TӘZӘ XӘBӘR
Eşitdiyimizә görә
şәhәr idarәsi belә qәrar qoyubdur ki, daha
indәn belә müәllimlәrlә
alış-veriş elәsin. Mәsәlәn, elә müәllim
var ki, iyirmi dәrsi әlli manata deyir, elә
müәllim dә var ki, haman iyirmi dәrsi qırxca manata
deyir. İş belә olan surәtdә daha
şәhәr idarәsinә nә
düşübdür ki, 40 manat yerinә 50 manat versin? 10
manat tәfavüt elәyir, zarafat deyil! O ki, qaldı
dәrs yaxşımı olacaq, pismi, onun şәhәr
idarәsinә dәxli yoxdur.
Mәlum olduğu üzrә,
müsәlmanlar içindә әn әvvәl danos
yazanlar bәylәr oldular. Sonra bu adәt kәnd
yüzbaşılarına keçdi, sonra
hacılarımız vә qara vә qırmızı
vә ağsaqqallarımız dәxi bu işi çox
bәyәnib, adәtkardә oldular.
Әhvalat bu üzrә ikәn
müәllimlәrimiz gördülәr ki, adә, rusca
bilәn bunlar, zakona bәlәd olan bunlar, amma danos yazan
özgәlәr!...
"Yox, belә olmaz" -- deyib,
müәllimlәrimiz dәxi bir-birlәrindәn danos
yazmağa şüru edibdilәr. Ümmidvar olmalıdır
ki, bu "gözәl" adәt әhalimizin sair
siniflәri arasında da intişar tapıb, bir
qәdәrdәn sonra bütün Rusiya
müsәlmanlarının hamısı danos yazan olacaqlar.
Gәncә müxbirimiz yazır:
"İrandan buraya bir adam gәlibdir, hәm molladır,
hәm seyiddir, hәm kәrbәlayı, hәm dә
mәşәdi. Mәzkur "müqәddәs"
şәxs Gәncәyә varid olan kimi, әhalinin
orucluq günü qәzet oxumaq kimi böyük
mәsiyәtlәrә mürtәkib olduğunu
görüb, çox acığı tutubdur vә moizә
әsnasında şeytan barәsindә camaata bir
mәlumat veribdir ki, eyni budur:
-- Dünyada iki cür şeytan vardır.
Onların biri dәli vә o biri dә
ağıllıdır.
Zәmani ki, dәli şeytan insanın
qәlbinә girir, insan haman dәm dәli olur vә
zәmani ki, ağıllı şeytan insanın
qәlbinә daxil olur, insan haman dәm....
Cәnab "müqәddәs"
istәyib desin ki, ağıllı olur, amma onun
әvәzindә camaata üç salavat çevirdib,
özü dә fikrә gedibdir vә sonradan sonraya deyibdir;
"dünyada nә ki maşın, piraxot var,
hamısını icad edәn ağıllı
şeytandır. Qәzet yazanlar dәxi haman
ağıllı şeytan cümlәsindәndir.
Ona görә onlara yaxın durmaqdan ictinab
etmәlidir".
İ d a r ә d ә n: Piraxot mәsәlәsindәn mәlum olur ki, axund Arazdan keçib gәlәnlәrdәndir.