SӘDİNİ TӘNQİD, HAFİZİ
TӘRİF
Bәli, yenә Sәdi bir yerdә deyir ki,
Mәkon tәkyә bәr molke-dünya
vә poşt,
Ke, bisyar kәs çün to pәrvәrd koşt.
Yәni nahaq yerә dalını dünya
malına söykәmә, çünki çox adamları sәnin kimi bәslәdi vә öldürdü.
Mәn buna razı deyilәm. Deyinәn nә üçün?
Әşi,
ondan ötrü ki, әvvәla,
ölüm elә
bir şeydir ki, kasıba vә dövlәtliyә baxmaz, onun bura dәxli yoxdur. O ki, qaldı
dünya malına dal söykәmәyә, --xub, Sәdi bir mәnә desin görüm, dünya malına
dal söykәmәsәn, gedib naçalnikә әl verә bilәrsәn? Ya keyfinә görә iş görә bilәrsәn? Ya camaat içindә "böyük" ola bilәrsәn? Ya yanında bir sürü
qoçu saxlaya bilәrsәi? Ya
bazara çıxıb adamların atasının goruna söyә bilәrsәn? Vallah bilmәzsәn?!
Әlqissә, yenә Sәdi kitabının bir yerindә deyir ki:
Anki, ba
pulad bazu pәçce
kәrd,
Saede-simini-xodra rәnce kәrd.
Yәni hәr kәs polad qollu bir adamnan gülәşib, qurşaq tutsa, öz
gümüş bilәyini sındırar.
Sәdi bu şeri lap nahaq yerә yazıbdır! Çünki
bu saat nә polad
qollu adam taparsan, nә dә
gümüş bilәkli oğlan.
Bu
dünyada o cürә pәhlivanlığı
tәk bir sirklәrdә elәyәrlәr ki, camaat baxıb, bir az keyfi
açılsın. O ki, qaldı küçәdә, bazarda dalaşmaq istәsәn, qabağında polad qollu pәhlәvan olmasın, lap Musa peyğәmbәrlә dalaşan Ucubunuq olsun, piştonu
çıxardıb elә bir patron qaxarsan ki, beyni burnundan gәlәr.
Özün
dә arxayın
ol, öldürdüyün adam müsәlman olsa, kim sәnә bir söz deyә bilәr?
Yenә Sәdi bir yerdә istәyir filosofluq elәsin. Ammz düz gәlmir. Mәsәlәn: deyir ki;
Dәh dәrviş dәr kelimi bexosbәnd
Do
padşah dәr
eqlimi nәkon cәld.
Yәni 10 nәfәr kasıb adam bir palaza
bürünüb yatarlar, amma iki nәfәr padşah bir mәmlәkәtә sığmazlar.
Canım
üçün, bu belә deyildir ki, belә dә olsun.
Әvvәla, 10 nәfәr adamı bir palaz bürümәz, bürüsә dә gәrәk palaz çox yekә olsun. Yekә olsa da onu o saat
oğurlayıb yaxşı qiymәtә satarlar. İkinciyә qalan yerdә, necә ola bilәr ki, bir mәmlәkәtә iki padşah
sığışmasın. Halbuki tәk bircә Osmanlı mәmlәkәtindә dörd-beş dәnә padşah var. Hәlә, desәn, bir ikisi dә ora özünü soxmaq istәyir.
Yox,
sözün açığı, Sәdi bir o qәdәr dә sәn deyәn "ağıl" sahibi
deyilmiş, nahaq yerә bir belә
onu tәriflәyirlәr, amma Hafiz. Hә, bax, buna heç bir sözüm
yoxdur. Bu kişi Cədiyә görә
yenә çox
babәtdir. Mәsәlәn deyir ki,:
Berov bә kare-xod ey vaiz, ni çe fәryadәst,
Mera fitade
Yәni deyir ki, әşi, çıx get
işinin dalınca, ay vaiz, xalq nә haydadır, sәn nә haydasan.
Doğru
da deyir kişi, canım, da! Axı nә vәz vә nә nәsihәtbazlıqdır. Mәn bilmirәm ki, biri qalxır, ay ittihad
edin o biri çıığrır ki, ittifaq qayırın,
ay millәt geridә qalıb, cәhalәt bizi basdı, xabi-qәflәt evimizi yıxdı, filan filan oldu, bәhman oldu. Әşi, dadaş, bәsdir dә! Qoymazsınız ki, xalq
öz iş-gücünә mәşğul
olsun? Siz özünüz bikarsınız deyibәn, xalqı da işdәi avara elәmәk istәyirsiniz. Ayıb deyil?...
Amma lap
cana yatan sözlәri hafiz, bax, bu şerindә deyib:
Şәrabi, eyşi-nehan çist,
xare-bibonyad
Zәdim, bәr sәfe-rendan hәr ançe bada bad.
Yәni deyir ki, bax, şәrab, eyş, filan, -- bunlar
hamısı mayasız bir işdir, vurduq
özümüzü lotular cәrgәsinә, hәrçi bada bad!
Deyirәm gör necә hafiz bizim işlәrimizә bәlәd imiş, vallah.
Doğrudan
da, bizim bu dünyanın işi lotuluqdur vә lotuluqdur vә bir dә üstdәn lotuluqdur.
Hәr kәs ki, bu dünyada lotudur, onun keyfi
kökdür, çünki lotuya nә var, arı yeyib, namusu bağlayacaq
belinә. Ondan
sonra hәr nә qayırsa,
hamısını lotuluğuna salıb, çıxıb gedәcәkdir işinә.
Bax, bu dünyada hәr nә çәtin iş olsa, hamısını lotuluqla düzәltmәk olar. Deyәk, mәsәlәn, indi bu gün sәn özünә millәtpәrәst demәsәn çörәk pulun çıxmayacaqdır. Nә zәrәri var, lotuluğa sal, deyinәn ki, millәtpәrәstәm! Sonra indi iş elә düşәr ki, labüd sosialist olasan. Nә zәrәri var, lotuluğa sal, deyinәn ki, sosialistәm . Sonra lazım olar ki, deyәsәn panislamistәm. Nә zәrәri var, lotuluğa sal, deyinәn ki, panislamistәm. Sonra mәsәlәn, işdir, adamdır, birdәn elә bir yerә düşәrsәn ki, gәrәk "әsil ruslara" quyruq bulayıb, tәrәfdar çıxasan, nә zәrәri var, lotuluğa sal, deyinәn ki, sizә canım qurban. Hәrgah bir adam sәnә irad tutub deyә ki, niyә belә sifәtdәn-sifәtә düşürsәn, onda da yenә lotuluğa salıb deyinәn ki, mәn ölüm üstünü vurma!