MÜSӘLMANLARIN HALI

Hökumәt qapısında

-- Kәrbәlayı Bәdәl, görә bildin?

-- Görә bildim.

-- Nә dedi?

Dedi: "Zavtra"!

Ağalar qapısında

-- Mәşәdi Fәrәcullah, ağa evdә idi?

-- Bәli, evdә idi.

-- Sәni gördü, nә dedi?

-- İki dәfә üzümә tüpürdü, bir dәfә dә atamın goruna

söydü.

İntelligent qapısında

-- Mahmud әmi, razı oldumu?

-- Balam, yox!

-- Nә üçün?

-- Dedi, beş yüz manat ver, yazım.

Dövlәtli qapısında

-- Kәrbәlayı Müseyyib, getmişdin?

-- Hә, getmişdim.

-- Görә bildin?

-- Balam, yox. Sәhәr yatmışdı, günorta çörәk yeyirdi,

axşam da evdә yox idi.