QULAQ ARDINA VURMAQ

Rus vә yapon müharibәsi әsnasında bizim avam xalqımıza deyirdilәr ki, yaponlar quş kimi uçub Peterburqun başına gәliblәr, iki saatdan sonra rus paytaxtını alacaqlar.... Yaponlar öz dәryalarının dibinә girib bir aydan sonra rus dәryasının içindәn çıxıbdılar vә s.

Biz "abrazovannılar" avamımızın bu sözlәrini eşidәndә gülürdük, "elә şey yoxdur"--deyirdik. İndi, bizdәn milyon dәfә artıq "abrazovannı" olan әcnәbilәr bizim bu Qafqaza dair elә qәribә әhvalatlar danışırlar ki, bişmiş toyuğun gülmәyi tutur. Bu әhvalatı yalnız danışırlar deyil, mәşhur qәzetlәrindә dә yazırlar. Belә ki, ingilis qәzetlәrindә yazmışdılar ki, Bakı şәhәri general-qubernatoru ilә bir yerdә dağılıb, viran olubdur. İndi dә alman qәzetlәrindә yazırlar ki, guya Qafqaz müsәlmanlarından

bir firqә İrana gedib, İran әhlini rus әleyhinә qalxızırlarmış, bunt istәyirlәrmiş vә bu firqәnin әlindә iki qәzet vә hәr qәzetin 70 min (pah, atanla yeri!) müştәrisi varmış!...

İndi biz bu mәdәniyyәtli әcnәbilәri dә öz avamımız yerindә qoyub, gülәkmi, yoxsa "bu mәdәniyyәtin daşıb tökülmәsindәn irәli gәlәn sәrsәm azarı, dәrddir"--deyә qulaq ardına vuraq?

Osmanlı dövlәti Rusiyada vaqe olan iğtişaşın, baxüsus, zabastovkanın hamısını qulaq ardına vururdu. Amma indi zabastovka mәrәzi özünә dә sirayәt etmәkdәdir. Belә ki, "Tunә" qәzstinin sözünә görә, İstambulun tütün (tәnbәki) fabriklәrindo üçüncü dәfәdir ki, zabastovka vaqe olmaqdadır. Odur ki, hökumәt bәrk әl-ayağa düşübdür. Mәlumdur ki, insanı heyvan dәrәcәsinә yetirsәn, zabastovka da elәr, boykot da elәr, hәlә desәn....