Şərqdə geniş yayılmış müdrik bir atalar sözü var: "Zər qədrini zərgər bilər". Bax, ilk növbədə, bizə, müstəqillik yolunu tutmuş Azərbaycana belə zərgərlər lazımdır ki, ədəbiyyatı və mədəniyyəti öz doğma balaları kimi qorusun. O zərgərləri biz yetişdirməliyik. Əlbəttə, mədəniyyət öz ixtiyarına buraxılsa, daha sərbəst olar. Amma o, bir yerdən yapışıb yaşamalıdır.

***********

Ədəbiyyat - xalqın fıkri mənəvi oyanışına zəmin hazırlayan söz sənətini yaşatmaq lazımdır. Unudulmamalıdır ki, şairin də, bəstəkarın da rəssamın da balaları var, onlar da çörək, paltar istəyir. Uşağı doğulan kimi suya atsan, ölər, amma ona əvvəl üzməyi öyrətmək lazımdır, mədəniyyətə də belə qayğı gərəkdir.

***********

 XX əsr Azərbaycan poeziyasının tarixində ən aparıcı əsr kimi xatırlanacaq. XXI əsrə sizin dediyiniz mənada çox şair və şer gəlib çıxacaq. Əlbəttə, ola bilsin, ortabab bir şairin hər hansı bir şeiri də gələn əsrə gedib çıxacaq, bu da mümkündür. Təbii ki, Sabir, Rəsul Rza, Müşfiq, Əli Kərim kimi şairlərimiz XXI əsrdə daha tez-tez xatırlanacaqlar, amma bu o demək deyil ki, digər şairlərimizdən heç nə qalmayacaq.

***********

Mən öz ədəbi nəslimə minnətdaram. Təbii ki, onların içərisində istedadlısı da, is- tedadsızı da, qorxağı da, cəsuru da, bacarıqlısı da, bacarıqsızı da olub. Onların arasında öləni, dünyadan vaxtsız köçəni də var, vaxtında ölməyib indiyəcən yaşayanı da... Yaradıcılığından, yaşından qabağa gedəni də var; yerində sayanı, yaxud şeirdən tamam əl çəkəni də. Ömürdü, taledi bu. Onların varlığı mənim özümü dərk eləməyimə kömək edib. Hər kəs öz ömrünü yaşayıb.

***********

 Şəxsiyyət yaradıcılığın güzgüsüdür və hər bir şəxsiyyət öz ruhunun portretini yaradır. Əgər bu şəxsiyyət yoxdursa, yaradıcılıq da yoxdur və olmayacaq. Şəxsiyyətdə itən, əriyən, yoxa çıxan nə varsa, inanın, şeirdə də itəcək, əriyəcək, yox olacaq. Hər hansı şairin yaradıcılığına qiymət verəndə də birinci onun şəxsiyyətindən başlamaq lazımdır.

***********

Bütün insanlar ətrafı üçün işləyir, amma yazıçılar öz içi üçün... öz içində qazıntı aparır. Elə bil dağdı.

***********

Sənətdə həqiqət adına nə varsa qiymətlidir, ola bilsin, bu həqiqətin dərk olunması bir az uzun çəksin, amma sənətdə öz təsdiqiııi tapacaq.

***********

Ədəbiyyat, - xalqın fikri - mənəvi oyanışına zəmin hazırlayan söz sənətidir.

***********