1. Yerlərdə türkoloji komitələr təşkil etmək.
   2. Bu komitələrin vəzifələrinə aşağıdakılar daxildir:
   a) Türkologiyaya aid bütün materialları toplamaq, çap olunmuşların hesabatını aparmaq;
  b) Yerlərdəki bütün türk yazılı abidələrini toplamaq və siyahısını uçota almaq;
  c) Yerli dialekt və şivələri öyrənmək.
  3. Türk respublikalarının Xalq Komissarları yerli komitələrin çap işlərinə vəsait ayırmalıdır.
  4. Bütün yerli türkoloji komitələrin öz aralarında daimi maddi mübadilə və iş əlaqələri olmalıdır.
  5. Qarşılıqlı xidmət və türkologiyanın inkişafı üçün üç aydan bir çıxan müntəzəm toplular yaratmaq lazımdır. Materiallar bütün türk dillərində və Sovet Sosialist Respublikaları İttifaqının digər dillərində çap olunmalıdır. Çap işləri Azərbaycanı Tədqiq və Tətəbbö Cəmiyyətinin yanında aparılmalıdır.

  6. İttifaqın elmi müəssisələrinin, elmi işçilərinin elmi ekspedisiyalarda fəal iştirak etməsi üçün tədbirlər görmək lazımdır.
   7. Qurultay Sovet Sosialist Respublikaları İttifaqının Elmlər Akademiyasının qəbul etdiyi planı alqışlayır. Türkiyə və Berlin Akademiyasını yeni nəşr olunmuş V.V.Radlovun lüğətinə görə salamlayır və belə hesab edir ki, bu cür böyük elmi işləri dəstəkləmək lazımdır.
   8. Qurultayın bütün məruzələri hansı dildə oxunmuşdursa da, həmin
dildə də çap olunmalıdır. Onların rus dilinə tərcüməsi də vacibdir. Qurultay belə hesab edir ki, yaxşı olardı ki, protokolların qısa xülasəsi
fransız dilində də çap olunsun. Protokolların çapı üçün Azərbaycanı Tədqiq və Tətəbbö Cəmiyyətinin yanında üç nəfərdən ibarət komissiya
təşkil edilsin: Çobanzadə, Zifeld, Cəbiyev.
  9. Professor B.Çobanzadənin məruzəsi oxunmasa da, çap olunacaq protokola əlavə olunsun.