Ətraf mühitin mühafizəsi və ekoloji problemlərin həll edilməsi davamlı inkişaf üçün vacib amillərdən biridir. Azərbaycan Respublikası ekoloji sağlamlığın təmini, gələcək nəsillərə təmiz ekoloji mühitin ötürülməsi məqsədilə müvafiq addımlar atır. Azərbaycanın mövcud təbii-coğrafi şəraiti, zəngin təbii ehtiyatları ekoloji təhlükəsizliyinin daim diqqət mərkəzində olmasını tələb edir.

Son zamanlar ətraf-mühitin mühafizəsi istiqamətində IDEA (International Dialogue for Enviromental Action - Ətraf Mühitin Mühafizəsi Naminə Beynəlxalq Dialoq) İctimai Birliyinin fəaliyyəti danılmazdır. Təşkilat 2011-ci il iyulun 12-də Heydər Əliyev Fondunun vitse-prezidenti Leyla Əliyevanın təşəbbüsü ilə fəaliyyətə başlamışdır. Təşkilatın əsas məqsədi ətraf mühit məsələləri və fəaliyyətlər barədə ictimai maarifləndirmə, gənclərlə əməkdaşlıq, ətraf mühit problemləri sahəsində təhsil və onlar üçün düzgün realizə üsullarını tapmaqdır. Burada diqqətçəkən məsələ ondan ibarətdir ki, hər bir layihə gənc nəslin təşəbbüsü, iştirakı və rəhbərliyi ilə gerçəkləşir. Təşkilatın missiyası gənclərin regional və beynəlxalq səviyyədə real və virtual cəmiyyətlərinin yaradılması, ətraf mühitin qorunması ilə bağlı açıq dialoqlar vasitəsilə həmin cəmiyyətin inkişaf etdirilməsi, yerlərdə ekoloji maarifləndirmə işlərini həyata keçirmək üçün bu cəmiyyətin hər bir üzvünün lider kimi yetişməsini təmin etməkdir.

Qısa müddət ərzində təşkilat ölkə daxilində, həmçinin xaricdəki fəaliyyəti ilə uğurlara imza atır, həyata keçirdiyi müxtəlif layihələr və tədbirlərlə ekoloji şüurun formalaşmasına, ekoloji təhsilin artırılmasına xidmət edir. Belə ki, gənc ekoloqlar və adi tələbələr üçün ağacəkmə fəaliyyətləri, o cümlədən 5 qitə və 90 ölkədən 1200 iştirakçının qatıldığı “Yer Kürəsi uşaqların gözü ilə” uşaqlar üçün beynəlxalq fotomüsabiqə, “Hər kağızı bir yarpağa dəyişək” layihəsi 1-ci Azərbaycan Ətraf Mühit Forumu və digər müxtəlif layihələr birliyin əldə etdiyi nailiyyətlərdəndir. Həmçinin, 2011-ci ildə Qəbələdə baş tutan konfrans və 2012-ci ildə UNEP-in əməkdaşlığı ilə reallaşdırılan “Yaşıl həftə” konfranslar silsiləsi kimi beynəlxalq mütəxəssislərin iştirak etdiyi çoxsaylı konfrans və görüşlər beynəlxalq əməkdaşlığın genişləndirilməsi, dünyanın müxtəlif ölkələrindən olan gənc ekoloqların şəbəkələşməsini təmin etmişdir.

IDEA İctimai Birliyinin təşəbbüsü ilə 2014-cü il mayın 7-də ilk dəfə olaraq Qafqazın biomüxtəlifliyi üzrə Beynəlxalq Sammit keçirilib və tədbir çərçivəsində regionda bəbirlərin mühafizəsi məsələsi geniş müzakirə edilib.

2015-ci il ildə IDEA İctimai Birliyinin təsisçisi və rəhbəri Leyla Əliyeva BMT-nin Ərzaq və Kənd Təsərrüfatı Təşkilatının (FAO) xoşməramlı səfiri adına layiq görülmüşdür.

2017-ci ilin oktyabrın 16-da Bakıda IDEA İctimai Birliyi, Kənd Təsərrüfatı Nazirliyi və BMT-nin Ərzaq və Kənd Təsərrüfatı Təşkilatı – FAO-nun birgə təşkilatçılığı ilə Ümumdünya Ərzaq Gününə həsr olunan tədbir keçirilib.

Leyla Əliyevanın təşəbbüsü ilə 2017-ci ilin aprel ayından başlayaraq “Meyvə ağaclarının əkilməsi” üzrə layihəyə start verilib. Layihə çərçivəsində bölgələrdə meyvə bağları salınaraq, aztəminatlı ailələr, o cümlədən Qarabağ müharibəsi veteranı və şəhid ailələrinin təmənnasız istifadəsinə verilir.

Ekoloji cəhətdən təmiz və abad həyətlərin modelləşdirilməsi, yaşıllıqların bərpası, sağlam həyat tərzinin formalaşdırılması, sakinlər üçün təhlükəsiz və rahat yaşam şəraitinin yaradılması məqsədilə "Bizim həyət" layihəsi də uğurla icra edilir.

IDEA-nın təşəbbüsü ilə 2018-ci ilin aprel ayından başlayaraq "Yaşıllıqları bərpa edək" layihəsi çərçivəsində Abşeron və Bakı şəhərinin torpaq və iqlim şəraitinə uyğun ağacların əkilməsi planlaşdırılır.

Hal-hazırda IDEA ictimai birliyinin təşəbbüsü ilə respublikada 5 milyondan çox ağac əkilmişdir. O cümlədən ağacların kəsilməsinin qarşısının alınması tədbirləri, sahibsiz heyvanlar üçün sığınacağın təşkili, ekoloji tədbirlər və müsabiqələrin keçirilməsi, sənaye və məişət tullantılarının azaldılması istiqamətində layihələr həyata keçirilir.

LAYİHƏLƏR:

• Gənc ekoloqların beynəlxalq düşərgəsi (2011-ci il)

• “Yaşıl həftə” (2011-ci il)

• "IDEA yaşıl .Azərbaycan naminə" layihəsi (2012-ci il)

• "Green Corps” yay məktəbi (2012-ci il)

• Yaşıl söhbət klubu (2012-ciil)

• “Təmiz şəhər naminə!” III Yay Məktəbi (2012-ci il)

• "Arzuladığın gələcək" layihəsi (2012-ci il)

• Bakı Debat Forumu ”Yaşıl Düşüncə Kuboku-2012” (2012-ci il)

• "Quşlar üçün sığınacaq dizaym" müsabiqəsi (2012-ci il)

• Qız Qalası ətrafmda uzunqanad quşlarına altemativ yuvaların qurulması (2012-ci il)

• "Ekoloji dərslik" layihəsi (2012-ci il)

• “Mesajım Rio+20-yə çatdır” inşa müsabiqəsi (2012-ci il)

• Bioloji parçalana bilən paketlərin ictimai istifadəyə verilməsi (2012-ci il)

• Tullantıdan incəsənətə (2012-ci il)

• Daha yaşıl Azərbaycan üçün Bakı və Gəncə könüllüləri səfərbər oldu (2013-cü il)

• Gəncədə eko-velosiped layihəsi (2013-cü il)

• "Eko rəsm gündəliyi 2013" (2013-cü il)

• Ceyranların Güreüstan Respublikasma reintroduksiyası (2013-cü il)

• Sahilyanı təmizlik aksiyası (2013-cü il)

• “Ətraf mühit üçün təkrar istifadə” (2013-cü il)

• “Yer kürəsi uşaqların gözü ilə” gənclərin beynəlxalq fotomüsabiqəsi (2013-cü il)

• “Ümumrespublika Yaşıllaşdırma” marafonu (2014-cü il)

• “Eko Rəsm Gündəliyi 2014” beynəlxalq müsabiqəsi (2014-cü il)

• 3D eko qraffıti layihəsi (2014-cü il)

• “Ağacların kəsilməsinə yox!” proqramı (2014-cü il)

• Qafqaz Biomüxtəlifliyi Sammiti (2014-cü il)

• "Məhəbbət ağacı" layihəsi (2014-cü il)

• "EkoEv" (2014-cü il)

• Hər kağızı bir yarpağa dəyişək (2014-cü il)

• “Uğura gedən yol” (2015-ci il)

• "Uşaqlar üçün ekoloji laboratoriya" (2015-ci il)

• "Yaşıllıqların artırılması və keyfıyyətinin yaxşılaşdırılması" proqramı (2016-cı il)

• “Ətraf mühiti birgə qoruyaq” ekoloji tədris proqramı (2016-cı il)

• IDEA “Yaşıl söhbət klubu” (2016-cı il)

• Elmi mövzularda seminar və məşğələlər (2016-cı il)

• "Uşaqlar üçün ekoloji laboratoriya" (2016-cı il)

• “Ağacların kəsilməsinə yox!” proqramı (2016-cı il)

• “Hər kağızı bir yarpağa dəyişək" (2016-cı il)
  

• "Uğura gedən yol"

• “Ümumrespublika Yaşıllaşdırma” marafonu

• Ağacların kəsilməsinə yox!

• Uşaqlar üçün ekoloji laboratoriya

• “Bizim həyət” layihəsi çərçivəsində abadlaşdırılan növbəti həyət sakinlərin istifadəsinə verilib