ŞAMDAN BӘY
KOMEDİYA, DÖRD MӘCLİSDӘ
ӘFRADİ-ӘHLİ-MӘCLİS
Y u s i f--
mәdәniyyәtli, qulluq edәn cavan oğlan,
Avropa libasında.
Q u l u--
Yusifin nökәri.
X ә d i c ә-- Yusifin nişanlısı,
19 yaşında.
H a c
ı İ b r a h i m-- Xәdicәnin atası, 40 yaşında.
N i g a r--
onun övrәti,
50 yaşında.
N a z l
ı-- onun qulluqçusu, 20 yaşında.
N i y a
z b ә y-- Xәdicәnin dayısı, 40 yaşında,
çәrkәzi libasında.
Ş a m
d a n b ә y-- Yusifin dostu, 30 yaşında,
çәrkәzi libasında,
bığı yoğun.
S u l t a
n, M u r a d, R ә
s u l-- Yusifin dostları, cavan
oğlanlar, 30 yaşında. Kimi Avropa
libasında
vә kimi çәrkәzi libasında.
R z a b ә y, H e y d ә r b ә y, N ә c ә f b ә y-- Şәhәrin mütәşәxxis bәylәrindәn, 40 yaşında,çәrkәzi libasında.
C ә f ә r-- Hacı İbrahimin nökәri.
P ә r z a d q a r ı-- qoca övrәt, 50 yaşında.
BİRİNCİ
MӘCLİS
ӘVVӘLİNCİ GӘLİŞ
Yusif
otağında әylәşib
kağız oxuyur. Ev, şәhәr evi. Bir neçә kürsü vә bir küncdә miz üstündә kitablar vә kağızlar.
Y u s i f.
Açım kağızı, görüm mәnim әziz nuri-çeşmim Şamdan bәy nә yazıbdır? (Oxuyur.) "Rәfiqi-mehribanım Yusif! Xeyli
vaxtdır sәninlә ayrılıb didarına hәsrәt qalmışam. Amma indi ümid edirәm ki, sәninlә görüşәm. Ah! Nә xoşbәxt
olardım
bu yavuq vaxtda sәninlә bir otaqda oturub keçәn günlәrdәn söhbәt edәydim! Mәlum ola ki, bu ayın axırınadәk sәninlә görüşәcәyәm. Salamat qal! Şamdan".
(Kağızı mizin üstünә qoyur, sonra üzünü xalqa
tutub.) Heç bundan yaxşı şey olarmı ki, qәlbdәn istәdiyin dostdan mәktub alasan! Hәqiqәt, bu yaxşı şeydir!
Yaxşı yoldaş dar gündә lazım olar. On ildir ki, Şamdan ilә görüşmәmişәm. İndi gәrәk ki, surәti dә tәğyir tapıbdır. (Kağızı
götürüb yenә oxuyur.) Bunun yazmağına görә gәrәk bu günlәrdә buraya gәlsin. (Durub qapıya tәrәf gedir vә Qulunu çağırır.) Qulu!
İKİNCİ
GӘLİŞ
Qulu vә Yusif.
Q u l u. Nә buyurursunuz?
Y u s i f.
Bu saat o yan otağı (әli ilә
göstәrir) tәmiz edәrsәn vә hazırlarsan; çünki bu
günlәrdә bizә qonaq gәlәcәkdir.
Q u l u.
Otaq tәmizdir. Ancaq
heç şeyimiz yoxdur ki, qoyaq.
Y u s i f.
Necә şey? Bir
taxt qoyarsan vә
yorğan-döşәk hazır edәrsәn.
Q u l u.
Ağa! Artıq yorğan-deşәyimiz yoxdur. (Yusif fikrә gedir.)
Y u s i f.
Yaxşı, sәn
get. Mәn bir az
fikir edim. (Qulu dişqarı
çıxır. Yusif bir az fikirdәn sonra.) Hәqiqәt,
Şamdan
çox pis vaxtda gәlir: heç şey hazır deyil. Nә yorğan var, nә döşәk, nә dә balış vә nә dә pul vardır ki, bunların
hamısını alam.... Ah!... (Fikrә gedir.) Hamısından yaxşı
öz yorğan-döşәyimi ona verim, mәn necә olsa dolanaram. (Bir az fikirdәn
sonra Qulunu çağırır.) Qulu! Ay Qulu!
ÜÇÜNCÜ
GӘLİŞ
Qulu daxil
olur. Yusif vә
Qulu.
Q u l u. Bәli!
Y u s i f.
Get mәnim
yorğan-döşәyimi yan otağa apar.
Q u l u.
Ağa, bәs sәn?
Y u s i f.
Mәn yola gedәrәm. Mәnim üçün bir yaz
yorğanı qoy.... Xülasә, elә olsun ki, Şamdan dostumun yanında xәcalәt çәkmәyim. Dәxi sәn öz işinә mәşğul ol. Mәn gedirәm, hәr kәs mәni sual etsә, de ki, bu saat gәlәr. (Yusif geyinib dişqarı
çıxır).
Q u l u (tәk, evi sәliqәyә salır vә öz-özü ilә danışır). Mәnim ağamın işlәrinә tәәccüb qalmalıdır. Bu vaxtadәk qulluq edibdir, amma bir şeyi
yoxdur. Özgәlәrin evinә gedirsәn, bir küncdә divan, bir yanda stollar vә stullar, divarlarda xalılar vә şәkillәr, dörd dәst yorğan-döşәk. Xülasә, adam istәmәyir ki, evdәn dişqarı çıxsın. Mәn hәtta bir neçә adam bilirәm
ki, mәnim
ağamdan az mәvacib
alırlar, bununla belә padşah kimi dolanacaqları vardır, amma bizim ...
çörәk
yemәyә qabımız da yoxdur. Ev şeylәri lazım olduqca qonşulardan
gәtirmәkdәn, doğrusu, bezar olmuşam.
Axırda elә
olar ki, qonşular da vermәzlәr, onda
görәk nә edәcәyik. Neçә kәrә demişәm ki, yoldaşlara az xәrc et, adam gәrәk son gününün dәrdinә qala. Hәr deyәndә sözü bu olubdur ki,
"yoldaşlıq yaxşı şeydir. İnsan gәrәkdir bir-biri ilә dostluq etsin. Pulu yığıb
ölәndә özüm ilә aparmayacağam ki".
Doğrudur, amma insan gәrәk hәr şeyi yolunda elәsin. Bu dünyaya ümid
bağlamaq olmaz. İnsanı bu dünyada pul ilә istәyirlәr. Bәli, hәlә cahıldır, pis günlәr görmәyibdir. Dolanacaq çox asan
görünür. Amma xeyr, insanın başında yüz min
yazılar var, yüz min xәtalar. Kim bilir gәlәcәkdә nә olacaqdır?.... Ondan savayı, Yusif
ağıllı cahıllardan biridir. Nә üçün gәrәk fikir elәmәsin ki, bu gün-sabah toy edәcәk, görәk toyu nә ilә edәcәk? Pulu vardırmı? Xülasә, nә deyim. Bu zәmanәnin cahıllarının işlәrini anlamaq çәtindir. Vallah, özgәsi olsaydı, mәn bir gün dә burada dayanmazdım. Amma nә fayda ki, Yusifi çox istәyirәm, mәnimlә nәhayәtdә mehriban dolanır. Mәndәn olsa, ömrümün
axırınadәk
ona qulluq edәrәm. Әzbәs ki, onun xasiyyәti vә mehribançılığı mәni özünә qul edibdir. Belә adamın bir parça
çörәyi
mәnim
üçün qeyrilәrindәn
çox-çox yaxşıdır. Onu da yaxşı bilirәm ki, o da mәni çox istәyir. (Kitabları düzәldir, dişqarıdan sәs gәlir.) Gәrәk ki, gәlәn odur.
Y u s i f
(otağa daxil olub başlayır hirsli gәzmәyә). Ah!....
(Qulu ona baxır.)
Q u l
u. Allaha şükür ağa,
nә olubdur ki,
hirslәnibsәn?
Y u s i f.
Heç.... Bir az ... pul lazım idi.... Tapa bilmәdim....
Q u l u. Nә qәdәr lazımdır?
Y u s i f.
Beş-altı manat.
Q u l u.
Onun fikrini etmә.
Mәnә verdiyin mәvacibdәn qalır. (Әlini cibinә salıb pul
çıxardır.) Buyur.
Y u s i f
(başını aşağı salıb pulu alır). Qulu, sәn heç darıxma, ancaq bu
ayı döz, ondan sonra mәnim әlimә bir yerdәn pul gәlәcәkdir. Onda sәn nә desәn ona әmәl edәrәm. İndi sәn get işinә mәşğul ol. (Qulu dişqarı
çıxır.)
Y u s i f
(tәk).
Yaxşı ki, Qulu mәnә
kömәklik
etdi. Yoxsa ki, Şamdan dostumun yanında xәcalәt çәkәcәkdim. (Durub gәzinir.)
DÖRDÜNCÜ
GӘLİŞ
Sultan,
Murad, Rәsul
içәri
daxil olurlar.
H a m
ı s ı. Salamәleyküm!
Y u s i f
(qarşılarına gedib). Ay әleykümәssalam, qardaşlar! Әylәşiniz. (Әli ilә stul göstәrir. Hәr biri bir stul, götürüb әylәşirlәr.)
S u l t a
n. Bu gün bazardan keçәrkәn Qulu rast gәlib sәnin әhvalını sual etdim. Qulu dedi ki,
guya qonaq gözlüyürsünüz, doğrudurmu?
Y u s i f.
Bәli,
doğrudur.
M u r a d.
Hәrgah sizin
evinizdә
darlıq etsә,
olmazmı ki, bizә düşә?
R ә s u l. Doğru deyir, Muradgilә düşsün. Allaha
şükür, otaqları boldur.
S u l t a
n. Muradgil bәlkә bir az uzaq ola. Onda qoyun, bizә düşsün.
Y u s i f.
Heç zәhmәt çәkmәyin. Hamınızdan artıq dәrәcәdә razıyam. Ancaq iraq qonaq olsa, әlbәttә, layiq deyil belә nizamsız evdә saxlamaq. İş
buradadır ki, gәlәn qonaq
sizin kimi yavuq dostlarımdandır. 3-4 il bir yerdә olmuşuq. O mәni tanıyır, mәn onu. Bir-birimizdәn gizlin işimiz olmaz. Mәnim bu nizamsız evim ona
çox xoş gәlәr.
Özü yaxşı oğlanların biridir. İnşaallah
gәlәr, görәrsiniz.
S u l t a
n. Görünür ki, yaxşı oğlandır;
çünki o mәclis olmuyubdur ki, onu yada salmayasınız.
M u r a d
(evә nәzәr yetirir). Tәәccüb edirәm, bu neçә ildә burada necә dolanırsınız. (Yusifә tәrәf.) O pul ki burada sizdәn
çıxır, o qiymәtә yaxşı otaqlar tutmaq olar.
R ә s u l. Ay, ay! Yusifin burada
olmağının sәbәbi
çoxdur.
Y u s i f.
Yaxşı dediniz.
S u l t a
n. Bәli,
şair deyir: "Mәhәbbәt bir bәla şeydir, giriftar olmayan
bilmәz...."
M u r a d.
A! İndi anladım!
Y u s i f.
Hәqiqәt, onu Sultan doğru deyir.
S u l t a
n. Tez olun görәk, toyunuzu edәk, bir az kef çәkәk.
R ә s u l vә M u r a
d. Yaxşı dedin, vallah.
Y u s i f.
Mәn razıyam,
günü bu gün olsun. Amma nә fayda ki, atası deyir: "Bir az sәbir etmәk lazımdır".
M u r a d.
Xoşbәxtlik
buradadır ki, qız da Yusifi istәyir.
S u l t a
n. Nәinki istәyir vә hәtta dәli-divanәdir. (Yusifә nәzәr yetirir.)
Y u s i f.
Çox da elә
yox. Ancaq sizi özümә yavuq dostlardan bilib deyirәm ki, qız hәqiqәt istәyir vә bir neçә dәfә özü ilәsöhbәt
etmişik. Ağıllı, kamallı, hәqiqәt, insanı valeh edir.
R ә s u l. Bunun
ağıl-kamalının çox olmağına sәbәb nәdir?
S u l t a
n. Әlbәttә, oxumaq....
M u r a d.
Tәrbiyә.
Y u s i f.
Doğru dediniz, tәrbiyә dәxi şәrtdәndir. (Murada baxır.)
S u l t a
n. Xeyr, şәxs
ola bilәr ki,
çox elm oxumuş olsun vә tәrbiyәsi az olsun....
M u r a
d vә R ә s u l. Haqdır.
BEŞİNCİ
GӘLİŞ
Qapı
açılıb Şamdan bәy yol paltarında içәri daxil olur.
Y u s i f
(ayağa durur). A! Sәn gәlibsәn, mәnim әzizim! (Bir-birini öpürlәr.) Sәni biz çoxdan
gözlüyürdük.
Ş a m
d a n. Bir az gec oldu. Çünki knyaz Çavçavadze
Şirvana gәlib
bizә
düşmüşdü.
Y u s i f
(qonaqları göstәrir). Bu yoldaşlarım ilә dә aşna olsan! (Şamdanı göstәrib.) Bu hәnuz qonaqdır ki, mәn gözlüyürdüm!
H a m
ı s ı (durub әl verirlәr.)
Çox әcәb! Çox gözәl! (Hәr kәs öz yerindә әylәşir.)
S u l t a
n. Bәli,
çox yaxşı oldu ki, bizim şәhәrә buyurdunuz. (Şamdana tәrәf.) İnşallah, bu şәhәrin bir neçә qәribә şeylәrini görüb gәlmәyinizdәn narazı qalmazsınız.
Ş a m
d a n. Hәqiqәt, şәhәrin barәsindә çox oxuyub vә çox eşitmişәm. Vә amma oxumaq vә eşitmәklә insan rahatlanmaz, gәrәkdir gözlә hәr şeyi görüb hiss etmәk. Buna görәdir ki, neçә illәrdi buraya gәlmәk arzusunda idim. Vә axırda iş belә oldu ki, sizin vә mәnim rәfiqim Yusif (әli ilә göstәrir) yoldaşlıq şәrtini yerinә yetirib burada qulluq tapıb vә öz qulluğumu buraxıb
buraya gәldim. Vә Yusifin mәktublarında hәmişә siz cәnabların xahişinә mәn buraya gәlәm, oxuyur idim. Xülasә, xuda ömür versә, sizә qulluq etmәyә mәn dә borcluyam.
H a m
ı s ı. Biz hәmişә
sizin qulluğunuzda hazır varıq.
M u r a d. Hәrçәnd sizi görmәmişdiksә dә, amma Yusif sizdәn o qәdәr danışıbdır ki, hәqiqәt, uzaqdan-uzağa mәhәbbәt bağlamışdıq.
R ә s u l. Hәqiqәt, elәdir.
Ş a m
d a n (baş әyir).
Çox mәmnunam!
Y u s i f.
Bağışlayın, siz söhbәtә mәşğul olun, mәn dәxi bir neçә şey lazımdır
hazır edim. (Deyib dişqarı çıxır.)
S u l t a
n. Siz öz işinizdә olun. Bizdә
dә o qәdәr qüvvә olar ki, qonağımızı
qoymarıq qәmgin
olsun. (Hamı gülür.)
Ş a m
d a n (baş әyir).
Çox razıyam! Qәzetlәrdә yazılan әxbara görә mәlum olur ki, bu şәhәrin müsәlmanları alış-verişlә çox tәrәqti ediblәr vә ona görә dә deyirlәr, guya burada olan dövlәt Zaqafqaziyanın heç
yerindә yoxdur.
M y r a
d. Bәli, elәdir.... Fәqәt nә xeyri?
Ş a m
d a n. Necә ki?
S u l t a
n. Murad cәmiyyәti-xeyriyyәni nәzәrdә tutub bu sözü deyir.
R ә s u l. Aşkar demәli, pulları çoxdur, amma millәtә xeyirlәri az.
Ş a m
d a n. Bәli, indi
anladım. Hәnuz
buyurduğunuz sözlәri mәn
neçә dәfәlәrlә "Tәrcüman" qәzetәsindә oxumuşam vә mәn dәxi bu barәdә öz yerimizdә neçә dәfәlәrlә camaata demişәm vә bir neçәsi dәxi sözümü eşidib
Şirvanda dördәcәn mәktәb açdırmışam. (Yusif
içәri
daxil olub Qulu ilә
stolu hazır edirlәr.) Vә
lazımdır ki, siz dә burada bu barәdә bir
iş görәsiniz.
Y u s i f (әylәşir). Bәli, insan ancaq dövlәtlә bәxt qazana bilmәz. Xoşbәxt olmaq üçün mәdәniyyәt dәxi lazımdır, o da ki, bizim müsәlmanda yoxdur.
M u r a d.
Şamdan bәy! Eyib
olmasın, bağışlayın, bir şey sual edәcәyәm: evlisiniz, ya yox?
Ş a m
d a n. Xeyr vә
heç fikrimdә
yoxdur evlәnmәk....
S u l t a
n. Sәbәb?
R ә s u l. Görünür, istәyirsiniz ömrünüz
azadlıqla keçsin.
Ş a m
d a n. Xeyr, ondan savayı mәn doğrusu, alsam, oxumuş qız
alacağam. O da ki, hәlә bizim
müsәlman
arasında çox az tapılar. Hәrgah, hәqiqәt, bu sәbәb olmasaydı, mәn indi çoxdan evlәnmişdim. Çünki
çox qızlar mәnim sәbәbimә bәdbәxt olublar.
M u r a d.
Necә ki?
Ş a m
d a n. Doğrusunu demәk, bilmirәm
mәndә nә görüblәr ki (bığını
burur), görәn
kimi mәnә aşiq olurlar. Mәn dә almaq istәmәyib, görürsәn özlәrini biçaralәr hәlak edirlәr.
H a m
ı s ı. Bәli,
mümkündür!
(Stol hazır
olub qәhvә ortalığa gәlir.)
Y u s i f.
Zәhmәt çәkib buyurasınız, qәhvә içәk.
(Hamı
durub mizin әtrafında
әylәşir.)
M u r a d.
Bәli, oxumuş
övrәt
çox yaxşıdır, amma hәqiqәt, mәhәbbәtsiz dә evlәnmәk bir şey deyil.
Ş a m
d a n. Bizlәrdә iki tәrәfdәn mәhәbbәt çәtin tapılar. Çünki bizim adәtdә övrәt kişiyә görünmәk yoxdur. (Qәhvә içib qurtarırlar.)
Y u s i f
(gәlir, ikinci dәfә qәhvә tәklif edir). Ah! Ah! (Hamı Yusifә diqqәt ilә baxır.).
M u r a d.
Bu barәdә Yusif özünü
xoşbәxt
hesab edә bilәr.
Ş a m
d a n. Necә ki?
S u l t a
n (Şamdana tәrәf). Siz buyurduğunuz şәrtlәr hamısı Yusifdә vardır.
R ә s u l. Bәli, hәmi oxumuş, hәmi mәhәbbәt....
Ş a m
d a n. Yusif! Hәqiqәt necә ki, eşitmişәm vә indi dә ki, rәfiqlәrin deyirlәr, sәnә insanın paxıllığı
tutar.
M u r a d.
Xudavәndi-alәm elә elәsin ki, bu iş tezliklә başa gәlsin.
H a m
ı s ı. İnşaallah! İnşaallah!
Y u s i f.
Tәşәkkür edirәm! (Qәhvә tәklif edir.) Buyurunuz.
H a m
ı s ı. Xeyr, dәxi zәhmәt çәkmәyin. (Qulu stәkanları yığışdırır.)
S u l t a n
(yoldaşlarına tәrәf). Dәxi biz gedәk. Şamdan bәy dә yoldan gәlib yorğundur, bir az yatıb dincini
alsın.
(Hamı--Murad,
Sultan, Rәsul
durub әl verib
çıxmaq istәyirlәr.)
Ş a m
d a n. Siz mәndәn arxayın olun; mәn çox da yatmaq sevmiyirәm. Bu gün dörd
gündür mәn
yuxusuzam. Çünki gәlәn
gündәn
bir az müqәddәm bizim şәhәrә Tiflisdәn gürcü knyazları ki, mәnim ilә әvvәldәn dostluğumuz var, gәlmişdilәr. Onlar ilә
dörd gün-dörd gecә ov elәmişik....
H a m
ı s ı. Bәli,
bәli, bәdәnin salamatlığındandır. (Baş
әyib
dişqarı çıxırlar.) Salamat qalın!
Ş a m
d a n vә Y u s i f. Xoş gәldiniz!
Y u s i f. Әzizim! Get otağa, bir az
dincini al.
Ş a m
d a n. Çox gözәl. (Gedir.)
Y u s i f
(tәk). Hәqiqәt, çox xoşbәxtlikdir ki, ürәyin istәyәn dostu qonaq saxlayıb
bacardığın hörmәti ona eylәyәsәn. Hәrçәnd mәndә o qәdәr qüvvә yoxdur ki, Şamdana layiqincә hörmәt edim. Amma eybi yoxdur,
Şamdan elә
yoldaş deyil ki, mәnә
çox da diqqәt
tuta. Özü bilir ki, mәn bir dәrviş
adamam.
ALTINCI GӘLİŞ
Qulu vә Yusif.
Q u l u.
Ağa! Pәrzad
qarı gәlib sәni görmәk istәyir.
Y u s i f.
De gәlsin. (Qulu
dişqarı çıxır vә Pәrzad içәri daxil olur.)
YEDDİNCİ
GӘLİŞ
Yusif vә Pәrzad.
P ә r z a d. Salamәleyküm, Yusif bәy!
Y u si f.
Xoş gәlibsәn, Pәrzad nәnә. Әylәş. (Stul göstәrir.)
P ә r z a d. Zәhmәt çәkmә, mәnim dәdәm-babam stul üstә әylәşmәyiblәr. Mәn yerdә oturacağam. (Yerdә әylәşir.)
Y u s i f
(gülә-gülә). Hә ... hә... yaxşı,
yaxşı! Әylәş görәk nә var, nә yox? Tәzә xәbәrdәn-zaddan?
P ә r z a d. Tәzә xәbәr-zad yoxdu. Ancaq yoldan gedirdim yadıma
düşdü ki, sәndәn
soruşum görüm, axı işi nә yerdә qoydun?
Y u s i f.
Necә iş?
P ә r z a d. Necә ki, necә iş? Toyu deyirәm da....
Y u s i f.
Toy hәlә qalıbdır. Qızın
atası-anası bu gün-sabaha qoyurlar. Görәk nә tövr olacaqdır.
P ә r z a d. Pәh, pәh, pәh! Ölmә eşşәyim ölmә, yaz açılar yonca bitәr!.... (Әlini oynadır.) Sәndәn görürәm, toy elәyәn olmayacaq.
Y u s i f.
Necә
olmayacaqdır ki, gecә-gündüz toyun fikrini çәkirәm. Amma nә edim ki, deyirlәr hәlә sәbir et....
P ә r z a d. Onlar hamısı
sözdü. Belә bilirәm
qızı dәxi
sәnә vermәk istәmirlәr. Ondan ötәri ki, qızı çox dövlәtlilәristәyirlәr.
Y u s i f.
Onlar boş işdir. Bu ara sözüdür vә belә sözlәrә inanma.
P ә r z a d. Genә sәnә versәydilәr, mәn dә bir parça çörәk yiyәsi olardım. Heç olmasa toyda bir az
pul yığardım. Görәsәn hansı iraq adama verәcәklәr. Xeyri dә özgәlәr görәcәk.... (Fikrә gedir.) Sәn bilirәm, ay Yusif bәy, ona arxayın olubsan ki,
qız sәni sevir, amma sәnin öz canın
üçün inanma. Qızı da yoldan çıxardarlar.
Y u s i f.
Kim çıxardacaq?
P ә r z a d. Mәnim kimi küpәgirәn qarı azdımı? Vallah elә cadu-pitilәr qayırarlar ki, qızı
yatdığı yerdә gecә
vaxtıgәtirәrlәr....
Y u s i f
(gülә-gülә). Hә ... hә ...
hә .... Nә edәk! Qoy etsinlәr. Sәn ki, allaha şükür, sağsan.
Sәn dә mәnә tәrәf cadu edәrsәn ki, mәnim işim avand olsun.
P ә r z a d. Ah! Keçәl dәrman bilsә, öz başına sürtәr. Mәn hәrgah dәrman bilsәydim özümә elәrdim ki, belә tez qocalmıyam....
Y u s i f.
Pәrzad nәnә, qocalıq mәgәr pis şeydirmi?
P ә r z a d. Ah, allah kәssin belә şeyi! Qocalıqdan yaman
şey yoxdur, ay balam! Sözünә nә gәlin qulaq asır, nә oğul, nә nәvә. Bir parça çörәk hәrdәnbir versәlәr verirlәr, vermәsәlәr gәrәk ağzı möhürlü
oturasan. Elә ki,
bir az dindin, deyirlәr: "Qoca köpәk, dinmә, sәsini kәs". Bunlar hamısı da
oğuldan keçir. Mәnim oğlumu görürsәnmi,
arvadına bir söz deyә bilmәz. Ancaq acığı
tutanda ağzına gәlәni mәnә deyir. Belә
oğulun başına at torbası keçirim.
(Bәrkdәn.)
Y u s i f. Pәrzad nәnә,
görükür, oğlun övrәtini çox
istәyir.
P ә r z a d. Çox istәyir dedin, qoydun.
Bir gün olmaz ki, әliboş gәlsin: bir gün
tumanlıq alır, bir gün köynәklik alır, bir
gün nә bilim,
başına yaylıq alır. Mәn yazıq qalıram
baxa-baxa. Üç ildir bircә don alıb, indi dә
gәlinim ağzını açanda deyir ki, "anam, donu belә tez xarab
elәmәk olmaz ki? Әrim yazıq deyilmi?"
(Ağlayır.) Nә bilim, vallah, cavablarını bir
pәrvәrdigar versin. Xoş sәnin ananın halına
ki, allahın rәhmәtinә gedibdir, gәlin
üzü görmәyibdir.
Y u s i f. Pәrzad nәnә, sәn
elә bilirsәn hamı oğullar sәninki kimi olur?
P ә r z a d. Elә demә, arvad alandan sonra
sәnә deyәrәm. Sәnin canın
üçün Yusif bәy, arvad xeylağı elә
şeytan olurlar ki, kişini bir öpüşlә
aldadırlar.
Y u s i f (tәrәfә). Özü dә
şeytan oldu! Ay Pәrzad nәnә, sәn özün
sәn allah, gәlin olanda qaynananla necә dolanıbsan?
P ә r z a d. Mәnim işim özgә.
Ondan ötәri ki, mәnim qaynanamın ağzı çox yava idi. Harada
oturardı deyәrdi ki, "mәnim gәlinim yox
olsun". Ondan ötәri ki, atası evinә
çörәk-zad göndәrәndә
hәmişә әrimә deyәrdim. O da onun
üzünü danlardı. Doğrusu, elә vaxt da olub ki,
iki-üç gün onu ac qoymuşam....
Y u s i f (tәrәfә). Hә ... hә....
Nә tökәrsәn aşına, o da
gәlәr qaşığına.
(Dişqarıda övrәt sәsi
gәlir, Pәrzadı çağırır.)
P ә r z a d ı n
g ә l i n i. Ay әmidostu! U!....
P ә r z a d (tez ajağa durur). Gördün
hәlә, boynu qırılmış gәlinimin
sәsidir, tumanını
çәkә-çәkә gәlib mәni
tapıb. (Gedup.) Salamat qal, Yusif bәy!
Y u s i f (dalınca gedә-gedә). Xoş
gәldin!
PӘRDӘ
İKİNCİ MӘCLİS
ӘVVӘLİNCİ GӘLİŞ
Hacı İbrahimin evi. Dövlәtli, Avropa
qaydasında. Xәdicә tәk.
X ә d i c ә. Pәrvәrdigara! Nә
vaxtadәk mәn qanlı yaşlar
tökәcәyәm! (Üzünü yuxarı tutur.)
Nә vaxt mәnim ürәyimin yarası sağalacaqdır?
Ya rәbb! Görәsәn mәhәbbәtdәn
qüvvәtli şey olarmı? Qaranlıq gecәlәri
aydın göstәrәn, insanı ay vә ulduz ilә
danışdıran mәhәbbәt deyilmi? Ya rәbb!
Mәn bәdbәxt bir şәxsin oduna yanım,
rәvadırmı ki, axırda muradıma
çatmayım?.... (Birdәn әli ilә
başını tutur vә bәrkdәn.) Uf!.... Nә
yaman fikirdi mәnim başıma gәldi! (Gah gәzinir, gah
dayanıb durur.) Bәyәm mәhәbbәt ondan
ötәridir ki, illәrlә bәslәdiyin
gözәl fikirlәr axırda bir dәqiqәnin
әrzindә puç ola? Xeyr, ruzigarı mәn o
qәdәr bivәfa bilmirәm. Әlbәttә,
hәrgah mәhәbbәt ancaq mәnim
tәrәfimdәn olsaydı, mümkün olardı ki, bu
iş başa gәlmәyә. Amma mәnim yәqinimdir
ki, Yusifin mәnә mәhәbbәti
mәnimkindәn az deyil. Biçarә Yusif mәnim ucumdan
nәlәr çәkibdir. (Fikrә gedir.) Görüm,
ya rәbb, nә vaxt yarımla
görüşәcәyәm?! (Fikrә gedir.)
Yusiflә görüşmәyi hәrdәm yada salıb
ruhum tәzәlәnir....
(Fikrә gedir.) Ah, bu qәdәr sәbir etmәk
olmaz. Yaxşısı budur Nazlını
çağırım, gedib Yusifә desin ki, mәn onunla
görüşmәk istәyirәm. O vaxt açıb
ürәyimin dәrdini ona deyәrәm. Yusif insafa
gәlib işi tәxirә salmaz. (Gedib Nazlını
dişqarıdan sәslәyir.) Nazlı! Ay Nazlı!
(Nazlı daxil olur.)
İKİNCİ GӘLİŞ
X ә d i c ә (Nazlının
әlindәn tutub). Nazlı! Mәnim dәrdim
günü-gündәn artır vә özün dә
bilirsәn ki, sәbәbi nәdir. Sәni özümә
başdan yavuq adam bilib hamı gizlin olan fikirlәrimi
sәnә demişәm. İndi özün bil. Bundan
artıq dәxi dayana
bilmirәm. (Ağlayır.)
N a z l ı. Nә var, xanım Xәdicә!
Nә olubdu? (Xәdicә ağlayır, Nazlı yavuq gedib
qolundan tutur.) De görüm, axı nә olubdu? Göz
yaşını nә üçün tökürsәn?
Xәd i c ә. Of.... Sәn allah yaramı
tәzәlәmә, tabım yoxdur. tәzәdәn
açıb sәnә ürәyimin dәrdini
deyim.... Ancaq.... (İstәyir danışsın,
ağlamaq tutub qoymur.) Ancaq....
Sәndәn tәvәqqe edirәm ki, bu gün
necә olsa, Yusifә deyәsәn mәnim yanıma
gәlsin. Belә vaxt heç әlә
düşmәz. Atam-anam dayımgilә gediblәr,
özlәri dә gec gәlәcәklәr. Yusifә
deyәrsәn ki, sәninlә gәlsin. Elә ki, Yusif
darvazadan içәri daxil oldu, darvazanın
qapısını bağlarsan, ta gәlәn olsa
xәbәr etsin. Onda Yusifi dal qapıdanyola salarıq.
N a z l ı. Xanım! Çox yaxşı, amma
qorxuram bu iş axırda açıla. Sonra Yusif
üçün dә, sәnin üçün dә
xarabçılıq olar.
X ә d i c ә. Görünür ki,
hәlә uşaqsan. Mәhәbbәt meyvәsini
dadmayıbsan. Hәrgah dadsaydın, bu sözü
demәzdin. Sәn elә bilirsәn bizim mәhәbbәtimizi
heç kәs bilmir? İnandırıram ki, bu işdәn
hamı xәbәrdardır.
N a z l ı. Doğrudur, bir neçә adam
bilir vә Yusiflә sәn әvvәlinci dәfә
görüşmürsәn. İki-üç dәfә
olubdu. Amma genә yaxşıdır ki, bir neçә vaxt
hәlә gizlin tutasınız.
X ә d i c ә (tәrәfә).
Pәrvәrdigara! Mәhәbbәt hissiyyatı olmayan
adam ilә nә müşküldür danışmaq?
(Gedib Nazlının әlindәn tutur.) Nazlı! İnsan
hәr şeyi pünhan tutsa, mәhәbbәti pünhan
tuta bilmәz. Allahı istәrsәn, mәnim
dәrdimә әlac et....
N a z l ı (tәrәfә).
Gәlәsәn atası anası ilә
danışdığı söhbәti açıb
deyim.... (Fikrә gedir.)
X ә d i c ә (әlindәn tutur).
Niyә fikrә getdin? Yoxsa bir şey bilirsәn? Hә?
De.... De, görüm.
N a z l ı. Doğrusu.... Yusifin
tәrәfindәn bir şey eşitmәmişәm.
Amma yaxşı olardı ki, bu fikirlәri yavaş-yavaş
başından çıxardasan. Çünki necә ki,
mәn görürәm bunun axırı puç
olacaqdır....
X ә d i c ә (tәәccüblә).
A.... Görükür, sәndә xәbәr
çoxdur. İndi de görüm, nә var? Yoxsa, and olsun bu
mәhәbbәtimә özümü burada hәlak
edәrәm. (Şey gәzir.)
N a z l ı (onu tutur). Sakit ol, bu saat
hamısını sәnә birbәbir deyim: dünәn
axşam çay vaxtı atan vә anan bağçada oturub
sәnin sözünü danışırdılar. Mәn
dә ağacın altında oturub çay hazır
elәyirdim. Sözlәrindәn görükür ki,
sәni Yusifә vermәyәcәklәr.
X ә d i c ә
(tәәccüblә). Mәni?.... Yusifә?
N a z l ı. Bәli.
X ә d i c ә (tәrәfә).
Pәrvәrdigara! Nә acı sözlәrdir mәn
eşidirәm. (Nazlıya tәrәf.) Sәbәbini
bilmәdinmi?
N a z l ı. Sәbәbi odur ki, necә ki,
atan deyirdi Yusif kasıbdır....
X ә d i c ә. Sәn bunu yәqin
eşidib deyirsәn?
N a z l ı. Lap bu qulaqlarımnan.
(Qulaqlarını göstәrir.)
X ә d i c ә. Uf! Fәlәk!.... (Әylәşib
üzünü әllәri ilә tutur vә bir az
fikirdәn sonra.) İndi ki, belәdir, get bu saat Yusifi
çağır gәlsin, heç olmasa axırıncı
dәfә onun üzünü görüm vә
dәrdimi ona bәyan edim. Ta bir az ürәyimin odu
sönsün.
N a z l ı. Buyurursan, gedәrәm. (Nazlı
dişqarı çıxır.)
X ә d i c ә (tәk, üzünü
xalqa). Pәrvәrdigara! Dünyanın işinә bax,
insanı heyvan dәrәcәsindә tuturlar. Mәni
Yusifә vermәk istәmirlәr. Ondan ötrü ki, onun
pulu yoxdur.... (Fikrә gedir.) Uf! (Ürәyini әli
ilә tutur.) Ruzigara bax.... İstәyirlәr
mәhәbbәti pulla puç edәlәr.
Görükür, ata vә ana qızı verәndә
onun gәlәcәk xoşbәxtliyini
dövlәtdә görürlәr. Dәxi bunu
bilmirlәr ki, mәhәbbәt etdiyi işlәri
heç dövlәt etmәz....
(Saçını әli ilә tutub bәrkdәn.)
Uf! Bu bәlalı başıma necә fikirlәr
gәlir. (Fikrә gedir.) Yox, jox ... bundan sonra mәn
dәxi yaşamaram ... And olsun
Yusifin canına, hәrgah bu iş başa
gәlmәsә, özümü hәlak
edәcәyәm.... (Fikrә
gedir.) Xeyr, ruzigarı mәn o
qәdәr bivәfa bilmirәm ki, Yusiflә mәni ayrı sala. Bir az sәbir edim.... İndi yәqin ki, gәlәr.
(Sәs gәlir.) Gәrәk ki, gәlәn odur.
(Baxır, Yusifi görüb başını aşağı
salır.)
ÜÇÜNCÜ GӘLİŞ
Yusif vә Xәdicә.
Y u s i f (tәәccüblә).
Xәdicә! (Yavuq gedib qucaqlayır. Xәdicә
başını aşağı salıb cavab vermir.)
Xәdicә! Niyә danışmırsan? Nә olub
sәnә? Desәn görüm. (Xәdicә cavab
vermir.) Xәdicә! Sәn mәnim canım, de
görüm nә üz veribdir? Bәsdir, mәni az
incit. (Xәdicә ağlayır.) Bircә
de görüm, nә üçün ağlayırsan?
X ә d i c ә. Necә ağlamayım ki,
illәrlә bәslәdiyim mәhәbbәti ruzigar
puç etmәk istәyir....
(Ağlayır.)
Y u s i f. Necә? (Qucaqlayır.) Necә? ....
Bir dә de görüm!
X ә d i c ә. Yusif! Sәni and verirәm
bizim mәhәbbәtә, qoy bir az sәnin
qucağında, nәfәs alım. Bәlkә bu
axır görüşümüz oldu.
Y u s i f (birdәn ayağa durur).
Xәdicә! Sәn nә söylәyirsәn? Fikrin
özündәdirmi? Necә ki, axır nәfәsdir, ha?
De görüm, yoxsa and olsun sәnin bu zülflәrinә,
özümü bu saat hәlak edәrәm. (Әlini
cibinә uzadır.)
X ә d i c ә (Yusifi bәrkdәn tutub).
Ay, bircә sәbir et.
Y u s i f (qucaqlayır). De görüm, bu nә
sözlәrdir, sәn deyirsәn?
X ә d i c ә.
Bircә de görüm, mәni nә vaxt
xoşbәxt edәcәksәn?
Y u s i f. Nazlı Xәdicә, sәnin
xoşbәxt olmağın qalıb ata vә anana. Onlar da
deyirlәr ki, guya sәn hәlә toya hazır
deyilsәn.
X ә d i c ә. Bәli, hәrgah atam-anama
qaldısa, ikimiz dә bәdbәxt olmuşuq.
Y u s i f. Nә üçün?
X ә d i c ә. Görükür, onlar indi
fikirlәrini dәyişiblәr. Mәni sәnә
vermәk istәmirlәr. Bu xәbәri mәn bu
gün eşidib sәnә adam göndәrdim ki, hamı
әhvalatı sәnә deyim, ta başımıza bir
çarә qılaq.
Y u s i f. Axı, sәbәbi nәdir ki?
X ә d i c ә. Sәbәbi odur ki, guya
dövlәtin yoxdur vә guya mәni dövlәtli
istәyir.
Y u s i f. Xәdicә! Bunlar ara
sözüdür, belә sözlәrә inanma.
(İrәli gәlib Xәdicәni qucaqlayır vә
Xәdicә Yusifә qәmgin baxır.)
X ә d i c ә. Of! Yusif! Gәrәk ki,
sәnin üzünә axır baxışımdır.
(Üzünü tutub ağlayır.)
Y u s i f (Xәdicәni qucaqlayıb).
Xәdicә! Sәn onu yәqin bil ki, sәn
mәnimsәn, mәn sәnin. Vә ondan savayı
niyә bir fikir etmirsәn ki, hәrgah sәnin
özgәyә meylin olmasa, kimin hünәridir sәni
verә, zira ki, şәriәtә müxalif işdir.
X ә d i c ә. Hәrgah
şәriәtlә iş görsәlәr, mәnim
qorxum yoxdur. Amma nә fayda ki....
(Ağlayır.)
Y u s i f (tәrәfә). Bunu
Xәdicә doğru deyir. Pәrvәrdigara! Gör pul
insanın gözlәrini necә tutur ki, şәriәt
dә unudulur vә o mәhәbbәt ki,
gәlәcәkdә iki nocavan onunla xoşbәxt
olacaqlar, nahaq yerә puç edilir.... (Fikrә gedir vә
bәrkdәn). Uf! Uf! Xәdicә (gedib Yusifin әlindәn
tutur). Yusif! Biz burada çox
qala bilmәrik; çünki indi anam gәlәr. Ancaq bir
söz xәbәr alacağam.
Y u s i f. De görüm!
X ә d i c ә. Sәni and verirәm
mәnim sәnә olan mәhәbbәtimә,
doğrusunu de görüm, hәrgah ruzigar belә bivәfa
oldu ki, bizi bir-birimizlә ayırdı, onda tәdbirin
nәdir?
Y u s i f. Uf!....
Sәnin sözlәrin mәnim ürәyimi
dağlıyır. And olsun (ayağa durur, bәrkdәn)
bizim mәhәbbәtә! And olsun bu yolda
tökülәn göz yaşlarıma! And olsun bu
zülflәrә (әli ilә göstәrir) ki,
mәni kәmәnd edibdir! Hәrgah mәqsuduma
çatmasam, özümü bir dәqiqәdә
hәlak edәrәm....
X ә d i c ә
(әlini ürәyinә qoyub). Dәxi bir az
sakit oldum. (Tәrәfә.) Mәn bundan elә bu
sözlәri gözlәyirdim. (Yusifә.) Dәxi
mәnim üçün bu sözlәr kifayәt
edәr. (Dişqarıda sәs gәlir.)
Y u s i f (tәlәsmiş). Mәn dәxi
gedim, gәlib bizi burada görәrlәr, yaxşı
olmaz.
X ә d i c ә. Gedә bilәrsәn....
Y u s i f (Xәdicәnin әlini
öpüb). Salamat qal! (Dişqarı çıxır.)
X ә d i c ә. Xoş gәldin!
(Xәdicә, tәk.) Mәhәbbәt,
hәqiqәt yaxşı şeydir! Mәn Yusiflә
asanlıqla ayrıldım. Çünki istәmәdim onun
ruhuna zәhmәt verim. Hәrçәnd o
gedәndә ağlamaq istәdim, amma xeyr, mәn
ağlasaydım Yusifin ürәyi xarab olardı, mәn
dәxi ona tab gәtirә bilmәzdim.... Eybi yoxdur, sәbir edәrәm.
Aşkar ağlamayıb, pünhan ağlaram.
(Әylәşib üzunü tutur. Anası içәri daxil olur vә
Xәdicәni bu halda, görüb onun yanına gedir.)
DÖRDÜNCÜ GӘLİŞ
Xәdicә vә Nigar.
N i g a r. Xәdicә, ay balam, nә
üçün belә oturubsan, yatırsan?
X ә d i c ә (birdәn qalxıb). Yox,
yatmıram.... Bir az yorulmuşam, dincimi alıram.
N i g a r (tәrәfә).
Görәsәn genә nә olub? Üzündәn
qәm dәryasına batmış görünür.... Ay balam, genә allaha
şükür, nә olub sәnә belә pozulubsan?
X ә d i c ә. Heç....
N i g a r (yavuq gedib). Axı de görüm,
nә olub sәnә? Hәrgah azarlısan, adam
göndәrim hәkim gәlsin.
X ә d i c ә (başı
aşağı). Mәnim hәkimim ... sizsiniz....
N i g a r. Yәni kim?
X ə d i c ә. Sәninlә atam....
N i g a r. Mәn sәnin
sözlәrindәn әsla baş aça bilmirәm.
(Yavuq gedib әlindәn tutur.) Ay balam! Bircә dәrdini
desәn görüm. (Tәrәfә.)
Qaydadır, görmüşük qızın nә
dәrdi olsa anasına deyәr. Amma bu evi
yıxılmışın qızı heç
görmәdim ki, bir otura
mәnimlә söhbәt edә. Eh, özün bil,
sabah-birigün әrә gedәrsәn, sәnin dә
canın qurtarar, mәnim dә.
X ә d i c ә (tәrәfә). Uf!....
N i g a r. Heç ah-vay elәmә. Az
qalıbdır, iş düzәlibdir. Bir ay
çәkmәz ki, toyun olar....
(Hacı İbrahim içәri daxil olur.)
BEŞİNCİ GӘLİŞ
Hacı İbrahim, Nigar vә Xәdicә.
H a c ı İ b
r a h i m (Xәdicәni qәmgin görüb). Genә
nә var, ana-bala oturub kimin qeybәtini edirsiniz. (Xәdicә
ayağa durur.)
N i g a r. Heç kәsin. Öz dәrdimiz
mәgәr azdırmı?
H a c ı İ b
r a h i m. Nә olub allaha şükür! Bir qızın var,
onu da bu yavuqda әrә verәrsәn gedәr.
N i g a r. Doğrudan, iş nә tövr oldu?
(Xәdicә dişqarı çıxır.)
H a c ı İ b
r a h i m. Kişiyә söz verdim. İndi gәrәk
hazırlaşaq.
N i g a r. Yaxşı, de görüm, yerinә
yetibsәnmi, görәk necә adamdır: atası kimdir,
anası kimdir?
H a c ı İ b
r a h i m. Arvad, sәn allah, qoy görәk. Yenә
arvadlığına salma. Nәyinә lazımdır kimin
oğludur, kimdir vә ulu babasının adı nәdir?
Pulu ki var, hamısından yaxşıdır.
N i g a r. Mәgәr pulu çoxdurmu?
H a c ı İ b
r a h i m. Ay sağ olmuş! Pulunamı söz var!
Malınamı söz var! Mülkünәmi söz var!
Hamısı bol! Ye, iç, yat! Bundan yaxşı dәxi
nә istәyirsәn? Şirvan mahalında iki kişi
varsa, biri budur. Axı, dövlәti qoyub Yusifә mәn
niyә verim? Doğrudur, oxuyub,
әli qәlәmlidir, amma aldığı altmış
manat mәvacibdir. Onunla külfәtini necә
dolandırsın? Sәn indi adam göndәr qızın
dayısına, gәlsin toyun tәdarükünü
görәk. (Nigar çıxır.)
H a c ı İ b
r a h i m. Jox, bu iş çox yaxşı oldu. Doğrusunu
demәk, Yusif dә pis oğlan deyil. Amma nә fayda ki, az
mәvacib alır. Mәnim bir qızımdan savayı
heç kәsim yoxdur vә qızımı da versәm,
yeznәm mәnimlә gәrәk olsun. Yeznәm dә
kasıb olsa, mәnim dövlәtimi iki ilin әrzindә
yeyib gedәcәk. Amma hәrgah dövlәtli olsa, bu
dövlәt qurtaran deyil....
(Nigar daxil olur.)
ALTINCI GӘLİŞ
Nigar, Hacı İbrahim.
N i g a r. Adam göndәrdim. İndi ay
kişi, bir iş var ki, qız bu işә razı olmaya.
Ondan ötәri ki, qonşu arvadların
sözünә görә
qızın könlü Yusifәdir.
H a c ı İ b
r a h i m. Arvad! Eyibdir, belә sözlәr danışma,
necә ki, qızın könlü Yusifәdir? Sәn
qız anasısan. Sәn gәrәk ona nәsihәt edәsәn
vә hәrgah razı olmasa de ki, biz onun gәlәcәyi
üçün çalışırıq vә
istәyirik ki, gәlәcәkdә o,bir parça
çörәk yiyәsi
olsun. Zәmanәmiz pul zәmanәsidir, ondan da savayı, kişinin әsli
bәydir.
N i g a r. Özün bil. Amma bu iş
çәtin olacaqdır.
H a c ı İ b
r a h i m. Heç bir çәtinliyi yoxdur. Sәn arvadsan,
mәn bilәn işlәri sәn bilmәzsәn. Qoy
dayısı gәlsin, o, başa düşәr. (Niyaz
bәy içәri daxil olur.)
YEDDİNCİ GӘLİŞ
Hacı İbrahim vә Niyaz bәy.
N i y a z b ә
y. Salamәleyküm!
H a c ı İ b
r a h i m. Әleykümәssalam! Gәl görәk Niyaz
bәy, әylәş. (Yer göstәrir, Niyaz bәy
gәlib әylәişr.)
N i y a z b ә
y. Xeyir ola, Hacı әmi?
H a c ı İ b
r a h i m. İnşaallah ki, xeyirdir! Xәdicәnin
işindәn ötәri zәhmәt vermişәm.
N i y a z b ә
y. Mәn tәәccüb edirәm sizin işinizә.
Nә üçün bu vaxta qәdәr belә işi
qoyursunuz qala? Yusif necә ki, mәn eşitmişәm,
işә tul vermәyinizdәn narazıdır.
H a c ı İ b
r a h i m. A kişi, Yusif nәdir--zad nәdir? Qızı
özgә adama verirәm.
N i y a z b ә
y. Nә deyirsiniz? Mәn sizin sözlәrinizi başa
düşә bilmirәm.
H a c ı İ b
r a h i m. Nә başa düşmәyi var. Qızı dәxi Yusifә
vermirәm, özgә adama verirәm.
N i y a z b ә y
(tәәccüblә). Kimә?
H a c ı İ b
r a h i m. Çox yaxşı adamdır. Şirvan
bәylәrindәndir, çox yaxşı
mülkü-maşı var. Özünün demәyinә
görә, kefi çox kökdür.
N i y a z b ә
y. Hacı әmi, belә şeyi elәmә. Eyib
şeydir. Xalqı üstünüzә
güldürmәyin vә görün bir oxuyub, tәrbiyәsi
vardırmı?
H a c ı İ b
r a h i m. Ay sağ olmuş, mәnim nәyimә
lazımdır, bilim oxuyub ya yox. Pul ki, var, hәr
şeydәn yaxşıdır....
N i y a z b ә
y. Elә demәyin. Nә qәdәr pulu çox
olmuş olsa da, yenә Yusif ondan mәslәhәtdir.
Çünki zәmanәmiz belә zәmanәdirki,
indiki mәdәiiyyәtli vә mәrifәtli qulluq
adamları bizim müftәyeyәn bәylәrdәn
әfzәldirlәr. Zira ki, bunların әlindә qәlәm
var vә o qәlәmlә hәmişә bir
parça çörәklәri var. Amma baxırsan bizim
dövlәtlilәr öz nәfslәrini pula satıb
cürәbәcürә yollarla pul qazanırlar vә
ölәndәn sonra onların tәrbiyәsiz olan
uşaqları qalan dövlәtin qәdrini bilmirlәr.
Çünki asanlıqla әllәrinә
düşüb. Bir az müddәtdә atadan qalan
dövlәtin axırına çıxırlar.... Ondan
masәva, bu oxuyub tәrbiyә alanların
nәzәrlәri
külfәtә ayrı, avamlarınkı ayrı,
mәsәlәn, mәrifәtli kişi heç vaxt
övpətüstünә övrәt almaz. Övrәti
öz zindәganlığında özünә yavuq
yoldaş bilib onu qoymaz pis günlәr çәksin. Amma
mәrifәtsiz kişidәn hәr şeyi
gözlәmәk olar. Gündә bir övrәti
döyәr, elә ki, bir az pulu artıq oldu, bir özgәsini
dә alar. Axırda görәrsәn ki, biçarәnin
ocağı viran oldu. Belә ittifaqlar azdırmı?
H a c ı İ b
r a h i m. Niyaz bәy! Niyә elә şeylәr
danışırsınız? İki övrәt almaq
şәriәtdә dә var ki?! Vә hәrgah o,
mәnim qızımın üstünә övrәt
alsa, bir saat qoymaram qızım onun evindә qala.
N i y a z b ә
y. Mәn tәәccüb edirәm ki, siz
şәriәti yaxşı bilә-bilә nә
üçün şәriәtә böhtan deyirsiniz?
H a c ı İ b
r a h i m. Necә?
N i y a z b ә
y. Ondan ötәri ki, şәriәtimiz buyurmur ki, iki ya
üç övrәt al. Şәriәtdә deyilir ki,
yaxşı olar ki, övrәtin ola-ola ikincisini almayasan. Amma
elә ki, alırsan, gәrәkdir bu
şәrt-şürut gözlәyәsәn. Ona
görә sizin canınız, üçün, hәrgah
şәriәtә görә iki övrәt alsaq,
әsla düz deyil. Zira ki, o şәrt-şürutu ki,
qanunda var, onu heç kәs layiqincә yerinә yetirә
bilmәz.
H a c ı İ b
r a h i m. Xülasә, iş olub-gedibdir. Qızı
vermişәm, siz dә gediniz qıza xeyir-dua veriniz.
N i y a z b ә
y. Mәn xeyir-dua vermәyә hәmişә
hazıram, amma işlәrinizә qarışmayacağam.
(Hirsli.)
H a c ı İ b
r a h i m. Niyaz bәy! Belә söz nә üçün
danışırsınız? Görükür, yәqin
oğlanı görmәyibsiniz. Hәrgah görsәniz,
bilәrsiniz ki, mәn sәhv etmәmişәm.
N i y a z b ә y
(ayağa durur getmәyә). Bәli, dәxi mәn gedim.
H a c ı İ b
r a h i m. Xeyr, getmәyin, mәn oğlanı bu gün
çaya çağırmışam. Çünki sabah
gedir ki, tәdarük edә. İki hәftәdәn
sonra toydu. Әylәşin, indi oğlanı siz dә
görüb aşna olarsınız. (Dişqarıdan sәs
gәlir.)
H a c ı İ b
r a h i m. Gәrәk ki, gәlәn odur. (Durub qapıya
gedir.) A.... Salamәleyküm!
Salamәleyküm! Buyurun görәk. (Şamdan
içәri daxil olur.)
SӘKKİZİNCİ GӘLİŞ
Ş a m d a n (Niyaz bәy tәrәfә
gedib әl verir). Salamәleyküm! (Şamdanı Niyaz
bәy görüb tanıyır vә danışmayıb
heyran qalır.)
H a c ı İ b
r a h i m. Әylәşiniz. Allah qoysa, nә vaxt
tәşrif aparırsınız?
Ş a m d a n. İnşaallah, bir-iki
gündәn sonra.
H a c ı İ b
r a h i m. Bәs eşitdim ki, sabah buyuracaqsınız.
Ş a m d a n. Bәli. Fikrim var idi sabah
gedәm. Ancaq qubernatorla bir az işim olmağa görә
qaldım.
H a c ı İ b
r a h i m. Qubernatorla aranız varmı?
Ş a m d a n. Necә ki? Dünәn mәni
çaya çağırıb saat on birәdәk oturub
söhbәt etmişik. (Hacı İbrahim Niyaz bәyә
baxıb lovğalanır.) Çoxusu ondan ötәri
getmirәm ki, qubernatorun bu günlәrdә
qonaqlığı olacaqdır. Mәndәn tәvәqqe
etdi ki, mәn
dә orada olam. (Hacı. İbrahim Niyaz
bәyә baxır vә Niyaz bәy başını
bulayır.)
H a c ı İ b
r a h i m. İnşaallah, gәlәndәn sonra mәnim
dә bir işim var. Qubernatordan keçir, onu da
düzәldәrsiniz.
Ş a m d a n. Çox әcәb. Bu
vaxtadәk bir iş olmuyubdur ki, mәnim tәvәqqemi
yerinә yetirmәyә. Mәnim burada çox
dostlarım var. Sudun predsedateli, prokuror vә qeyrilәri.
Bunların vasitәlәri ilә neçә adamları
qulluğa qoymuşam. (Cәfәr çay gәtirir.)
H a c ı İ b
r a h i m. Buyurun çay içәk. (Mizә yavuq oturub
çay içirlәr.)
Ş a m d a n. Bir ay bundan müqәddәm
mәnim tanışlarımdan biri padsuda
düşmüşdü. Qohum-әqrәbaları
bilirdilәr mәnim divan adamları ilә dostluğum var.
Hamısı gәlib ayağıma düşdülәr
ki, onu qurtaram. Hәqiqәt, özümün dә
çox yazığım gәldi. Bir balaca kağız
yazıb o saat onun işini tәmizә
çıxartdım. Xülasә, sizin dövlәtinizdәn
sözüm çox ötkәmdir. Burada, bәlkә
tanıyasınız, Yusif adlı bir oğlan var ... m ...
m.... Onun
üstündә çox zәhmәt çәkib
müәllimlikdәn özgә yerә tәyin etdirdim.
(Yavaşdan.)
H a c ı İ b
r a h i m. Maşallah sizә. (Fәxr edir.) Belә
işlәrdә hünәr lazımdır.
(Stәkanları aparıb çay gәtirir.)
Ş a m d a n. Belә adamlar ilә aşna
olmağıma sәbәb görürsünüz ki, xalq
dә mәnә hörmәt edir. Mәsәlәn,
indi şәhәrә gedәndә qabağıma
heç olmasa әlliyәdәk adam
gәlәcәkdir.
N i y a z b ә
y. Bәli ... m ... m....
Bu mәrtәbәyә çatmaq üçün
böyük hünәr lazımdır.
H a c ı İ b
r a h i m. Әlbәttә, әlbәttә.
N i y a z b ә y
(tәrәfә). Amma yaxşı gop vurur.
Ş a m d a n (ayağa durur). Mәni dәxi
bağışlayasınız, çünki vaxtım yoxdur
sizinlә söhbәt edәm.
H a c ı İ b
r a h i m. Bәs niyә belә tez?
Әylәşәydiniz bizimlә bәrabәr
çörәk yeyәrdik.
Ş a m d a n. Çox mәmnun vә
mәsrurәm. Ancaq knyaz Sakarilinlә, qubernatorun yeznәsidir,
bu gün firәng konsulu ilә ki mәnim qәdim
dostumdur, bağda rast gәlib çox-çox
tәvәqqe etdilәr ki, bu gün onlara gedәm.
H a c ı İ b
r a h i m. Bәli, hәrgah söz veribsiniz, vacibdir.
Ş a m d a n (hazırlaşır). Doğrusu,
bu aşna dostlar adamı qoymurlar ki, rahat olsun. Çox
böyüklәrin hәlә gözlәrinә
görükmürәm. (Әl verir.) Xudahafiz. (Gedir vә
onun dalınca Hacı İbrahim. Birdәp guya yadına qapıda
bir şey düşüb geri qayıdır.)
Ş a m d a n. Ola ki, poçtxana bu
yavuqluqdadır.
H a c ı İ b
r a h i m. Bәli, bәli. (Özü gedib qәlәm
vә kağız gәtirir . Şamdan yazır vә
danışır.)
Ş a m d a n. Elә indi yadıma
düşdü. Gәrәk bir tel vuram Peterburqa, qraf
Zamburski mәni dәxi gözlәmәsin. (Tel yazıb
gedir.) Salamat qalın! (Hacı İbrahim dә onun
dalınca.)
N i y a z b ә y
(tәk, ayağa durur). Bizim qızların evlәrini
elә belә şeylәr yıxır. A kişi,
qәribә bihәya adamdır! Mәni utandırır
ki, mәnim yanımda özünü bu qәdәr
tәrif edir. Dәxi mәn nә danışım....
(Fikrә gedir.) Heyf! Heyf ki, elә qızı belә adama
verirlәr.... Gör sәn
allah, o adama xәyanәt edir ki, evindә yeyir-içir
vә özü dә dәxi bir adam olubdur. Doğrudur,ata
istәyәr ki, qızını yaxşı yerә
versin, tainki axırda bir parça çörәk sahibi
olsun. Amma bunlardan baş mәhәbbәtdir,zira ki, bir
övrәtlә kişinin bir-birinә
mәhәbbәti oldu, onlar heç vaxt korluq
çәkmәzlәr. Onlar bir-birinә xoş
gәlmәkdәn ötrü hәr ikisi
çalışacaqlar ki, zindәganlıqları xoş
keçsin, ta bir-birindәn narazı olmasınlar. O
mәhәbbәt ki, Xәdicә vә Yusifdә var,
neçә ki, mәn bilirәm, bu
xoşbәxtlikdir....
(Fikrә gedir.) Bәlkә qız dәxi
istәmir.... Yaxşı olar ki, özünü mәn
buraya çağırıb bir neçә sual verim. (Gedib
qapıdan sәs edir.) Nazlı! Ay Nazlı! Xәdicәni
bura çağır. (Gәlib әylәşir vә
fikrә gedir. Xәdicә içәri daxil olur.)
DOQQUZUNCU GӘLİŞ
Xәdicә vә Niyaz bәy.
X ә d i c ә. Salamәleyküm, dayı!
N i y a z b ә
y. Әleykümәssalam! (Üzünә diqqәtlә
baxır.) Niyә saralıbsan? Azarlısanmı?
X ә d i c ә (başı aşağa).
Bәli, bir az başım ağrıyır.
N i y a z b ә
y. Ay balam, mәn sәnin dayınam. Tәvәqqe
edirәm, sәndәn bir şey xәbәr alacağam,
doğrusunu mәnә deyәsәn. Heç
mәndәn utanma....
X ә d i c ә. Nә buyuracaqsınız,
buyurun.
N i y a z b ә
y. Doğrusunu de görüm, sәn Yusifә getmәk
istәyirsәn ya yox? (Xәdicә utanıb
başını aşağı salır, cavab vermәk
istәmir.)
N i y a z b ә
y. Sәn mәnim canım, utanma, de. Çünki iş bir
tövr olubdur ki, gәrәk mәn bilәm....
X ә d i c ә (yavaş-yavaş oturur
vә tәrәfә). Ah, görәydim,
pәrvәrdigara, mәn nә vaxtadәk sәbr
edәcәyәm?
N i y a z b ә y
(gedir Xәdicәnin yanına). Xәdicә, sәn mәnim
canım, de!
X ә d i c ә. Mәn artıq cavab
vermәk istәmirәm. Ancaq onu bil ki, mәnim Yusifә
olan mәhәbbәtim mәni, ya bizdәn birimizi
bәdbәxt edәcәkdir. Of! (Ürәyi gedib
uzanır, Niyaz bәy tez başını tutur vә adam
çağırır.)
N i y a z b ә
y. Xәdicә! Özünü toxtat.... Ay Nazlı!
(Bәrkdәn.) Su gәtir. (Nazlı gәlib qapıdan
baxıb tez gedir su gәtirmәyә.) Ağanı,
xanımını çağır bura.
(Hacı İbrahim, Nigar, Nazlı tez
gәlirlәr. Hamı heyran qalır.)
N i g a r (başına vurur). Bay, anan
ölsün! Gördün hәlә nә oldu?
PӘRDӘ
ÜÇÜNCÜ MӘCLİS
ӘVVӘLİNCİ GӘLİŞ
Yusifin otağı. Şamdan bәy.
Ş a m d a n (ayaq üstә). İndi bildim
ki, mәn Şirvanı bir gecәnin içindә nә
üçün atıb buraya gәldim. Deyәsәn
mәnә elә deyirdilәr: get. Görükür,
xeyrim var imiş. Yoxsa belә şey olmazdı ki, mәn
elәdim. Cibin bir qәpik pulsuz gәlәsәn belә
şәhәrә, çox çәtin işdir.
Bәli, görükür sәbәbi var imiş. Dәxi
nәyimә lazım Yusif tapdığı qulluq.... (Fikrә.) Xülasә,
dünyanın işini bilmәk olmaz. Görükür,
mәnim alnımda bunlar hamısı yazılıbmış.
Heç yatanda da belә xoşbәxtlik fikrimә
gәlmәzdi. Dәxi bundan artıq nә
istәmәli? Hacı İbrahim mәnә
qızını verir. Amma qәribә qızdır ha ... yemә, içmә onun
camalına bax. Qızın yaxşı cehizi, pulu,
mülkü. Özü dә, nәhayәtdә
ağıllı-kamallı qızdır vә hәtta
Hacı İbrahim mәxsusi mәnә dedi ki, toy olandan
sonra köçüb onunla bir yerdә olum. Çünki
tәk bir qızı olmağına görә istәmir
ki, gözündәn uzaq versin. Bu mәnim üçün
dәxi dә yaxşı oldu ki! Mәnim nәyim var ki,
mәn onu saxlayam. Ondan savayı Hacı İbrahim heç
qoymaz ki, özü dura-dura mәn xәrc edim.
Dövlәti başından aşıbdır. Özü
yeyincә yeznәsi yeyәr. Ah! Ah! (Gülür.)
Hәqiqәt, heç belә ittifaq olmazdı ki, mәnә
üz veribdir, amma.... (Yavaş danışıb qapıya
baxır ki, eşidәn olmasın.) Amma ... gәrәk (tәrәfә
baxır) hm ... mәnim bu
hiylәmi heç kәs bilmәsin. Hacı İbrahim
bilsә ki, mәn ona gop vurmuşam, qızı da vermәz
vә әlim dә bu qәdәr dövlәtdәn
çıxar. Bunlar hamısı keçәr gedәr....
Ancaq bir şey qabağımı tutubdur. (Tәrәfә
baxır.) Mәn bu vaxtadәk Yusifin evindә oluram.
Özü dә axşam evә gәlәcәkdir. Onsuz
da olmaz ki, bu xәbәri eşitmәsin, ona görә
buradan gәrәk uzaq olam. Zira ki, qızı
әlindәn almışam, bu iş davasız
olmayacaqdır. Bunun evindә
dә әylәşib onunla dava etmәk olmaz, ona
görә gәrәkdir indi
köçüb gedim bir ayrı yerә.... (Fikrә gedir.)
Yaxşı, bәs hara köçüm?.... Ah, gedәrәm qәstinә!
Bәs ... hm.... Pul lazım olanda nә edim?....
(Fikrә gedir.) 3əpər yoxdur. Yazaram Hacı
İbrahimә ki, evdәn pul gәlәnәdәk
mәnә min manat göndәrsin. Onda hәm qәstinin
pulunu verәrәm, hәm toy tәdarükünü
görәrәm. Onu da yәqin bilirәm ki, Hacı
İbrahim verәcәkdir. Çünki özümü
elә qәlәmә vermәmişәm ki,
vermәsin, bәlkә iki min dә verә.... Ah! Ah! (Gülür.) Amma dil dә
insanda yaxşı şeymiş!
Çox adam dilin sәbәbinә bәdbәxt
olur, amma mәn xoşbәxt olmuşam.... Uf! (Ürәyini әli ilә
tutur.)Ürәyim nә pis döyündü. (Fikrә
gedir vә başını әli ilә tutur.) Ah, nә
axmaq fikirlәrdi başıma gәlir? Mәnә guya biri
deyir ki, yoldaşa xәyanәt elәmә. Bundan nә
xәyanәtlik var, Hacı İbrahim qızını
Yusifә vermәk istәmir, mәnә verir.... Bu da
yәni bir işdir.... Mal
yiyәsi bilәr.... Mәnә indi bir ay
çörәk veribdir ki, mәn bu qәdәr
dövlәti әlimdәn çıxardım. Vaxt olar
mәn dә ona
edirdәrәm.... Xeyr
ha.... Bunlar boş
fikirlәrdir. Bu dünyanınkı belә gәrәk
olsun: harda әlinә düşdü ovla.... (Fikrә gedir.) Dәxi mәn
şeylәrimi yığıb gedim. Hәqiqәt,
istәmirәm ki, bu işdәn sonra Yusif ilә
görüşәm. (Şeylәrini
yığışdırır. Qapıya gedib sәs edir.) Qulu! Ay Qulu! (Qulu
daxil olur.)
İKİNCİ GӘLİŞ
Qulu vә Şamdan.
Q u l u. Nә buyurursunuz?
Ş a m d a n. Yusif nә vaxt
gәlәcәkdir?
Q u l u. Gәrәk ki, saat yeddidә.
Ş a m d a n. Bu uzaq oldu.... Mәn onu
gözlәyә bilmәyәcәyәm.... Gәrәk gedim....
Q u l u (şeylәri görüb
tәәccüb edir). Ağa, hara buyurursunuz?
Ş a m d a n. Mәn ... m ... m....
Özgә yerә köçürәm ... m ...
m.... Burada dolana
bilmirәm.
Q u l u. Niyә, allaha şükür! Yusif
ağam sizin başmağınızı
cütlәmәyә hazırdır, mәn dә sizin
qulluğunuzda varam.
Ş a m d a n. Bura ...
m ... m.... Doğrusu, mәnim ... m ... üçün ... layiqli yer
deyil.... Ayrı otaq tutmuşam. Ondan savayı bundan sonra
mәnim yanıma gәlib-gedәn olacaqdır. Nә
lazımdır özgәyә zәhmәt verim?....
Qoçaq, dәxi durma, fayton çağır,
şeylәri qoyum gedim.
Q u l u. Ağa, doğrusu, mәn sizi qoymaq
istәmirәm. Ondan ötәri Yusif ağam elә fikir
edәr ki, mәn sizi incitmişәm, ona görә siz
gedibsiniz. Mәnim dәrimә od vurar.
Ş a m d a n. Sәn qorxma, mәn özüm
sabah gәlib onunla danışaram.... Ancaq yubanma, get faytona.
(Qulu istәr-istәmәz gedir.)
Ş a m d a n (şeylәri hazır
edә-edә). Axmaq oğlu, mәnim fikrimdәn
xәbәri yoxdur, durub hәlә üsuliddin
xәbәr alır. (Әlini cibinә aparır.) Faytona
pulum yoxdur, nә etmәli? (Fikrә gedir.) Zәrәr
yoxdur.... Quludan alaram. (Qulu daxil
olur).
ÜÇÜNCÜ GӘLİŞ
Q u l u. Ağa, fayton hazırdır.
Ş a m d a n. Sәndә ... m ...
m... bir, ya iki abbası pul
olarmı faytonçuya verim. Mәndә m ... m ... yüzlükdür, onu da hәr
saatda xırdalamaq mümkün olmur.
Q u l u (tez әlini cibinә aparıb). Var,
var, hәrgah istәyirsiniz, çox verim.
Ş a m d a n. M ...
m ... yaxşı, varınsa, bir manat ver. (Qulu ikinci
dәfә pul çıxardıb verir.) Salamat qal. (Qulu
şeylәri götürüb
gedir, tez qayıdıb evi
yığışdırır.)
Q u l u (tәk). Bu işә mәn mat
qalmışam.... Bu vaxtadәk
burada yeyәsәn, içәsәn, indi nә oldu ki,
bizim evi bәyәnmәdi? Yox, burada bir iş var,
görükür ağamla araları dәyibdir. Yoxsa
belә olmazdı. (Fikrә gedir.) Amma bu da ola bilmәz.
Çünki mәnim ağam
heç qәlb sındıran adam deyil vә bunun
başına pәrvanә kimi gecә-gündüz
dolanırdı. Xülasә, görәsәn nә var,
indi ağam gәlәr, iş aşkar olar. (Sәs
gәlir. Yusif acıqlı içәri daxil olur.)
DÖRDÜNCÜ GӘLİŞ
Qulu vә Yusif.
Y u s i f. Qulu! Çay hazırdırmı?
(Fikrә gedir.) Şamdan hәlә gәlmәyibdirmi?
Q u l u. Gәlmişdi. Bir az bundan qabaq getdi.
Y u s i f. Hara?
Q u l u. Bilmirәm. Şeylәrini dә
götürüb getdi.
Y u s i f. Necә? Şeylәrini?
Q u l u. Bәli, dedi ki, mәn indi özgә
yerdә olacağam.
Y u s i f. Özgә yerdә ... m ...
m.... (Fikrә gedir.)
Yaxşı, indi anladım ... m
... m....
Q u l u. Ağa, sәn allah de görüm, axı
nә olubdur?
Y u s i f. Heç, get.... (Fikrә gedir vә
sonra әli ilә mizin ustә bәrkdәn vurur.) Uf!
Ruzigar!
Q u l u (qorxub atılır vә papağı
başından yerә düşur, papağını
götürüb Yusifә qorxa-qorxa baxa-baxa gedir.) Mәn
ömrümdә bunu belә hirsli görmәmişdim.
Y u s i f. Zәmanәyә baxırsan?
(Fikrә gedir.) Bu gün bazarda Murad rast gәlib deyir ki,
çörәk verib bәslәdiyin şәxs
sәnә xәyanәt edir. Sual edirәm: necә? Cavab
verir ki, Şamdan
Xәdicәni alır vә atası dәxi
razıdır. Mәn әsla buna inanmadım. Amma bunun buradan
köçmәyi ona dәlalәt edir. Görünür,
Murad mәnә deyәn söz doğrudur. (Ayağa durur
gәzinir.) Di gәl, bundan
sonra yoldaşa inan. Pәrvәrdigara! Özün
şahidsәn ki, әlimdәn nә yaxşılıq
gәlib ona elәmişәm. Belә oldu ki, mәnim
çörәyimi
yeyә-yeyә mәnә quyu qaza.... (Fikir.)
Pәrvәrdigara! (Bәrkdәn.) Uf! Uf!.... Hanı insaf? Mürvәt? (Mizin
yanında oturub başını
әli ilә tutur.) Mәn dәxi bu dünyada
qalmaram. Gör heç rәvadırmı ki, illәrlә
bәslәdiyin gözәl fikirlәr bir
dәqiqәdә puç
ola.... Dünya bivәfa
imiş. Onun hәr işi cövrü-cәfa imiş.
(Bәrkdәn әli ilә mizun üstә vurur.) Uf!
Uf!.... (Durub gәzinir.)
Uf.... Xәdicә!.... Xәdicә!.... (Bәrkdәn ağlayır.) And
olsun, mәnim mәhәbbәtimә! And olsun
bugözlәrimin yaşına ki, mәhәbbәt yolunda
tökülür.... (Fikrә
gedir.) Yox! Yox.... Bir az sәbir
etmәk. (Gedir mizin yanında oturub başını
әllәri ilә tutur. Rәsul daxil olur).
BEŞİNCİ GӘLİŞ
Rәsul vә Yusif.
R ә s u l. Yusif! Salamәleyküm! (Yusif
cavab vermir. Rәsul gedib
yavuğa.) Yusif! Sәnә nә olubdur? (Cavab vermir,
gedib әlini çiyninә
qoyur. Bәrkdәn.) Yusif!
Y u s i f (birdәn ayılıb Rәsula
tәәccüblә baxır). Bәli!
R ә s u l. Nә üçün belә
qәm dәryasına mübtәla olmusan? Nә olub,
allaha şükür?
Y u s i f (әlini mizә vurur). Yox,
gәrәk elә ola....
(Rәsul qorxub bir az uzaqlaşır.)
R ә s u l (tәrәfә).
Yazığın başına hava gәlib, nәdir?.... Qardaş, Yusif! Söylә
görüm, nә üz veribdir?
Y u s i f. Hә ... hә ... Nә olub? Ruzigar
bivәfa imiş.... Uf!....
R ә s u l (tәrәfә).
Pәrvәrdigara! Biçarәyә görәsәn
nә bәdbәxtlik üz veribdir. Gedim Quludan sual edim,
bәlkә bir şey bilir. (İstәyir getsin, birdәn
Sultan vә Murad bәrkdәn. danışa-danışa
içәri daxil olurlar. Biri deyir: "Belә biinsaf iş
olmaz ki, edibdir!" İkinci deyir: "Adәtdәn
dişqarı bir şeydir". Yusif üzünü tutub
oturur. Sultan, Murad daxil olurlar).
ALTINCI GӘLİŞ
Sultan, Murad, Pəcyl, Yusif.
S u l t a n, M u r a d. Salamәleyküm!
R ә s u l. Sәs salmayın görәk.
S u l t a n,M u r a d. Nә olubdur ki?
R ә s u l. Bir saatdır gәlmişәm,
mәnә dürüst cavab vermir. Ancaq natamam
kәlmәlәr deyib hirslәnir.
M u r a d (Sultana). Sәnә nә dedim?
R ә s u l. Bircә deyiniz görәk,
nә olubdur?
M u r a d. Nә olacaqdır? İnsafsız
oğluna bir ay çörәk verib әzizlәyibdi, indi
Xәdicәni almaq istәyir.
R ә s u l. Şamdan?
S u l t a n. Bәli, Şamdan bәy....
R ә s u l. Tfu!....
M u r a d. Belә adamı boğazından
asmalıdır!
R ә s u l. Bәs elә bilirsәn o, papaq
qoyub bu vilayәtdә gәzә bilәcәkdir?
S u l t a n, M u r a d, R ə c u l. (Hamı tәәccüblә
Yusifә baxır). Yusif, danış görәk nә var,
nә yox?
Y u s i f (göz qaldırıb bunlara baxır).
Xoş gәlibsiniz....
Әylәşin....
M u r a d. Yusif, sәn mәnim canım,
çox da fikir elәmә, o xәbәr ki, mәn
sәnә dedim, ara sözüdür. Bәlkә
әsli dә olmasın.
Y u s i f. Xeyr, elәdi ki, var. Çünki
hәrgah doğru olmasa idi, buradan köçmәzdi.
H a m ı s ı. Köçübdür?
Y u s i f. Bu gün mәn
gәlmәmişdәn köçübdür.... (Fikrә gedir.)
R ә s u l. Ay zalım oğlu, necә tez
başa düşübdür!....
M u r a d. Mәn tәәccüb edirәm
Hacı İbrahimә ki, belә adama qızını verir.
R ә s u l. Görükür, genә gop
vurubdur.
(Yusif әllәri ilә başını
tutub fikrә gedir.)
M u r a d. İndi olan olub qurtarıbdır.
Mәn tәәccüb edirәm ki, Yusif nә
әcәb onunla dostluq edirdi, vәhalonki kişi
danışanda özünü bildirirdi.
S u l t a n. Bunu haqq deyirsәn. Mәn
özüm dә o fikirdә idim. Amma Yusifin ürәyi
mәndәn sınar deyib söz açmırdım.
Y u s i f (başını qaldırıb).
Hәzәrat! Sizin canınız üçün
bugünәdәk onun hiylәlәrini başa
düşmәmişdim. Hәtta bir neçә
tәkliflәri mәnim aşkar zәrәrim isә
dә, yenә fikir edirdim ki, bu zalım oğlu mәni
özünә dost bilib mәnim ayağımdan
çәkmәz. Mәn nә bilim ki, bu biinsaf oğlu mәnә
başdan quyu qazırmış. (Fikrә gedir.)
R ә s u l. İndi de görәk, axı, bu
işi belә qoymaq olmaz.Fikrin nәdir?
M u r a d, S u l t a n. Doğurdan de görәk,
necә olacaqdır?
Y u s i f (bir az fikirdәn sonra). Mәnim bir
özgә fikrim yoxdur. (Durub gәzinir.) Ancaq onu bilirәm
ki, bu iş xeyirliklә qurtarmayacaqdır.... Arada bir qan olacaq.... (Fikrә gedir, qeyrilәri
bir-birinә tәәccüblә baxırlar.)
M u r a d (ayağa durur). Biinsaf oğlunu
boğazından asasan.
S u l t a n (ayağa durur). Zalım oğlunu bir
güllәyә qurban edәsәn.
R ә s u l (ayağa durur). Heç elә
sözlәr danışmayın. (Qeyrilәri Rәsula
baxırlar.) O sözlәr әbәsdir.... Onun burada
heç kәsi yoxdur, heç kәsin dә onunla
әlaqәsi olmasın. Mәnim fikrimcә, biz hәrgah
onunla bilmәrrә әlaqәmizi kәssәk,
özü sonra düşünüb yoldaşına
xәyanәt etmәz vә onu da eşitmişәm ki, o
qızı, o ala bilmәyәcәkdir.
Y u s i f. Qızı almamaqdan mәn dә
arxayınam....
M u r a d. A kişi, necә arxayınsan ki, atası,
anası razı olub, kәbinini dә bu yavuq vaxtda
kәsәcәkdir.
R ә s u l. İnanma.
Y u s i f. Mәn ona görә deyirәm ki, o
qız ona getmәz. Amma çünki qızı zorla
verәcәklәr, ona görә ... m ... m....
Qız özünü hәlak edәcәkdir. Ancaq
bu iş mәni tәşvişә salıbdır.... Vә onu da bilirәm ki, o
qızdan sonra mәn gәrәk bu dünyada qalmayam.
(Tәrәfә.) Uf, allah, nә yaman fikirlәrdir
başıma gәlir!....
(Başını әli ilә tutur.)
H a m ı s ı. Sәn heç darıxma,
yaman adam öz cәzasına çatar!....
(Bu vaxt dişqarıdan qilü-qal sәsi gәlir.
Bunlar gedirlәr qapıya sarı. Rza bәy, Heydәr
bәy, Nәcәf bәy içәri daxil olurlar.)
YEDDİNCİ GӘLİŞ
Әvvәlkilәr vә Rza bәy,
Heydәr bәy, Nәcәf bәy.
R z a b ә y, H
e y d ә r b ә y, N ә c
ә f bәy. A
kişilәr, bu nә әhvalatdır şәhәr
dә danışırlar?
(Yusif başını aşağı salıb
fikrә gedir.)
M u r a d, R ә s u l,
S u l t a n. Bir işdi, olubdur.
R z a b ә y
(Yusifin yanına gedib). Yusif! Hamı günah sizdәdir. Siz
onu öz yanınıza salıb hamıya tәrif edibsiniz
vә o dәxi sәnin xatirinә görә mәnim
(әli ilә göstәrir), Heydәr bәyin,
Nәcәf bәyin vә qeyri mütәşәxxis
adamların әziz qonağı olubdur. Amma indi
başınıza olmayan işlәri gәtirir....
H e y d ә r b
ә y. Tәәccübdür! Bu neçә ildә
onu tanıya bilmәyibsiniz.
N ә c ә f (tәrәfә). Doğru
deyiblәr ki: "Әtә baxma, dona baxma,
içindәki cana bax".
Y u s i f. Doğru buyurursunuz ki, hamı günah
mәndәdir....
(Başını aşağı salır).
R z a b ә y. A
kişi, bilmәyirsiniz şәhәrdә nәlәr
danışırlar? Utanmaz oğlu özünü belә
qәlәmә veribdir ki, guya Fәtәli şahın
nәvәsidir.
H e y d ә r b
ә y. O günlәrdә deyirlәr bir yerdә oturub
bizim qeybәtimizi edirmiş. Deyirmiş guya buranın
bәylәri acdırlar vә yemәk-içmәyi
bacarmırlar.
H a m ı. Gör sәn allah?!
R z a b ә y.
Bundam da pis xәbәrlәr eşitmişәm. Ancaq
Yusifin xatirәsi
üçün bu vaxtadәk danışmırdım.
(Rәsul, Sultan, Murad bir-biri ilә yavaşdan
söhbәt edirlәr.)
N ә c ә f
b ә y. Tәvәqqe edirәm bundan sonra onunla
heç kәsin әlaqәsi olmasın. Ta onu bir hala
gәtirәk ki, ağlının naqisliyini vә nacins
olmağını özü anlasın.
H a m ı. Yaxşı sözdür.
R z a b ә y.
Sizin canınız üçün, indi gedib onun piçini
elә yerdәn buracağam ki, axirәtәdәk
yana-yana qalsın. Xülasә, çox danışmaqdan bir
şey çıxmaz. Gedirsiniz, gedәk.
H a m ı. Bәli, buyurunuz, (Yusifә) Salamat
qalın! (Әvvәl Rza bәy, sonra qeyrilәr
dişqarı çıxırlar.)
Y u s i f (tәk). Mәnә nә
desәlәr, haqdır. Mәn nә edim, nә
çarә qılım? Mәnim ürәyimdә bir
kin-küdurәt yoxdur. Ona görәözgәni dә özüm kimi bilirәm
vә gözüm görә-görә özümü
çürbәcürә bәlalara kiriftar
edirәm.... Ah! Bircә
Xәdicә ilә görüşüb
ürәyimdәki dәrdimi deyәydim, bәlkә bir
az sakit olaydım. (Fikrә gedir.) Nә etmәli? Hә?
Nә tövr edim ki, onunla görüşüm. (Fikrә gedir.)
Cәhәnnәmә, nә olar-olsun. Bir kağız
yazıb göndәrim, nә olar-olsun. (Oturub istәyir
kağız yazsın.)
SӘKKİZİNCİ GӘLİŞ
Qulu vә Yusif.
Q u l u (içәri daxil olur). Ağa,
Pәrzad qarı sizi görmәk istәyir.
Y u s i f (qәlәmi yerә atır).
Qoymazlar bir az rahat olaq, de, yatır. (Fikrә gedir, Qulu
çıxmaq istәyir, birdәn Yusif dalınca gedib.)
Y u s i f. Pәrzad qarı arada gәzәndi,
bu, yәqin sözsüz olmayacaqdır. Qoy
çağırım, görüm nә deyir. A
gәdә, Qulu! Çağır gәlsin. (Özü oturub yenә kağız yazmaq
istәyir. Pәrzad daxil olur.)
DOQQUZUNCU GӘLİŞ
Yusif vә Pәrzad.
P ә r z a d. Salamәleyküm, Yusif bәy!
Y u s i f (Pәrzada diqqәtlә baxır).
Әleykümәssalam! Pәrzad
nәnә, әylәş görәk.
P ә r z a d (әylәşir). Dәxi
nә әylәşim, iş qurtarıb gedibdir.
Y u s i f
(tәәccüblә). Nә var? Nә olub?
P ә r z a d. Dәxi nә olacaq?
Veriblәr gedib....
Y u s i f. Kimi?
P ә r z a d. Xәdicәni....
Y u s i f (tәrәfә). Guya ki, mәn
bilmirәm. (Başını bulayır). Genә qoy
soruşum görüm....
(Pәrzad tәrәfә.) Pәrzad nәnә!
Bu nә xәbәrdi sәn mәnә verirsәn?
P ә r z a d. Atamın әrvahına and
olsun, oğlumun canıçün, belә gәlinim
ölsün ki, veriblәr gedibdir.
Y u s i f. Axı kimә veriblәr?
P ә r z a d. Nә bilim, bir
bığıyoğuna.... Deyirlәr belә, Şirvanda
әvvәlimci adamdır.
Y u s i f. Necә yәni әvvәlimci?
P ә r z a d. Nә bilim, deyirlәr
Şirvanın yarısı onundur, o qәdәr qoyunu,
malı, mülkü, maşı vardır ki, itinә dә
tök.... Deyirlәr belә
böyüklәr yanında da sözü ötkün,
qılıncı kәskindir.... Hamı deyir ki,
Xәdicә qızıl mәdәninә
düşübdür....
Hanı bir belә qapı, mәnim qızıma da
açılaydı!....
Y u s i f (tәrәfә, fikirli).
Dövlәtli!.... Demә
genә gop vurubdur.... (Pәrzada tәrәf.) Әgәr
dövlәtә görәdir, Xәdicә
dövlәtә aldanıb getmәz.
P ә r z a d. Yusif bәy! Qadan
ürәyimә, belә şeyi demә. Arvadın
kökü kәsilsin, arvad pulsuz kişini sevmәz.... Sәn, doğrudur, oxuyubsan, amma vallah,
arvad tayfasını tanımırsan. Mәn
yaxşı tanıyıram, mәnim oğlumu
dәrdәcәr elәyәn arvad deyilmi?
A bu gәlinlәrin boynuna ip
ölçüm, a bunlar qırılsınlar!
Y u s i f (tәrәfә). Yazıq, elә
gәlinindәn dәm vurur. (Pәrzada). A Pәrzad
nәnә! Gәlinin görünür sәni çox
incidir?
P ә r z a d. Bıy, onun görüm
şamını qara boyuyum! Elә ki, oğlumun
beş-altı şahı pulu var, başına dolanır.
Elә ki, yoxdur, biçarәnin balasının yediyi
çörәyi burnundan gәtirir.... Әbәs
yerә, Yusif bәy, arvad sözünә inanma,
başına çarә qıl ki, iş-işdәn
keçibdir....
Y u s i f. Axı, nә çarә
qılım? Hәrgah qızı mәnә vermirlәr,
mәn küclә
almayacağam ki? (Tәrәfә.) Dilim deyir, ürәyim
yox.
P ә r z a d. Necә ki, nә
çarә?.... Puluna qızırqalanma, belә dua
yazdır, kitaba baxdır.
Y u s i f (tәrәfә). Qәribә
avam-avam danışır. (Pәrzada.) Sonra nә olsun?
P ә r z a d. Heç, nә olacaq?
Cadıynan oğlanın da ürәyin bağlat,
qızın da.
Y u s i f. Pәrzad nәnә! Bunlar
hamısı boş işdir. (Durub gәzinir,
tәrәfә.) Çıxıb getmәz evi
yıxılmışın qızı. İndi dә
cadubazlıq ilә mәşğul olacayıq. (Fikrә
gedir. Qulu içәri daxil olur.)
ONUNCU GӘLİŞ
Yusif, Pәrzad, Qulu.
P ә r z a d. Әbәs yerә
fikrә-zada getmә. Bu iş çox az pula başa
gәlәr.
Q u l u. Ağa Niyaz bәy sizi görmәk
istәyir.
Y u s i f (tәәccüblә).
Niyaz bәy?
Q u l u. Bәli.
Y u s i f (tәrәfә).
Pәrvәrdigara! Görәsәn nә ittifaq üz
veribdir. (Mizin üstünü tәmiz edir. Quluya
tәrәf.) Ay gәdә, oraları yığışdır, de,
buyursun. (Qulu dişqarı çıxır.)
P ә r z a d (durur). Mәn dә gedim, salamat
qal. Amma dediyimi elә, cavansan, yazıqsan. (Gedir).
Y u s i f
(kitabları duzәldir). Sağ ol!
(Niyaz bәy daxil olur.)
ON BİRİNCİ GӘLİŞ
Niyaz bәy vә Yusif.
N i y a z b ә
y. Sәlamәleyküm, Yusif bәy!
Y u s i f. Xoş gәlibsiniz,
әylәşin. (İkisi dә
әylәşirlәr.)
N i y a z bәy.
Yusif bәy! (Yusif xәcalәtdәn jepә baxır.)
Mәn çox tәәccüb edirәm ki, bu
vaxtadәk siz öz dost-düşmәninizi
tanımırsınız....
Mәnim burada sizinlә açıq
danışmağım әbәsdir.... Ümidvaram ki,
mәn dediyimi başa düşәrsiniz.
Y u s i f (başı aşağı).
Bәli....
N i y a z b ә
y. Amma, bağışlayınız, mәn sizә
nәsihәt edirәm.
Y u s i f. Niyaz bәy! Mәn sizi başdan
özümә böyük bilmişәm. Ona görә
nә buyursanız, mәn sizin qulluğunuzdan
çıxmaram....
N i y a z b ә
y. Çox sağ ol, әzizim! Bu iş sizin üçün
gәrәkdir dәrs olsun. Adam hәr bivәfa adama
çörәk verib özünә rәfiq etmәz.
Yaxşı ki, mәn işi bir az uzadıb qızın ata
vә anasını inandırmışam ki, Şamdan
әsla layiq deyil ki, ona qız veriblәr.
Y u s i f (başını qaldırıb).
Necә ki?!
N i y a z b ә
y. Şirvandan onu tanıyan adam gәlib vә mәn
hәtta kağız almışam. Görünür,
çox nanәcib vә bәdәsil adamın
biriymiş.... Bunu yәqin
edәndәn sonra fikirlәrini dәyişib yenә
әvvәlki fikirdә oldular....
Y u s i f (gedib Niyaz bәyin әlindәn
öpür vә Niyaz bәy ona xeyir-dua verir). Niyaz bәy,
әvvәldәn axıradәk mәnә ata
yerindә olubsunuz vә tәvәqqe edirәm ki,
mәni bağışlayasınız. Çünki
mәnim bu işimdә çox zәhmәt
çәkibsiniz.
N i y a z b ә y
(ayağa durur, әlini Yusifin çiyninә qoyub). Xudavәndi-alәmdәn
istәyirәm ki, hәr ikiniz ömrünüzü
xoşbәxtliklә keçirәsiniz! Vә yaman
adamın dostluğundan allah sizi saxlasın! Dәxi mәnim bir
sözüm yoxdur, ancaq tәvәqqe edirәm ki,
hazırlaşıb bir hәftәyәdәk toy
edәsiniz....
Y u s i f (baş әyib). Çox
mәmnunәm.
N i y a z b ә
y. Dәxi mәn gedim. (Әl verir.) Salamat qal!
(Çıxır.)
Y u s i f (qapıyadәk dalınca gedir).
Xoş gәldiniz. (Gәlә-gәlә). Niyaz bәyin
mәnim boynumda çox haqqı vardır. Of ... allah! Nә
xoş xәbәrdi, mәn eşitdim!.... Neçә gün idi
gözümün yaşı tökülmәkdәn
qurumuşdu.... Başım fikirdәn az qalırdı
çatlasın. Neçә dәfә
istәmişәm özümü hәlak edәm....
Çox şükür, çox şükür ki,
xoşbәxtlik yenә mәnim üzümә
güldü!....Zalım oğlu
özünü qәribә pis qәlәmә verdi!
(Fikir edir.) Cәzasıdır, qoy çәksin!
Ümidvaram ki, bundan da pis günә düşә....
(Fikrә gedir.)
(Murad tez içәri daxil olur)
ON İKİNCİ GӘLİŞ
Murad vә Yusif.
M u r a d. Yusif! Muştuluğumu ver, iş
düzәlibdir.
Y u s i f
(gülә-gülә). Sәn ver, mәn
sәndәn tez bilmişәm.
M u r a d. Sәn mәnim canım!?
Y u s i f. Sәnin canın üçün.
M u r a d. Hardan bildin?
Y u s i f. İndicә qızın
dayısı gәlmişdi, o dedi.
M u r a d. Niyaz bәy?
Y u s i f. Bәli.
M u r a d. Sәndә xәbәr
varmış. De görüm, nә söhbәt etdi?
Y u s i f. Söhbәt çox oldu, sonra
danışarıq....
Xülasә, nә istәyirsәn, iş
qurtarıbdır. Bir hәftәdәn sonra toydu.
M u r a d (әlini-әlinә vurur). Ay can!
Amma o zalım oğlunun acığına gәrәk bir
iş edәk ki, utandığından ölә.
(Bu vaxt Rza bәy, Heydәr bәy,
Nәcәf bәy, Rәsul vә Sultan daxil olurlar.)
ON ÜÇÜNCÜ GӘLİŞ
Rza bәy,
Heydәr bәy, Nәcәf bәy, Rәsul, Sultan, Murad
vә Yusif.
R z a b ә y.
Sizә demәdim, Murad indi orada olacaq?
H a m ı s ı. Salamәleyküm.
(Yusifә vә Murada әl verirlәr.)
H e y d ә r bәy. Yәqin muştuluq
almağa gәlibdir. (Hamı gülür).
M u r a d. Elә ondan ötәri
gәlmişdim, amma Yusif qabaqladı.
H a m ı s ı
(Yusifә tәrәf). Necә ki?
Y u s i f (gülә-gülә). Niyaz bәy
buraya gәlmişdi, o dedi.
H a m ı s ı. Çox yaxşı!
Y u s i f. Әylәşiniz. (Hәrә bir
stul ustә oturur.)
R z a b ә y.
Bәli, indi toya hazırlaşmalıdır.
H a m ı s ı. Әlbәttә,
әlbәttә.
H e y d ә r b
ә y. Keçәn gecә İsrafil bәylә
qәstindә әylәşmişdik. Balkonda qilü-qal
düşdü, gedib görürük, aşnamız
Şamdan qәstin yiyәsi ilә dava edir.
Söhbәtlәrindәn belә mәlum oldu ki,
neçә gündür qәstindә yeyib-içib, indi
pul istәyirlәr, deyir yoxdur. Qәstin sahibi dә
şәlәsini dalına verib qovaladı.
H a m ı s ı. Ay nә olubdur!
N ә c ә f
b ә y. Hәlә bundan da pis gün
görәcәkdir.
H a m ı s ı. Qoy görsün,
әmәlinin meyvәsidir.
R ә s u l. Dünәn dә bizә
gәlibmiş. Evdә olmamışam.
H a m ı s ı. Hә ... Hә ... Genә
yavuqlaşmaq istәyir....
Görükür, başına dәyibdir....
R z a b ә y.
Hәlә onun pis günü daldadır, qoy bir toyu
elәyәk. Doğrudan, Yusif, toy nә vaxtdır?
Y u s i f. İnşaallah, bir hәftәyәdәk!
H a m ı s ı. İnşaallah!
R z a b ә y
(Murada). Sәn allah, Murad, toy üçün bir şer yaz
oxuyaq.
H e y d ә r b
ә y. Hәqiqәt, Nәcәf bәyin toyunda ki,
yazmışdın, bir elәsini yaz görәk.
M u r a d. Hazır varımdır. Bir
yaxşı hava ilә oxumaq olar.
R ә s u l. Yanındasa, görәk necә
şeydir.
H a m ı s ı. Doğrudan, bir bax
görәk.
M u r a d (әlini qoynuna salıb
çıxarır.) Budur, tapdım. (Hamı gedib onun
yanına kağıza baxır).
R z a b ә y.
Bir oxu görәk, necә şeydir?
M u r a d. Hamısını hәlә
qurtarmamışam.
H e y d ә r b
ә y. Zәrәri yoxdur, oxu görәk necә
şeydir.
(Murad oxuyur.)
H a m ı s ı. Bәrәkallah! İndi
qoyun hava ilә oxuyaq.
(Myrad qabaqda oturub, onlar dalda, oxuyurlar).
Gecә aydın, yuxum gәlmәz
yatmağa,
Gül üzündәn yarım qoymaz
dadmağa, hay dadmağa,
Bülbül düşüb ayrı
güldәn, çöllәrә,
Necә deyim dәrdimi mәn ellәrә,
hay ellәrә.
İnsan gәrәk ağa olsun dilinә,
Gәtirmәsin heç vaxt pis söz
dilinә, hay dilinә.
Yaxşı olmaz yoldaşlıqda
xәyanәt,
Tutar çörәk gözlәrini
hәmәvaxt, hay hәmәvaxt.
PӘRDӘ
DÖRDÜNCÜ MӘCLİS
Hacı İbrahimin bağçası,
ortalıqda miz, mizin kәnarında kürsülәr.
Bağçada qaranlıqdır. Şamdan bәy dәli
halәtindә, tәk bağçada gәzinir, köhnә paltarda,
başı açıq, qorxa-qorxa danışır.
Ş a m d a n (әtrafa baxa-baxa). Yaxşı
vaxt tapıb gәlmişәm ... heç kәs mәni burada
görmәz.... Yusif
Xәdicә ilә hәr axşam burada çay
içirlәr. Bu ağacın dalında gizlәnib
gәlәndә ikisini dә burada gәrәk bu
(xәncәr әlindә) xәncәr ilә öldürüm....
Qoymaram Yusif mәnim çörәyimi әlimdәn
alsın.... (Birdәn diksinir.)
Vay! (Әtrafa baxır.) Gәrәk ki, gәlәn var....
(Bir az fikirdәn sonra.) Yox, heç kәs yoxdur. (Gedib bağçadan
Yusif olan evә baxır.) Ax, namәrd! Әlimdәn
dövlәti yaxşı aldın, dәdәmә od
vurdun.... Bax, Xәdicә
çıxdı... Sәnin
boyuna qurban!... Dәrdindәn
gör mәn nә hala düşmüşәm... Yox, Xәdicә deyilmiş.
(Gәzinir. Bir az fikirdәn sonra.) Pәrvәrdigara! (Әtrafa baxır.) Mәn nә
sәbәbә buraya gәlmişәm?.... (Fikrә gedir.) Hә ...
Hә.... (Bәrkdәn.)
Gәrәk öldürәm....
Onları öldürәndәn sonra özümü
dә öldürrәm....
Çünki bundan da pis gün görmәk
istәmirәm.... Bundan sonra
qalıb nә edәcәyәm?.... Yemәk yox, içmәk yox, dost
yox, aşna yox.... Hamı
mәndәn qaçır....
Sәbәbi? (Fikir. Bәrkdәn diksinir.) Vay,
gәldilәr....
(Qaçıb gizlәnir. Әtrafa baxır.) Yox,
gәlәn yoxdur....
(Üstünә baxır vә әli ilә
әtrafı yoxlayır.) A
kişi, insafdır ki, belә xoşbәxtliyi
әlindәn verәsәn?....
Gәlәsәn bu bağçaya od vuram? Onda
hamı tökülüb gәlәcәk.... Qarışığa salıb
hamısını öldürәrәm. Uf, nә
bәdbәxt oldum.... (Tez-tez
diksinib dәli mәqamına gәlir.) Hә.... Gәlir!.... (Ağacın dalında gizlәnir.)
Qoy gәlsin.... Oturanda.... Mәn dalından başını
kәsib ataram. (Yavaş
danışır, guya
gözünә Yusif görünür.) A.... Yaxşı әlimә
düşübsәn. (Guya Yusif gәlib oturur. Şamdan
yavaşdan xәncәri qaldırıb vurur.) A....
İndi qal yerindә.... (Gәlib baxır, guya
ölübdür.) Mәn indi nә edim?.... Ha?....
(Özünü itirir.) Yox....
(Bәrkdәn qışqırır, özünü
tamam itirir.) Mәn ...
mәn....
(Xәncәri öz qarnına vurub ağacın dibindә
yıxılır.) Uf!.... Uf!.... (Ölür.)
ӘVVӘLİNCİ GӘLİŞ
Qulu әlindә çıraq
bağçaya gәlib mizin üstünü çay
içmәkdәn ötәri hazır edir vә
qeyrilәri bağçada elә gәrәk gәzsinlәr
ki, guya Şamdanı görmürlәr.
Q u l u (tәk, danışa-danışa mizin
üstünü hazır edir). Xәdicә xanım
görükür, Yusif bәyi çox istәyir. Lap onu
uşaq kimi bәslәyir. Yaxşıca
yatmışdım, gәlib durquzur, deyir ki, get, samovarı
bağçada hazır elә, indi Yusif ağa
gәlәcәkdir, çay içsin. Deyirәm, ay
xanım! Axı niyә evdә içmir? Deyir ona
bağçada xoş gәlir. Nә bilim, vallah, evdә
Yusif ağa yatanda hamıya deyir ki,
dırnağınızın üstә gәzin ki, onu
durquzmayasınız. Sәhәr dә duranda evdә
nә ki qulluqçular var, gәrәk onun qabağında
sluşi duralar, ta ki, o, qulluğa gedә. Arvad da
deyәndә belә olar. Mәn yanı deyirdim ki,
mәnim dә arvadım var. Yaxşı oldu öldü!
Gorbagor qızı sәhәr durub mәni
öpmәkdәnsә iki qapaz da başıma vururdu,
vurha-vurha! (Gedib samovarı gәtirir.) Gözümdә
qaldı, bir gün oturub saqqalıma hәna yaxa. Görüm
gorbagor olsun, necә ki, oldu! O gün Yusif ağa deyir ki,
"sәnә arvad alacağam". Deyirәm ki, allahı
sevirsәn, ağa, bu fikrә düşmә. Ondan
ötәri ki, әvvәl genә canım vardı, arvadın
qapazına dayanırdım. İndi başıma arvad qapaz
salsa, dişdәrim qarnıma gedәr. Qocası olsa,
genә yaxşıdı, hәr deyәndә döymәk
olar. Amma Nazlı kimi olsa, әrinin saqqalını yolan kimi
mәnimkini dә yolar.Yox, istәmirәm.... Arvadsız da
yola gedәrәm.... (Birdәn әlindәn stәkan düşüb
sınır.) Vay! Gör sәn allah, mәn arvadı
neylәyirәm: әlim titrәyir, başım
titrәyir, bir ayağım burda, birisi gorda.... Bunları
yığışdırım. (Stәkanın
qırıqlarını yığır. Nazlı
әlindә şәkәrdan, bir dә çaynik
içәri daxil olur vә Qulunu belә görüb
acıqlı deyir).
İKİNCİ GӘLİŞ
Qulu vә Nazlı.
N a z l ı. Ay әli qurumuş, bunu nә
üçün sındırdın?
Q u l u (acıqlı baxır). Әlin dә
qurusun, dilin dә. Mәn ki, sındırmadım,
özü düşdü....
N a z l ı. Yalansa üzünü
mürdәşir yusun!
Q u l u. Mürdәşir sәnin
әzizdәrini yusun!
N a z l ı (gәlib әlindәn
dәsmalı alır vә stәkanları başlayır
silmәyә, Qulunu itәlәyir). Get, rәdd ol. Ver
mәnә, sәn get çörәk gәtir. Gör
çörәyi dә salıb dağıda
bilәrsәnmi? (Qulu acıqlı baxa-baxa gedir.)
Q u l u. Kökün kәsilsin. (Gedir.)
N a z l ı. İmansız oğlu ancaq yatmaq
bilir. İş dә deyәndә adamı yarıtmaz.
İndi mәn Xәdicә xanıma nә cavab verәcәm?
(Çaynikә su açır.) Ah.... Bu da bir iş imiş! Bu gecә
vaxtında bağda oturub çay içmәk nәdir?
Qaranlıqda göz-gözü görmür....
(Qulu tәlәsmiş әlindә
çörәk gәlir.)
ÜÜÇÜNCÜ GӘLİŞ
Qulu vә Nazlı.
Q u l u. Tez ol, ağa da, xanım da bu saat
gәlirlәr. (Nazlı tәlәsib nәlbәkinin
birini salıb sındırır.)
N a z l ı. Bay, evin yıxılsın!
İmansız o qәdәr tәlәsdirir ki,
nәlbәkini dә sındırdım.
Q u l u. Canın çıxsın, bәrk tut.
N a z l ı. A sәni görüm
yarımayasan. Sәn olmasaydın mәn dә
sındırmazdım, elә tәlәsdirirsәn ki, adam
bilmir nә elәsin.
Q u l u. Çox danışma, tez ol yığ,
görmәsinlәr. (Tәrәfә baxır.) Odu,
gәlirlәr.
(Nazlı tez hәr şeyi hazır edir.
Xәdicә içәri daxil olur, çәkilib
kәnarda dypup.)
X ə d i c ə. Aj Qulu! Get Yusif ağana de ki,
çay hazırdır, gәlsin. (Oturur).
N a z l ı. Xanım, gәdәn salıb
istәkanı da, nәlbәkini dә sındırdı.
X ә d i c ә. Nә edәk,
görünür yazıq qocalıb, gözlәri
görmür. (Xәdicә Yusif üçün çay
tökür. Nazlı gedir vә o saat Yusif daxil olur.)
DÖRDÜNCÜ GӘLİŞ
Xәdicә vә Yusif.
Y u s i f (gәlib әylәşir). Bu
gün qәzetdә oxuyub görürәm ki, bir
şәhәrdә mәhәbbәtdәn bir
ayın әrzindә iyirmi adam ölübdür.
X ә d i c ә. Övrәt, ya kişi?
Y u s i f. 15 kişi, 5 övrәt. (Çay
içir.)
X ә d i c ә (özünә çay
tökür). Hәqiqәt, mәhәbbәt edәn
şeyi heç bir şey edә bilmәz.
Y u s i f. Bunların ölmәklәrinә
sәbәb sәbirsizlikdir.
X ә d i c ә. Yusif demә heç,
vallah, insan bir halәtdә olur ki, heç tab
gәtirmәyә sәbir qalmır.
Y u s i f. Doğrudur. Amma sәni
inandırıram ki, hәrgah bizdә sәbir olmasaydı,
biz dә bәdbәxt olmuşduq.
X ә d i c ә (gәlib Yusifin yanında
әylәşir vә әlini әlinә alır).
Sәnin canın üçün elә ki, iş aşkar
oldu vә bildim ki, biinsaf oğluna söz veriblәr,
neçә dәfә istәmişәm
özümü hәlak edim. Yenә demişәm qoy
görәk axırı necә olacaqdır.
Y u s i f. Mәn dә elә fikirlәr
ilә özümü saxladım.
X ә d i c ә. Hәrçәnd bu yolda
çox göz yaşı tökmüşәm, amma
yenә allah-taala hamını belә arzusuna yetirsin,
necә ki, bizi.
Y u s i f. Xәdicә! Mәhәbbәt,
hәqiqәt, yaxşı şeydir: danışmayanı
danışdıran, çirkini gözәl edәn,
qorxağı ürәkli edәn mәhәbbәtdir.
X ә d i c ә. Ağıllını da
dәli!....
Y u s i f. Bәli, o intiha
dәrәcәsidir. (Çay içir. Qulu gәlir.)
BEŞİNCİ GӘLİŞ
Qulu, Xәdicә Yusif.
Q u l u. Ağa, vallah bu Nazlı mәnә
göz verir, işıq vermir. Gәlib orda bir dava-qalmaqal
salıbdır ki, heç olmayan kimi....
Y u s i f. Nә istәyir?
X ә d i c ә (gülә-gülә).
Görünür, stәkan-nәlbәkini
sındırmağın üstә.
Y u s i f. Qulu sındırıbdır?
Q u l u. Xeyr, canım! Stәkanı mәn
sındırmışam, nәlbәkini o özü.
X ә d i c ә. Ha ... Ha.... (Gülür.) Hamısını
sәnin üstünә atıbdır.
Q u l u. Di gör, cən allah!
(Nazlı içәri daxil olur.)
ALTINCI GӘLİŞ
Nazlı vә qeyrilәri.
N a z l ı. Xanım! Niyaz bәy gәlib
deyir ki, әgәr çay varsa, gәlim içim.
X ә d i c ә. Var, de gәlsin.
Y u s i f. Ay qız, bu Qulunu nә
üçün incidirsәn?
N a z l ı. Mәn neylәmişәm?
X ә d i c ә. İndi gәlib sәnin
әlindәn şikayәt edirdi.
Q u l u. Vallah xanım, başıma da bir qapaz
salıb. İndi dә başım ağrıyır.
Y u s i f ,X ә d i c ә.
(gülürlәr). Ha!.... Ha!....
N a z l ı (Quluya). Yavaş, gözünün
ikisini dә çıxardacağam....
Y u s i f. Yaxşı, bәsdir. (Nazlıya.)
Get Niyaz bәyә de gәlsin. (Nazlı gedir).
X ә d i c ә (Quluya). Ay Qulu, sәn onun
sözünә baxma, o cavandır, sәn qoca, ona niyә
qoşulursan?
Q u l u. Vallah, ay xanım! Mәnim onnan işim
yoxdu, özü dә hәmişә mәnә
sataşır. Yatıram, gәlir deyir dur, dururam, deyir otur.
Otururam, deyir dur, iş gör. İşlәyirәm, deyir
sәn bacarmırsan. İşlәmirәm, deyir
tәnbәlsәn. Axı, mәn başıma nә
daş salım.... Dünәn
dә gedib Nigar xanıma şikayәt elәyir ki, mәn
plovun qazmağını altından çıxardıb
yemişәm. O da bu sözә inanmayıb ağzına
gәlәni ona deyibdir.
Y u s i f. Yaxşı, bәsdir, get.
Q u l u (gedә-gedә). Nazlının
işini yaxşı xarab elәdim!....
YEDDİNCİ GӘLİŞ
Niyaz bәy vә qeyrilәri. Yusif vә
Xәdicә yerlәrindәn dururlar.
N i y a z b ә y
(Yusifә). Qәribә lәzzәt
aparırsınız!
Y u s i f. Necә ki? (Xәdicә çay
tökür.)
N i y a z b ә
y. Dәxi necә olacaq? Belә gecәdә, bu
bağçanın içindә oturub
çay-içmәk nәyә desәn dәyәr.
X ә d i c ә. Elә dә pis
öyrәnibdir, ay dayı, evdә iki stәkan
içәndә burada dördünü içir. (Niyaz
bәyә çay verir.)
Y u s i f. Hәqiqәt, elәdir.
N i y a z b ә
y. Elә dә gәrәk olsun. (Fikir.) Tәzә
xәbәr eşidibsinizmi?
X ә d i c ә,Y u s i f. Yox nә var?
N i y a z b ә
y. Şamdan dәli olubdur....
(Xәdicә danışmayıb
tәәccüblә Niyaz bәyә baxır.)
Y u s i f. Jox, ha?
N i j a z b ә
j. Sizin canınız üçün.
Y u s i f (fikrә gedir). Kim dedi?
N i j a z b ә y
(çay içә-içә). Mәn özüm
gördüm.
X ә d i c ә. Harda?
N i j a z b ә
j. Dünәn bazardan keçirdim. Bir dә gördüm ki,
biri meydanın ortasında durubdur vә xalq dә
başına yığılıb. Yavuq gedib
görürәm ki, bir cındır paltarda
üzü-gözü torpağa bulaşmış adamdır.
Diqqәtlә baxıb görürәm ki, hәnuz
özü.... Yazığım gәldi. Amma qoy hәlә
bu gündә olsun ki, qәbahәtini anlasın.
Y u s i f. Yәqinimdir ki, indi başa
düşübdür vә çox da peşmandır.
Elә ki, mәn onu tanımışam heç kәs
tanımaz. İnandırıram sizi ki, hәrgah bir dә
fәnd bağlaya, çox işlәr körәr.
N i j a z b ә
j. Jox.... Dәxi ölәn
yeridir ki, ölübdür. A kişi, bilmirsәn bu zalım
oğlu dünyanı bir-birinә necә vurdu.
(Nazlı gәlir.)
SӘKKİZİNCİ GӘLİŞ
Nazlı vә qeyrilәri.
N a z l ı. Xәdicә xanım, sәni
Hacı ağa çağırır. (Xәdicә gedir).
N i y a z b ә
j. A kişi, mәnim vә Hacı İbrahimin yanında bir
cürә söhbәt edibdir ki, lap quruyub qalmışam.
Y u s i f. Haçan?
N i j a z b ә
y. Pәh.... Görükür xәbәriniz yoxdur. Qıza
hәlә elçi göndәrmәmişdәn
әvvәl Hacı eşitmişdi ki, qızı
istәyir. Bunu bir gün qonaq çağırıb
istәyir ki, iidi bundan söz alsın. Mәnim yanımda
özünü bir dәrәcәyә
çıxartdı ki, özüm dә mat qaldım.
Y u s i f. Yaxşı, nә deyirdi ki?
N i y a
z b ә j. Dәxi iә deyәcәk. Deyirdi ki, belә basdım, belә kәsdim. Nә bilim, qubernator mәnim xatirimi belә istәyir, filan knyaz mәni belә qonaq elәdi, filan xan mәnimlә belә rәftar elәdi. Sizin canınız
üçün, mәn onun yerinә qızarmışam.
Y u s i f.
Hacı da, görükür, inanıbdır.
N i y a
z b ә y. Bәs nәdir. Elә gedәndәn sonra mәnә deyir ki, gördün necә hünәrli oğlandır. Buna
qızımı vermәyib kimә
verәcәyәm. Sonra da bu iş aşkar olandan sonra
özü mәni
çağırıb deyir ki, mәn böyük sәhv etmişәm. A kişi, tәәccüb orasıdır ki,
özü yalan deyir öz yalanına da özü inanır.
H a m
ı (gülürlәr). Ha! Ha! Ha!
(Hacı İbrahim, Nigar vә Xәdicә
daxil olurlar.)
DOQQUZUNCU GӘLİŞ
Yusif, Niyaz bәy, Hacı İbrahim, Nigar
vә Xәdicә.
H a c
ı İ b r a h i m. Yenә nә var, gülürsünüz? (Yusif vә Niyaz bәy ayağa dururlar.)
N i y a
z b ә y. Heç....
H a c
ı İ b r a h i m. Doğrudan
nә var? (Hәrәsi bir kürsü üstә әylәşir.)
N i y a z b ә
y. Zalım oğlunun sözünü danışırıq.
N i g a r.
Şamdanınmı?
Y u s i f. Bәli.
N i g a r.
A bala, Xәdicә, ağana çay tök. Evdә içmәdi ki, gedәrәm bağçada içәrәm.
H a c
ı İ b r a h i m. Allahı
sevirsiniz, qoyun qalsın. Öz bәlasını allah ona veribdir. Mәn bircә Yusif bәyә tәәccüb edirdim ki, ona necә aldanıb, halbuki neçә vaxt da onunla dostluq edibdir.
N i y a z b ә y. Söz odur, hünәr elә gәrәk.
Y u s i
f b ә y. Xeyr, xeyr.... Bir hünәr istәmәz ki, bu aşkar şeydir. Mәn on il bundan müqәddәm onunla bir yerdә oxumuşam. Vә oxuyan vaxtda mәnim hәqiqәt, bununla yeyib-içmәyim bir yerdә olubdur vә bir elә ittifaq da düşmüyübdür
ki, mәn onu әmәlli tanıyam. Zira ki, oxuyan zaman da zindәganlığımız
uşaq zindәganlığı
kimi keçibdir, fikrimiz ancaq oxumaqda olubdur. Bu zalım oğlu
on ildәn sonra gәlib. Dәxi mәn nә bilim ki, bu nә tövr adamdır.
H a c
ı İ b r a h i m. Bәli, adam tanımaq çox
çәtindir.
N i g a r.
Sәnin
özün dә
ona lap aşiq olmuşdun.
N i y a
z b ә y. Mәn ki, onu elә gördüm, çox adamın evini
yıxardı.
X ә d i c ә (әlindә stәkan istәyir Şamdan tәrәfә su töksün. Birdәn onu uzanmış
görüb bәrkdәn çığırır
vә stәkanı әlindәn buraxıb). Vay!
(Bu vaxt
qeyrilәri gәlib Xәdicә duran yerә, ölünü görüb
hamısı heyran qalırlar vә Yusif baxıb deyir.)
Y u s i f.
Axırda bu günә düşmәyin tәbiidir....
Yaman dil başabәladır! Xain vә yalançı bir adamın aqibәti belә olur. Bu zavallının mәhv olmağına sәbәb nә oldu? Camaatın ittifaqı! Belә bir ittifaq ilә yaman vücudlardan
topsuz-tüfәngsiz
xilas olmaq hәmişә mümkündür....
PӘRDӘ