NADİR ŞAH
DÖRD MӘCLİS VӘ YEDDİ
PӘRDӘLİ DRAMA
ӘHLİ-MӘCLİS
Şah Sultan Huseyn xan-- 1717-ci ildә fars
padşahı, padşahlığa layiq olmayan bir zat, 60
yaşında.
Ә d h ә m-- onun müqәrrib
vәzirlәrindәn.
Ş a
h T ә h m a s-- Hüseyn xanın oğlu,
25-35 yaşında.
C ә f ә r x a n, M ә h ә m m ә d x a n
-- vәzirlәr.
R z a x a n, G ü r c ü b ә y --sәrkәrdә.
N a d i r--
30-47 yaşında.
G ü l
c a h a n-- Nadirin övrәti.
R z a q u l
u-- onun oğlu, 15-20 yaşında.
C a v a d--
Nadirin dayısı, 70 yaşında.
Ә v v
ә l i n c i y o l ç u-- 70 yaşında.
İ k i
n c i y o l ç u-- 50
yaşında.
Y a r a q l
ı q a ç a q l a r v ә k ә n d
a d a m l a r ı.
M i r z ә
M e h d i x a n-- 40
yaşında, Nadirin müqәrrәblәrindәn.
E l
ç i S e y i d S ә t a n-- türkmәn paltarında.
H e y d ә r x a n-- 40 yaşında,
Şah Tәhmasibin
müqәrrәb vәzirlәrindәn.
S a l e
h b ә y, M u s a
b ә y, Ә l i
Ә ş r
ә f b ә y, F ә r r a ş-- Nadiri öldürәn xanlar.
BİRİNCİ
MӘCLİS
Vaqe olur
İsfahan şәhәrindә 1717-ci ildә, Şah Hüseyn xanın
otağı, qapıda iki fәrraş, xanın taxtı.
Ә d h
ә m x a n. Tamam üç saatdır
gözlәyirәm, bu vaxtadәk hәlә cavab vermir. Kim bilir, yatır, ya balaca
uşaqlar ilә
oynuyur. Amma dövlәtin işlәri getdikcә
çәtinlәşir, nә etmәli? (Fikrә gedir. Qapı
açılır, Hüseyn xan yan otaqdan daxil olur.)
ӘVVӘLİNCİ GӘLİŞ
Şah
Hüseyn xan vә Әdhәm xan.
Ş a
h H ü s e y n x a n (taxtında әylәşib). Xeyir ola, Әdhәm?
Ә d h
ә m x a n. Xeyirdir, qibleyi-alәm!
Ş a
h H ü s e y n x a n. Bәs nә әcәb belә tezdәn gәlibsәn?
Ә d h
ә m x a n. Qibleyi-alәm sağ olsun! Bir neçә gün bundan müqәddәm xәbәr gәlibdir ki, kürdlәr dövlәtin üzünә ağ olub Cavad xanı vә fәrraşları öldürüblәr....
Ş a
h H ü s e y n x a n. Cavad xanı? (Fikrә gedir.) Cavad xan gәrәkdir çoxdan ölәydi; çünki onun zәrәrdәn savayı dövlәtә heç bir xeyri yox idi,
tövcünü vaxtında yığa bilmirdi vә yığanda da min dava ilә.
Ә d h
ә m x a n. Qibleyi-alәm! Tövcü vaxtında
yığılsa da, yığılmasa da
dövlәtin halına bir o qәdәr tәfavüt etmir.
Ş a
h H ü s e y n x a n. Necә ki, etmir?
Ә d h
ә m x a n. Mahalların xanları xәzinәyә ancaq cüzi bir şey verib,
qalanını özlәri sәrf
edirlәr.
Ş a
h H ü s e y n x a n. Düşünmürәm, necә özlәrinә sәrf edirlәr?
Ә d h
ә m x a n. Qibleyi-alәm! Qәdimdәn qayda bu üzrә olubdur: xanlar dövlәtdәn mahalları icarә edib tövcünü
özlәrinә sәrf edirlәr, ancaq dövlәtә bir cüzi icarә pulu verirlәr.
Ş a
h H ü s e y n x a n (fikrә gedir). Bәs belә....
İndi nә
etmәli?
Ә d h
ә m x a n. Mәn özüm dә bilmirәm.
Ş a
h H ü s e y n x a n. Әdhәm! İbtidadan mәnim әvvәlinci vәzirim olub, padşahlığın hәr ixtiyarını sәnә mühәvvәl etmişәm. İndi necә ki, mәslәhәt görürsәn, elә dә edәrsәn. (Durur getmәyә.)
Ә d h
ә m x a n. Qibleyi-alәm! Doğrudur, dövlәtin hәr ixtiyarı bu vaxtadәk mәnim әlimdә olubdur, amma doğrusu, bu halda tәk bacarmaq mümkün deyil.
Ş a
h H ü s e y n x a n. Burada nә bir çәtin iş vardır? Kürdlәr nә millәtdir ki, bizim dövlәtә zәrәr yetirә? Beş yüz sәrbaz göndәrsәk hamısını qolları
bağlı gәtirәrlәr.
Ә d h
ә m x a n. Qibleyi-alәm, bu işin çәtinliyi ... m ... m....
Ş a
h H ü s e y n x a n (qoymur sözünü
qurtarsın). Yaxşı, göndәr mәslәhәt üçün qalan vәzirlәr dә gәlsinlәr. (Gedir).
Ә d h
ә m x a n (Hüseyn xanı qapıyadәk ötürür vә ondan sonra qapıda duran fәrraşa deyir). Get, bu saat Cәfәr xanı, Rza xanı vә Mәhәmmәd xanı dәvәt et
qibleyi-alәmin
hüzuruna.
F ә r r a ş. Bәçeşm!
Ә d h
ә m x a n (tәk). Fikrim dağınıqdır.
(Başını әli ilә
tutur.) Hәrçi
fikir edirәm, bir
şey çıxmır. Deyirәm, kürdlәr dövlәtin üzünә ağ olublar, deyir, zәrәr yoxdur, beş yüz sәrbaz göndәr hamısını
qolları bağlı gәtirsinlәr.
Bәh! Bәh! Kürd tayfasından xәbәri yoxdur. Beş yüz yox ki, min
qoşun da göndәrsәm,
onların öhdәsindәn gәlә bilmәzlәr. Bundan savayı, beş yüz sәrbazı haradan cәm edim? Bu saat hazırda
heç iki yüz dә yoxdur. (Fikrә gedir.) Hәlә qeyri işlәrdәn xәbәri yoxdur. Bir neçә gün bundan müqәddәm xәbәr gәlibdir ki, özbәklәr vә әfqan
davaya hazırlaşırlar. Bu xәbәrlәri mәndәn savayı heç kәs bilmәyir vә demәk dә olmaz. (Fikrә gedir.)
İKİNCİ
GӘLİŞ
Gürcü
bәy vә Әdhәm.
G ü r
c ü b ә y (tez içәri daxil olur). Әdhәm xan, doğrudurmu, deyirlәr Badikubә, Şirvan, Şәki, Dәrbәnd lәzgilәrә tabe olublar?
Ә d h
ә m x a n
(yavuğa gedib). Sus! Sәn haradan bildin?
G ü r
c ü b ә y. Kağız
almışam.
Ә d h
ә m x a n. Yalandır, inanma. Belә şey ola bilmәz.
G ü r
c ü b ә y (kağızı
çıxardıb verir). Hәrgah inanmayırsınız, buyurun, bu
kağız.
Ә d h
ә m x a n (kağızı oxuyub
cırır). Bu xәbәrin
doğru olmağını, әlbәttә, tәhqiq etmәk lazım gәlir.... Ol
sәbәbә hal-hazırda bu barәdә kimsәyә söylәmәmәk mәslәhәtdir. (Gürcü bәyә diqqәtlә baxır.)
G ü r
c ü b ә y. Әdhәm xan! (Acıqlı.) Doğrudur,
qulluğum sizә
tabe olmağı tәlәb edir,
fәqәt dövlәtә xәyanәt edә bilmәrәm.Xudahafiz! (Tez çıxır.)
Ә d h
ә m x a n (fikrә gedib). Bu yaxşı işә oxşamayır.
Gürcü bәy
bu xәbәri padşaha yetirә bilmәyәcәkdir vә yetirsә dә, şah mәni qoyub onun sözünә inanmayacaqdır. Amma.... Amma qorxum burdadır ki, Tәhmas Mirzәyә bu xәbәri söylәr, çünki
onunla
çox dostdur. Ah.... Tәhmas olmasaydı, indi
padşahlığı almışdım әlә.... (Bir
az fikirdәn
sonra.) Xeyr, bu fikirlәr hәlә qalsın.... Yaxşı ...
m ... m.... Lәzgilәrin hәrәkәtlәri mәnә mәlum idi, amma.... (Fikirdә ikәn yavaş-yavaş әylәşir.)
ÜÇÜNCÜ
GӘLİŞ
Tәhmas, Әdhәm.
T ә h m a s. Әdhәm xan! Nә olubdur? Fikrә gedibsiniz?
Ә d h
ә m x a n (birdәn ayağa durur). Heç. Qibleyi-alәmi gözlüyürdüm.
T ә h m a s (tәrәfә). Qibleyi-alәmi gözlüyür! (Rişxәnd). İşiniz çoxmu
vacibdir?
Ә d h
ә m x a n. Xeyr, qibleyi-alәm xahiş edibdir ki, bu gün
dövlәtin
işlәrinә dair mәslәhәt olunsun.
T ә h m a s. Dövlәtin işlәri!.... Dövlәtin nә işi olacaqdır? Dövlәtdәn mәyәr bir şey qalıbdırmı ki, mәslәhәt dә olunsun?
Ә d h
ә m x a n. Allaha şükür, nә olubdur ki?
T ә h m a s. Ax, Әdhәm xan! Nә deyim....
Bağışlayın, bu vaxtadәk atamın sizә olan mәhәbbәti mәni dә vadar edirdi ki, sizә lazım olan hörmәti edim, hәrçәnd mәnim yәqinimdir ki, atamdan sonra dövlәt mәnim ixtiyarıma keçәcәkdir, bununla belә
bu vaxtadәk dövlәtin işlәrinә qarışmırdım vә bu barәdә sizinlә sual-cavabım olmuyubdur.... Fәqәt indi bir neçә әhvalatlar mәni vadar edir sizdәn sual edәm.... Dövlәtin abad olmağından ötәri nә edibsiniz? İşlәr nә yerdәdir?
Ә d h
ә m x a n. Vәliәhd sağ olsun! Mәn ömrümü
babanızın qulluğunda sәrf etmişәm, necә ola bilәr ki, bir şey etmәyim.... Hәr iş öz qaydası ilә gedir. Günbәgün vәtәnimiz vә millәtimiz tәrәqqidә....
T ә h m a s. Bәli, görünür, işlәrdәn baxәbәrsiniz....
Ә d h
ә m x a n. Necә ola bilәr ki, mәnim xәbәrim olmasın.
T ә h m a s. Kürdlәrin әmәli sizә mәlumdurmu?
Ә d h
ә m x a n. Bәli!
T ә h m a s. Bәs bәlanı rәf etmәk üçün fikriniz nәdir?
Ә d h
ә m x a n. Bu gün mәslәhәt haman mәsәlә barәsindәdir.
T ә h m a s. Bu iş iki aydır
cәmi İrana mәlumdur, siz ancaq indi mәslәhәt edirsiniz....
(Başını bulayır.) Kürdlәr dövlәtin üzünә ağ olublar, özlәri üçün müstәqil hakim tikiblәr. Amma siz indi mәslәhәtә yığılırsınız! Tәәccüb edirәm.
Ә d h
ә m x a n. Nә üçün tәәccüb edirsiniz? Allaha
şükür, nә olubdur? Bir gün әrzindә
beş yüz qoşun ilә onları sakit etmәk mümkündür.
T ә h m a s. Ah! Ah! Ah!
(Gülür.) Beş yüz qoşun! Bunları hardan
yığacaqsınız? Vә tutalım yığdınız,
beş yüz adam vәhşi kürdlәrә nә edә bilәcәkdir? Bu qalsın, bәs lәzgilәrә çarәniz nәdir?
Ә d h
ә m x a n. Lәzgilәr! Lәzgilәr çoxdan xamuş olublar.
Onların tәrәfindәn bizim üçün qorxu yoxdur.
T ә h m a s. Bәs görükür, tәzә xәbәri eşitmәyibsiniz?
Ә d h
ә m x a n (tәrәfә). Görükür, Gürcü bәy hamısını deyibdir. Vә....
Bәli,
deyirlәr guya lәzgilәr davaya hazırlaşırlar. Fәqәt belә sözlәrin әsli yoxdur, zәnn edirәm.
T ә h m a s. İş işdәn keçibdir, siz indi
deyirsiniz әsli
yoxdur.... İranın gözәl yerlәri: Badikubә, Şirvan, Şәki mahalları hamısı lәzgilәrә tabe olubdur!.... Bunlar heç, bәs Әfqan?....
Ә d h
ә m x a n. Әfqan?
T ә h m a s (gülә-gülә). Bәli, Әfqan! Ah Әdhәm xan, ya görünür
yatıbsınız, işlәrdәn xәbәriniz yoxdur, yainki bilib gizlәdirsiniz.... (Yavuğa gedir.) Sizә yәqin olsun ki, vәtәnimiz bu yavuqda әldәn gedәcәkdir vә mәnim sizinlә bu tövr açıq
vә
cürәtlә danışmağımın
sәbәbi budur ki, mәn burada qalıb
özümü bәdbәxt etmәk istәmirәm.... Hamı
günah sizdә
olmağını yәqin etmişәm. Vaxtında tәdarükdә olsaydınız, vaxtında
bu xәbәrlәr doğru olmağını tәhqiq etsәydiniz, bu halәtdә bulunmazdıq. İndi.... İndi bәla hәr tәrәfdәn gәlir....
Ә d h
ә m x a n (başını
aşağı salıb). Mәn nә ki lazımdır.... Mәn .... Mәn....
T ә h m a s (gulә-gülә). "Mәn", "mәn", eh! (Әli ilә.) Sizinlә danışmağın indi vaxtı
deyil.... Vәtәn vә millәt qabağında üzüqara olanın vay halına! Xudahafiz. (Çıxır.)
Ә d h
ә m x a n (başı aşağı
dayanıb fikrә
gedir). Bu yaxşı işә bәnzәmәyir. Mәnә deyir ki, sizinlә danışmağın indi
vaxtı deyil, yәni taxta çıxandan sonra
danışacaqdır.... Bunun atası Hüseyn şah da әvvәl taxta әylәşәndә dövlәtin işlәrinә
diqqәt edirdi, amma indi.... Xeyr, bu sözdür. Sәn dә vaxtında yumşalarsan, tәlәsmә....
DÖRDÜNCÜ
GӘLİŞ
Şah
Hüseyn xan vә Әdhәm xan.
Şah
Hüseyn xan içәri daxil olub taxta әylәşir.
Bir qul qәlyan gәtirir.
Ş a
h H ü s e y n x a n. Әdhәm! Vәzirlәr hәlә gәlmәyiblәr?
Ә d h
ә m x a n. Xeyr, qibleyi-alәm!
Ş a
h H üs e y n x a n (bir az fikirdәn sonra). Gürcü bәyә dә adam göndәrmәk gәrәk. Çünki Gürcü bәy eşidirәm, can vә dil ilә qulluq edir. Bu barәdә onun tәsәvvürünü dә bilmәk lazımdır, zәnn edirәm.
Ә d h
ә m x a n (rişxәnd). Layiq deyil ki, Gürcü
bәy qibleyi-alәmin mәclisindә әylәşib dövlәt barәsindә öz tәsәvvürünü danışsın.
Bundan әlavә, Gürcü bәy çox hünәrli vә şücaәtli olmuş olsa da genә xaçpәrәstdir. Belә bir adamın müsәlman
dövlәtinә tәmiz ürәklә qulluq etmәyinә şәkkim var. Vә dövlәtin bir para pünhan işlәrini hәr adama demәk olmaz.
Ş a
h H ü s e y n x a n (bir az fikirdәn sonra). Gürcü bәy bu vaxtadәk dövlәtә xәyanәt etmәyibdir vә bir dә onu çağırmaqdan
әsil
mәqsәdim budur ki, kürdlәrin müqabilinә göndәrәm. (Fikir.)
Ә d h
ә m x a n. Qibleyi-alәm! Kürdlәr....
Ş a
h H ü s e y n x a n (hirsli). Yaxşı! Adam
göndәr
çağırsınlar. (Başını әli ilә tutub fikrә gedir.)
Ә d h
ә m x a n. Baş üstә! (Tәrәfә.) Bu yaxşı işә bәnzәmәyir.... (Gedib qapıda duran fәrraşa yavaşdan deyir ki,
Gürcü bәyi
çağırsın.).
Ş a
h H ü s e y n x a n (әli ilә ürәyini tutur). Ürәyim bu gün çox
döyünür. Oh! Oh!
Ә d h
ә m x a n. Qibleyi-alәm! Vәzirlәr gәliblәr.
Ş a
h H ü s e y n x a n. Gәliblәr? Yaxşı, de gәlsinlәr.
BEŞİNCİ
GӘLİŞ
Cәfәr xan, Rza xan vә Mәhәmmәd xan daxil olub hamısı tәzim ilә salam edirlәr.
Ş a
h H ü s e y n x a n. Hәzәrat, әylәşin. Әdhәmin demәyinә görә xәbәr gәlibdir ki, kürdlәr guya dövlәtin üzünә ağ olublar. (Gürcu bәy içәri daxil olub qapının
ağzında durur vә Hüseyn xan onu görüb.) Gürcü bәy, әylәş. İşdәn belә mәlum olur ki, kürdlәr bu yavuq vaxtdan baş
qaldırıblar. Ona görә ümid edirәm ki, beş yüz sәrbaz göndәrsәm, onların öhdәlәrindәn gәlәrlәr.
C ә f ә r x a
n. Әlbәttә!
R z a x a n. Hәlә o da çoxdur.
M ә h ә m m ә d x a
n. Mümkündürmü beş yüz sәrbazı bu yaxın zamanda cәm etmәk?
Ş a
h H ü s e y n x a n. Bu iş mühәvvәl olunur Әdhәmә.
Ә d h
ә m x a n. Qibleyi-alәm! Cәm etmәk asandır!
C ә f ә r x a
n. Beş yüz yox ki, min dә yığmaq olar.
R z a x a n. Әlbәttә!
M ә h ә m m ә d x a
n. Bunlara gәrәkdir yaraq-әsbab tapıla. Mümkündürmü
bu tezlikdә?
Ş a
h H ü s e y n x a n. Elan etmәk gәrәk ki, hәr kәsin evindә nә yaraq-әsbab olsa götürsünlәr vә qoşunun sәrkәrdәliyini Әdhәmә mühәvvәl edirәm. Gürcü bәyi dә özünlә götürәrsәn. (Gürcü bәyә tәrәf.) Bu barәdә sәnin fikrin nәdir?
G ü r
c ü b ә y
(ayağa durur). Qibleyi-alәm! Mәn hәmişә vәtәnә vә dövlәtә qulluq etmәyә hazıram. Qibleyi-alәmә mәlumdur ki, kәrratla düşmәnlәrin qabağına getmişәm vә hәmәvaxt vәtәnә olan qeyrәt vә mәhәbbәtimi göstәrmişәm. Hәrçәnd dörd ay bundan müqәddәm mәnim barәmdә vәzirlәrin biri bәdgüman olub qibleyi-alәmә mәni pis qәlәmә vermişdi. Amma әfqanların mәğlub olmaqları vә xanlarını әsir etdiyim sizә mәlumdur. Ümid edirәm ki, mәnim qibleyi-alәmә vә vәtәnә ixlasi-qәlblә qulluq etmәyimdә şübhә qalmadı. Әzbәs ki, mәhәbbәtim vәtәnә nәhayәtdә çoxdur. Ona görә özümә borc bilibqibleyi-alәmdәn izin olsa, öz tәsәvvürümü bәyan edәrәm.
Ş a
h H ü s e y n x a n. Söylә, qulaq asıram. (Hamı
Gürcü bәyә baxır, Әdhәm xan yerә baxır.)
G ü r
c ü b ә y. Bu gün qibleyi-alәmin hüzuruna
yığılmaqdan mәqsud, vәtәnimizi bәladan xilas etmәkdir, zәnn edirәm. Bәlanı rәf etmәkdәn müqәddәm lazım gәlir ki, әvvәl bәlanın gücünü
özümüz üçün bәyan edәk, görәk necә bәladır? Kürdlәr Cavad xanı iki ay bundan
müqәddәm öldürüb dövlәtin üzünә ağ olublar....
Ş a
h H ü s e y n x a n. İki ay?
G ü r
c ü bәy. Bәli, qibleyi-alәm! İki ay!
Ş a
h H ü s e y n x a n (Әdhәmә). Bәs sәn deyirdin bir-iki gün bundan müqәddәm?
Ә d h
ә m x a n (dili tutulur). Gәrәk ki, iki ay....
Ş a
h H ü s e y n x a n. Hә ... hә ...
hә.... (Acıqlı Gürcü bәyә.) Söylә görüm.
G ü r
c ü b ә y. Bәli, qibleyi-alәm, iki ay....
Mәlumdur
ki, kürdlәr
çox qoçaq, vәhşi tayfadır. Bu iki ayın әrzindә kim bilir nәlәr ediblәr? Bunların müqabilinә beş yüz, ya beş min
vә ya on min
adamla getmәk
olarmı? Mәn
davadan qorxmuram, ancaq
gәrәkdir düşmәnin müqabilinә gedәndә hәr bir müşkülatı nәzәrә gәtirәk. Mәn istәyirәm bilim: Әdhәm xan nә üçün iki ay bundan müqәddәm eşidilәn xәbәrlәrә inanmayıb
hazırlaşmırdı.
Ş a
h H ü s e y n x a n (acıqlı Әdhәmә). Cavab ver!
Ә d h
ә m x a n (ayağa durur). Qibleyi-alәm! İnsan gәrәkdir sәbirlә iş görә, xüsusәn dövlәt işlәrindә. Bu vaxtadәk xәbәr doğru olmağını istәyirdim tәhqiq edim....
G ü r
c ü b ә y. Qibleyi-alәm! Bu sözlәrdә bir cüzi sәdaqәtlik olsaydı, mәn söylәmәzdim, amma....
Ş a
h H ü s e y n x a n. Nә üçün fikrә getdin?
G ü r
c ü b ә y. Qibleyi-alәm, mәni bağışlayın, ürәyimdә hәr nә var demәk istәyirәm.
H a m
ı. Söylә!
Söylә!
G ü r
c ü b ә y. Doğru, mәn xaçpәrәstәm, bununla belә insafım mәnә buyurur, mәni vadar edir ki, vәtәnә dair fikirlәrimi
açıq-açığına söylәyim. Doğrusu, vәliәhdә olan mәhәbbәtim vә onun gәlәcәyi mәni vadar edir deyim: vәtәnin, dövlәtin
düşmәni Әdhәmdir. Bu gün hәnuz burada, qibleyi-alәmin tәşrifindәn müqәddәm gәlib ona Qafqazdan aldığım mәktubun mәzmununu oxuyuram, bu mәktubda yazılıbdır:
Badikubә,
Şirvan, Şәki vә Dәrbәnd lәzgilәrә tabe olublar....
Ş a
h H ü s e y n x a n (acıqlı yerindәn durur). Necә? Nә deyirsәn? Bu.... Bu.... Bu....
G ü r
c ü b ә y. Bәli, qibleyi-alәm! Bu mahalları lәzgilәr özlәrinә tabe ediblәr. Vә bir xәbәrә görә qaçaq Nadir istәyir gedib orada müstәqil hakim olsun.
R z a x a n. Qәribә işdir! Az düşmәn var idi, Nadir dә bir tәrәfdәn.
C ә f ә r x a
n. Bu vaxtadәk xәbәrimiz yoxdur!
M ә h ә m m ә d x a
n. Nәdәn xәbәrimiz var ki, ondan da olsun.
G ü r
c ü b ә y. Qәribә odur ki, bu xәbәrlәri Әdhәm xana dedikdә mәnә buyurdu: "Bu xәbәrlәri heç kәs bilmәsin".
Ş a
h H ü s e y n x a n (hirsli yerindәn durur). Әdhәm! Әdhәm! (Hamı ayağa durur, Şah
Hüseyn xan taxta yıxılarkәn vәzirlәr gedib tuturlar.)
PӘRDӘ
İKİNCİ
MӘCLİS
Vaqe olur Xorasan kәndlәrinin birindә. Әvvәlinci pәrdә: bir tәrәfdәn Nadirin evi vә yol. İkinci pәrdә: çöl-biyaban.
ӘVVӘLİNCİ GӘLİŞ
İki
yolçu.
Ә v v
ә l i n c i y o l ç u. Qoçalıq yaman
şeydir, ay balam! Bir az yol gedәndә ayaqlarında tab qalmayır. Әylәş, bir az yornuğumuzu
alaq.
Çox yaxşı oldu ki, sәninlә rast gәldim, yoxsa bu uzun yolu şәhәrәdәk yalqız gedәcәydim. Ah! Ah!
İ k i
n c i y o l ç u. Әmi! Nә ah-vay edirsәn?
Ә v v
ә l i n c i y o l ç u. Necә etmәyim, ay balam. Yetmiş sinnim var bu vaxtadәk belә zәhmәtlәr çәkmәmişdim ki, indi çәkirәm. Dolanacaq çox çәtin olubdur. Evimdә yeddi baş külfәt, pul yox, taxıl yox. İndi
bu vaxtımda gedirәm şәhәrә, bәlkә hammallıq edib bir az çörәk pulu qazanam.
İ k i
n ç i y o l ç u. Mәgәr taxıl bitmәyirmi? Yeriniz yaxşı
deyilmi?
Ә v v
ә l i n c i y o l ç u. Ay balam, qoyurlarmı
taxıl әkәsәn? Quldur Nadir hәr yerә ki düşür, oranı viran
edir. Bir yandan da әfqanlar buraları alandan sonra xalqa göz verirlәr, işıq vermirlәr.... Xülasә, işlәr çox yamandır, oğlum.
İ k i
n c i y o l ç u. Әmi, mәn iki aydır gәlmişәm, amma Nadirin barәsindә elә şeylәr eşidirәm ki, heç ağlasığası
deyil.
Ә v v
ә l i n c i y o l ç u. Sәn hardan gәlibsәn? Haralısan, balam?
İ k i
n c i y o l ç u. Mәnim әslim xorasanlıdır. Düz indi on
ildir vәtәnimdәn dәrbәdәr düşmüşәm. Özbәklәr Xorasanı alandan sonra zindәganlıq çox çәtin oldu, hәtta elә oldu ki, yemәyә çörәk dә tapılmadı. İki
uşağımı, övrәtimi vә qoca anamı
Xorasanda
qoyub düşdüm şәhәrbәşәhәr, kәndbәkәnd ki, çörәk pulu qazanam. Axır getdim
çıxdım İrәvana. O vaxt İrәvan osmanlının әlindә idi. Bir az rahatlığa
düşdüm. Başladım işlәmәyә, hәr nә iş oldu yapışdım. Bir
neçә ilin әrzindә on tümәn düzәldib, Xorasana gedәn vardı, onunla göndәrdim ki, külfәtimә versin. Әzqәza, yolda mәşhur quldur İmamquluverdi onun qabağına
çıxıb pulları әlindәn alır. İndi gedirәm vәtәnә uşaqlarımısa da tapam. Amma
heç ümidim yoxdur. Ah! Ah! Allah bu quldurların evini
yıxsın!
Ә v v
ә l i n c i y o l ç u. Ah ... quldurları heç demә, heyvan qismi bir şeydirlәr. Onlarda nә insaf var, nә mürvәt. Nә allahdan qorxurlar vә nә padşahdan. Әllәrinә adam düşәndә ya öldürürlәr, ya soyurlar. Amma allaha qurban
olum, özlәri
dә axırda cәzalarına çatırlar. İmamquluverdi
çox evlәr
yıxdı, çox ananı balasız vә çox balanı anasız
qoydu, amma axırda özü dә cәzasına çatdı.
İ k i
n c i y o l ç u. Necә?
Ә v v
ә l i n c i y o l ç u. Necә olacaqdır? Axırda onu bir
güllәyә qurban etdilәr....
İ k i
n c i y o l ç u. Allaha
şükür! Allaha şükür!
Ә v v
ә l i n c i y o l ç u. Әlbәttә, allaha şükür, amma
yağışdan çıxdıq, yağmura
düşdük. İmamquluverdi öldü, yerindә oğlu Nadiri qoydu. Ondan da
bettәr, ondan da
zalım. Genә
İmamquluverdi axır vaxt bir az adamlara rәhm edirdi, amma bu evi
yıxılmışda heç bir zәrrә qәdәr rәhm yoxdur. Hansı kәndә düşsә, oranı alt-üst edib, viran edir.
İ k i
n c i y o l ç u. Bu o Nadirdi ki,
adı dünyaya yayılıbdır?
Ә v v
ә l i n c i y o l ç u. Bәli, haman o zalımdır.
İ k i
n c i y o l ç u. Tәәccübdür!
Ә v v
ә l i n c i y o l ç u. Nә üçün tәәccüb edirsәn, ay balam! Hәr şey tәrbiyә ilәdir. İnsana necә tәrbiyә verәrsәn, elә dә olar. Düz on beş yaşından
Nadir atası ilә quldurluğa gedibdir. Vә ondan qabaq atası vә yoldaşları, Nadir
uşaqkәn o qәdәr quldurluqdan, adam öldürmәkdәn danışıblar ki,
uşağın qulağı dolubdur, әvvәlinci dәfә quldurluğa çıxanda cürbәcürә qoçaqlıq, hünәrlәr göstәribdir. Bu tövr tәrbiyәnin axırı nә olacaqdır? Genә bundan әvvәl Hüseyn xan hәrdәnbir dalıca qoşun göndәrib tutdurmaq istәyirdi. Amma indi bir aydır әfqanlar Hüseyn xanı әsir ediblәr, Nadir dә azadә gәzir, bir adam da cürәt etmir ki, bir söz desin. İndi
halımız olub dәxi dә
çәtin: bir
yandan әfqanların
zülmü, bir yandan Nadirin. O evi dә ki, görürsәn (әlini uzadıb) Nadirin evidir.
İ k i
n c i y o l ç u (qorxub yerindәn tez durur). Allahı sevirsәn, әmi, dur burdan gedәk. Çıxıb bizi
burada görәr,
dәrimizә saman tәpәr.
Ә v v
ә l i n c i y o l ç u. Qorxma, oğlum. Bilәm ki, Nadir buradadır, nә bu yol ilә gedәrәm, nә burada oturaram.
İ k i
n c i y o l ç u. Bәs haradadır?
Ә v v
ә l i n c i y o l ç u. Gedibdir özbәklәrdәn anasının qanını
almağa. Özbәklәrlә dava edәn vaxt qoca anasını
çox әzabla
öldürüblәr. İndi gedibdir ki, anasının intiqamını
alsın.
İ k i
n c i y o l ç u. Bәs indi evindә heç kәs yoxdurmu?
Ә v v
ә l i n c i y o l ç u. Evdә övrәti vә oğlu. Belә bilmә dә bunlar yalqızdılar. Evinin hәr küncündәn on quldur çıxar.
(Әsnәyir.) Ay.... Dur gedәk, oğlum, yoxsa yatıb
qalarıq.(Gedirlәr).
(Nadirin
övrәti
Gülcahan yavaş-yavaş qapını açıb pillәkәndәn düşür vә әtrafa baxa-baxa.)
İKİNCİ
GӘLİŞ
G ü l
c ah a n (yola baxıb). Yolunu gözlәmәkdәn gözlәrimin kökü saraldı. Kim bilir,
başına nә
iş gәldi. Bu
vaxtadәk gәrәk gәlәydi. Görükür bir bәdbәxtlik üz veribdir. Su qabı suda
sınar. Mәnim
yәqinimdir ki,
axırda bir kәlәyә qurban olub bizi qoyacaq sahibsiz. Ondan sonra
di gәl, döz
xalqın zülmünә. Hamının da haqqı var bunun zülmlәrinin әvәzinә bizә zülm etsin. Pәrvәrdigara, Birabil xanın qızı
gör nәlәr çәkir. Mәn yurdu itmiş, bәdbәxt buna aşiq olub qoşuldum
qaçdım. Nә bilirdim ki, aylar, illәrlә
üzünә hәsrәt qalacağam. Kәrratla demişәm: Nadir, mәnә yazığın gәlsin, mәnә yazığın gәlmir, oğluna gәlsin. Hәr deyәndә mәnә cavab verir: sәnin borcun deyil. Mәn başıma nә kül töküm? (Ağlayır.)
Pәrvәrdigara! Nә vaxtadәk gecә-gündüz qorxudan yatmayacağam? Nә vaxtadәk gözlәrim yollarda qalacaqdır? (Ağlayır,
әli ilә başını tutur.
Uzaqdan şeypur sәsi gәlir.
Gülcahan qulaq asır vә gedib yola baxır.) Hә ...
yavaş..... (Fikirdә.) Gәlir.... Gәlirlәr. (Şeypurun sәsi yaxınlaşır.) Hә ... gәlirlәr. (Baxır.) Allah sәnә şükür olsun!
Özüdür, hә....Nadirdir.... (Tez evә gedib qapını
örtür. Quldurlar gәlib iki tәrәfdәn düzülürlәr. Nadir gәlәndә baş әyirlәr.)
ÜÇÜNCÜ
GӘLİŞ
N a d i r.
Hәzәrat! Çox razıyam ki,
aslan kimi dava etdiniz. Özbәklәr indi zәrbi-dәstimi gördülәr. Hәr nә ki mal qarәt edibsiniz öz aranızda
bölüşün. İndi gedib rahat ola bilәrsiniz. (Hamısı baş әyib çıxırlar. Nadir
evinә tәrәf baxıb fikrә gedir.) Bir ay bundan müqәddәm hәnuz bu yerdә qoca anam mәnim qarşıma gәlib "igid balam, aslan
balam" deyib mәni qucaqladı, şadlığından ağladı. İndi....
İndi.... Of! (Başını
әli ilә tutur.) İndi ... hәrgah öz әcәli ilә ölsәydi, o qәdәr mәni
yandırmazdı.
Biinsaf tayfa, qoca övrәti yaman bir halәtә
salıb öldürdülәr. (Hirsli). Of.... (Fikrә.) Hәrçәnd özbәklәrdәn bir anamın әvәzindә min analar-atalar, min uşaqlar qanı
tökdüm, lakin genә ürәyim
sakit olmuyubdur. Bu tayfanın qanını
içmәyә hazıram. (Fikrә gedib
oturur vә başını әli ilә tutur.)
DÖRDÜNCÜ GӘLİŞ
G ü l c a h a n (qapını açıb
yavaş-yavaş gәlir. Nadiri b u halda görüb
tәәccüb edir vә tәrәfә deyir).
Pәrvәrdigara! Görәsәn, genә nә üz
veribdir? (Yavuq gedir). Nadir! Mәn sәni evdә
gözlüyürdüm, nә üçün
gәlmirsәn? Yorulubsanmı? (Nadir başını
qaldırıb baxır vә ayağa durub
Gülcahanın әlindәn tutur.)
N a d i r. Gülcahan! Hәrgah bir il
gecә-gündüz özbәklәrlә dava etsәm,
genә yorulmaram. Onlar mәnim ürәyimә yaman bir
dağ çәkiblәr, hәr bir şeyi unutmuşam.
G ü l c a h a n. Әlbәttә, mәni
dә?
N a d i r. Görünür.
G ü l c a h a n. Bәs elә mәni bundan
ötәri atamın yurdundan dәrbәdәr saldın?
Mәn sәnә nә elәmişәm? Nә
üçün mәni bu qәdәr incidirsәn?
Gözümün işığı, dәrdimin
dәrmanı bir Rzaqulu idi, onu da özünlә aparmaq
istәyirsәn. Sәn gedәndәn sonra
qulağımı dәng edibdir: gah tüfәng fikrinә
düşür, gah qılınc hazır edir, gah tapanca.
N a d i r. Sәn nә danışırsan,
övrәt? Oğul gәrәk atasına oxşasın,
hәrgah Rzaquluda mәndә olan hünәr olmasa, ona
mәn oğul deyәrәm? Çox әcәb edir ki,
indidәn tәdarükünü görür. Mәn
atamın yerini tutan kimi o da gәrәkdir mәnim yerimi
tutsun.
G ü l c a h a n. Bәli, mәn dә
ömrümün axırınadәk rahatlıq bilmәyim.
(Ağlayır.)
N a d i r. Bәsdir. (Acıqlı.) Dur get!
(Gülcahan ağlaya-ağlaya gedir.) Mәnim
dәrdimdәn xәbәri yoxdur. İstәyir göz
yaşını sәhәrdәn axşamadәk tök!
Ancaq mәn bu peşәmi әldәn buraxmaram.
Gәrәkdir cәmi dünya zәrbi-dәstimi görә.
Xalq mәnә edәn ehtiramı Tәhmasa etmir. Hamı
qorxudan adımı eşidәndә bir ağaclıqdan
qaçır. Bundan müqәddәm Hüseyn xan
axtarırdı. İndi dә Tәhmas ... hәrçәnd Tәhmas
әvvәl mәnimlә mehriban idi, amma indi
bilmәyirәm ki, nә olubdur. Kәrratla göndәrdiyi
qoşunları dağıtmışam.... (Fikrә.) Zәrәr yoxdur, vaxt
olar Tәhmasa da özümü
göstәrәrәm....
BEŞİNCİ GӘLİŞ
Sәs.
C a v a d. Nadir! Nadir!
N a d i r (tez gedib baxır). A! Dayı can, buyur,
buyur. (Dişqarıda.) Ay gәdә, gәl atı tut.
(İkisi dә içәri daxil olurlar.)
N a d i r. Xoş gәlibsәn, dayı!
Uşaqların kefi necәdir?
C a v a d (oturur). Ey ... Ay balam! Bir tövr
dolanırlar. Mәn dә dәxi qocalmışam.
Әvvәlki tәk işlәyә bilmirәm, bu il
hәtta heç taxıl da әkmәdim.
N a d i r. Heç fikir etmә. Allah
kәrimdir. Gәtirdiyim qarәtdәn bir illik sәnin
tәamın çıxar. Eşitdinmi,
özbәklәrә nә tufan etmişәm? Heç bilirsәnmi
başlarına nә işlәr gәtirmişәm!
C a v a d (başını yırğalayır).
Ah! Ah, balam (Başını, tutub fikrә gedir.)
Eşitmişәm, eşitmişәm!....
N a d i r. Dayı! Nә üçün ah-zar
edirsәn? Nә sәbәbә qәmgin oldun?
Gәrәkdir şad olasan ki, mәnim kimi bacın oğlu
var. Onu bilmirsәnmi, adımı eşitcәk hamı
titim-titim titrәyir, padşahlar mәnim müqabilimdә
davam etmәyir, qoşunları qoyun kimi qaçırlar!
Mәn deyilәmmi özbәklәri dağa-daşa salan?
Mәn deyilәmmi İrana qan ağladan? Belә
kömәyi olan da ah-vay edәrmi? Belә kömәyi
olan da dәrd edәrmi? Fәxr et! Könlün şad
olsun!
C a v a d (başını qaldırıb).
Bilirәm. İgidsәn, aslan bәrabәrindә
cavansan, amma....
(Başını aşağı salır.)
N a d i r. Necә amma? Nә deyirsәn?
C a v a d (başını tutub ağlayır).
Heç balam, heç! Allah qüvvәt versin!
N a d i r. Dayı, sәnә nә olubdur?
Nә üçün ağlayırsan! Ürәyindә
nә var, de!
C a v a d. Ay balam, nә deyim!.... Mәn öz
günümә ağlamıram. Bu gün-sabah
ölәcәyәm....
Mәni fikrә salan vәtәnimizin qarışıq
işlәridir. Of, of! Heç bilirsәnmi nә halda
bulunuruq. Vәtәnimiz
әldәn gedir, ziyarәtgahlarımız, yerlәrimiz
özgә tayfaların әllәrinә
keçirlәr. Millәtimiz günbәgün zәlil,
mәşәqqәtdә bulunur: әkin yox, biçin
yox, neçә kәndlәrdә aclıq
başlanıb. Xalq çәyirtkә kimi
qırılır, mәn buna ağlayıram.... Başını tutub
ağlayır. Nadir fikirdә. Cavad yerindәn qalxıb
Nadirin әlindәn tutur.) Nadir! Dünyada ad qazanmaq iki yol
ilә olar: yamanlıqla vә bir dә
yaxşılıqla. Yamanlıqla ad çıxartmaq hamıya
mümkündür vә bu ad hәmişәlik
deyil.... Yaxşılıqla ad
qazanmaq hәr şәxsin hünәri deyil.
Yaxşılıq edәn şәxsin adı nәinki
öz sağlığında vә hәtta
ölәndәn sonra da dillәrdә zikr olunar. Bәs
heç rәvadırmı ki, sәnin kimi rәşid
vә şücaәtli cavanın adı
sağlığında min cürә söyüşlә
vә ölәndәn sonra lәnәt ilә zikr
olunsun? Rәvadırmı ki, sәnin ömrün,
gücün vә ağlın quldurluqda
çürüsün? Rәvadırmı ki, insan
bilә-bilә gözәl sifәtlәrini puç edib,
yaman sifәtlәri qәbul edә? (Nadir fikirdә.)
Heç eşidibsәnmi ki, quldur öz әcәli
ilә ölә? Qulduru hәmişә ya asıblar, ya
boğublar, ya güllәlәyiblәr. Xülasә,
quldur olan kәs belә yaman naqabil ölümlәrdәn
uzaq deyil.... Dәxi nә deyim, balam.... (Fikrә gedir.)
N a d i r. Dayı, diqqәtlә
sözünüzә qulaq verirәm. Buyurun görüm.
C a v a d. Dәxi nә deyim, ay balam!.... Axır sözüm budur ki, sәn
gәrәk bu yaman peşәdәn әl
çәkәsәn. Fikrini, gücünü sәrf
edәsәn millәt vә vәtәn yolunda. Bizim
atadan-babadan qalan yerlәrimizi düşmәnin
әlindәn qurtar, qoyma ziyarәtgahlarımız qeyri
tayfaların әlindә qala. Onda ümidvaram ki, Tәhmas
şah günahından keçә.
N a d i r (gülә-gülә). Ah! Ah!
Tәhmas şahda nә qalıbdır ki, mәnim
günahımdan keçә?
C a v a d. Neçә ki, nә
qalıbdır? Tәbrizdәn xeyli qoşun yığıb
Xorasanı türkmәnlәrin әlindәn qurtarmağa
gedir. Nadir! Dübarә sәndәn tәvәqqe
edirәm: at, bilmәrrә bu yaman peşәni.... Dağılmış
vәtәn, yurdu itmiş, ah-zarı ürәk dağlayan
millәt
sәnin kimi bir aslan gözlәyir. Durma,
oğlum! Minlәrcә mәnim kimi göz
yaşlarını tökәn var. Bu qan ağlayanlara
kimdәn cavab gözlәmәk?
N a d i r (әlini başına aparıb fikir
edir. Birdәn Cavadın yanına gedir.) Dayı! Sәnin
sözlәrin mәni ayıltdı, bu vaxtadәk
xabi-qәflәtdә imişәm. (Fikrә.) İndi ...
hә.... İndi başa
düşürәm ki, atam da, mәn dә әbәs
yerә qan tökürmüşük.... Bәsdir!
Bundan sonra vәtәnin fikrindә
olmalıyam.... (Fikrә.) O qanlı yaşlar
tökәnlәr mәndәn cavab
gözlәsinlәr....
C a v a d. Doğrumu deyirsәn?
N a d i r. Dayı! And olsun yerlә göyü
yaradana! And olsun Rzaqulunun canına ki, bu qılınc ancaq
vәtәnin yolunda işlәnәcәkdir!
C a v a d (әlini urәyinә qoyur.) İndi
bir az sakit oldum.... Allah
sәndәn razı olsun. (Alnından öpür.) Nadir!
Vәtәn yolunda qılınc vurmaq müqәddәs
vә savab işdir; bir işdir ki, cәmi İran
sәndәn razı qalar. Ata-babamızın
sümüklәri basdırılan yerlәri düşmәnlәrin
әlindәn xilas edәrsәnsә, böyük bir
müqәddәs iş etmiş olarsan.
N a d i r. Allahın kömәkliyi ilә, bu
qılıncın hünәrinә qoymaram qeyri millәt
İran torpağında baş qaldırsın.... İndi dayı, sәn evә get,
bir az rahat ol, mәn dә bir neçә buyruq verәcәyәm.
C a v a d. Yaxşı, gözümün nuru!
(Gedir.)
N a d i r (tәk). Hәqiqәt, mәn bu
vaxtadәk qәflәt yuxusunda imişәm; ancaq günah
mәndә deyil, atam tәrbiyәni belә vermişdi.
Çox yaxşı ki, dayım mәni ayıltdı, yoxsa
mәndәn sonra Rzaqulu da nahaq yerә bu qanları
tökәcәk idi. Әcәba, nә üçün
mәn bir fikir etmәyirdim. Atamdan artıq qoçaqlıq
edә bilmәyәcәkdim. Amma bununla belә bu
dünyada nә qoydu getdi? Harada adı hörmәtlә
çәkilir? Quldurların mәclislәrindә....
Bәli, on, ya iyirmi-otuz quldur atamın adı
gәlәndә rәhmәt oxuyursa, cәmi İran
haman adı nifrәtlә söylәyir.... (Fikrә gedir.) Yox, dәxi durmaq
vaxtı deyil. (İstәyir getsin.)
ALTINCI GӘLİŞ
G ü l c a h a n (tez Nadirin qabağına
çıxır). Nadir! Dayın deyәn söz
doğrudurmu?
N a d i r. Nә var? Nә olubdur?
G ü l c a h a n. Nә üçün
gizlәyirsәn? Özün bilmirsәnmi?
N a d i r (gülümsünür). Yox!
G ü l c a h a n. Sәn mәnim canım,
doğrudurmu ki, yaman peşәdәn әl
çәkirsәn? Hә?
N a d i r (tәrәfә). Binәva
sevindiyindәn bilmir nә etsin. (Gülcahana.) Doğrudur,
Gülcahan, doğrudur. Mәn yaman, nifrәtli
peşәdәn әl çәkdim. Fәqәt indi
lazım gәlir, müqәddәs yerlәrimizi,
zәlalәtdә yaşayan millәtimizi
düşmәnlәrin zülmündәn xilas edim.
G ü l c a h a n. Pәrvәrdigara! Çox
şükür, çox şükür ki, mәnim
duamı müstәcab etdin. (Ağlayır.)
Gecә-gündüz әlim sәnin dәrgahında
öz-özümә deyirdim: nә vaxt canım qorxu
çәkmәkdәn azad olacaqdır. Çox
şükür ki, mәtlәbimә çatdım! (Nadir
gedib qolundan tutur.)
N a d i r. Ağlama, get rahat ol! Dayım yoldan
gәlibdir, qocadır, yorulmuş olar, onu rahat et. Onun
sözlәri mәni yuxudan ayıltdı....
G ü l c a h a n (gedә-gedә). Allah
sәbәbә nicat versin!
N a d i r (tәk). Biçarә övrәt
o qәdәr qorxudan gecәlәr yatmayıb ki,
saralıb, muma dönübdür, indi sevindiyindәn
ağlayır. Hәqiqәt, Gülcahan mәni çox
istәyir, yoxsa mәn hara, Birabil xanın qızı hara.
Xülasә!.... Gedim
görüm adamlar
yerlәrindәdirlәrmi?
(Çıxır.)
YEDDİNCİ GӘLİŞ
R z a q u l u (evin qәnşәrindәn
gәlir, qılıncı qınından
çıxarır). Görüm, yaxşımı
qayırıbdır. (Baxır.) Çox yaxşıdır! (Mәşq
edir.) Görüm, atamın xoşuna
gәlәcәyәmmi? O, qoçaq adamları çox
sevir. Hәrçәnd quldurluğa әvvәlinci
dәfә gedәcәyәm, amma yanımda o
qәdәr nәql ediblәr ki, qulağım dolubdur.
Bilmәrrә qorxum yoxdur. Ürәyim belә
tәlәsir ki, hәr günüm bir il keçir,
dәqiqәlәri sanıyıram. Dünәn
qaçaqlardan biri atamın qoçaqlığından
danışırdı.... Deyir,
qorxulu davada vaxta ki, Nadir qabağa düşür, elә
bilirsәn hamıya tәzәdәn ürәk
verilir.... Deyir,
qılıncı heç boş yerә çıxartmaz. Elә
ki, çıxartdı, gәrәk düşmәnin
başı yerdә ola. Elә ki, deyir, Nadir qabağa
düşür, nәrәsindәn düşmәn tab
gәtirmәyib qaçır....
Ah, hanı bir tez gedәydik, mәn dә
qılıncı sıyırıb (qılıncı
sıyırıb bәrkdәn), qorxma, vur!
(Yüyürür.) Tәrpәnmә!
SӘKKİZİNCİ GӘLİŞ
G ü l c a h a n (tez qapıdan
çıxıb Rzaquluya tәrәf). Nә olub? Nә
var? Rzaqulu, sәnsәn? (Әlini ürәyinә
aparıb pillәkәnin üstündә әylәşir.)
Uf! Ay balam, sәn mәni qorxutdun, dedim görәsәn
nә olubdur. Nә üçün elә edirdin, oğlum?
Dәli olmuyubsan ki?
R z a q u l u (anasının yanına gedib qolundan
tutur). Ana, qorxma, heç şey yoxdur. (Gülür.) Ah! Ah!
G ü l c a h a n (yavaş-yavaş durur).
Oğlum, bәs divanәtәk nә üçün
qışqırırsan?
R z a q u l u. Heç, mәşq edirdim.
Deyirәm görüm, atamla gedәndә necә dava
edәcәyәm.
G ü l c a h a n. Hara?
R z a q u l u. Qaçaqçılığa!
G ü l c a h a n. Axmaq-axmaq fikirlәri
başından çıxart.
R z a q u l u. Ana, vallah atam deyirdi sәni dә
özümlә qaçaqçılığa
aparacağam.
G ü l c a h a n (Rzaqulunun
gözlәrindәn öpür). O çox da apardı,
sәni qoyan kimdir? Allahı sevirsәn, elә
şeylәri fikrindәn çıxart.
R z a q u l u (әlindәn tutur). Ana, sәn
mәnim canım, mane olma, qoy gedim.
G ü l c a h a n (üzünә
diqqәtlә baxıb gözlәrindәn neçә
dәfә öpür). Bircә de görüm,
qaçaqçılığa nә üçün
gedirsәn?
R z a q u l u. Heç, ancaq istәyirәm atam
kimi ad çıxardam. Qoyarsanmı? Hә? Mane olmazsan ki?
Hә?
G ü l c a h a n (gülә-gülә). Atan
quldurluğu, qaçaqçılığı dәxi
tәrk edibdir, dәxi getmәyәcәkdir. Sәn
dә ad çıxarda bilmәyәcәksәn.
Mәn dә bu gözlәrә
(gözlәrindәn öpür) hәsrәt
qalmayacağam.
R z a q u l u. Nә deyirsәn? Necә
getmәyәcәkdir? Mәnә özü dedi ki,
yaraq-әsbabını hazır et. İndi sәn
deyirsәn getmәyәcәk? Görünür, sәni
aldadıbdır, çünki hәr vaxt yola çıxanda
sәn ağlayırsan, ona görә deyibdir ki, dәxi
ağlamayasan.
G ü l c a h a n. Bu günәdәk o
fikirdә idi, fәqәt bu gün fikrini dәyişibdir.
R z a q u l u. Nә üçün? Nә
olubdur ki?
G ü l c a h a n (Nadiri görüb). Özü
gәlir, soruş, özü deyәr.
DOQQUZUNCU GӘLİŞ
N a d i r. Rzaqulu, gәlibsәn?
R z a q u l u. Bәli.
G ü l c a h a n (Nadirә). Oğlun mәni
qorxutdu. Evdә işә mәşğul idim. Bir dә
eşidirәm biri fәryad edir: "Qoyma! Vur!
Tәrpәnmә!" Evdәn tez
çıxıb görürәm: tәk özü
qılınc ilә oynuyur.
N a d i r. Nә edirdin, oğlum?
R z a q u l u (başını aşağı
salıb). Heç, mәşq edirdim.
N a d i r. Nә mәşq?
G ü l c a h a n. Deyir, mәn dә atam kimi
istәyirәm ad çıxardam.
N a d i r (әlini oğlunun başına qoyub).
Qoçaq oğlum! Hünәrli oğlum!
G ü l c a h a n. Mәn dә deyirәm
dәxi qaçaqçılığa
getmәyәçәksәn. İndi sәbәbini
soruşurdu ki, sәn gәldin.
N a d i r. Hünәrli oğlum! Ad
çıxarmaq üçün tövürlü yollar var.
Ancaq qaçaqçılıqla ad çıxartmaq yaman
nifrәtli yoldur. İnsan gәrәkdir ağlı
ilә, yaxşılıqla ad çıxartsın. Bu
vaxtadәk quldurluqdan nә ki söylәmişәm
vә özün eşidibsәn çıxart
başından. Mәn düz yoldan azmış
imişәm. Bundan sonra qılıncını ancaq
vәtәn yolunda çıxart. Oğlum,
düşmәnlәr vәtәnimizi tar-mar edirlәr,
müqәddәs yerlәrimizi әldәn alırlar.
Bundan sonra gәrәkdir quldurluğu bilmәrrә
buraxıb vәtәnә kömәk edәk, belә
bir yolda ad çıxartmaq böyük bir sәadәtdir. Ümidvaram
ki, mәnim sözlәrimi anlayırsan. (Rzaqulu dizi
üstә düşüb başını uzadır. Nadir
qolundan tutub durğuzur vә gözlәrindәn
öpür.) İndi bildim ki, mәnim yolumda baş qoymağa
hazırsan.
G ü l c a h a n (boynundan qucaqlayır).
Gördün, dedim dәxi getmәyәcәksiniz.
N a d i r. İndi durma oğlum, get qaçaqlara
de ki, hazır olsunlar. (Rzaqulu gedir. Gülcahana.) Sәn dә
get, mәnimçün yola nә lazımdır hazırla.
Dayım nә edir?
G ü l c a h a n. Yatıbdır.
N a d i r. Görükür, yorulubdur. Oyatma, qoy
hәlә yatsın, lazım olanda oyadarsan.
G ü l c a h a n. Yaxşı. (Gedir.)
N a d i r. Rzaqulu mәni çox istәyir,
nә desәm hazırdır. Sözlәrim ona tәsir
etdi. Başını uzadır, yәni: boynumu vur,
sözündәn çıxmaram, dediyidir.
Bәrәkallah, oğul! Pәrvәrdigara, etdiyim
günahların әvәzindә ömrümün
axırınadәk sәnin yolunda savab işlәr
edәrәm, ancaq bu oğlumu mәnә çox
görmә! Mәni onun gözlәrinә hәsrәt
qoyma!
ONUNCU GӘLİŞ
R z a q u l u. Baba, hazırdırlar, qulluğunuzu
gözlәyirlәr.
N a d i r. De gәlsinlәr. (Rzaqulu gedir.) Ah!
(Fikirdә.) Xorasanı düşmәnlәrin
әlindәn xilas etdiyim günü tezmi görәcәyәm?
ON BİRİNCİ GӘLİŞ
Rzaqulu, bir
neçә yaraqlı qaçaq.
N a d i r. Gәldiniz? Bu saat atlanıb
düşün kәndlәrә, әtraf-әsnafa!
Hәr kәsi gördünüz, deyәrsiniz Nadir sizi
çağırır. Hamı gәrәk bu gün buraya
cәm olsun. Hәr kәs gәlmәsә, adını
soruşub yazarsınız, sonra mәn onlara
göstәrәrәm. Heç kәs dә
qorxmasın, eşitdiniz?
H a m ı. Bәli.
N a d i r. Di durmayınız. (Gedirlәr.)
Sәn dә Rzaqulu, de, mәnim atımı hazır
etsinlәr.
R z a q u l u. Baba, mәnim atımıdamı?
N a d i r. Yox, oğlum, bu sәfәr sәn
getmәyәcәksәn. Buralar şuluqdur, sәn
dә evә bax. (Rzaqulu çıxır. Bir-bir, iki-iki
kәnd әhli kәlib Nadirә baş әyib
qabağında dururlar.) Hәr kәs yorulubdur, әylәşsin.
Xoş gәlibsiniz, hamı yığılanda mәnә
xәbәr
edin. (Evә gedir.)
K ә n d ә
h l i n d ә n b i r i. Heç
bu sifәt bunda görükmüyübdür ki, deyә
әylәşin.
İ k i n c i. Görәsәn genә
nә var, bәlkә işi düşübdür.
Ü ç ü n c ü.
Әlbәttә, yorulubdur, quldurluğa getmәk
istәmir ki, arxayın evdә otursun. Biz dә tövcü
verәk.
D ö r d ü n c ü. Xülasә, allah
özü rәhm etsin, xeyir işә bәnzәmir.
B e ş i n ci. Bizim evimizi düşmәn
azmı yıxır? Bu da indi istәyir ki,
olub-qalanımızı alsın. Mәnim sözümә
baxsanız, hamımız çıxarıq gedәrik, sonra
nә edәcәk, etsin. Ölüb getmişik,
ölmüşün nәyini öldürәcәkdir.
(Bu vaxt bunların arasında qovğa düşür,
bunları çağıran qaçaqlar gәlirlәr.
Xalq onlara tәrәf.)
H a m ı (bәrkdәn). Bizi nә
üçün yığıbsınız?
ON İKİNCİ GӘLİŞ
Nadiri görәndә sәslәrini
kәsirlәr.
N a d i r. Hәzәrat! Xoş gәlibsiniz!
Bu vaxtadәk mәndәn vә atamdan
zәrәrdәn vә әziyyәtdәn başqa bir
şey görmәyibsiniz....Әvvәlәn sizdәn
tәvәqqe edirәm ki, mәnim günahımdan
keçәsiniz vә sizә mәlum edirәm ki,
bugündәn quldurluğu,
qaçaqçılığı
bilmәrrә buraxıb, canımı, gücümü
vә ağlımı millәt vә vәtәn yolunda
sәrf edәcәyәm. Bәsdir, nә qәdәr
әbәs yerә qan tökdüm. Bәsdir, nә
qәdәr siz mәnim әlimdәn dad
çәkdiniz. İndi ancaq düz yolu tapmışam, indi
ancaq anlamışam ki, insan gәrәk vәtәn
vә millәt yolunda işlәyib qeyrәt,
hәmiyyәt göstәrsin. Özünüz
görürsünüz, eşidirsiniz vәtәnimizi
düşmәn hәr yerdәn zәbt edir. Hәtta
ziyarәtgahlarımıza da әl uzadırlar. Bundan sonra
mәn özümә söz verirәm ki,
vәtәnimizi düşmәnlәrin әlindәn
xilas edib millәti zülmdәn qurtarım. Әvvәlinci
gedәn yerim Xorasandır ki, sistanlıları oradan
gәrәkdir qovmaq. Sizlәrdәn kim istәmir ki,
ata-babalarımızın müqәddәs yerlәrini
xilas edәk, tainki bizdәn sonra gәlәn
uşaqlarımıza bu ibrәt ola, qeyrәtә gәlib
gözlәri hәmişә açıq ola? Kim
istәyәr ki, öz әkdiyini özü
biçmәsin? Razısınızmı?
H a m ı. Razıyıq! Razıyıq!....
N a d i r. Bәs belә olan surәtdә
dağılınız әtrafda olan kәndlәrә,
car çәkin ki, Nadir gedir Xorasanı
düşmәnlәrin әlindәn qurtarmağa.
Hamı yığılsın, hәr kәsin nә
yarağı-әslәhәsi var götürsün. Onu da
deyirәm: hәr kәsin qeyrәti oyanmayıbdır,
getmәsin. Ümidvaram ki, sözümә әmәl
edәsiniz.
H a m ı. Hazırıq vәtәn yolunda
baş qoymağa! Hara aparırsan bizi apar. (Bәrkdәn.)
Nadir sağ olsun!.... Nadir sağ olsun!....
PӘRDӘ
YARIM MӘCLİS
İKİNCİ MӘCLİSİN MABӘDİ
Vaqe olur Xorasan yolunda. Bir neçә
çadır, bir sәrbaz әlindә tüfәng
çadırın qabağında gәzinir. İki
sәrbaz yavuqda durub
çırpı
yığır.
B i r i i c i s
ә r b a z. Ağlın nә kәsir, Xorasana
getmәkdәn bir şey olacaq, ya yox?
İ k i n c i s
ә r b a z. Necә?
B ir i n c i s
ә r b a z. Deyirlәr sistanlılar qalanı möhkәm
bәrkidiblәr.
İ k i n c i s
ә r b a z. Baxaq görәk, necә olacaqdır. Şah
gәrәk ki, bir xәbәr gözlәyir, ona
görә hәlә getmәk istәmir.
B i r i n c i s
ә r b a z. Nә xәbәr gözlәyәcәk.
Düşmәnlәr dәli deyillәr ki, Xorasan kimi
şәhәri әllәrindәn verәlәr.
Heç bilirsәnmi, ziyarәtә gedәnlәrdәn
nә qәdәr xeyir götürürlәr?
İ k i n c i s
ә r b a z. Bundan әlavә, deyirlәr onların
xanı sәrbazlara çox mәrhәmәt
göstәrir: hәr nә qarәt olunur, sәrbazların
aralarında bölünür.
B i r i n c i s
ә r b a z. Ona görәdir ki, Mahmud xanı sistanlılar
sevirlәr.
İ k i n c i s
ә r b a z (әlini gözünә tutur). O kimdir, tez-tez
çaparaq gәlir?
B i r i n c i s
ә r b a z. Hanı? Hanı?
İ k i n c i s
ә r b a z (әli ilә göstәrir). Odur, bax! Odur!
B i r i n c i s
ә r b a z. Bizim adam deyil?
İ k i n c i s
ә r b a z. Bәli.
Görәsәn kim ola?
B i r i n c i s
ә r b a z. Bir yaxşı bax, uzaqdan atlılar da
görünürlәr.
İ k i n c i s
ә r b a z (diqqәtlә baxır). Doğrudur,
qәribә çox atlı var, görәsәn kimdir?
B i r i n c i s
ә r b a z. Lazımdır padşaha xәbәr
vermәk.
İ k i n c i s
ә r b a z. Ay, kimsәn, dayan! (Tüfәngi
götürür atmağa. Bu vaxt әvvәlinci sәrbaz
yüyürür Tәhmasın çadırına
tәrәf, orada şeypur çalınır. Tәhmas
çadırdan tez çıxır, qarşıdan Nadir
qoşunu ilә gәlir.)
T ә h m a s (öz sәrbazlarına). Dayan!
(Әli ilә.)
Nadir ürәkli Tәhmas xana tәrәf
gәlir vә iki tәrәfin qoşunu xamuş durur.
N a d i r (qılıncı açıb
Tәhmasa verir). Qibleyi-alәm! Bu qılıncla mәn
çox ataları oğulsuz vә çox uşaqları
atasız vә anasız qoymuşam. Bu qılıncla
çox nahaq qanlar tökmüşәm, çox evlәr
yıxmışam, indi qeyrәt vә insaf mәnә
qalib gәlib.
Gәlmişәm
qibleyi-alәmin hüzuruna. Xahiş edirsәn bu
qılıncla başımı vur, yainki rüsxәt ver,
düşmәnlәrin tәsәrrüfündәn
vәtәnimizi xilas edim, hәrçәnd dayımı
göndәrmişdim qibleyi-alәmin qulluğuna ki, mәnim
mәqsudumdan xәbәrdar etsin, amma Xorasana mәxfi
göndәrdiyim adam gәlib ürәyi odlayan
xәbәr gәtiribdir. Hirsimdәn sәbir edә bilmәdim
vә özümü qibleyi-alәmә yetirdim ki,
mәqsudumdan xәbәrdar edim. İndi ixtiyar
qibleyi-alәmdәdir. (Başını aşağı
salıb durur).
T ә h m a s (yavuq gedir, qılıncı
verir). Nadir! Sәnin bu vәtәnpәrәstliyin vә
aşkara qeyrәtin mәni vadar edir nәinki sәnin
tәqsirindәn keçәm vә bәlkә
cәmi qoşunun ixtiyarını sәnә
tapşıram. Mәn sәnin tәqsirindәn
keçdim. (Qoşuna üzünü tutub.) Xoş o
millәtin halına ki, Nadir kimi kömәyi var. Xoş o
qoşunun halına ki, Nadir kimi sәrdarı var!!! Sağ
olsun Nadir xan!
Q o ş u n. Tәhmas şah sağ olsun! Nadir
xan sağ olsun!
(Burada fars marşı çalınır.)
PӘRDӘ
ÜÇÜNCÜ MӘCLİS
Vaqe olur Xorasanın әtrafında. Bir
tәrәfdә Nadirin çadırı, o biri
tәrәfdә Xorasan qәlәsi.
ӘVVӘLİNCİ GӘLİŞ
N a d i r (uzaqdan qoşuna baxıb). Mirzә
Mehdi! (Yavuq gәlib daşın üstә
әylәşir. Fikrә gedib başını әli
ilә tutur).
M i r z ә M e h
d i x a n.
Salari-müәzzәm!
Cәnabi-süpәh-salari-sәrdar! Nә
buyurursunuz?
N a d i r (başını qaldırıb).
Gәlibsәn?
M i r z ә M e h
d i x a n.
Salari-müәzzәm, bu gün üç gündür
nә gecә yatıbsınız vә nә
gündüz, bәdәnә zәrәrdir. Bir az rahat
olun.
N a d i r. Mirzә Mehdi! Dünәnki dava
mәni bir hala gәtiribdir ki, özümü tәrlan kimi
hiss edirәm. Hәqiqәt, dünәnki dava qabaqkı
davalara bәnzәmәz. Qalanı allahın
kömәkliyi ilә bu gün alacağam,
düşmәndә güc qalmayıbdır. (Qoşuna
nәzәr edir.)
M i r z ә M e h
d i x a n. Qoşuna rahatlıq
olacaq, yainki bu gün genә davadır?
N a d i r. Xeyr, dünәnki davadan sonra
rahatlıq vermәk olmaz. İşi gәrәkdir isti
ikәn görәsәn, bu gün gәrәkdir qala
alınsın. (Dişqarıda sәc.) Mirzә! Gör
kimdir? (Mirzә Mehdi çıxır. Tәk.) Bәli, indi
bu davalarımı Tәhmas eşidibsә, çox
şaddır. Görünür, ümidi mәnә
çoxdur. Yoxsa ,birdәn-birә mәnә qoşunun
ixtiyarını vermәzdi vә tәk mәni
sistanlıların üstә göndәrmәzdi.... Xeyr, çox da ümid etmәk
olmaz. O gün kağız göndәribdir ki, tez İsfahana
özünü yetir. Amma xәbәri yoxdur, bilmir ki,
İranı hәr yerdәn tar-mar etmәk
istәyirlәr. (Fikrә gedib başını әli
ilә tutur.)
İKİNCİ GӘLİŞ
Mirzә yavaş-yavaş gәlib Nadiri bu
halda görüb danışmır.
N a d i r (başını qaldırıb).
Mirzә, gәlibsәn? Kimdir? Nә sәsdir?
M i r z ә M e h
d i x a n. Qulluğunuza Sistan
tәrәfindәn elçi gәlibdir.
N a d i r. Elçi?! (Ayağa durur.) Ah! Ah! Ah!
(Gülür.) Elçi! Görәsәn fikri nәdir?
Qala alınmasa biz tәrәfdәn qılınc yerә
qoydu yoxdur, Mirzә. Görürsәn?
(Rişxәndlә.) Buyursun! (Mirzә çıxır.
Tәk.) A.... Zәrbi-dәstimi dadıblar.... Elçi
nәdir? Gәrәk xan özü gәlib
tәvәqqe edә ki, mәn ondan әl
çәkim.... Xeyr, әl çәkmәrәm.
Ancaq tәvәqqe edә bilәr ki, xalqı әbәs
yerә qırmayım, özünü
öldürmәyim.... Ancaq
belә şeylәrin tәvәqqesi ola bilәr....
ÜÇÜNCÜ GӘLİŞ
Elçi vә Mirzә Mehdi.
E l ç i (baş әyib).
Xidmәti-şәrifinizә salam edib Sistan xanının
tәrәfindәn göndәrilmişәm.
N a d i r. Xub, buyruq?
E l ç i. Xanın xahişi budur ki, ümum
xeyirdәn ötәri davanı bәrhәm edin.
N a d i r (acıqlı baxır). Nә
şәrti-şürutla?
E l ç i. Xan xahiş edir ki, layiqincә
xәrac versin.
N a d i r (gülür). AH! Ah! Qalada oturub
dәhyek versin?! Xub! Cәnab elçi, xanınız
çox әla xәyallara düşübdür....
E l ç i. Vә bir dә şәrt edir
ki, bundan sonra minbәd İranla dava etmәsin.
N a d i r
(gülә-gülә). Cәnab elçi!
Xanınıza әrz edәrsiniz ki, bu gün hazır olsun!
Şәrtnamәni yazıb göndәrәrәm
vә buyruq verәrәm ki, qolubağlı
şәrtnamәyә qol çәksin.
E l ç i (mat). Anlamayıram.
N a d i r. İnşaallah, bir saat keçmiş
anlarsınız. Görünür, xanınız davada
xabi-qәflәtdә imiş, zәrbi-dәstimi
görmәyibdir vә illa görsә idi bu
tәkliflәri mәnә etmәzdi.
İnsafdırmı ki, ata-babamızdan qalan yerlәri
alasınız, müqәddәs yerlәrimizi qarәt
edәsiniz vә bizim qüvvәtimiz ola-ola sizin
xeyrinizә olan şәrtlәri qәbul edәk?
Hәrgah xanınız xahiş edir ki, özü әsir
olmasın, hәrgah әbәs yerә qoşunun
qanfişan olmağını istәmәyir, iki saatadәk
Xorasanın qәlәsini gәrәk azad etsin. Vә illa
bu gün şәhәri alt-üstә çevirmәk,
anaları balasız, balaları anasız qoymaq mәnim borcum
olsun. İndi buyurun. (Әli ilә yol göstdrir. Elçi
baş әyib çıxır.) Mirzә!
Görürsәn, nә tәkliflәr edirlәr?
M i r z ә M e h
d i x a n. Sәrdarım,
fikrinizdәn xәbәrdar deyillәr. Dünәn
davanı kәsmәkdәn ola bilsin ki, xan özgә
xәyallara
düşübdür.
N a d i r. Onun xәyalı mәnә
mәlumdur. İstәyir vaxt alıb tәzәdәn
hazırlaşsın. Fәqәt mәn qoymaram göz
açmağa. (Ayağa durub hazırlaşır.) Mirzә,
bax gör, hamı hazırdırmı? (Mirzә
çıxır. Tәk.) Xorasanı әldәn
vermәk istәmirlәr....
Allah yar olsa,
göstәrәrәm!....
DÖRDÜNCÜ GӘLİŞ
M i r z ә M e h
d i x a n. Әfqanıstandan
mәktub var.
N a d i r. Aç oxu! (Nadir baxır, Mirzә
ayaq ustә sәslә oxuyur.)
M i r z ә M e h
d i x a n. "Süpәhsalar
sağ olsun! Әfqanlar şücaәt vә
rәşidliyinizi eşidiblәr vә fikrinizdәn
xәbәrdar olublar ki, Xorasandan Әfqana üz
qoyacaqsınız. Bu xәbәr bunları
tәşvişә salıb, ciddi surәtdә
hazırlaşırlar. Mәclis qurub әhd etdilәr ki,
Allahyar xanı zindandan xilas edib qoşunu ona
tapşırsınlar. Tәzә qalalar tikmәyә
mübaşirdirlәr. Hәr növlә
çalışırlar ki, qabağınızı
kәssinlәr. Kәhrizi Allahyar xanın qoşunu tutubdur
vә oradan Fәrmanabada atlı qoşun göndәrib
istәyirlәr dal tәrәfdәn sizә mane olsunlar.
Bu әhvalatları vacib bilib qulluğu-şәrifinizә
mәlum edirәm. Şәrif xan."
N a d i r. Başımdakı fikrimi bu
xәbәr busbütün dәyişdirdi. (Fikrә
gedir.) Hәr nә olmuş-olsa gәrәkdir bu gün
sistanlılarla qurtaram. Mirzә! Sәn çıx
yuxarı, tamaşa et davanı başlıyıram. (Hazırlaşır. Mirzә
çıxır, uca sәslә.) Şeypur! (Şeypur
sәslәnir, dişqarıda qilu-qal düşür.)
Әvvәlinci foc, sağ tәrәfdәn! İkinci
foc, sol tәrәfdәn! Üçüncü, daldan
hazır olun! (Nadir әli ilә işarә edir, şeypur
çalınır. Uca sәslә.) Allah! Allah! Allah!
PӘRDӘ
ÜÇÜNCÜ MӘCLİSİN
MABӘDİ
Vaqe olur İsfahan şәhәrindә.
Şah Tәhmas öz evindә әylәşibdir vә
Heydәr xan qabağında durubdur.
Ş a h T ә
h m a s. Heydәr! Nadirdәn bәs bir xәbәr
gәlmәdi?
H e y d ә r. Qibleyi-alәm! Gәlibdir.
Ş a h T ә
h m a s. Nә xәbәr var? Nә iş
görübdür?
H e y d ә r x a
n. Qibleyi-alәm sağ olsun! Heç şey.
Yazmağından belә mәlum olur ki, әbәs
yerә qoşunun yarısını tәlәf edib bir
iş dә görmәyibdir.
Ş a h T ә
h m a s. Elә şey ola bilmәz. Nadir ola bir iş bacara
bilmәyә?
H e y d ә r x a
n. Qibleyi-alәm! Başdan gәrәk mәnim
sözümә diqqәt edәydiniz; mәn әrz etdim,
quldura birdәn-birә elә zor mәnsәb vermәk
olmaz. Kim bilir qoşunun başına nәlәr
gәtiribdir.... Qoşun
heç.... Ancaq....
Ş a h T ә
h m a s. Nә üçün fikrә getdin? Söylә
görüm!
H e y d ә r x a
n. Qibleyi-alәm! Cürәt edib әrz edә
bilmirәm.
Ş a h T ә
h m a s (hirsli). De görüm nә olubdur?
H e y d ә r x a
n. Qibleyi-alәm! Belә deyirlәr, guya Nadir qoşunu
özünә tabe edib, istәyir hәtta
padşahlığa әl uzatsın.
Ş a h T ә
h m a s. Sәn hardan bilirsәn? Kim deyir?
H e y d ә r x a
n. Qibleyi-alәm! Kәrratla yazıbsınız: ki,
gәlsin, nә üçün gәlmәyir? Vә
bundan әlavә, eşidirәm xalq vә qoşun ona böyük mәhәbbәt
göstәrirlәr.
Ş a h T ә
h m a s (fikrә gedir). Doğru deyirsәn, hәrgah belә
bir şey olmasa, bu vaxtadәk onun cürәti nәdir ki,
mәnim buyuruğuma әmәl etmәyә. Mәn
demişәm ki, hәr әhvalatı yaz xәbәr et,
amma bu vaxtadәk heç bir şey yazmayıbdır.
H e y d ә r x a
n. Bir neçә mәktub göndәribdir, ancaq onun
sözlәrinә inanmaqmı olar? Mәsәla, yazır
ki, sistanlıları qovluyub Xorasanı düşmәnin
әlindәn xilas etmişәm, Әfqanıstanı
alıb xanını әsir etmişәm.... Belә
şeylәr yazmaqdam mәlum olur ki, qibleyi-alәmi
arxayın edib başındakı yaman fikirlәrini
istәyir birdәn aşkar edә.
Ş a h T ә
h m a s. Bu saat Süleyman xanı bir qәdәr
qoşunla
göndәrәrsәn Әfqanıstana onun hәr
ixtiyarını alsın vә boynunu onun gәrәk
vurduram. Onda o qәdәr hünәr olsun ki,
padşahlıqa әl uzatsın? Xeyr.... Xeyr....
Qoymaram elә quldurlar tacıma әl uzadalar.
H e y d ә r x a
n. Qibleyi-alәm! Nadirdә bir dil var ki, hamını aldadar,
hökmünüzü yerinә tez yetiriniz, yoxsa
bәdbәxtlik üz verәr.
Ş a h T ә
h m a s. Durma! Necә ki, dedim elә edәrsәn, get bu saat
Süleyman xanı qoşunla göndәr.... (Heydәr xan çıxır.)
Ş a h T ә
h m a s (bir az fikirdәn sonra). Hәr halda, gәrәkdir
ehtiyatlı olmaq, güc onda, ad onda, dövlәtin cәmi
әyanları ona tәrәf....
Yox, bu işi belә qoymaq olmaz, gәrәkdir onun
başı vurula, Heydәrdәn savayı qeyri
vәzirlәr dә bir neçә dәfә
deyiblәr ki, Nadirә ümid bağlamq olmaz....
ӘVVӘLİNCİ GӘLİŞ
H e y d ә r x a
n. Qibleyi-alәm! Xәbәr gәlibdir ki, Nadir
şәhәrin on, beş ağaclığındadır.
Ş a h T ә
h m a s. Buyruq ver ki, şәhәrә qoymasınlar.
H e y d ә r x a
n. Qibleyi-alәm! Bu saat onun qabağını saxlamaq olmaz.
Buyruq veriniz gәlsin, vaxta ki, daxil oldu, cәllada hökm
edәrsiniz boynunu vursun.
Ş a h T ә
h m a s. Yaxşı, sәn cәllada deyәrsәn
hazır olsun. Buyruq ver ki, Nadir şәhәrә daxil
olanda qoşunu bir ağaclıqda qoysun vә
şәhәrin xәlqi çox şadlıq etmәsin.
(Tәhmas öz otağına gedir.)
H e y d ә r x a
n. Hәr nә hiylәm var idi işlәtdim. İndi
padşaha mәndәn müqәrrib bir kimsә
olmadığını Nadir düşünәr. Mәnim
әslim xan, dövlәtin hәr bir ixtiyarı mәnim
әlimdә, Nadir isә dünәnki quldur. Doğrusu,
ürәyim qәbul etmәyir ki,
dünәnki quldur bu gün bu tövr
şan-şövkәtә layiq olsun.... Xeyr....
Vaxtında gәrәkdir iş görmәk....
Ş a h T ә
h m a s (daxil olur. Uzaqdan şeypur sәsi). Heydәr! Bu nә
sәsdir? (Heydәr xan qapıya gedәrkәn, qapıdan
Nadir vә sәrkәrdәlәr daxil olub şahın
qabağında dizlәri üstә otururlar.) Durun! (Әli
ilә göstәrir.) Bir adam ki, padşahın әmrindәn çıxdı, ona xeyir-dua
vermәk olmaz, onun başı gәrәkdir vurulsun. (Nadir
vә qeyrilәri ayağa durub bir-birinә tәәccüblә
baxırlar.)
N a d i r. Qibleyi-alәm! Nә günahın
sahibiyәm?
Ş a h T ә
h m a s. Günahın çoxdur: neçә aydır
gedibsәn, beş min qoşun aparıbsan, bu vaxtadәk bir
şey yazmayıbsan, bәs bundan mәlum olur ki,
padşahın әmrindәn çıxıb,
başında qara fikirlәr bәslәyirsәn. Mәn
o başı yox etdirәrәm..
(Bәrkdәn.) Cәllad!
İKİNCİ GӘLİŞ
N a d i r (uca sәslә). Sәbir ediniz,
qibleyi-alәm! Tәvәqqe edirәm qulluğunuza
göndәrdiyim mәktubları buyurasınız
gәtirsinlәr.
Ş a h T ә
h m a s. Nә mәktub?
N a d i r. Hәr nә ki olubdur, hәr
şәhәri ki almışıq, hamısının
barәsindә Mirzә Mehdi yazıbdır. Mirzә,
doğrudurmu?
M i r z ә M e h
d i. Bәli, hәr әhvalat ki olub, vaxtbavaxt
tәfsilәn qibleyi-alәmin qulluğuna yazılıb
göndәrilibdir.
Ş a h T ә
h m a s. Heydәr! Kağızları gәtir görüm.
N a d i r. Qibleyi-alәm! Fikrinizә
gәlirmi, qoşunun qabağında and içdim ki, bundan
sonra sәmim-qәlblә millәtә vә
dövlәtә kömәk edәcәyәm? Ola
bilәrmi o andımdan sonra padşahıma vә
dövlәtimә xәyanәt edәm?
Ş a h T ә
h m a s. Onlar köhnә sözdür.... İnsanın qәlbini bilmәk
olmaz.
ÜÇÜNCÜ GӘLİŞ
Heydәr xan kağızları gәtirib
verir şaha.
H e y d ә r x a
n. Qibleyi-alәm, ancaq iki kağız alınıbdır.
(Şah Tәhmas kağızları alıb baxır.)
Ş a h T ә
h m a s (başını yırğalayıb). Bәli,
hәrgah burada yazılanın hamısı düz olsa,
çox hünәrlәr edibsiniz, amma....
N a d i r. Qibleyi-alәm! Sәbәb nәdir
ki, mәnim sözlәrimә inanmırsınız?
Vә nә sәbәbә gәrәkdir mәn yalan
danışam vә yainki yazam? Tәvәqqe edirәm
buyurasınız qalan mәktubları. da gәtirsinlәr.
Ş a h T ә
h m a s (Heydәrә). Dahadamı var?
H e y d ә r x a
n. Qibleyi-alәm! Qeyri mәktublar o qәdәr
lazımlı olmadığına görә
saxlamamışam.
Ş a h T ә
h m a s. Әhvalat fikrindәdir, ya yox? Nә
yazılmışdı?
H e y d ә r x a n. Bir qәribә vә
lazımlı söz yox idi, o barәdә kәrratla
qibleyi-alәmә әrz etmişәm vә mәxfi
edәcәyәm.
N a d i r (acıqlı). Qibleyi-alәmdәn
çox tәvәqqe olunur ki, qalan mәktubları harada
olsa Heydәr xan tapsın; ikinci, mәn dövlәt vә millәt yolunda
qılınc vuram, necә ola bilәr ki, dövlәtin
mәndәn gizlin sözü ola vәhalonki cәmi
qoşun hamısı mәnә tabedir: öl dәsәm
ölәrlәr, qal desәm qalarlar....
Ş a h T ә h m a s. Nadir! Özünә
çox ümid edirsәn, yaman fikirlәri başından
daşla! Yoxsa ... başından özgә bir xәyallar
keçir?
Hә?
N a d i r. Şahım! Fikrimdә
vәtәnә rövnәq vermәkdәn, onu
düşmәnin zülmündәn,
mәşәqqәtindәn qurtarmaqdan başqa bir şey
yoxdur. Qibleyi-alәm! Bunu gәrәkdir fikrinizdәn
unutmayasınız ki, mәnim xüsusi
düşmәnlәrim çoxdur, gözlәri
görüb xain olan ürәklәri qәbul etmir ki,
mәn quldurluqdan qibleyi-alәmin mәrhәmәti
ilә gәlib bu şan vә şövkәtә
çatam. Xülasә.... (Fikirdә.) Mәlum olur ki,
mәn qibleyi-alәmin buyurmağına görә,
özgә fikirlәrә düşmüşәm.
Bәli.... Hәrgah mәnim ... o fikirlәrim
qibleyi-alәmә naxoşdur, buyursun bu saat başımı
vursunlar; ancaq tәvәqqe edirәm hamı
mәktubları tapdırıb oxuyasınız, o vaxt
yәqin edәrsiniz, mәn qibleyi-alәmin hüzurunda
nәinki tәnbehә vә bәlkә böyük
olan mәnsәbә layiq olam....
Bu biçarә sәrkәrdәlәr vә
qoşun aslan kimi dava edib, cәmi Xorasan vә
Әfqanıstan mahallarını zәlzәlәyә
gәtirib xanlarını әsir, yerlәrini tar-mar
ediblәr. Bunlar göstәrәn qeyrәtin әcri
budurmu? Bu binәvalar şad-xürrәm
gәlәrkәn fikir edirdilәr: "Şahımız
bizә mәrhәmәt vә әnam
edәcәkdir", fәqәt.... (Fikrә gedir.)
Ş a h T ә h m a s (hirsli). Mәnә
nәsihәt etmә! (Başını әli ilә
tutub fikrә gedir vә әli ilә işarә edir ki,
çıxsınlar. Nadir xan vә qeyrilәri
çıxırlar. Tәk.) Ürәyimizi şad
edәcәkdir! Әnam edәcәkdir! Yaxşı
şad edәrәm! Dünәnki quldur mәnә
nәsihәt edir. Xeyr, görünür, bir şey var,
Heydәr deyәn söz gәrәkdir doğru ola.
İnsan belә olurmuş. Bir az ki, әlinә ixtiyar
verәrsәn, özünü itirәr. (Fikir.) Yox, bu
işi belә qoymaq olmaz, vaxtkәn çarә
qılmaq.... (Fikir.) Nә
etmәk? Kimdәn bilmәk ki, hәqiqәt, Nadir
padşahlıq fikrinә düşübdür. Heydәrin
sözünә çox da inanmaq olmaz. (Fikir).
Tapdım.... Mirzә Mehdi
Nadirin әn müqәrrib
adamıdır, onun həp bir gizlin fikri olarsa bilәr.... Tәlәb edәrәm.
Qorxusundan hәr nә varsa, açıb
deyәr. (Qapıdakı fәrraşa).
Heydәr xanı buraya çağır. (Fikirdә.)
DÖRDÜNCÜ GӘLİŞ
H e y d ә r x a
n (daxil olur). Qibleyi-alәm! Buyuruğunuz?
Ş a h T ә
h m a s. Heydәr! Bu saat Mehdini buraya çağırt.
H e y d ә r x a
n. Qibleyi-alәm sağ olsun, Mirzә Mehdini?
Ş a h
Tәhmas. Mirzә Mehdini! Mirzә Mehdini! Mәnә
lazımdır. Nadir onsuz heç yerә getmәz vә
ondan bir şey gizlәtmәz. Bir-birinә
mәhәbbәtlәri çoxdur.
H e y d ә r x a
n. Tәәccüb! Qibleyi-alәmin hüzurunda elә
adamların nә işi gәrәkdir ola?
Ş a h T ә
h m a s. Heydәr, elә demә, Mehdi ağıllı
adamdır. Yaxşı qәlәmi var, mәn
istәyirәm mәxsus Nadirin barәsindә onunla
söhbәt edәm.
H e y d ә r x a
n. Bәçeşm! (Çıxır.)
Ş a h T ә
h m a s. Mehdini qorxutmaq gәrәkdir, yoxsa Nadirin pünhan
işlәrini açmaz; Nadiri o çox istәyir.
(Fikrә.) Bәli, qorxu başa bәladır, onu zindana
saldırram. (Fikrә.) Yox....
Әvvәl xoşluqla, hәrgah xoşluqla olmadı,
onda güc ilә
dedirdәrәm.
BEŞİNCİ GӘLİŞ
H e y d ә r x a
n (daxil olur). Qibleyi-alәm sağ olsun! Mehdi gәlibdir.
Ş a h T ә
h m a s. De gәlsin. (Heydәr çıxır.)
ALTINCI GӘLİŞ
M i r z ә M e h
d i x a n. Salamәleyküm!
Ş a h T ә h m a s. Mehdi! Әylәş!
(Mirzә Mehdi oturmayıb qolu bağlı qabağında
durur. Şah Tәhmas Heydәr xana işarә edir ki,
çıxsın.) Mehdi! Qәlәmin yaxşı
olmağa görә istәyirәm sәnә bir
böyük mәnsәb verәm, ancaq gәrәkdir
sidqi-ürәklә dövlәtә qulluq
edәsәn.
M i r z ә M e h
d i x a n (baş әyib).
Qibleyi-alәmin mәrhәmәti mәnim
üzәrimdә çoxdur. Ancaq qibleyi-alәm sağ
olsun! Böyük mәnsәbә mәn özümü
layiq bilmirәm.
Ş a h T ә
h m a s. Ümidvaram ki, qәlәmin gücü ilә
dövlәtә çox mәnfәәt
gәtirәsәn, dövlәtә vә
millәtә zәrәr olan şeylәri tәxirsiz
bildirәsәn ki, vaxtında bәlanın
әlacını tapmaq. (Mirzә Mehdi xan fikirdә.) Nә
üçün fikrә getdin?
Anlamayırsanmı?
M i r z ә M e h
d i x a n. Qibleyi-alәm!
Hәqiqәt, anlamıram.
Ş a h T ә
h m a s. Anlamayırsan? Mәsәlәn, bir şәxs
padşahın canına qәsd edә, belә bir
әhvalatı lazım gәlirmi xәbәr
edәsәn?
M i r z ә M e h
d i x a n. Әlbәttә!
Ş a h T ә
h m a s. Bәs de görüm, Nadirin tәrәfindәn bir
şey eşitmәyibsәnmi?
M i r z ә M e h
d i x a n. Xeyr, qibleyi-alәm!
Ş a h T ә
h m a s. Bәlkә mәqami-dostluqda sәnә demiş
ola ki, guya fikrindәn padşahlıq keçir.
M i r z ә M e h
d i x a n. Qibleyi-alәm!
Neçә ildir mәn onunla bir yerdә oluram, hәr bir
sirri vә pünhan sözü olubsa, mәndәn
gizlәtmәyibdir, hәmәvaxt felindәk vә
qövlindәn sәltәnәtiniz payidar olmağı
vә qibleyi-alәmә artıq dәrәcәdә
mәhәbbәti
aşkar görünür. Hәqiqәt, dava
mәqamında şir kimi şәmşir әlindә
hamıdan qabaq düşmәn müqabilinә gedibdir.
Padşahını sevmәyәn şәxs dә bu
tövr edәrmi?
Ş a h T ә
h m a s. Bәs görükür heç bir şey
eşitmәyibsәn?
M i r z ә M e h
d i x a n. Heç!
Ş a h T ә
h m a s (hirsli). Sәni zindana salandan sonra hamısını
deyәrsәn.... Get, amma bir
adama bizim söhbәtimizi deyibsәn, özünü
ölmüş bil! (Baş әyib gedir.)
Ş a h T ә
h m a s (fikirdә). Bәlkә Heydәr sәhvdir,
ağlım kәsmir ki, Nadirdә belә cürәt ola.
Hәrgah bu fikrә düşmüş olsa da, bu
tezlikdә aşkara çıxarmaz. (Fikrә gedib
başını әli ilә tutur.)
YEDDİNCİ GӘLİŞ
H e y d ә r x a
n (yavaş-yavaş daxil olur). Qibleyi-alәm! Nә üz
veribdir?
Ş a h T ә
h m a s (başını qaldırıb). Sәnsәn?
Heydәr, mәn fikrimi sәnin barәndә
dәyişdirdim. Dövlәt işlәrindә
sәndәn mәnә müqәrrib adam yoxdur,
özün görürsәn sәnә nә
qәdәr mәrhәmәtim keçir, cәmi
dövlәtin ixtiyarını vermişәm sәnә.
Bununla belә, işdәn belә mәlum olur ki, sәn
istәyirsәn Nadir kimi adamı mәnә
düşmәn edәsәn . Deyirsәn, guya Nadir
istәyir padşahlığı әlimdәn alsın,
taxtda özü әylәşsin. Mәnim heç
dәlilim yoxdur. Mirzә Mehdi ki, ona müqәrrib
adamların biridir, söylәyir, Nadir mәnim yolumda baş
qoymağa hazırdır. Vә bir dә qeyri mәktublar
ki, Nadir işarә edir, mәni tәşvişә
salıbdır. Hanı o mәktublar?
H e y d ә r x a
n. Qibleyi-alәm! O mәktubların mәzmununu siz bilirsiniz,
haman mәktublarda yazılan әhvalat Әfqanıstan
barәsindәdir.... Bundan
qeyri bir әhvalat yoxdur. O ki qaldı Nadirin әminliyinә
... şәkkim
çoxdur.... Qibleyi-alәm!
Sizinlә söhbәt edәndә diqqәt etdinizmi,
dedi: qoşunlar vә sәrkәrdәlәr
hamısı mәnә tabedir....
Bu nә sözdür? İşarә deyilmi? (Şah
Tәhmas fikrә gedir.)
Ş a h T ә
h m a s. Bәs Nadirin xain olmağını,
görükür, sәn yәqin edibsәn?
H e y d ә r x a
n. Yәqin, mәnә gün kimi aşkardır. Mәnim
mәslәhәtimә görә Nadiri gәrәkdir
bu gün zindana salalar, tainki әlaqәsi heç kimsә
ilә olmasın. Çünki bu xәbәrlәri
eşitsә, hәm qoşunu vә hәm
sәrkәrdәlәri tәhrik edәr ki, qibleyi-alәmin
üzünә ağ olsunlar.... (Şah Tәhmas fikrә gedir,
Heydәr xan qoynundan kağız çıxarır, Şah
Tәhmas kağızı görür.)
Ş a h T ә
h m a s. Bu saat buyruq verәrsәn onu hәbs etsinlәr.
(Bәrkdәn.) Bu saat! O nә kağızdır?
H e y d ә r x a
n. Qibleyi-alәm! Bu gün gәlibdir. Osmanlı
dövlәti bizim şәrtnamәmizә cavab
yazıbdır.
Ş a h T ә
h m a s. Nә yazıbdır?
H e y d ә r x a
n. Yazır ki, gәrәk biz Әrәs çayının
sağ tәrәfini onlara verәk....
Ş a h T ә h m a s (fikirdә). Sağ
tәrәfini.... Xeyr, elә
şey ola bilmәz!
H e y d ә r x a
n. Әlbәttә, belә şey ola bilmәz, amma....
Ş a h T ә
h m a s (acıqlı). Necә amma?
H e y d ә r x a
n. Çarәmiz yoxdur, gәrәk razı olaq.
Ş a h T ә
h m a s. Necә çarәmiz yoxdur? Nә üçün
gәrәk razı olaq?
H e y d ә r x a
n. Qibleyi-alәm! Osmanlının müqabilinә
çıxmaq üçün әqәllәn
gәrәk 20.000 qoşunumuz ola. Bu qәdәr qoşunu
keçәn davalardan sonra yığmaqmı olar?
Ş a h T ә
h m a s (başını әli ilә tutur vә bir az
fikirdәn sonra). Yox.... Mәn
sәhv etmişәm. Bu saat gedib Nadiri çağırarsan
buraya. Әvvәlki buyruğumu ki, hәbsә
salsınlar, әlbәttә, demәzsәn. Mәn
görürәm onsuz bu iş başa gәlmәz. Bu saat
gәrәkdir onu hüzuruma gәtirәsiniz vә
Cәfәr xan, Mehdi xan burada olsunlar.
H e y d ә r x a
n. Qibleyi-alәm!
Ş a h T ә
h m a s. Durma, buyurduğuma әmәl et! (Heydәr xan
çıxır.) Nadir bu halda dövlәtin
müşkül işlәrindә gәrәkdir, ah...
Nә yaman halәtdir! (Fikirdә.) Nә üçün
mәn Heydәrә inanıb Nadiri özümә
düşmәn edirәm? Yox, tamamdır! Bu gündәn
Heydәrә çox ümid etmәmәk.
SӘKKİZİNCİ GӘLİŞ
R z a x a n.
Qibleyi-alәm! Bu saat xәbәr gәlibdir ki, Osmanlı
İrәvandan keçib 30.000 qoşunla bizim torpağa ayaq
qoyubdur.
Ş a h T ә
h m a s. Elә şey ola bilmәz. Ancaq bu xәbәr
vardır ki, bizim şәrtnamәni qәbul etmәyib
istәyir ki, Әrәs çayının sağ
tәrәfini onlara verәk.
R z a x a n.
Qibleyi-alәm! Bu xәbәri yәqin bilib qulluğnuza
gәlmişәm, yoxsa cürәt etmәzdim.
Ş a h T ә h m a s. Bәs Heydәr
görükür, sәhvdir. Ah ... xain.... Ah ... bәdbәxt Heydәr! Bu
saat onu çağırarsan, görüm bu әhvalatları
nә üçün gizlәdir?
(Rza xan istәyir çıxsın. Nadir xan,
Heydәr xan, Mәhәmmәd xan, Cәfәr xan daxil
olurlar.)
Ş a h T ә
h m a s (Nadirә). Mәn sәnin tәqsirindәn
keçib әvvәlki ixtiyarını qaytarıram.
Ümidvaram ki, bir para xәyalatdan qayıdıb
sәdaqәtdә xidmәt edәsәn. Bu saat Rza xan
bir qәmgin xәbәr gәtiribdir, guya Osmanlı bizim
yerlәrә ayar qoyubdur. Ona görә vaxtı fövt
etmәyib Rza xanı, Mәhәmmәd xanı vә
Cәfәr xanı kömәkçi götürüb
kedәrsәn düşmәnin müqabilinә!
N a d i r (әvvәl yavaş sәc ilә,
sonra getdikcә sәsini ucaldır). Qibleyi-alәmin
mәrhәmәti mәnim üzәrimdә
çoxdur. Bu vaxtadәk sidqi-qәlblә dövlәt
vә millәtә qulluq etmişәm: vәtәnimizi
düşmәnlәrdәn xilas etmişәm. Xorasandan
sonra qibleyi-alәmin xәbәri olmaya-olmaya
әfqanların üstünә getmişәm,
yerlәrini alıb özlәrini dağa-daşa salıb
vaxtında şahıma xәbәr etmişәm. Amma bu
qulluqlarımın әvәzindә qibleyi-alәmin
tәrәfindәn nәinki böyük mәrtәbәyә
vә hәtta bir xoş nәzәrә dә layiq
olmamışam. Mәn heç! Amma qoşun, qoşun
üçün padşahımın "mәrhәba"
sәsi qüvvәti-qәlb vә böyük
sәadәtdir.. Dövlәtә bugünәdәk
mәn xәyanәt etmәmişәm, bununla belә,
qibleyi-alәm! Bir saat bundan әqdәm, necә ki,
eşitdim, buyruq vermişsiniz mәni hәbsә
salsınlar.... Çox tәәccüb! Çox
tәәccüb! Sәbәb? Sәbәb?
İnsanın biinsaf, biqeyrәtliyi vә paxıllığı!
Bilirәm, hamısını bilirәm, fәqәt
qibleyi-alәm! Özümә cürәt edib deyirәm:
hәmişә padşah ilә millәtin arasında olan
pәrdә dövlәtin viran olmağına vә
millәtin bәdbәxtliyinә әn birinci
sәbәb olubdur. Bu pәrdә vәzirlәrdәn
ibarәt bir şeydir ki,hәm padşahı vә hәm
dә millәti qaranlıqda saxlar. Nә padşahın
millәtdәn vә nә millәtin padşahdan
xәbәri olmaz. Millәtin zülmdәn ah vә
nalә sәsini padşah eşidәrsә,
vәzirlәr deyәrlәr: qibleyi-alәm! Sәni
millәt alqışlayır, alqışlayır....
Ağılsız, fәrasәtsiz öz vәzifәsini
anlamayan padşah bu sözlәrә inanar, inanıb da
zavallı millәtin daima göz yaşına vә
axırda vәtәnin puç olmağına sәbәb
olar. İndi, hәzәrat! Bir padşah ki, dövlәti
vә millәti tapşıra biinsaf, bimәrifәt
şәxslәrә (baxır Heydәr xana vә
sәsini ucaldır), bir padşah ki, canfişan olan qoşunun
vә sәrkәrdәnin qәdr-qiymәtini
bilmәyә (üzünü xanlara) tac vә
sәltәnәtә layiq deyil. Hәrgah istәyirsiniz
vәtәnimiz hәr fәsaddan xali vә asudә ola
gәrәkdir belә padşah sәltәnәtdәn
xaric olsun....
C ә f ә r
x a n, R z a x a n,
M ә h ә m m ә d
x a n (hamı qılınclarını siyirib). Doğru
buyurursunuz.... Nadir şah cağ olsun!
Nadir şah sağ olsun!
(Şah Tәhmas vә Heydәr xan
özlәrini itirirlәr vә dillәri tutulur.)
PӘRDӘ
BEŞİNCİ MӘCLİS
Vaqe olur İsfahanda, Nadirin iş otağı:
bir tәrәfdә stol, üstündә kitablar. Otaq
xalılarla döşәnmiş; Mirzә Mehdi xan oturub
yazır.
M i r z ә M e h
d i x a n. Görәsәn
belә bir vücudu İran daha görәcәkmi?
Çәtin! Sözü bir, ürәyi saf, şir
ürәkli, aslan qüvvәtli, vәtәnini sevәn,
millәt yolunda can qoyan, sahibsizlәrә sahib,
kömәksizlәrә kömәk edәn,
yetimlәrә pәrvәriş verәn
Nadir heyfa ki, tez qocaldı. İndi düz
qırx altı yaşı var. Bununla baxanda altmış
sinnindә qocaya oxşayır. Ay zәmanә! Kim
deyәrdi Nadir belә tez davadan әl çәkәr?
Hazır dava adı gәlәndә özgәlәrini
göndәrir, axırıncı Dağıstan davasından
sonra
çox tәğyir tapıbdır. Doğru deyirlәr:
"Söz qılıncdan kәskin olar"; hәqiqәt
elәdir! Nainsaf
şәxslәrin sözlәri, biqeyrәt,
müftәxor xanların büxlü hәsәdlәri
Nadirә çox tәsir edibdir. Heydәr xan
cәzasına çatdı. Çәfәr xan, Rza xan,
Mәhәmmәd xan
-- dövlәtin әvvәlinci adamları
şahiddirlәr ki, Nadir taxtdan baş qaçırtdı,
amma indi haman bu şәxslәr Nadirin barәsindә qeyri
sözlәr danışırlar. Deyirlәr, guya Nadir
Sәfәvi nәslinin әlindәn
sәltәnәti güc ilә aldı.... Xülasә,
bu axır vaxt Nadirin әhvalı xeyli pәrişandır,
bir boş söz ilә halәtindәn çıxır.
Gör iş nә yerә çatıbdır ki,
mәnimlә dә hirsli danışır, vәhalonki
mәnim xatirimi çox istәrdi. Kim bilir, bәlkә
mәndәn dә söz düzәldib deyiblәr.
(Fikir. Qapıya tәrәf gәlib baxır.) Heyhat! Bundan
müqәddәm sübh saat beşdә, altıda
işә mәşğul olardı, amma indi saat ondur, bu
vaxtadәk
gәlmәyir. (Qapıdan baxır.) Yox,
gәlir. (Mirzә Mehdi kağızlarını
götürür, Nadir әlindә ağac şah
paltarında hirsli, yavaş-yavaş daxil olur.)
ӘVVӘLİNCİ GӘLİŞ
N a d i r ş a h
(әtrafına nәzәr yetirir.) Mirzә,
Dağıstan davasını yazıb qurtarıbsanmı?
M i r z ә M e h
d i x a n. Xeyr, qibleyi-alәm,
qurtarmağa az qalıbdır.
N a d i r ş a h.
Neçә günә tamam olar?
M i r z ә M e h
d i x a n. Qibleyi-alәm, on
günün әrzindә qurtararam.
N a d i r ş a h
(hirsli). Yaz, yaz tez qurtar, mәnә lazımsan! (Fikir.)
M i r z ә M e h
d i x a n. Qibleyi-alәm! Nә
barәdә?
N a d i r ş a h.
Bir neçә daxiliyyә işlәr var, bir
neçә qanunlar var. İstәyirәm yazasan. (Fikir.)
Әvvәla, fikrim budur ki, iki düşmәni
barışdıram. (Mirzәyә diqqәtlә
baxır.)
M i r z ә M e h
d i x a n. Qibleyi-alәm sağ olsun, anlamıram!
N a d i r ş a h
(acıqlı). Hә! Hә! Әlbәttә, adam
demirәm: iki düşmәn, yәni iki mәzhәb.
(Mirzә fikrә gedir.) Nә üçün fikrә
getdin, yoxsa yenә başa düşmürsәn?
M i r z ә M e h
d i x a n. Bәli, qibleyi-alәm!
İndi başa düşdüm.
N a d i r. Doğrusu, şiә, sünni adı
eşidә bilmirәm. Gәrәk bu iki mәzhәb
birlәşә. Nә sәbәbә,
mәnfәәti nәdir? Onlarısonra deyәrәm.
M i r z ә M e h
d i x a n. Doğrudur,
qibleyi-alәmin әlindә. hәr bir şey asandır.
Amma.... Bu iki mәzhәbin
birlәşmәyi çәtindir.
N a d i r ş a h.
Mәnim әlimdә heç bir şey çәtin
deyil.. İnşaallah, hәrgah allah yar olursa,
mәqsudimә çataram. Dünәn Rza xanı
göndәrdim Axund Molla Әli Әkbәrin yanına ki,
indidәn başlasın xalqa nәsihәt etmәyә.
Bu gün gәrәk cavab gәtirә. Vaxta
ki, burada xalq hazır oldu, onda Osmanlıya
yazmalıyam, tainki şәrt-şürutlarını
mәnә mәlum edәlәr.
M i r z ә M e h d i
x a n. Allah xeyir versin!
N a d i r ş a h.
İkinci fikrim budur: gәrәkdir İncil bizim dilә
tәrcümә oluna.
M i r z ә M e h
d i x a n. Qibleyi-alәm! O
nә üçün?
N a d i r ş a h.
Dövlәtin mәnfәәti üçün. Hәr
padşaha lazım gәlir qeyri tayfanın dinini bilsin, tainki
qeyri tayfa ilә dininә müvafiq rәftar olunsun.
M i r z ә M e h
d i x a n. Bәli,
qibleyi-alәm! Fikriniz gözәl bir fikirdir.
N a d i r ş a h.
Üçüncü fikrim: mollaların ixtiyarlarını
azaltmaq.... Hesab etmişәm,
bir ildә mәscidlәrdәn yeddi milyon manat
mәnfәәt alınır. Heç bilirsәn
kimlәr mәsrәf edirlәr?
M i r z ә M e h
d i x a n. Xeyr, qibleyi-alәm!
N a d i r ş a h.
Mollalar vә axundlar! Bu pul gәrәkdir dövlәtin
xәzinәsinә yığılsın, zira ki,
xәzinәdә pul olmasa qoşun saxlamaq olmaz, qoşun
olmazsa vәtәn saxlamaq olmaz. Vәtәn gedәrsә
mәscid dә olmaz vә bәlkә din dә
әldәn gedәr.
M i r z ә M e h
d i x a n. Qibleyi-alәm! Bәs
mollalar nә ilә dolanacaq etsinlәr?
N a d i r ş a h.
Әvvәla, bu qanundan sonra hәr bir tәnbәl
mollalığa qaçmaz. İkinci, mollalığa layiq olan
şәxslәrә, dinә rәvac verәn
ülәmalara, islamın qeyrәtini çәkәn
axundlara mәvacib tәyin edәcәyәm.... Әsil
mәtlәb budur ki, mollanı öz
ixtiyarına qoymamaq. Bir dövlәt ki, mollalar
ixtiyarında yaşadı, ol dövlәtdә
tәrәqqi olmaz.... Çünki bir neçә
sәbәblәrә görә molla qismi
hәmişә çalışar ki, xalq qaranlıqda
yaşasın.... Daha doğrusu, dövlәtә dair qanunları
bilmәrrә
ruhanilәrdәn almaq gәrәkdir.... (Fikir.) Dördüncü fikrim
budur: gәrәkdir mәnim padşahlığımda
fәqir vә sail tapılmaya, mәgәrinki
әlsiz-ayaqsızlardan başqa. Bir dövlәtin ki,
fәqiri, saili çox oldu, o dövlәtin tez puç
olmağına ehtimal var....
Xülasә, bu minval başımda çox
fikirlәr var.... (Fikrә gedir.) Ümidvaram ki, bunlar
hamısı düzәlә....
Bu gün Rza xanı gözlüyürәm axunddan cavab
gәtirsin, gәrәk ki, gәlәn odur. (Rza xan daxil
olur.)
İKİNCİ GӘLİŞ
N a d i r ş a h.
Rza xan! Necә oldu?
R z a x a n. Qibleyi-alәm, fikrinizin
hamısını bәyan etdim, lakin....
N a d i r ş a h
(acıqlı). Necә lakin? Hә, de görüm!
R z a x a n.
Qibleyi-alәmin gözәl fikirlәri axunda xoş
gәlmәdi....
N a d i r ş a h.
Xoş gәlmәdi? Mәn istәmirәm
özünü buraya çağırtdırım, tainki
mәnim yanımda qorxusundan bәli deyib, gedәndә
yenә öz bildiyini edә. İndi ki, belә oldu
(ağacı yerә vurur), bu saat de görüm, nә üçün
xoş gәlmәyir?
R z a x a n.
Qibleyi-alәm! Deyir mәn әvamünnasdan qorxuram, bir
söz bu barәdә danışsam, evimi qarәt
edәrlәr.
N a d i r ş a h.
Ay biçarә, canından qorxmur, evindәn qorxur. İndi
ki, belә oldu (hirsli), bu saat gedib buyruq verәrsәn
başını kәssinlәr. Dinә rәxnә olan
mollaların pәrәstarı olan Süleyman xanı
hәbsә salsınlar.... (Hirslәnib ayağa durur, hirsindәn
danışa bilmir, ağacı yerә vurur.) Durma, bu saat
padşah buyuruğuna әmәl et.... (Rza xan
çıxır.) Mirzә, bu saat sultana kağız yaz ki,
mәn xahiş edirәm ümum xeyirdәn ötәri iki
mәzhәb birlәşә, eşitdin? (Ağacı
yerә vurur.) Mәn
göstәrәrәm o mәlun müftәxorlara.
M i r z ә M e h
d i x a n. Bәçeşm!
(Nadir şah çıxır.) Bәli, az düşmәn
vardı, indi dә mollalar. Bunların qabağında
dayanmaqmı olar? Bundan müqәddәm genә
mәndәn söz eşidәrdi, amma indi artıq söz
danışmaq olmayır. İnsafәn, başındakı
fikirlәr nә gözәl fikirlәrdir, nә
gözәl qanunlardır! Bunlar hamısı
dinpәrәst vә millәtpәrәstlik
nişanәsidir, amma heyfa, anlamayırlar.
(Cәfәr xan içәri daxil olur.)
ÜÇÜNCÜ GӘLİŞ
C ә f ә r
x a n. Mirzә Mehdi xan! Bu nә әhvalatdır?
Deyirlәr şah buyruq veribdir Molla Әli Әkbәrin
boynunu vursunlar.
M i r z ә M e h
d i x a n. Bәli, xan,
doğrudur.
C ә f ә r
x a n. Sәbәb?
M i r z ә M e h
d i x a n. Bir neçә
sifariş göndәrmişdi, әmәl etmәk
istәmәyir.
C ә f ә r
x a n. Necә? Nә sifariş?
M i r z ә M e h
d i x a n. Rza xandan sual ediniz,
sizә hamısını nәql edәr. Çünki
işin içindә odur.
C ә f ә r
x a n. Bu iş yaxşı olmadı. Mollaları
özünә gәrәk düşmәn
etmәyә idi.... (Fikir.)
M i r z ә M e h
d i x a n. Fikir edirsәn,
görürsәn haqq deyir. Bunun sözü budur ki, dinә
rәxnә salmasınlar. Bunun çalışdığı
odur ki, islam qüvvәtlәnsin, millәt ayılsın,
vәtәn tәrәqqi etsin. Nә etmәli? Bu bir
tәrәfdәn işi düzәldirsә, xanlardan bir
neçәsi pozur. Mәsәlәn, buyruq
veribdir ki, Süleyman xanı hәbsә salsınlar.
Çünki bir neçә müftәxorları
padşahın üzünә durquzur.
C ә f ә r
x a n. Allahu-әkbәr! Nә yaman iş oldu. Tәrs
kimi dә bu gün şikara çağırıbdır,
gәrәk gedәk. Bunun bu halәtindә şikara
gedәrsәn, gәrәk hәr qәdәminә
diqqәt edәsәn. Allah elә edәydi ki, şikara
getmәyә idi.
M i r z ә M e h
d i x a n. Olsun ki, bu gün
şikara getmәyә, çünki ovqatı
nәhayәtdә tәlxdir.
C ә f ә r
x a n. Xeyr, necә ovqatı tәlx olmuş olsa, dediyi
söz fikrindәn çıxmaz. Yaxşısı budur ki,
mәn gedim, bәlkә mәni görmәsә
şikar fikrinә düşmәyә. (İstәyir
çıxsın, Nadir şah rast gәlir.)
DÖRDÜNCÜ GӘLİŞ
N a d i r ş a h.
Cәfәr, hara gedirsәn?
C ә f ә r
x a n (qorxa-qorxa). Heç, qibleyi-alәm.
N a d i r ş a h
(hirsli). Necә ki, heç? Hara gedirdin?
C ә f ә r
x a n. İstәdim fәrraşdan xәbәr alam
qibleyi-alәm bu gün şikara tәşrif aparacaqdır,
ya yox?
N a d i r ş a h.
Әlbәttә! Әlbәttә! (Mirzә Mehdi xana.)
De, hazırlaşsınlar. (Mirzә Mehdi xan
çıxır. Cәfәr xana.) Bu gün
şikar gәrәk yaxşı olsun.
C ә f ә r
x a n. Bәli, qibleyi-alәm!
N a d i r ş a h.
Sәbәb?
C ә f ә r
x a n. Qibleyi-alәm buyurur.
N a d i r ş a h (rişxәnd).
Qibleyi-alәm buyurur! Hәr işdә mәn dediyimә
qulaq assanız çox yaxşı olardı,
Mәsәlәn, Süleyman xana kәrratla demişәm
ki, sәn dövlәtә qulluq etmәkdәnsә,
gedib bir para adamlar ilә әbәs yerә vaxtını
keçirirsәn. Xeyr,
mәnim dediyim sözlәr havaya gedir.
Zәrәr yoxdur, indi bәlkә düşünә.
(Acıqlı.)
BEŞİNCİ GӘLİŞ
Mirzә Mehdi xan gәlir.
M i r z ә M e h
d i x a n. Qibleyi-alәm sağ
olsun! Şikara hazırdırlar.
N a d i r ş a h.
Gedәk. (Mirzә Mehdi xana.) Mirzә! Sәn işindә
ol. Dediyim mәktubu yazarsan. (Nadir şah vә Cәfәr
xan çıxırlar.)
M i r z ә M e h
d i x a n (tәk).
Lazımdır mәktubu bu saat qurtaram, qәribә
insandır! Başı necә qarışıq, fikri
necә dağınıq olsa da, genә dediyi söz
fikrindәn çıxmır. (Yazır vә hәrdәnbir
qәlәmi saxlayıb fikrә gedir.) İşlәrin
belә qarışıq
vaxtında çox müşküldür ki,
bu başa gәlә. Görәk allah nә
istәyibdir. (Yazır.) İki mәzhәbin
birlәşmәyi hәqiqәt gözәl,
yaxşı bir fikirdir. Çünki әdavәt
bilmәrrә ortalıqdan götürülәr, mәdәniyyәt
artar, hәr iki millәt qüvvәtlәnәr.
(Yazır.) Mollalara mәvacib kәsmәk dә mәnim
tәsәvvürümә görә, yaman deyil.
Padşahlıqdan mәvaciblәri olsa, bir para
ağlagәlmәyәn şeylәri vә aşkara
millәtin, vәtәnin, dövlәtin zәrәri
olan sözlәri xalqın aralarında nәşr
etmәzlәr. (Yazır.) O gün mәnә deyir ki,
Mirzә! Sәn elә bilmә ki, mәn
ruhanilәrә düşmәnәm. Xeyr, dinә
rövnәq verәn mollalar mәnim canımdırlar.
Dinә rәxnә salan mollalara, hәqiqәt mәn
düşmәnәm....
Bunlar zahirdә dinpәrәst, batindә dini tar-mar
edirlәr. (Fikrә gedib yazır.) Bәli, fikir etdikcә
görürsәn insafәn ağıllı qanunlardır,
hәqiqәt, gözәl fikirlәrdir, amma heyfa,
qәdrini bilәn yoxdur....
ALTINCI GӘLİŞ
Mәhәmmәd xan tәlәsmiş
içәri daxil olur.
M ә h ә m m ә d x a n. Mirzә Mehdi xan! Bu nә
әhvalatdır? Deyirlәr şah şikara gedәrkәn
atıblar.
M i r z ә M e h
d i x a n (әlindәn
qәlәmi salıb durur). Nә buyurursunuz xan? Elә
şey ola bilmәz. İndi bu saat getdilәr.
M ә h ә m m ә d x a n. Bәli, indi bu saat
şәhәrә qovğa düşübdür.
Hәtta deyirlәr.... (Fikir.)
M i r z ә M e h
d i x a n. Hә.... Nә deyirlәr? Yoxsa vәfat
edibdir? Hә?
M ә h ә m m ә d x a n. Bәli, bir elә şey
danışırlar.
M i r z ә M e h
d i x a n. Vay! Vay! İranın
gülü soldu, günü batdı, bәxti qaraldı.
(Bilmir nә etsin.)
M ә h ә m m ә d x a n. Xan! Özünüzü
әbәs yerә hәlak etmәyiniz. Bәlkә
dә bu xәbәrin әsli olmasın, amma onu yәqin
bilirdim ki, bu iş yavuqda olacaqdır....
M i r z ә M e h
d i x a n (hirsli baxır). A!
Bәs görükür siz bilirdiniz.... (Bu vaxt bayırda qilu-qal
düşür. Nadiri qolundan tutub gәtirirlәr.
Mәhәmmәd xan qeyri qapıdan çıxır.)
YEDDİNCİ GӘLİŞ
Nadir şah, Rza xan, Cәfәr xan, Rzaqulu xan,
Mirzә Mehdi xan. Nadirin bir qolu yaralı, sәndәlin
üstә
әylәşdirirlәr.
N a d i r ş a h.
O bәdbәxt atanı heç kәs görmәdi?
C ә f ә r
x a n. Qibleyi-alәm! Vәliәhd meşәyә
buyurmuşdu, ancaq bir әsәr tapmayıbdır.
N a d i r ş a h.
Çağırın!
R z a x a n.
Qibleyi-alәm! Burdadır! (Rzaqulu xan әllәrini
döşunә qoyub Nadirin qabağında durur.)
N a d i r ş a h
(diqqәtlә baxır). Oğul! Bir әsәr
tapmadın? Bir insan görmәdin?
R z a q u l u x a n.
Xeyr, şah baba!
N a d i r ş a h.
Çox tәәccüb! Bu saat gәrәkdir o
bәdbәxti tapasınız. (hirsli xanlara baxır.)
Durmayın! (Rza xan, Cәfdr xan vә Rzaqulu xan
çıxırlar. Mirzә Mehdi xan mat durur.)
N a d i r ş a h
(Mirzә Mehdi xana). Mirzә! Görürsәn
mәnimlә nә tövr rәftar edirlәr?
M i r z ә M e h
d i x a n. Görürәm,
qibleyi-alәm! Görürәm. Sizdәn sonra
İranın halını nәzәrimә gәtirirәm....
N a d i r ş a h.
Yaxşı ki, atan bәdbәxt rәhmliymiş.
Güllә ancaq qolumdan dәyibdir.
M i r z ә M e h
d i x a n. Qibleyi-alәm!
Allah-taalanın İrana rәhmi varmış....
N a d i r ş a h.
Hәrgah bu üç nәfәr tapmasa, yәqin ki, bu
fitnә bunların tәdbiridir.
M i r z ә M e h
d i x a n. Qibleyi-alәm!
Onların üçüncüsü vәliәhddir.
N a d i r ş a h.
Ah, Mirzә! Bu dünyada heç kәsә inanmaq olmaz.
(Fikir.) Oğluma da mәnim gümanım var. Çünki
bir ay bundan müqәddәm bir neçә söz
qulağıma yetişibdir.
M i r z ә M e h
d i x a n. Qibleyi-alәm! Sizin
tәşrifinizdәn bir az müqәddәm
Mәhәmmәd xan burada idi. Onun sözlәrindәn
mәlum oldu ki, bu işdәn xәbәri var.
N a d i r ş a h.
Mәhәmmәd xan? Hә, hә ... çağırt
bu saat. (Mirzә Mehdi çıxır.) Bәli ... hәr
bir padşah iki düşmәndәn xilas deyil:
vәtәn, millәt qeyrәti
çәkmәyәn, gününü
eyş-işrәtdә keçirib millәti daima
zülmlәrә düçar edәn padşah
әcәlini
millәtdәn gözlәsin.... Millәtin vә dövlәtin
tәrәqqisinә çalışan, bu yolda
tәzә qanunlar qoyan, vәtәnini zülmdәn xilas
etmәk istәyәn padşah әvvәlinci
güllәni öz müqәrrib adamlarından
gözlәsin.... Mәnim
yәqinimdir ki, bu güllә millәt
güllәsi deyildir!...
SӘKKİZİNCİ GӘLİŞ
M i r z ә M e h
d i x a n. Qibleyi-alәm sağ
olsun, göndәrdim çağırsınlar.
N a d i r ş a h.
Bәs nә deyirdi Mәhәmmәd?
M i r z ә M e h
d i x a n. Qibleyi-alәm!
Çox üstüörtülü danışırdı.
Ancaq bunu anladım ki, bu işdәn onun xәbәri var.
N a d i r ş a h.
Çox әcәb! Bәs görükür onunçun
şikara getmәyibdir. (Mәhәmmәd xan varid olur.)
DOQQUZUNCU GӘLİŞ
M ә h ә m m ә d x a n (Nadir şahın
qabağında durur). Qibleyi-alәm! Bu nә
bәdbәxtlikdir üz veribdir?
N a d i r ş a h
(rişxәndlә). Bәli, belә gәrәk
olaymış.... Nә üçün bәs sәn
şikara mәnimlә getmәdin?
M ә h ә m m ә d x a n. Qibleyi-alәm! Qızım
can üstәdi, mümkün olmadı.
N a d i r ş a h.
Bәs bir xәbәr bilmirsәnmi?
M ә h ә m m ә d x a n. Qibleyi-alәm! Nә
barәdә?
N a d i r ş a h
(acıqlı). Necә nә barәdә? Gözlәrin
görmürmü?
M ә h ә m m ә d x a n. Qibleyi-alәm! Bir әhvalat
eşitmişәm.... Amma....
N a d i r ş a h
(hirsli). Nә bilirsәn, de bu saat....
M ә h ә m m ә d x a n. Qibleyi-alәm!
Vәliәhd gәrәk bu işi hamıdan yaxşı
bilә....
N a d i r ş a h.
Sәnin sözündәn belә mәlum olur ki, bu,
oğlumun fitnәsidir?
M ә h ә m m ә d x a n. Bәli, qibleyi-alәm!
N a d i r ş a h.
Sübut?
M ә h ә m m ә d x a n. Bir elә sübutum yoxdur,
ancaq belә deyirlәr. (Bu vaxt Rza xan, Cәfәr xan
içәri daxil olurlar.)
ONUNCU GӘLİŞ
N a d i r ş a h
(üzünü Cәfәr xapa). Necә oldu?
C ә f ә r
x a n. Qibleyi-alәm! Buradan çıxandan sonra
vәliәhd bizә dedi ki, mәn özüm
gәrәk o bәdbәxti axtaram tapam, başına bir
neçә adam cәm edib şәhәrdәn kәnara
çıxdı.
N a d i r ş a h.
Hә ... Hә.... Tamah güc gәtiribdir! (Acıqlı
ayağa durur.) Daşı-daş üstә qoymaram, boynunuzu
bir dәqiqәdә vurduraram, İranı
alt-üstünә döndәrәrәm.... Bu saat oğlumu qolubağlı bura
gәtirmәsәniz. Durmayın!
(Mәhәmmәd xan, Cәfәr xan, Rza
xan tez çıxırlar.)
N a d i r ş a h
(başını әli ilә tutub әylәşir
vә sonra Mirzәyә). Mirzә! Görürsәn,
düşmәnim mәnimlә bir evdә olur. Mәnim
sayәmdә dolanır, mәn düşmәnimi iraqda
gәzirәm.
M i r z ә M e h
d i x a n. Qibleyi-alәm!
İnanmayınız bu sözlәrә, İranı
bәdbәxt etmәyiniz. Hamı hiylә bu xanlardadır
ki, vüzәra hesab olunurlar. Bunlar çox biinsaf xәlqdir.
İnanmayınız, qibleyi-alәm! Vәliәhddәn
belә şeylәr sadir olmaz....
N a d i r ş a h.
Xeyr, daha şübhә yeri qalmadı. Onun gәrәk bu
gün iki gözlәri dә çıxa vә cәmi
İran da rahat ola.
M i r z ә M e h
d i x a n. Qibleyi-alәm!
İşi yәqin etmәmiş vәliәhdi
bәdbәxt etmәyiniz.
N a d i r ş a h.
İş mәnә çoxdan yәqin olubdur, Mirzә!
Әbәs yerә tәvәqqe etmә! (Hirsli.)
Gәrәk bu gün onun gözlәri dünyanın
işığına hәsrәt qala. Bu gündәn
mәnim Rzaqulu adlı oğlum yoxdur, bu gündәn
İranın vәliәhdi yoxdur.... (Başını
әli ilә tutub fikrә gedir. Dişqarıda qilü-qal
sәsi gәlir, Rzaqulu xanı qolları bağlı
gәtirirlәr.)
ON BİRİNCİ GӘLİŞ
Rza xan, Mәhәmmәd xan, Cәfәr
xan, Rzaqulu xan.
N a d i r ş a h
(başını qaldırıb Rzaqulu xana). Bәdbәxt
oğlum, tamahkar oğlum, atandan artıqmı
dövlәtә, millәtә qulluq edәcәkdin ki,
bu fikirlәrә düşdün? (Hirsli). Aparın bu saat
bunun iki gözlәrini dә çıxardın.
(Göstәrir). Bu gözlәr gәrәk onun üzünü
görmәyә, o gözlәr dәxi bu dünyanın
işığını! (Hirsli.) Aparın!
R z a q u l u x a n.
Şah baba! Mәnim gözlәrimin qiymәti heç, amma
İranı gözsüz qoyursan....
Aparın mәni! Padşahın buyuruğuna
әmәl ediniz. İşin hәqiqәti sonra mәlum
olar. (Üzünü xanlara.) İranın evi o vaxt
yıxıldı ki, sizin kimi şәxslәri
ümәrayi-dövlәt tәyin etdilәr. Aparın!
(Çıxır vә dalınca xanlar.)
N a d i r ş a h
(sәndәlin üstә yıxılıb
başını әli ilә tutur). Pәrvәrdigara!
Nә halәtdir!....
(Ürәyini әli ilә tutu r.)Of ... ürәyim döyünür.
M i r z ә M e h
d i x a n (yıxılır Nadir
şahın ayaqlarına). Qibleyi-alәm! Neçә ildir
qulluq edirәm. Bu vaxtadәk bir tәvәqqem olmuyubdur ki,
qәbul etmәyәsiniz. Axırıncı
tәvәqqemdir, vәliәhdi bәdbәxt
etmәyiniz.
N a d i r ş a h
(hirsli). İtil gözümdәn, sәn dә onunla dilbir
olubsan? (Mirzә Mehdi xan yavaş durur gedir.)
ON İKİNCİ GӘLİŞ
G ü l c a h a n (tez gәlib Nadir şahın
ayağına döşәnir. Ağlaya-ağlaya).
Qibleyi-alәm! Sәni and verirәm o şeyә ki
canını onun yolunda çürüdübsәn,
yazığın gәlsin mәnim balama, mәni
axirәtәdәk gözü yaşlı qoyma, Nadir!
(Ağlayır.) 20 il ondan ötәrimi
bәslәmişdim? (Ağlayır. Nadir şah
başını әli ilә tutur.) Nadir, evimi yıxma.
Buyur mәnim gözlәrimi çıxartsınlar, balamda
tәqsir yoxdur. (Ayağını qucaqlayıb
ağlayır.)
N a d i r ş a h.
Olmaz. Belә gәrәk olsun, dövlәtә
xәyanәt edәn gәrәkdir cәzasına
çatsın....
G ü l c a h a n (yalvarır). Nadir! Buyur iki saat
kgzlәsinlәr, taki o çıxan gözlәri doyunca
öpüm. Allahı sevirsәn, mәnim göz
yaşıma rәhm et! (Ağlayır). Sәn İranın
adil bir padşahı, mәn İranın bәdbәxt
analarından biri, iş tәhqiq olunmağını
tәlәb edirәm.... Buna da ixtiyarım yoxmu?
N a d i r ş a h (bar
az baxıb bәrkdәn). Dur get! (Qolundan tutub yıxır.)
G ü l c a h a n (bәrkdәn). Ay!....
(Qәşş edib yıxılır.)
PӘRDӘ
BEŞİNCİ MӘCLİSİN
MABӘDİ
ӘVVӘLİNCİ GӘLİŞ
Rәxtxab.
M i r z ә M e h
d i x a n. Pәrvәrdigara!
Nә yaman vә dәhşәtli vaqiәdir! Bundan sonra
İran dәxi düzәlmәz. Şah bu gün-sabah
ağlını itirәr, dövlәt
düşәcәkdir biqeyrәt xanların
әllәrinә.... Kim
bilir, nә olacaqdır. Biçarә Rzaqulu xanı
zalım uşağı nahaq yerә bәdbәxt
etdilәr. Dünәn şah çağırıb
mәnә deyir: Mirzә, bir sәhvdir etmişәm.
Cәmi dünya qana batsa, o sәhvi düzәltmәk
olmaz, iş aşkar olubdur. Rzaqulu xanın bu
işlәrdәn bilmәrrә xәbәri yox
imiş. Bu fәsadlar tamam xanlardan üz veribdir....
İKİNCİ GӘLİŞ
N a d i r ş a h
(әlindә ağac, beli bükülmüş,
yavaş-yavaş gәlir.) Mirzә! Necә ki,
dünәn eşitdin elәdir, nainsaf uşağı
mәnim balamı nahaq yerә gözsüz qoydular.
(Ağlayır.) Mәn evi yıxılmış, mәn,
ağlını itirmiş binamusların sözlәrinә
qulaq asıb,
onlara inanıb hәqiqәt, İranı
gözsüz qoydum. (Ağlayır.)
M i r z ә M e h
d i x a n. Qibleyi-alәm!
Sәbir etmәk lazımdır, tәqsirkar öz
cәzasına çatar.
N a d i r ş a h.
İş-işdәn keçibdir, dünya başıma
tәng olubdur. (Başını tutur.)
M i r z ә M e h
d i x a n. Qibleyi-alәm! Bu
fәsadları törәdәn bәs mәlum deyilmi?
N a d i r ş a h.
Birdirmi? İkidirmi? Düz әlli nәfәr
sözlәrini bir ediblәr ki, mәndәn sonra
İranın taxtı Rzaquluya tәslim olmasın.... Bәli, mәqsudlarına
çatdılar.
M i r z ә M e h
d i x a n. Adları mәlumdurmu,
qibleyi-alәm?
N a d i r ş a h.
Әlbәttә, mәlumdur. Bu gün cәzalarına
çatarlar. Әlli nәfәrin dә başları
gәrәkdir kәsilsin. (Taxta әylәşir.
Başını tutub Mirzә Mehdi xana yavaşdan.) Get,
mәn bir az rahat olum....
(Uzanıb.) Yox, rahat ola bilmirәm. (Ürәyini tutur.)
Of!.... Nә halәtdir,
pәrvәrdigara! Gözlәrim torlanır. (Birdәn
qorxub durur, guya gözünә adam görükür.)
Kimsәn? Hә? Qatildir! (Geri çәkilir.) Mәni....
Mәni öldürmәk istәyir, hә? Yox... yox....
(başını tutur.) Pәrvәrdigara! Ölüm
mәnә vacibdir. (Dizi üstә durur.) Ancaq
istәyirәm göz yaşım ilә
günahlarımın minindәn birini tәmizlәyim.
Mәn gәrәk ağlayam, qanlı yaşlar
tökәm, oğlum tәki kor olam, ondan sonra әmr
özünündür. Mәnim nalәmdәn yer-göy
gәrәkdir mәlәyә, ondan sonra ixtiyar
sәnindir. Mәn gәrәk yaman-yaman
dәrdlәrә mübtәla olam.... (Ağlayır.) Ağla,
gözlәrim, ağla! Dünyanın işığına
oğlum kimi gәrәkdir hәsrәt qalam.
(Başını iki әli ilә tutub aşağı
baxır, ağlayır.)
ÜÇÜNCÜ GӘLİŞ
G ü l c a h a n (әli qoynunda, qara paltarda
yavaş-yavaş gәlir). Nadir? Nә sәbәbә
belә edirsәn? (Nadir şah sәs vermir, Gülcahan
yavuğa gedir.) Nadir! Nә olubdur? (Nadir durur.)
N a d i r ş a h.
Heç. (Başı aşağı.) Gülcahan, doğrusu,
üzünә baxa bilmirәm, tәqsirim çoxdur.
Әlindәn nahaq yerә balanı almışam.
(Әlindәn tutur.) Bağışla mәni,
bağışla! Sәni and verirәm oğlumun
tökülәn gözlәrinә. (Qucaqlaşıb
ağlayırlar.)
G ü l c a h a n. Ah, Nadir, Nadir! Ana olsaydın
bilәrdin mәn nә çәkirәm. Nә
etmәk, hәrdәn baxanda ürәyim od tutub
yanır.... Qiyamәtәdәk yanacağam....
(Ağlayır. Dişqarıda sәs gәlir. Nadir şah
qapıya tәrәf gedir.)
N a d i r ş a h.
Nә var? (Qapıdan çıxır.) Yaxşı, bir az
sәbir etsinlәr. (Gülcahana.) Rzaqulunun
yoldaşlarıdır. Gәliblәr görmәyә,
gedәk o biri otağa, oğlum bura gәlәndә
mәn onu görmәyim.
G ü l c a h a n. Nadir! Bәdbәxti
özünә hәsrәt qoyma. Neçә
dәfә deyibdir mәni apar şah babamın yanına.
N a d i r ş a h.
Yox, yox! Gülcahan, gәtirmә, göstәrmә!
Yәqin bil ki, onu görsәm ağlım başımdan
çıxar. Hәrdәnbir yuxumda görәndә
dәli oluram.... İnsaf
mәni incidir. Ürәyim od tutub yanır.
G ü l c a h a n. Bәs nә edim? Nә
çarә qılım?! Hәr gün yalvarır: mәni
şah babamın yanına apar, bәlkә bu gün-sabah
öldüm, mәnә xeyir-dua versin. (Ağlayır.)
N a d i r ş a h.
Xeyir-dua! Ah biçarә! Binәva! (Ürәyini tutur.)
Of, yenә bir şey sancdı. (Fikrә gedir.) Yaxşı,
razı oldum, ancaq mәn yuxuda ikәn gәtir,
bәlkә bir az sakit ola. İndi get, yoldaşları
gözlәyirlәr. (Gedirlәr.)
F ә r r a ş (qapıdan). Buyurunuz!
DÖRDÜNCÜ GӘLİŞ
Әlәşrәf bәy, Musa bәy,
Saleh bәy.
Ә l ә ş r ә f b ә y. Yaxşı, indi nә
tövr etmәli?
M u s a b ә y.
Necә nә tövr? And içdik ki, gәrәk Nadiri
öldürәk. Gәrәk dә elә ola.
S a l e h b ә
y. Bir az yavaş danış, fәrraş eşidәr.
M u s a b ә y.
Fәrraş onsuz da gәrәk bilsin.
Ә l ә ş r ә f b ә y. Nә tövr edәk
ki, fәrraşı әlә gәtirәk?
S a l e h b ә
y. Birdәn razı olmadı?
M u s a b ә y.
Mәn razı edәrәm!
Ә l ә ş r ә f b ә y. Başla görәk!
(Musa bәy fәrraşı
çağırır, ikisi bir tәrәfdә
söhbәt edirlәr.)
M u s a b ә y.
Fәrraş!
F ә r r a ş. Bәli, ağa!
M u s a b ә y
(çoxlu pul göstәrib). De görüm, bu pulu
istәyirsәn, ya xanlıq vә yainki
nökәrçilik?
F ә r r a ş. Әlbәttә
xanlıq, pul da olsa dәxi yaxşı.
M u s a b ә y.
İndi ki, elәdir, әzizim! Nadir şahın
başına hava gәlibdir, bu gün-sabah onu taxtdan
düşürәcәklәr. Ondan sonra da kim bilir, sәn burada qalacaqsan, ya
yox? Yaxşı deyilmi ki, bir iş edәsәn, hәm
xanlıq vә hәm dövlәt qazanasan.
F ә r r a ş. Nә işdir, ağa?
M u s a b ә y.
Lazım gәlir ki, onu öldürәk. (Fәrraş
fikrә gedir.) Nә üçün fikrә getdin,
yaxşı pul veririk vә gәlәcәkdә xan olarsan. Çünki o adam ki, bunun
yerindә әylәşәcәkdir, bizlәrә
qohumdur.... Biz gecә vaxtı
gәlәcәyik, sәn yalandan yuxula
vә qapını da açıq qoy.
F ә r r a ş (bir azdan sonra). Yaxşı,
indi razı oldum.
M u s a b ә y
(pul verir). Al qabaqca bunu.
S a l e h b ә
y. İndi de görәk, Nadir harda yatır?
F ә r r a ş. Nadir axır vaxt bu otaqda
yatır. Çünki hәrәmxanaya getmir ki, oğlu
ilә rast gәlәr.
Ә l ә ş r ә f b ә y. Çox әcәb?
Nә vaxt rәxtxabinә uzanır?
F ә r r a ş. Oğlunun әhvalatından
sonra rәxtxab üzü görmәyibdir. Gah o taxtın
üstә, gah sәndәlin üstә yatır vә
çox da yatmır, çox vaxt gecәdә neçә
dәfә durub öz-özü ilә danışır.
M u s a b ә y.
Çox әcәb, bәs biz gedәk, sәn dә
vaxtında hazır ol.
F ә r r a ş. Rzaqulu xan buraya gәlsә
nә deyim?
S a l e h b ә
y. De ki, yoldaşların dedilәr, özgә vaxt
gәlәcәyik, ancaq әhvalını bilmәk
istәyirdik. (Hamısı çıxırlar.)
F ә r r a ş. Hәqiqәt, şahdan
dәxi hamı әlini üzübdür, qoy özgәsi
olsun. Bәlkә mәn dә xan olam.
BEŞİNCİ GӘLİŞ
N a d i r ş a h
(yavaş-yavaş gәlir). Qonaqlar necә oldular?
F ә r r a ş. Qibleyi-alәm sağ olsun!
Dedilәr bir şey unudublar, getdilәr gәtirsinlәr.
N a d i r ş a h.
Görükür, biçarә oğluma bir şey
bәxşiş etmәk istәyirlәr. Yaxşı,
qapıları bağla, hәrgah gәlsәlәr,
ayrı otağa dәvәt et. (Fәrraş
çıxır.)
N a d i r ş a h.
Biçarә övrәt qan ağlayır. Ağlamasın
nә elәsin.... Of!! Of!!
Fәlәk! (Taxta uzanıb yuxuya gedir. Birdәn qorxub durur.)
Allahu-әkbәr! (Әtrafına baxır.) Kimsәn?
Hә? (Oturmuş.) Pәrvәrdigara! Nә
istәyirlәr mәndәn, bir yolluq
öldürәcәklәr, öldürsünlәr.
(Gözünә adam görünür.) Gәlmә, gәlmә,
yoxsa.... (Әtrafına baxır.) Heç kәs yoxdur,
allahu-әkbәr! (Yenә gözünә
görünür.) Gәlmә yavuq, sәni and verirәm
bizi yaradana! (Diqqәtlә baxır.) Vay! Oğlumdur,
oğlumdur, gәlibdir mәndәn xeyir-dua almağa.
Әllәri ilә mәni gәzir. Gәlmә,
üzünә baxa bilmirәm.... Yox, gәlir ... gәlir.... (Üzünü әli ilә
tutub taxta yıxılır. Bu vaxt Әlәşrәf
bәy, Musa bәy, Saleh bәy yavaş-yavaş evә
daxil olurlar, istәyirlәr Nadir şahı vursunlar.)
ALTINCI GӘLİŞ
M u s a b ә y.
Yaxşı әlimizә düşübsәn. (Nadir
şah birdәn ayılıb dili tutulur vә sonra
üstlәrinә yüyürüb Musa bәyi,
Әlәşrәf bәyi bir yumruğa yıxır.
Saleh bәy xәncәrlә daldan vurur, qaçırlar.
Nadir şah yıxılır.)
N a d i r ş a h
(yavaş-yavaş yıxılır). Pәrvәrdigara!
Günahım çoxdur! Yaman dәrdlә
ölürәm, nahaq yerә. Heç kәsә pisliketmәmişәm.
Hәr kәsә dә yamanlıq etmişәm,
ümumi xeyri nәzәrdә tutmuşam. Vәtәn
salamat qalsın fikrindә olarkәn canımı
vәtәnin vә millәtin yolunda
sәrf ... etmişәm....
Oğlumun gözlәrini vәtәnә qurban
etmişәm. (Ağlayır, yavaş-yavaş
yıxılır.) Biçarә anasını
axirәtәdәk gözü yaşlı qoymuşam....
Pәrvәrdigara! Özün kömәk et bu
başsız millәtә! Ya rәbbim! Bir neçә
dәqiqә canımı alma, tainki oğlumu
görәm....
YEDDİNCİ GӘLİŞ
Gülcahan Rzaqulu xanın әlindәn tutub.
G ü l
c a h a n. Oğlum! Atan sәndәn xәcalәt çәkir. İndi yatır, bax oğlum! (Nadir
şaha tәrәf baxmır.)
Şan-şövkәtdәn mәhrum olan oğlum!
(Ağlayır.)
N a d i r
(bunları görüb dizi üstә bunlara tәrәf sürünür). Ah, bәdbәxt oğlum! Atan dizi üstә sәndәn tәvәqqe edir, әfv et, oğlum! Bağışla
oğlum, şah babanı bağışla! (Ölür.)
(Rzaqulu
xan әllәri ilә gәzir.)
G ü l
c a h a n. Ah!.... (Qәşş edib Nadirin üstә yıxılır.)
PӘRDӘ