SAYAÇI SÖZLӘR
Sәlam әleyk sәy bәylәr,
Bir-birindәn yey bәylәr!
Saya gәldi gördünüz,
Salam verdi aldınız
Alnı tәpәl qoç quzu
Sayaçıya
verdiniz.
Siz sayadan
qorxmusuz,
Sәfa yurda qonmusuz.
Sәfa olsun yurdunuz,
Ulamasın qurdunuz.
Ac getsin avanınız[1],
Tox gәlsin çobanınız.
[1] Avan -- düşmәn, burada qurd
mәnasındadır.
Bu saya yaxşı saya,
Hәm çeşmәyә, hәm
çaya,
Hәm ülkәrә, hәm aya,
Hәm yoxsula, hәm baya
Bu saya kimdәn qaldı?
Adәm atadan qaldı.
Adәm ata gәlәndә,
Qızıl öküz duranda,
Qızıl buğda bitәndә,
Dünya binnәt olanda,
Musa çoban olanda
Şişliyimiz erkәcdi.
Onun dәrdi uludur,
Aşıqlığı qurudur.
Ucası qiymәtlidir,
Qabırğası dadlıdır,
Qabırğa içrә pәrdә,
Salmaz adamı dәrdә.
Pәrdәsi iki rәngdir.
Böyrәk ona dirәkdir,
Altmış arşın bağırsaq,
Bir-birinә ulğaşıq.
Zinhar qoyunu vurma,
Qoyunsuz evdә durma!
Qoyunlu evlәr gördüm,
Qurulu yaya bәnzәr.
Qoyunsuz evlәr gördüm,
Qurumuş çaya bәnzәr!
Qoyun var, kәrә gәzәr.
Qoyun var, kürә gәzәr.
Gedәr dağları gәzәr.
Gәlәr evlәri bәzәr.
Kәrәsidi oyunun,
Kürәsidi qoyunun
Aclıqmızdan gәzәrik.
Çövrәsindә qoyunun.
Nәnәm qoyunun qarası,
Qırxlığı polad parası,
Yaz günü dәlәmәsi,
Yay günü kürәmәsi,
Qış günü qovurması!
Nәnәm o şişәk qoyun,
Yunu bir döşәk qoyun,
Bulamanı bol elә,
Qırıldı uşaq, qoyun!
Nәnәm qumral tat qoyun,
İldәn-ilә art qoyun.
Balalar ölmәkdәdir,
Ölmә gәl, namәrd, qoyun!
Nәnәm o saçaq qoyun,
Birәdәn qaçaq qoyun,
Sәnә yaman baxanın
Gözünә bıçaq qoyun!
Nәnәm o kürdü qoyun,
Otladı durdu qoyun.
Ay qaranlıq gecәdә
Görübdü qurdu qoyun.
Nәnәm o narış qoyun,
Yunu bir qarış qoyun.
Çoban sәndәn küsübdür,
Südü ver, barış, qoyun.
Nәnәm o göyçә qoyun
Gedәrsәn öycә qoyun,
Yeyәn sәnin ucundan
Dolanır bәycә qoyun.
Yastı-yastı tәpәlәr
Yastığıdır çobanın.
Yumru-yumru qayalar
Yumruğudur çobanın.
Әlindәki dәyәnәk
Qılıncıdır çobanın
Yanındakı boz köpәk
Yoldaşıdır çobanın.
Ağzı qara canavar
Düşmәnidir çobanın.
Nәnәm qoyunun ağı,
Gedәr dolanar dağı.
Biçәr qara qayağı.
İçәr sәrin bulağı.
Qarılar dutar yağı.
Gәlinlәr yeyәr quymağı
İlla ki qayqanağı,
Çobana vurar dağı.
Qızlara cahiz ağı,
Çobana çarıq bağı.
Nәnәm boz, ala qoyun,
Yolda suzala[2] qoyun,
Yeyәn sәnin ucundan
Gözәl qız ala, qoyun.
[2] S u z a l a m a q -- yorulmaq, әldәn
düşmәk.
Nәnәm o gәlin qoyun,
Quzuna tәlin[3] qoyun,
Yeyәn sәnin ucundan;
Gәtirib gәlin, qoyun.
[3] T ә l i n -- mehriban, sәmimi olmaq, mehr
salmaq.
Nәnәm o qәmәr qoyun,
Quzusu әmәr qoyun,
Yeyәn sәnin ucundan:
Bağlayıb kәmәr, qoyun.
Nәnәm o qaşqa qoyun,
Minmisәn eşqә qoyun,
Yeyәn sәnin ucundan
Çıxıbdır köşkә qoyun.
Nәnәm o qızıl qoyun,
Yollara düzül qoyun.
Ölmәmisәn, qalmısan,
Qalasan yüz il qoyun.
Nәnәm o sәkil qoyun,
Belindә kәkil! qoyun,
Ay qaranlıq gecәdә
Arxaca çәkil, qoyun.
Nәnәm qaraqaş qoyun,
Qarlı dağlar aş, qoyun,
Ay qaranlıq gecәdә
Çobana yoldaş, qoyun!
Nәnәm qoyunun gәlini,
Avşara gәlmәz yelini,
Onu sağan gәlinin
Xınalıyım әlini.
Nәnәm qoyunun uzunu,
Döşdә bәslәr quzunu,
Sağına yatar gözlәr,
Soluna yatar bozlar.
Әli çanaqlı qızlar,
Qoyunun yolunu gözlәr.
Çoban qoyunu götürәsi,
Onu dәrәyә yetirәsi,
Ağbilәkli gәlinlәr
Sağım-sağım deyәsi.
Ağbirçәkli qarılar
Buluyum-buluyum deyәsi.
Bu oğlumun düyәsi,
Bu qızımın düyәsi,
Sarı suyu qalanda
Boz köpәyә tökәsi.
Xırdaca-xırdaca qızlar,
Әli xınalı qızlar,
Әllәrindә çanaqlar
Bәrәnin yolun gözlәr.
Qoyunun özü gәldi,
Dolandı düzü, gәldi,
Çobanın qucağında
Bircә cüt quzu gәldi.
Can quzu, canım quzu,
Tükü çalır qırmızı,
Әbrişim telli quzu,
Qonurdu onun gözü.
Biri gәlinin olsun,
Biri çobanın payı,
Üzün ağ olsun, çoban.
De, bayrama nә qaldı?
Nә qaldı, nә qalmadı?
Bir әllicә gün qaldı!
Әlli günü say ötür,
Qarmala quzu götür!
Әlli günü, gecәsi,
Sağmal subay seçәsi
Sayan yağış[4] yağası.
Sarmaşıqot bitәsi.
[4] S a y a n y a
ğ ı ş -- yaz yağışı, leysan.
Quzu quyruq tutası,
Ovlaq irtmәk atası.
Kәrәsindәn, ağından,
Öldürümsüz sağından.
Qoyun nәdәn hasil oldu,
Kimya yarpağından,
Bizimçün dә gәtirin,
Qormasından, yağından.
Yağ verәnin oğlu olsun!
Doğduğu oğlan olsun!
Yarma verәnin qızı olsun,
Qızı da qotur olsun!
Qoturuna qurd düşsün,
Qurdundan quş tapılmasın!
Qısa-qısa gәlәnin
Qısnacağı dar olsun.
Basa-basa gәlәnin
Basmacığı bәrk olsun,
Sizin dә damağınız çağ
olsun,
Oğul-qızınız sağ olsun!