MӘHӘMMӘDӘLİ BӘY
MӘŞHӘDİ ӘSӘD BӘY OĞLU
"MӘXFİ"
Qarabağ şüәravü
zürәfasının birisi dә mәrhum
Mәhәmmәdәli bәy Mәşhәdi
Әsәd bәy oğlu "Mәxfi" tәxәllüs
idi ki, xeyli mәrifәtli, nәcib vә xoşxülq bir
vücud idi. Türk vә fars dillәrindә
nәzmәn vә nәsrәn xeyli әsәrlәri
vardır. Heyfa ki, onlardan çap olanı yoxdur.
Rus dilindә yaxşı savadı var idi.
Tәlim vә tәrbiyәsi Şuşa qalasında
olubdur. Altmış sinnә kimi yaşayıbdır.
Vәfatı min üç yüz onuncu illәrdә
ittifaq düşübdür[1]. "Beyti-xamuşan"
üzvlәrindәn hesab olunurdu. Qarabağ
şairlәrinin içindә artıq möhtәrәm
sayılırdı[2]. Әsәrlәrindәn bir
neçә qәzәllәr burada zikr olunur.
[1] Mәxfinin vәfatı tarixi h.1305-ci (1887)
və h.1309-cu (1891) il göstәrilmişdir. Son tәdqiqat
h.1309-cu il tarixi düzgün tәsdiq edir. Mәxfinin tәvәllüd
tarixi: 1821-ci il.
[2] Son tәdqiqatda Mәxfinin
"Beyti-xamuşan" deyil, "Mәclisi-üns"
әdәbi mәclisinin üzvü olduğu
göstәrilir. "Mәclisi-üns" XIX әsrin ikinci
yarısında (1864-1897) Xurşudbanu Natәvanın
evindә tәşkil olunmuş әdәbi mәclisdir.
Fәal üzvlәri: Natәvan, Mirzә Rәhim
Fәna, Mirzә Әliәsğәr Novrәs,
Mәhәmmәdәli bәy Mәxfi vә
başqaları.
Qәzәli-Mәxfi:
Oğrun yenә әğyarә baxar yar
içәridәn,
Bu baxmağı, әlhәq, mәni odlar
içәridәn.
Hicrindә gözüm yaşı
töküldükcә qutarmaz,
Guya ki, bu qan çeşmәsi qaynar
içәridәn.
Şәhdi-lәbini sormasa, sönmәz
dili-suzan,
Әzbәs ki, yanır narә o bimar
içәridәn.
Könlümdә olan yarәni bir-bir
görәsәn ta,
Bir xәncәr alıb köksümü
sәn yar içәridәn.
Munca tökәrәm әşk,
könül atәşi sönmәz,
Әzbәs ki, tutub zar könül nar
içәridәn.
Әğyar ilә hәmbәzm ola bu
lalәüzarım,
Min yarә urub köksümә dağlar
içәridәn.
Heyhat vüsalın ola bu Mәxfiyә
qismәt,
Ta çıxmaya bәzmindәki
әğyar içәridәn.
Әyzәn qәzәli-Mәxfi:
Hәr kәsin kim, can üçün bir
mehriban cananı yox,
Öylә bilsin cismi var, amma içindә canı yox.
Bir
könül kim, xalidir alәmdә
zövqi-eşqdәn,
Bir xәrabә mülkә bәnzәr kim, onun sultanı yox.
Lәblәrin bir abi-heyvandır, xәtin zülmәt ona,
Böylә zülmәt içrә Xızrın
çeşmeyi-heyvanı yox.
Hәr ay olduqda müdәvvәr var bir nöqsanı, leyk
Bәdrlәnmiş aydır, ol arizin[in]
nöqsanı yox.
Zülfünә eşq әhli iman vermәyin zahid әgәr
Küfr
söylәrsә, nola ol kafirin imanı yox.
Hәr qәm olsa dәhrdә derlәr ki, bir payanı var,
Gör nә qәmdir dәrdi-hicrin kim, onun payanı yox,
Yar
cövrü tәndә mehman olsa, xoşdur
könlümә,
Tarmar
olsun o evlәr
kim, onun mehmanı yox.
Hәr vüsalın aqibәt alәmdә bir hicranı var.
Talibәm mәn ol vüsalә kim, onun hicranı yox.
Dәrdimin tәdbirini sordum Fәlatundan, dedi:
Mәxfi, dәrdin eşq dәrdidir, onun dәrmanı yox.
Bu qәzәldә xeyli xoşmәzmun şerlәr vardır ki, möhtәrәm oxucuların onlara әtfi-diqqәt etmәlәri mәmuldur. Mәsәlәn:
Yar
cövrü tәndә mehman olsa, xoşdur
könlümә,
Tarmar
olsun o evlәr
kim, onun mehmanı yox.
Әyzәn qәzәli-Mәxfi:
Müsәlsәl türreyi-tәrrar gahi
rast, gahi kәc,
Tökülmüş qamәtә, oynar gahi
rast, gahi kәc.
Düşәr gәh rast zülfün
qamәtә, gәh kәc, bu, adәtdir,
Çıxar sәrv üstünә
şәhmar gahi rast, gahi kәc.
Yenә qan etmәk istәrmi, baxır çox
xәşm ilә çәşmin,
Misali-mәrdümi-xunxar gahi rast, gahi kәc.
Vüsalın
gәh
qılır qismәt mәnә, gәh hicrini dövran,
Dolanır
çәrxi-kәcrәftar gahi rast, gahi kәc.
Baxır
çәşmin
rәqibә düz, mәnә kәc, bir mәsәldir bu,
Gedәr yol mәrdümi-xummar gahi rast, gahi kәc.
Dolanma
müddәilәr xatirin xoşnud etmәkçün
Bәzm, ey yari-mahruxsar, gahi rast,
gahi kәc.
Qaşın
tağına sәcdә etmәk üçün ruzü şәb, ey mәh,
Olur hәr zahidi-dindar gahi rast, gahi kәc.
Görüm
bәrbad ola ol
nöh rәvaqın,
ey fәlәk, yeksәr--
Ki, bәxtimlә mәnim oynar gahi rast, gahi kәc.
Qalıb
sövdayi-zülfün içrә Mәxfi zarü sәrgәrdan,
Dolanır
hәr tәrәf naçar gahi rast, gahi kәc.