QOY, ÜFÜRSÜNLӘR!
Dünyada olan bütün diri mәxluqatın
(hәtta bәzi nәbatatın da) bir
qüvvәyi-tәdafiәsi vardır.Yәni bir
karastısı var ki, onunla düşmәni dәf elәyir.
Mәsәlәn, şirin vә bәbir
kimi heyvanların qüvveyi-tәdafiәsi iti dişlәri
vә dırnaqlarıdır.
Arının vә bәzi
cücülәrin qüvveyi-tәdafiәsi
tikanlarıdır.
Quşların
qüvveyi-tәdafiәsi
iti dimdiklәridir. Bәzi nәbatat var ki, onların
qüvveyi-tәdafiәsi hiss vә zәhәrli bir
qoxudur.
İndi gәlәk adamlara.
Adamlar müxtәlif firqәlәrә
bölündüklәri üçün onların
müxtәlif dә qüvveyi-tәdafiәlәri
vardır.
Qoçular firqәsinin
qüvvәyi-tәdafiәsi afserski tapançadır.
Hәqiqi yazıçıların
qüvveyi-tәdafiәsi qәlәmdir.
Yalançı yazıçıların
quvveyi-tәdafiәsi söyüşdür.
Dövlәtlilәrin
qüvveyi-tәdafiәsi puldur.
Aya, bәs mollanümalar firqәsinin
qüvveyi-tәdafiәsi nәdir? Rәvayәt
elәyirlәr ki, onların qüvveyi-tәdafiәsi
tәkfirdir.
Tәkfir tәfil babından
әmәlә gәlәn bir sözdür.
İndi baxaq, görәk, aya, bu, tәkfir
nә tövr karastıdır?
Hamıya mәlumdur ki, bomba insanı parça-parça edir.
Güllә adamı deşir.
Xәncәr kәsir.
Qәlәm biabır edir.
Söyüş
incidir.
Pul Sibirә
göndәrir.
Bәs tәkfir nә qayırır? Rәvayәt edirlәr
ki, tәkfir insanı
kafir edir.
Amma heyif ki, mәn bunu başa düşә bilmirәm. Necә yәni insanı kafir edir?
Әvvәla, hansı insanı? Urusu, yoxsa müsәlmanı?
Ehtimal var ki, müsәlmanı, çünki urus onsuz da kafirdir.
Bәs
hansı müsәlmanı?
Әgәr dinindәn dönәn müsәlmanı, onda tәkfirin lüzumu yoxdur,
çünki dinindәn dönәn
aşkar deyir ki, mәn kafirәm.
Bәs elә olan surәtdә aya, dinindәn dönmәyәn bir müsәlmanı nә tövr kafir etmәk olar?
Mәn burasını
yaxşıca anlayıram ki, bir molla bir kafiri
müsәlman edә bilәr. Amma burasını heç qana
bilmirәm ki,
molla müsәlmanı
kafir etsin! Çünki müsәlmanı kafir elәmәk misyonerlәrin
işidir. Bu bir.
İkinciyә qalan yerdә, allah
taala Mәhәmmәd Әleyhissәlamı göndәrdi ki, kafirlәri müsәlman etsin. Mәhәmmәd Әleyhissәlam dәxi etdi.
Aya, bәs mollanümalara kim tapşırdı ki, Mәhәmmәd Әleyhissәlam müsәlman edәn adamları kafir elәsinlәr? Sözün doğrusu, bu mәsәlәdә lap mat qalmışam!
Srağagün
"Tәrәqqi"dә oxuyuram ki, müctәhid Ağa Hәsәn, müctәhid Ağa Kәrim vә Mir Haşım car
çağırtdırıbdılar ki, hәr kәs mәşrutәçilәrә çörәk vә avadanlıq gәtirsә tәkfir olunacaqdır.
Yenә dә irәlidә oxumurdum ki, müctәhid Şeyx Fәzlullah elan edibdir ki, mәşrutә istәyәn müsәlmanlar kafirdilәr.
Vә bu tәkfirin qorxusundan da heç bir
kәs dörd
gün Tәbrizә azuqә göndәrmәyibdir. Bundam belә mәlum olur ki, doğrudan da, tәkfir haman
mollaların qüvveyi-tәdafiәsidir.
Xub, bәs o
Tәbrizi bu
Ramazanül mübarәkdә
dörd gün ac qoyan müsәlmanlar nәdәn qorxublar? Tәkfirdәn?!
Yenә başa düşmürәm!
Qoy
müctәhid
Mirzә Hәsәn desin ki, filankәs kafirdir, çünki Tәbriz aclarına çörәk gәtiribdir.
Aya, görәk onda mәn
filankәsin dili
la lahәillәllah tutmazmı?
O mәnә deyir ki, sәni tәkfir etdim, sәn kafirsәn.
Mәn dә baxıb görürәm ki, onun sözilә mәnim nә zahirim kafir oldu, nә dә batinim. Xub, mәn tәkfirdәn
nә
üçün qorxum? Vә ac müsәlmanları da ramazan
günündә
çörәksiz
qoyum?!
Xülasә! hәqiqi molla müsәlmanı kafir etmәz, kafiri müsәlman edәr. O birilәrinә dә heç kәs bu ixtiyarı vermәyibdir. O surәtdә demәli, tәkfir, yәni üfürmәk.
Elә isә, qoy üfürsünlәr!