibindә güllә ilә
öldürülübdür. Hәsәnqulu
kәnddәn qaçdığına görә, zәnn
edirlәr ki, Muxtarı öldürәn odur.
Muxtarın qanını almaq vәzifәsi
Muxtarın әmisi oğlu Sәfiyarın boynunadır.
Danabaş. Kәrbәlayı
Hümmәtәli ilә Qoçbalakişinin arasında
müharibәyә sәbәb olan çil toyuğu
dünәn gecә saat 12-dә çaqqal aparıb
yeyibdir.
Bu xәbәr bütün kәnd әhlini tәşvişә salıbdır. Toyuqların әmin-amanlığı tәrәfindәn böyük nigarançılıq vardır. Qәrar qoyulub ki, gecәlәr itlәri zәncirdәn buraxıb açıq saxlasınlar.