"SLOVO" QӘZETİNDӘ
"Slovo" qәzetinin müxbiri İrandan
teleqraf vasitәsilә gәlәn xәbәrlәri
cәmlәyib, hamısını bir yerdә, belә
yazır:
"İranda kamali-asudәgi vә asayiş
bәrpadır. Mәsәlәn, mәclis
dağılıb, üzvlәr divarlar altında
qalıbdır. Mәhbusları tutub şişә
çәkirlәr. Rәhim xanın atlıları
әhalinin arvad vә kişilәrinin barәsindә
bildiklәrini elәyib, әllәrindәn
gәlәni müzayiqә etmirlәr. Qarәt olunan
şeylәri çox ucuz satırlar, ona görә,
bütün İranda bәrk ucuzluqdur. Qәzetlәrә
qarşı şiddәtli bir tәdbir görmәk lazım
deyil, çünki sakitlikdәn bәridir ki, daha bir
qәzet dә yoxdur. Boğazlarından asılmış
qәzet müdirlәri dә dinmәz asılıb
tüğyan etmirlәr. İranı bu cürә sakit
edәn adamlar gündә beş-altı dәfә Qurana
and içirlәr ki, mәşrutәdәn
lәzzәtli şey yoxdur!
Camaat da şadlığından şıllaq atır, vәssalam."