SÖHBӘT
-- Canım, bu nә işdir ki, hansı
müsәlman qәzetini açırsan, içindә
Cәfәrov.... Dövlәt duması ... müsәlman
firqәsi.... Kadetlәr firqәsi.... Bircә mәni
başa sal görüm, bu nә әhvalatdır, nә
göftgudur, nә mübahisәdir? Nә
çaxna-vaxnadır?....
-- Әşi, bax mәn sәnә deyim,
başa düş: Dövlәt dumasında kadetlәr,
oktyabristlәr vә nasionalistlәr bir blok qurubdular.
Müsәlman firqәsi bu bloka daxil olmayıbdır. Bir
nәfәr Maqsudov adında bir müsәlman bu
işdәn dilgir olub, götürüb
"Yıldız" qәzetәsinә....
-- Sәn allah, bircә dayan.
Әvvәlcә, bir mәnә qandır görüm bu
kadet, kadet ki, deyirsiniz, bunların dumada nә işlәri
vardır?
-- Necә nә işlәri vardır?
Kadetlәr dumada böyük firqәdir.
-- Aha, demәli, İranda candarmalar firqәsi olan kimi Rusiyada da
kadetlәr firqәsi vardır.
-- Xeyr, a!
Candarmalar hara, kadetlәr hara. Candarmalar qulluq
adamlarıdır, amma kadetlәr
siyasi bir firqәdir.
--
Yaxşı, bәs
onlar da dumada qulluq elәyirlәrmi?
--Necә qulluq? Sәn elә bilirsәn ki, Dövlәt duması şәhәr duması kimi bir şeydir ki, içindә qulluq elәyәnlәr
dә olsun?
-- Xeyr,
orasını bilirәm, ancaq kadetlәrin orada nә
işlәri
olduğunu yaxşı başa düşmürәm.
--
Canım, kadetlәr,
sәnә deyirәm ki, bu siyasi firqәdir, partiyadır.
-- Bәs, yaxşı, yәni bu kadetlәr yunkerlәr kimi vayenni deyillәrmi?
-- Aha! Bәs, görünür ki, elә bilirsәn ki, kadet bu kadetski korpuslarda
oxuyan
şagirdlәrdәn ibarәtdir.
-- Bәli. Bәs elә deyilmi?
-- Bәs, onda sәn yәqin ki, oktyabrist kim
olduğunu da bilmirsәn? Nasionalistlәri dә
bilmirsәn?
--
Sözün doğrusu, bilmirәm.
-- Sağ
vә sol
olduğunu da bilmirsәn?
-- Hә, hә, bax, onu da bilmirәm.
-- Müsәlman firqәsini dә bilmirsәn?
-- Vallah,
bilmirәm.
-- Deyәsәn, Dövlәt duması nә olduğunu da bilmirsәn?
-- Vallah,
billah, onu da bilmirәm.
............................................
Belә olan surәtdә mәn bilmirәm ki, kimin kimi mәzәmmәt etmәyә haqqı vardır: qәzetçilәrin vә ziyalıların deputatlarını, yoxsa onların bunları....