İnqrid Şindlbekin “Azərbaycanda qohumluq, ailə və din” kitabının sayəsində biz öz milli adət-ənənələrimizə avropalı gözü ilə baxa bilirik.(Ətraflı)

Martın 12-də M.F.Axundov adına Azərbaycan Milli Kitabxanasında Avstriya Təhsil, Еlm və Mədəniyyət Nazirliyinin mədəniyyət müəssisələri üzrə baş dirеktoru xanım B.Bök, muzеy məsələləri üzrə mütəxəssis xanım Dr.Doris A.Karnеr, Avstriya Milli Kitabxanasının baş dirеktoru xanım Y.Raxingеr və  Avstriya Milli Kitabxanasının bеynəlxalq əlaqələr üzrə dirеktor müavini xanım Еd Hötеr ilə görüş kеçirilmişdir.  Azərbaycan Milli Kitabxanasında olan qonaqlar  kitabxananın iş strukturu ilə tanış olmuş, şöbələrin qarşısında duran vəzifələrlə maraqlanmışlar. Avstriyalı oxucuların Azərbaycanın tarixi, mədəniyyəti, adət-ənənələri ilə maraqlandığını qеyd еtmişlə2005-ci ildə hər iki ölkənin Milli Kitabxanaları arasında bağlanmış qarşılıqlı əməkdaşlıq haqqında müqaviləyə əsasən kitabxanalar mütəmadi olaraq bir-birinə müxtəlif kitab bağlamaları göndərirlər.

 Bu gün kitabxananın xarici ədəbiyyat zalında bu məqsədlə 3 adda sərgi təşkil olunmuşdur:

   1.Avstriya yazıçı və şairlərinin Azərbaycan dilinə tərcümə olunmuş əsərləri və Avstriya haqqında Azərbaycan dilində olan ədəbiyyat

   2.Avstriya yazıçı və şairlərinin rus  dilinə tərcümə olunmuş əsərləri (Moskva nəşrləri)

   3.Avstriya Milli Kitabxanasının iki il öncə Azərbaycan Milli Kitabxanasına hədiyyə еtdiyi ədəbiyyatın sərgisi.

Bu sərgidə həmçinin kеçən əsrdə Avstriyada Azərbaycana dair çap olunan, Azərbaycan Milli Kitabxanasının fondunda olmayan, 2004-cü ildə kitabxananın dirеktoru K.Tahirov tərəfindən ksеrosurəti çıxarılıb, Azərbaycana gətirilən ədəbiyyat da nümayiş olunmuşdur.

Martın 2-də Milli Kitabxanada görkəmli xalça ustası, Xalq rəssamı K.Əliyevin həyat və yaradıcılığına həsr edilmiş Esmira Fuadın “Azərbycan xalça sənətinin Kamili” kitabının təqdimat mərasimi keçirilmişdir. Tədbirdə Azərbycan Respublikası Mədəniyyət və Turizm Nazirliyinin Mədəniyyət Siyasəti şöbəsinin rəisi Fikrət Babayev, AMEA-nın Memarlıq və İncəsənət İnstitututun direktoru Rasim Əfəndiyev, Sənətşünaslıq doktoru, AMEA-nın baş elmi işçisi Kübra Əliyeva, “Vektor” Beynəlxalq Elm mərkəzinin direktoru Elçin İskəndərzadə, Müdafiə Nazirliyi Mətbuat İctimaiyyətlə Əlaqə Mərkəzinin rəhbəri Abdulla Qurbani, “Şərq” qəzetinin baş redaktoru Akif Aşırlı, Bakı şəhər İcra Hakimiyyətinin başçısının I müavini Naimə xanım  və digər qonaqlar iştirak edirdilər. Milli Kitabxananın direktoru K.Tahirov tədbiri açaraq sözü Fikrət Babayevə verdi. O öz çıxışında Azərbycan tətbiqi-dekorativ  incəsənətində K.Əliyevin ayrıca yeri olduğunu, Azərbycan xalçaçılıq sənətinin inkişafında onun xidmətlərindən danışdı. Sənətşünaslıq doktoru K.Əliyeva, AMEA-nın Memarlıq İncəsənət İnstitututun direktoru Rasim Əfəndiyev və digər çıxış edənlər Azərbycan xalçaçılıq məktəbində K.Əliyevin öz izi, öz üslübu olduğunu qeyd etdilər.

Azərbycan xalça sənətinin ən qədim ənənələrini davam etdirəcək bu xalçalara nəinki həyat verdiyini, çağdaş omamentli xalça janrının inkişafında əvəzsiz xidmətlərindən danışdılar.

  26 fevral 2007- ci ildə Azərbaycan Respublikasının Mədəniyyət və Turizm Nazirliyi ilə birlikdə M.F.Axundov adına Milli Kitabxanada Xocalı faciəsinin 15-ci il dönümünə həsr edilmiş anım günü keçirilmişdir.

Tədbirdə Azərbaycan Respublikasının Mədəniyyət və Turizm Nazirinin müavini Sevda Məmmədəliyeva, Azərbaycan Respublikasının Mədəniyyət və Turizm Nazirliyinin Mədəniyyət Siyasəti şöbəsinin rəisi Fikrət Babayev, yazıçı, Millət Vəkili Hüseynbala Mirələmov, yazıçı-publisist Zemfira Məhərrəmli, Azərbaycan Respublikasının Ombudsmanı Elmira Süleymanova və Bakı şəhərinin aparıcı kitabxanalarının nümayəndələri iştirak etmişlər.

Tədbiri giriş sözü ilə Kərim Tahirov açmışdır. Daha sonra Mədəniyyət və Turizm Nazirinin müavini Sevda Məmmədəliyeva çıxış edərək xalqımızın tarixində qanlı səhifə olan  Xocalı soyqırımından danışmış, o ağrılı günlərin Azərbaycan xalqının hafizəsindən heç vaxt silinməyəcəyini qeyd etmişdir.

Daha sonra çıxış edənlər bir daha qeyd etdilər ki, əsrin faciəsi olan bu hadisəni dünya ictimaiyyətinin diqqətinə çatdırılmasını daha da gücləndirilməli və bütün imkanlardan istifadə edilməlidir.

Çıxışlardan sonra tədbir iştirakçıları “Xocalı əsrin faciəsi” adlı geniş kitab sərgisinə baxdılar. Sərgidə 100-dən artıq kitab, jurnal, qəzet materialları toplanmışdır.

Tədbirin davamı Milli Kitabxananın akt zalında keçirilmişdir. Əvvəlcə Milli Kitabxananın saytında faciə ilə bağlı Xocalı səhifəsinə (www.anl.az), sonra isə dəhşətli günlərdən bəhs edən sənədli kino-lentə baxılmışdır.

Tədbirin sonunda Gənc Tamaşaçılar teatrının hazırladığı Hüseynbala Mirələmovun “Qan yaddaşı” əsərindən bir parçaya tamaşa edilmişdir.

19.01.07 tarixində M.F.Axundov adına Azərbaycan Milli Kitabxanasının sərgi zalında “20 yanvar-Yaddaşımızın qanlı səhifəsi” başlıqlı kitab sərgisi keçirildi.

Tədbiri giriş sözü ilə Milli Kitabxananın direktoru K.Tahirov açdı. K.Tahirov çıxışında bir daha dəhşətli gecəni qısaca olaraq xatırladı və üstündən 17 il keçməsinə baxmayaraq hələ də xalqımızın bu günü hörmətlə andığını qeyd etdi. Çıxışdan sonra söz Azərbaycan Respublikası Mədəniyyət və Turizm Nazirinin müavini, Milli Akademiyasının müxbir üzvü, professor Sevda Məmmədəliyeva və Kitabxana sektorunun müdiri Fikrət Babayevə verildi. Çıxışda qonaqlar gənclərimizi bu faciəni unutmamağa çağırdı və bu işdə Milli Kitabxananın rolunun böyüklüyünü bir daha vurğuladılar.

Daha sonra Milli Kitabxananın işçiləri X.İsmayılova və S.Məmmədli öz hisslərini şer parçaları ilə bildirdilər.

Tədbirin sonunda sərgiyə baxış keçirildi. Sərgidə qanlı faciəni əks etdirən 100-ə yaxın ədəbiyyatdan istifadə olunmuşdur. Ədəbiyyat siyahısına həmçinin qəzet və jurnal materialları da daxil idi.

Arxiv