MӘHCUR ŞİRVANİ

Mәchur Şirvaninin aşağıda dәrc olunan tәrcibәnd kәlamı-- ki, hәbibü yarın fәraqında yazılıbdır, -- onun rәvantәb bir şair olmağına dәlalәt elәyir:

Ey hәbibim, hәsrәtindәn çıxdı can, gәl, vәqtdir.

Ey büti-novrәstә, şuxi-mehriban, gәl, vәqtdir.

Ey üzü gül, kakili әnbәrfәşan, gәl, vәqtdir.

Ey müәttәr qönçeyi-baği-cinan, gәl, vәqtdir.

Ey xoşәlhan tutiyi-şәkkәrzәban, gәl, vәqtdir.

Ey nihali-qamәti sәrvi-rәvan, gәl, vәqtdir.

Ey bizimlә hәmdәmü yari-cinan, gәl, vәqtdir.

Ey cәmali mahtab, әbrukәman, gәl, vәqtdir.

Ey kәrәmli xosrovi-alimәkan, gәl, vәqtdir.

Ey gözü cәllad, әli peyvәstә qan, gәl, vәqtdir.

Ey gözәllik mülkünün tәxtinә xan, gәl, vәqtdir.

Neçә müddәtdir sәnin tәk şәhriyarı gözlәrәm,

Salmazam sәnsiz gülüstana güzarı, gözlәrәm,

Firqәtindәn yandırıb sәbrü qәrarı, gözlәrәm,

Türfә ruxsarında xәtti-müşkbarı gözlәrәm,

Gözlәrim yollardadır, mәn ol diyarı gözlәrәm,

Düşmüşәm qәm küncünә, sәn qәmküsarı gözlәrәm,

Çox çәkib hicrindә cövr, intizarı gözlәrәm,

İstәmәn hurü mәlәk, sәn gülüzarı gözlәrәm,

Tapmazam dünyada bir dövr mәdarı gözlәrәm,

Şimdi sәndәn әl çәkib rahi-mәzarı gözlәrәm,

Ey hәbibim, hәsrәtindәn-çıxdı can, gәl, vәqtdir.

Ay ilә gün dövr edәr eydi-vüsalın görmәyә,

Mahi-nov sәrgәştәdir mişkin hilalın görmәyә,

Şahi-hindu müntәzirdir xәttü xalın görmәyә,

Tutilәr dilxәstәdir şirin mәqalın görmәyә,

Xızr sәrgәrdan gәzәr şәhdi-zülalın görmәyә,

Yer üzün tutmuş günәş ta payimalın görmәyә,

Sәrv baş әymiş qiyami-etidalın görmәyә,

Lalәnin bağrında dağlar rәngi-alın görmәyә,

Hurilәr hәsrәt çәkәr-fәzlü kәmalın görmәyә,

Arizu eylәr mәlayiklәr cәmalın görmәyә,

Ey büti-novrәstә, şuxi-mehriban, gәl, vәqtdir.

Söylә, ey dilbәr, nәdәndir bizi bizar etmәyin,

Yarını әğyar edib, әğyarını yar etmәyin?

Ey güli-nazik, nә işdir ülfәti-xar etmәyin,

Hәr yetәn namәhrәmә dәrdi-dil izhar etmәyin,

Dostların düşmәn sanıb qeyri havadar etmәyin

Tәrk et, allahı sevәrsәn, belә rәftar etmәyin!

Xoşmudur eşq әhlini hicr ilә bimar etmәyin,

Qәm bucağında işin әfğan, günün zar etmәyin?

Dәrdini dәrd әhlinii yetmәzmi tumar etmәyin?

Mövsümi-güldür ki, lazım seyri-gülzar etmәyin,

Ey üzü gül, kakili әnbәrfәşan, gәl, vәqtdir.

Paybusun çün bahar әyyamı bağ istәr sәni,

Hәsrәtindәn lalәnin bağrında dağ, istәr sәni,

Cәm olub mәhbublәr açmış qucaq, istәr sәni,

Hәr çiçәk tutmuş әlindә bir çirağ, istәr sәni,

Baş әyib olmuş bәnәfşә bidәmağ, istәr sәni,

Nәrgisü reyhanlar olmuş göz-qulaq, istәr sәni,

Gülbün möhnәtdә әymiş qol-budaq, istәr sәni,

Rindlәr meyxanәdәn çәkmiş ayaq, istәr sәni,

Seyr üçün qurmuş şәqayiqlәr otaq, istәr sәni,

Bülbüli-zarә әsәr qılmış fәraq, istәr sәni,

Ey müәttәr qönçeyi-baği-cinan, gәl, vәqtdir.

Buyi-zülfündәn cahana can verir hәr dәm sәba,

Alәmi avazeyi-hüsnün tutubdur cabәca.

Dәrdmәndin dәrdinә şәhdi-lәbindәn ver dәva,

Ey fәda olsun sәnә yüz hur, sәndәn masәva,

Ah, neylim, eylәmiş dövran mәni sәndәn cüda.

Sәbrә müstәhkәm olaq, çün böylәdir әmri-xuda,

Sәn dәxi bir lütf qıl, çox eylәmә cövrü cәfa.

Aşiqi zar eylәmәk munca nәdir, ey bivәfa?

Bülbülün fәryadı qıldı dәhr gülzarın fәna,

Hәr sәhәr mürği-baharıstan oxurlar mәrhәba,

Ey xoşәlhan tutiyi-şәkkәrzәban, gәl, vәqtdir.

Çün mәni sәrmәst edib divanә qıldı zövqi-cam,

Ey pәri, sövdayi-eşqin tutdu könlümdә mәqam.

Bu nә firqәtdir, gözüm hicrindә qan ağlar müdam,

Yox canım, sәnsiz qәrarım hәrgiz, ey tubaxüram!

Nolu xaki-dәrgәhin olsa mәni-gümgәştә nam,

Yanıram hicraninә pәrvanәvәş ta sübhü şam.

İstәrәm nari-fәraqından alam bir intiqam,

Aşiqә yarından amma intiqam almaq haram!

Padşahın tәxtinә mәndәn sәlam olsun, sәlam!

Әzmi-gülzar etdilәr şümşadü әrәrlәr tәmam,

Ey nihali-qamәti sәrvi-rәvan, gәl, vәqtdir.

Gözlәrin yad eylәrәm, ey şux, can qәsdindәdir,

Nuki-mücganın qәmi ruhi-rәvan qәsdindәdir.

Türrәlәnmiş hәr dü zülfün din-iman qәsdindәdir,

Qaşların әndişәsi min xaniman qәsdindәdir,

Hәr sәri-muyin xәyalı bir mәkan qәsdindәdir,

Hәr dü zülfün fikri yüz min mehriban qәsdindәdir,

Novxәtin şirazәsi xәlqi-cahan qәsdindәdir,

Hәr kәmәndi-kakilin hәft asiman qәsdindәdir,

Mehri-hüsnün baş çәkib külli-İran qәsdindәdir,

Cismimi yandırdı hicrin, şimdi can qәsdindәdir,

Ey bizimlә hәmdәmü yari-cinan, gәl, vәqtdir.

Cәm olub mәhbublәr bir yerdә mәhfil bağlamış,

Dәstә-dәstә hurilәr reyhan ilә gül bağlamış,

Hәr sәnәm ruxsarına susәnlә sünbül bağlamış,

Gәrdәni-aşiqlәrә guya sәlasil bağlamış,

Eşq zәnciridir ol, ustadi-kamil bağlamış.

Gör nә möhkәm seyd qılmış, gör nә qabil bağlamış,

Zivәri-ruxsar edib hüsn üzrә hail bağlamış.

Bir neçә divanәsin ol qeydә mail bağlamış,

Hәr tәrәf güllәr açılmış, lalә kakil bağlamış,

Hәr şükufә göz açıb, hәr sәbzә bir dil bağlamış,

Ey cәmali mahtab, әbrukәman, gәl, vәqtdir.

Can verib didarına alәmdә bir ad istәrәm,

Sanma eşqin tәrk edib qeyri pәrizad istәrәm.

Bәndeyi-dәrgahınam mәn, sәndәn irşad istәrәm,

Gecә-gündüz eylәyib әfğanü fәryad istәrәm.

Hüsnünә qarşı duran әğyarı bәrbad istәrәm,

Dәrd çәkmiş xatirim hicrindә azad istәrәm.

Cövşәni[1]-sinәm xәdәngi-cövrә fulad istәrәm,

Künci-möhnәtdә dilim zikrinlә mötad istәrәm.

Üz tutub pabusuna hәr lәhzә münqad istәrәm,

Qәm hücum etmiş bu gün, sәndәn bir imdad istәrәm,

Ey kәrәmli xosrovi-alimәkan, gәl, vәqtdir.

[1]-Cövşәn -- dәmir geyim, zireh.

Mehrü eşqin, ey sәnәm, mәstü xumar etmiş mәni,

Taci-zövq ilә cahanda namdar etmiş mәni.

Çövr ilә dövri-fәlәk bәdruzigar etmiş mәni,

Suzdil etmiş vücudum, tar-mar etmiş mәni,

Sәbrü aramım alıb biixtiyar etmiş mәni.

Xublәr kuyindә xaki-rәhgüzar etmiş mәni.

Qәm bucağında sәdayi-tәn kar etmiş mәni,

Ey gülәndamım, fәrağın biqәrar etmiş mәni,

Mübtәlayi-möhnәtin sәd gunә xar etmiş mәni,

Tәn şәmşirin çәkib әğyar zar etmiş mәni,

Ey gözü cәllad, әli peyvәstәtan, gәl, vәqtdir.

Yığdılar bazari-eşqi әhli-sövda, getdilәr,

Dәrdü qәm tәrkin qılıb pakü müәrra getdilәr,

Gördülәr dәhrin vәfasın cümlә ziba getdilәr....

Vamiqi-qәrqi-bәla, fәrhadi-şeyda getdilәr,

Vәrqәvü Gülşa[2] ilә Mәcnun rüsva getdilәr,

Dözmәyib bu firqәtә Şirinü Leyla getdilәr.

Bir dәxi dövran edib Yusif, Züleyxa getdilәr,

Qoydular Mәhcuru tәk, mәzlumü tәnha, getdilәr,

Ey gözәllik mülkünün tәxtinә xan, gәl, vәqtdir.

[2]-Vәrqa vә Gülşa -- yәqin ki, aşiqlәr adıdır.